Айтарым бар

Исатай Минуаров, әлеуметтанушы:

    Бала өз болашағына өзі жауапты. Тиісінше, мамандығын өзі таңдауы керек (бала өзіне не керегін біледі. Егер барлығы жоспар бойынша болмаса, бала ата-анасын кінәлайды). Қазір нарық соны сезген болуы керек, көптеген оқу орталығы “дұрыс мамандық таңдауға көмектесеміз” деген сервис көрсетуді бастады.

   Нарықта қандай мамандықтарға сұраныстың мол екенін анықтап алыңыз. Мамандықты таңдағанда өте ұқыпты болыңыз.

  “ЖОО-ға мектептен соң бірден түсу міндетті” деген психологиядан арылу керек. Шетелде Gap year деген ұғым бар. Gap year бір жыл болуы мүмкін, екі-үш жылға созылуы мүмкін. Бұл уақытты мектепті енді бітірген түлек өзінің не қалайтынын, жасырын потенциалын барынша анықтауға, приоритеттерді дұрыс қою жағын ойлануға пайдаланады. Есесіне, мектеп бітірген бала сол уақыт аралығында есейіп, аз да болса студенттік шақта туындайтын қиындықтарға, стреске дайын болады. Ал біздегідей балаға мектеп бітірген жылы бірден университетке түсуді міндеттеу дұрыс емес.

 

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны

Қазпочта арқылы 6 айға - 1740 теңге (қала үшін)

6 айға - 1920 теңге (аудандар үшін)

Редакция арқылы 6 айға - 1680 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Толыбай Абылаев 

Айдар Сайлауов 

Жүлдызай Қалиева


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Бейсенбі, 05 Қазан 2017 09:54

Жас ұстаздар жасампаздық жолында

| Автор:  
Материалға баға беріңіз
(0 дауыс)

   Кез келген мекеме еңбек өтілі ұзақ, көп­теген жерде жұмыс жасап жүрген бі-лікті маманды өзіне қызметкер ретінде қа­былдағысы келеді. Жас маманның жұ­мыс табуда ақсайтын тұсы да осы. Тап­қанның өзінде де мектеп ішіндегі жү­йе мен білім беру үрдісін жас маман бірден игеріп кете қоймайды. Жол сіл­тей­­тін, жөн көрсетіп, бағыт беретін көр­гені көп, көргендіктен де, көрегендіктен де сөз сөйлейтін ұстаздар бірен-саран. Білгенін үйретуге ерініп, керек кеңесті көрсетуге келіспей кежегесі кері тар­татындар да жоқ емес. Алайда, балаға бі­лім беруге немқұрайлы қарамайтын мек­теп ұжымдары өз білген тағылымдарын кейінгіге үйретіп бағуға тырысады.

    Осы ой тұрғысынан келгенде өзге­лер­ге үлгі боларлықтай іс жасап жүрген мектептер де жетерлік. Солардың бірі Арал қаласындағы №262 мектеп-гимназиясы. Аталмыш мектепте Гүлжайна Есенбаеваның игі іске ұйытқы болуымен "Келешекке нық қадаммен" атты дөң­гелек үстел ұйымдастырылды. Дөңгелек үстелдің діттеген дүниесі жас мамандардың дүниетанымын кеңейтіп, мұға­лім мамандығының қыр-сырын бүге-ші­гесіне дейін таныстырып беру. Сонымен қатар жеткен жетістіктер талқыланып, оған жету жолындағы жұмыстар жү­­йелі түрде өзгелерге үлгі боларлықтай ай­тылып өтілді. Ұлағатты ұстаздар жиналған айтулы шара мектеп әлуетінің ал­дағы уақытта ілгері қадам басуы үшін, же­тістікке жетуде жас мамандардың үлес салмағы басым болуы мақсатында қолға алынған.

    "Еліміздің ертеңі бүгінгі жас ұрпақтың қолында, ал жас ұрпақтың тағдыры ұс­таздардың қолында" деп, Елбасы сөзін басшылыққа алып басталған шара ұстаздарға рухани демеу әрі көмек десек те болады. Ұстаздар мерекесіне тұспа-тұс ке­ліп, ұлағатты ғұмырын ұрпақ тәрбиесіне арнаған жандар өз қабілеттерінің биіктен бой көрсеткенін қалайды. Сондықтан да сапалы білім беріп, саналы өскіндерің игілігіне қалтқысыз қызмет етпек.

   Шара барысында жас мамандардың психологиялық ахуалын қалыптастыру үшін мектеп-гимназия психологы Айнұр Тәжі­бае­ва тренинг жүргізді. Оқушы алдындағы ұс­­таз болмысының қандай болу керек екенін көрсеткен тренинг көптің көңілінен шыға білді. Содан соң мектеп-гимназияның бе­йіндік жөніндегі орынбасары Жанар Құрманалиева сабақ-жоспарының жасалынуы мен құрылымы туралы айтып өтті. №262 мек­теп-гимназияның тәрбие жөнін­дегі орын­басары Ажар Жұмаева да жастар қа­уымына ой салатын, үлгі боларлық өнегелі сөздерді оқып берді. Кезең-кезеңге бөлініп, баяндамалар оқыған әр саланың майталмандары өздерінің ақыл-кеңестерін жас мамандардан аяған жоқ. Бейнеролик түрінде де қысқа метражды фильмдер көрсетіліп, қазақ киносында маңдайы жарқырап тұр­ған туынды "Менің атым Қожа" фильмінен үзінді көрсетілді. Ұстаз бен оқушының байланысын айшықты көрсеткен кино үзін­дісіне ұстаздар талдау жасап, өз пікірлерін айтып өтті. Мектеп-гимназияның бастауыш сыныптар жөніндегі орынбасары Айнагүл Нұрекешова қорытынды сөз сөйлеп, ұстаздар қызметіне толағай табыстар тіледі.

    "Мағжан Жұмабаев жырлағандай, біздің де жастарға артар сеніміміз мол. Сенім бар жерді үміт бар, үміт бар жерде өмір бар. Сондықтан да әрқашан сенімге лайықты боламыз. Сол себепті заман талабы білімдегі жаңа жаңалықтардан тысқары қалмай заман көшіне ілесу мақсатында берілген қы­рық минутты қалай өткізем деп емес, балаға не бере алам деп келетін жас мамандарға көмек қолын созуға әрқанашда әзір­міз",- дейді ұйымдастырушы тәлімгерлер.

    Білім бәсекесінде аудан мектептері арасында көш басында тұрған мектепте бұдан өзге де тәлім-тәрбиелік шаралар жиі өтіп тұрады. Жоғары санатты ұстаздардан ақыл-кеңес алып, пікір алмасқан жас тәлім алушылар ұстаздарына дән риза. Алдағы уақыттарда осы секілді шаралар жалғасын тапса екен дейді. Ендеше келешектің баспалдағына қадамын нық басқан ұстаздар қауы­мы­на сәттілік тілейміз.

Айдар САЙЛАУОВ

Оқылды: 168 рет

Сайт бойынша іздеу

Сауалнама

ҰБТ кезіндегі сынақ кітапшалары қаншалықты білімді таразылай алады?

Алдын ала межені байқау үшін - 27.9%
Ұлттық тестілеуге дайындықты пысықтау жолы - 37.2%
Ақша табудың амалы - 11.6%
Оқушының пәндік сабақтардағы бейінін байқатады - 23.3%

Total votes: 43
The voting for this poll has ended on: 07 Мам 2018 - 00:00

Күнтізбе

« Тамыз 2018 »
Дс Сс Ср Бс Жм Сб Жк
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C