Айтарым бар

Жанболат Мелдешев: 

халықаралық бағдарламалар орталығының директоры: 

    Манчестер университеті Малайзияда өз кампусын ашады немесе Малайзияның кейбір университеті әлемдегі үздік университеттің франшизасын сатып алады. Бұндағы оқыту осы университеттің бағдарламасына сәйкес, сол университет мұғалімдерінің қатысуымен жүргізіледі, бірақ құны 10 есе төмен. Сондықтан Малайзияға британдық жоғары оқу орындарының дипломы үшін оқуға түсу бүгінгі таңда кең етек алған, ал Малайзия үшін бұл «білім беру туризмін дамыту» тұрғысынан тиімді. Бізге де сол жолмен жүрсе болады, яғни әлемнің жетекші университеттері үшін Қазақстанда оқу орындарын ашу мүмкіндігін беру. Соның нәтижесінде Үндістан, Қытай, Өзбекстан, Иран және басқа елдерден келген студенттерді Қазақстанда оқытыпОрталық Азиядағы ірі білім беру орталығына айналар едік. 

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны

Қазпочта арқылы 6 айға - 1740 теңге (қала үшін)

6 айға - 1920 теңге (аудандар үшін)

Редакция арқылы 6 айға - 1680 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Толыбай Абылаев 

Айдар Сайлауов 

Жүлдызай Қалиева


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Бейсенбі, 12 Қазан 2017 10:23

«Екі апта ауылда» жобасы ауыл мен қала арасын жақын етеді

| Автор:  
Материалға баға беріңіз
(0 дауыс)

        Қала мен ауыл арасында әлі де алшақ­тық­тың бары рас. "Тіршілігі қыз-қыз қайнаған ауыл өмірін бүгінгі ұрпақ жете түсіне білмейді" деген сын да қала балаларына жиі айтылады. Мұн­дайда алашордашылардың "қала дегенің, да­лаға шашырай қонған қазақты бір жерге әкеп, үйіп қою. Олай етсең, дала қаңырап қалмай ма?" деген алаңдаушылығы ойға оралады. Әйтсе де, тіршілік көзі жанданып тұрған қала өміріне аяқ басу - уақыт талабы. Қалай болғанда да, ауыл еңбек адамын шыңдайды, қала дүрмектен қалмаудың жолын үйретеді. Білімнен бас алмайтын бүгінгі оқушыларды қысқа мерзімде ауыл өміріне аттандыру Назарбаев Зияткерлік мектептерінде бар үрдіс. "Екі апта ауылда" деп аталатын әлеуметтік жоба зияткерлік мектеп­тегі 7-11 сынып оқушыларын жазғы демалы­сын тиімді өткізуге себеп. Оқушыларды топ бо­лып біріктіріп, жақын маңдағы ауылдарға апа­рып, қазақы тіршіліктің қайнарымен таныс­тыруды мақсат еткен жоба оқушылардың да, ата-аналардың да оң бағасын алып үлгерді.

   Зияткерлік мектеп мұғалімдері "Екі апта ауылда" әлеуметтік тәжірибесі білім алушы­лар­дың ауыл өмірінің ауырлығы мен қиындығын түсінуге, еңбек етуге, бой сергітіп, ауыл тір­шілігімен танысуға мүмкіндік береді дейді.

 

     Біз де екі апта уақытын ауылда өткізген Қы­зылорда қаласындағы Назарбаев Зият­керлік мектебінің 11-сынып оқушысы Бақдәулет Райымбекті әңгіме тарттық. Айтуынша, ауылға аттану тек оқуды мақсат етіп, жыл бойы бой жазбай жүрген оқушылардың тынысын ашып, миын тынықтыруға жол ашады.

   - Біз осы жазда Қоғалыкөл ауылына бар­дық. Расын айтқанда, алғашқы кезде ауыл өмі­ріне бірден сіңісіп кете алмадық. Әйткенмен, ауылдың бір күні бір күніне ұқсамайды. Таң ата тұрып, кешке дейінгі уақытта тіршілік өз ре­тімен жалғасады. Осы күндер ішінде ұлдар жағы қой кезек, мал қорасын тазалап, тезек теру, су тасу сынды жұмыстарды атқардық. Ал, қыздар күбі пісіп, құрт жайып, нан пісіріп, аула тазалады. Ең бастысы, ер жігіттер болып кірпіш басу технологиясын меңгердік. Бұрыннан білге­німізбен, кірпіштің өзіндік жасау тәсілін үйреніп, екі апта ішінде 3000-ға жуық кірпіш бастық. Әри­не, ауылдағы әрбір тірлік ептілікке, шыдам­ды­лыққа тәрбиелейді,-дейді оқушы.

   Ауылдың күйбең тірлігі мен қала өмірінің күні бір-біріне қабыспайды. Жаңа оқу жылына қосылған оқушылар ауылдағы күндерді әлі күнге дейін еске алады. Ауылдың кешкі өмірі, мал жайғару, бір-біріне қабысатын толғаусыз тір­ші­лікті көз алдынан өткізген мектеп оқушы­лары ауыл­дағы күндерді босқа өткізбей, жасалған жұмыстарды фотоға түсіріп, видео әзірлеп, ауыл өмірін таспалап қайтады. Мұнымен қоса, екі апта ішіндегі көзбен көрген тірлікті өн бойынан өткізіп, қағазға түсіріп эссе жазады. Ауыл ішіндегі өмір­ді бейнелеп, презентация ретінде қорғаған оқу­шылар еңбегі оқу жылының басында бағаланып, марапатталады.

   Жалпы педагогтар балаға бос уақыт қалдыр­мау қажет деп есептейді. Әсіресе, жаз мезгілінде. Сондықтан зияткерлік мектеп түрлі жобалар жасап, оқушының бір сәт миын тынықтырып, қоғаммен араласуына жағдай жасайды. Екі апта ауылда жобасынан бөлек, мұнда "Балаңызды бір күнге жұмысқа алыңыз", "Ата-ана жұмысындағы 10 күн" сынды әлеуметтік жобалар жүзеге асады. 

   Мақсатымыз ой еңбегінен алыстап, қол еңбекке бағыт беретін жобалардың бар екенін айту. Әрине, бұл тек Назарбаев зияткерлік мек­теп­терінде ғана жүргізілмеуі керек. Кейін келе, оқу­шының жаңа тынысын ашатын жобалар мектеп-лицейлерде де жүзеге асса деген ұсыныс бар ұстаздарда.

Абай Тағыберген

Оқылды: 524 рет Соңғы рет өзгертілді: Бейсенбі, 12 Қазан 2017 10:56

Сайт бойынша іздеу

Сауалнама

ҰБТ кезіндегі сынақ кітапшалары қаншалықты білімді таразылай алады?

Алдын ала межені байқау үшін - 27.9%
Ұлттық тестілеуге дайындықты пысықтау жолы - 37.2%
Ақша табудың амалы - 11.6%
Оқушының пәндік сабақтардағы бейінін байқатады - 23.3%

Total votes: 43
The voting for this poll has ended on: 07 Мам 2018 - 00:00

Күнтізбе

« Мамыр 2018 »
Дс Сс Ср Бс Жм Сб Жк
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C