Айтарым бар

Исатай Минуаров, әлеуметтанушы:

    Бала өз болашағына өзі жауапты. Тиісінше, мамандығын өзі таңдауы керек (бала өзіне не керегін біледі. Егер барлығы жоспар бойынша болмаса, бала ата-анасын кінәлайды). Қазір нарық соны сезген болуы керек, көптеген оқу орталығы “дұрыс мамандық таңдауға көмектесеміз” деген сервис көрсетуді бастады.

   Нарықта қандай мамандықтарға сұраныстың мол екенін анықтап алыңыз. Мамандықты таңдағанда өте ұқыпты болыңыз.

  “ЖОО-ға мектептен соң бірден түсу міндетті” деген психологиядан арылу керек. Шетелде Gap year деген ұғым бар. Gap year бір жыл болуы мүмкін, екі-үш жылға созылуы мүмкін. Бұл уақытты мектепті енді бітірген түлек өзінің не қалайтынын, жасырын потенциалын барынша анықтауға, приоритеттерді дұрыс қою жағын ойлануға пайдаланады. Есесіне, мектеп бітірген бала сол уақыт аралығында есейіп, аз да болса студенттік шақта туындайтын қиындықтарға, стреске дайын болады. Ал біздегідей балаға мектеп бітірген жылы бірден университетке түсуді міндеттеу дұрыс емес.

 

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны

Қазпочта арқылы 6 айға - 1740 теңге (қала үшін)

6 айға - 1920 теңге (аудандар үшін)

Редакция арқылы 6 айға - 1680 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Толыбай Абылаев 

Айдар Сайлауов 

Жүлдызай Қалиева


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Білім

Білім (322)

         Бүгіндері "мына мамандық сұраныста", "мына мамандықтың жалақысы тәуір" деп кесіп айта алмайтын болдық. Барлығын нарықтың механизміне бұра салдық. Десе де бұрынғының престиж мамандығы әлі де бар. Саясатқа салсақ, техникалық маман иелері сұраныстан түспейді. Қазір оқу бітірген оқушылардың бас уайымы осы. Бұл барлық адамның басынан өтетін өмірлік таңдау дерміз. Бірақ, мамандығы басқа, кәсібі басқа жандар айналамызда толып жүр. Біреу қалағаннан, біреу қаржы таба алмағаннан, біреу әлдекімнің шақырумен еңбек етіп, маман атанып отыр. Осындайда мамандық таңдау оқу бітіргеннен кейін әйтеуір бір жұмыс табармын деген ниеттен бері өте алмай тұрған сынайлы. Мүмкін біз қателесерміз, бірақ бүгінгі оқушы, ертеңгі студент, болашақ маман мамандық таңдауда кімге сүйенерін білмей ортада ойланып қалады. Ата-ана ықпалы, орта әсері, ішкі таңдау. Жақында ақпарат құралдарында "грантқа тапсырған түлектердің 80 пайызы өз қалаған мамандығына түсе алмайды" деген ақпарат шықты. Басты себеп - грант үшін барлығына көну. "Тілші түйіні" айдарының бұл жолғы көтерер тақырыбы да осы таңдау турасында болмақ.

    Мойындау керек, тек 11-сыныпқа барғанда ғана оқушы кім болатынын, қандай мамандық таң­дайтынын сол кезде шешеді. Өзінің бейімі барлар таңдауды ерте жасайды, ата-ана кеңесіне құ­лақ асқандар уақытты соза тү­седі, ал көптің таңдауына бас ұр­ғандар екі ойлы болып жүреді. Мұның оң не теріс жақтарын із­деп жатудың қажеті шамалы. Се­бебі осы кезге дейін мамандық таңдаудың машақатын әр­кім әрқалай сезініп келді. Алайда, өмір кейде ойлағандай болмайды. Грантқа түсіп, маман атан­ғандардың жұмыс таппай жүруі, бір мамандықты орта жолда қалдырып кеткен жастардың мысалы көп қоғамда. Әрине, ма­ман болудың жолына нық қадам басқандар аз емес. Көңіліне қонған, мамандығын мақтан ететін азаматтар жетерлік. Сонымен бір­ге өзі қаламаған мамандықта көндігіп барғандарды да жоқ дей алмаймыз.

   Бір анығы, Қазақстанда әлі күнге дейін мамандықтардың жүйесін реттейтін механизм жоқ. Бар болғанның өзінде де көзге көріне бермейді. Сол себептен де түлектер мамандық таңдауда бірнеше факторларға сүйенеді.

     Мектеп директорым қандай?

    Мектеп директоры - мектептегі ең жоғарғы лауазымды қызмет ор­ны. Одан талап етілер іс те, жауапкершілік те салмақты. Оның бойынан өз мамандығына деген терең білімділігімен, біліктілігімен қоса шебер ұйымдастырушылық, әр түрлі жағдайда жол таба білетін икемділік, қандай жұмыстың болмасын, тетігін таба білетін сұңғылалық керек. Сонымен бірге мектептегі бірінші басшының қай істе де қара қылды қақ жаратын әділді­гімен танылғаны жөн.

     Мектеп директорының иығына артылатын жүк дәл қазіргі қоғамда жеңіл деп айтуға болмайды. Өз ұжымындағы әр мұғалімнің бойындағы адамгершілік, имандылық, білімділік, біліктілік, мәдениеттілік, оқушылармен, әріптестерімен қа­рым-қатынаста тіл табыса білуі, ұжымдағылардың рухани құндылық қасиеттерін тани білуі, оны оқу процесі кезінде, оқушылармен жұмыс барысында тиімді бағытқа бағыттай білуі - бірінші басшының міндеті. Ал, ол міндетті мінсіз орындай білу директордың жеке басындағы адами қасиеттерге байланысты. Мектеп басшысы да ет пен сүй­ектен жаратылған пенде, оның да қателесуі мүмкін. Әр адамда болатын ондай кемшілікті мойындай білу, өзгелердің қателігіне де кешіріммен қарай білуі бірінші басшының тұлғалық қасиетін таныта түседі, сонымен бірге оның қай жұмыста болмасын, принцип­шілдігі, қай жұмысты болмасын, аяғына дейін жеткізе білетін табандылығы да ерекше мәнге ие.

    Қай мектептің болмасын, білім саласындағы не басқалай жұмыстарындағы жетістігі немесе кемші­лігін директордың есімімен байланыстырып жатамыз. Шынында да, ұжымның іскерлігі, білім беру процесіндегі жетістіктері, әр түрлі іс-шараларды атқаруда бағындырған белестері мектеп басшысының ұйымдастыру шеберлігіне сын екендігі ақиқат. Осы арадан мектеп директорының мектеп әкім­ші­лігіндегі оқу ісі, тәрбие ісі, шаруашылық ісі меңгерушілері, мектеп психологымен және бүкіл ұжыммен ынтымақтаса, тіл табыса жұмыс жасай білу керектігі туындайды. Мек­тептегі психологиялық ахуал, ұжым мүшелерінің бір-бірімен тү­сіністікте болуы, бірлесе жұмыс жа­сауы және олардың бір бағытта оқу-тәрбие жұмысын ұйымдастыра білуі көбіне мектеп директорының іскер­лігін танытып жатады.

Сәрсенбі, 07 Ақпан 2018 12:36

ҰСТАЗ ЖАЛАҚЫНЫ ҚАЛАЙ АЛАДЫ?

| Автор: 

        Жыл басында Елбасы ұстаздарды бір қуантып тастап еді. Талай жылдан бері ұстаздардың жа­ла­қысы мінбелерден көте­ріл­генімен, нақты бір шешім бол­мады. Білім саласының дамуына күш салып жүрген ұстаздардың жалақысын арттырудың кезеңі келген секілді. Елбасы тапсырмасынан кейін Үкімет тапсырма бе­ріп, ҚР Білім және ғылым министрлігі қимылдады. Әрине, Жолдауда жазылғандай, мұғалімдердің жалақысы 30-50 пайызға арттырылмақ. Бірақ қалай жүзеге асады? Жақында ҚР Білім және ғылым вице-министрі Бибігүл Асылова ұстаздар жалақысының тарификациясын есептеп берді.

   Заң бойынша, кез келген мұ­ғалім аптасына18 сағат сабақ беруі керек. Егер ұстаз 24 сағат сабақ берсе, нақты жалақы мөл­шері арта тү­седі. Мысалы, үш жыл еңбек өтілі бар немесе мүлдем катего­рия­сы жоқ мұғалімнің бір сағатының құнын есептеп беретін болсақ, әрбір сабағы үшін 3146 теңге алады. Оған дәптер толтырып, сынып жетекші болғандағы ақшаны қосыңыз. Тест тапсырып, бі­лік­тілігін дәлелдесе, жалақысы тағы артады. Бұл - министрлік мамандардың есептеуі.

   Тағы бір айта кетерлігі, министрлік өкілдерінің айтуына қарағанда, сынып жетекшісі бол­ған ұстазға қосымша қаржы төленіп келеді. Мектептердегі зертханаларды, шеберханаларды, оқу-консультациялық пунктерді меңгергені үшін базалық лауазымды жалақыға 20 пайыз қосылады. Яғни, 17 697 теңгені 20 пайызға көбейтсек, 3539 теңге үстіне қосылады. Техникалық және кәсіптік, орта білімнен кейінгі білім беру ұйымдарында 25 пайыз, аралас шеберханалар болған кезде 30 пайызға артады.

   Біз тілге тиек еткелі отырған Арал қаласындағы №83 орта мектебі өз есігін шәкірттерге осыдан 40 жыл бұрын, нақтырақ айтқанда, 1978 жылы 21 қыркүйекте айқара ашқан. Содан бері бұл білім ұясынан қаншама түлектер қанат қақты. Олардың арасында қоғам мен мәдениет қайраткерлері, денсаулық пен білім саласының саңлақтары, ғалымдар мен қарапайым еңбек азаматтары жетіп артылады.

    - Бүгінгі таңда мектебімізден мыңнан астам шәкірт заман талабына сай сапалы білім, саналы тәрбие алуда. Өйткені бұл екеуі егіз ұғым саналады,- деп бастады өз әңгімесін мектеп директоры Жаңаберген Қайруллаұлы Аманжолов. Тәрбиесіз берілген білімнің талай халықтың басына таяқ болып тиіп жүргені ащы да болса ақиқат. Осы ойымызды тап басқандай білім ұясының басшысы:

   - Білім мен тәрбие - егіз ұғым. Сондықтан біз жаңаша білім беру бағдарламасымен бірге ұлттық озық салт-дәстүрлерімізді бала бойына бастауыш сыныптан бастап баулуды мақсат етіп келеміз,- деді.

    Білім ұясы ұжымының жеткен же­тістіктері әрине бірінші кезекте мектеп басшысынан бастап, ұстаздар қауымы мен ойы ұшқыр, білімді де білікті шәкірттерге тікелей байланысты екені айдай ақиқат. Бұл орайда Жаңаберген Қайруллаұлы басқарған мектептің қол жеткізген қомақты жетістіктері аудан білім саласы арасынан ойып орын алып жүр. Аудандық, облыстық, республикалық пәндік олимпиадалар мен ғылыми жобаларға қатысып жүрген мектеп оқушылары арасында математика пәнінің І санатты мұғалімі Сара Еңсепованың шәкірті 6-сынып оқушысы Гүлдана Сәбитова математика пәнінен Көкшетау қаласында өткен республикалық ғылыми жоба сайысында І орынды, химия пәнінің І санатты мұғалімі Назгүл Махамбетжанованың шәкірті, 10-сынып оқушысы Гүлдана Ғалым­жан­қызы химия пәнінен Алматы қаласында өткізілген республикалық олимпиа­дада арнайы сертификатты жеңіп алған болса, 2-сынып оқушысы Айнара Бекмырзақызы мен 3-сынып оқушысы Әбілмансұр Әкімшаев "Зерде" республикалық ғылыми жоба сайысының аудандық, облыс­тық кезеңдерінен сүрін­бей өтіп, Көкшетау қаласында өт­кен ақтық сында Әбілмансұр І, Айнара ІІ орын­ға ие болған. Бұлардың сынып жетекшілері Гүлнұр Оразбае­ва мен Құндызай Қаратаеваның ең­бегі өлшеусіз болғаны анық.

          Білімді адам қашанда сұранысқа ие дейміз. Шындығында солай. Демек, адамзат үшін адами капитал барлық құндылықтардан биік тұрады. Тек, бар дүниені нарық заңдылығына тірей салатын біздің қоғамда кейде адами капиталдың сапасына мән берілмей қалады. Мұның себебі адам еңбек күші ретінде ғана бағаланады. Осындайда қиыр асып, шетел көріп келген қандастардың "бізде барлық заттың құны бар, тек адамның құны жоқ" деген пікірлері адамға жұмысшы ретінде қарайтынымызды сөзсіз ұғындырады. Соңғы 10 жылды есепке алсақ, әлемде ақылды адамдарға деген ашық таластың жүріп жатқанын айқын аңғаруға болады. Қолынан іс келетін, біліміне сенетін, қабілетті азаматтар­ға деген сырт елдің қызығушылығы талай адамдарды өз елінен кетіп қалуға итермеледі. Әрине, бұл бір қарағанда көзге көрінуі мүмкін, дегенмен мұның астарында жабық саясаттың жатқанын сезуге болады. Аңдап қарасақ, білімді жастарға жағдай жасап, өз еліне алып кетіп жатқан шет мемлекеттер көп. Сол қабілетіне сеніп, сырт елдің жоғары жалақысы мен қолайлы шартына көндігіп, үдере көшкендердің қатарында өз қазағымыз да бар. Тіпті статистикалық мәліметтер қарапа­йым адамды да ойлантып тастайды. Осы себепті біз "Тілші түйіні" айдарында білімділердің Қазақстаннан кетуіне не себеп екенін топшылап көрдік.


ЭКОНОМИКАЛЫҚ ТҰРАҚСЫЗДЫҚ

   Сөз басында айтқан статистиканы сөйлетсек. Қазақстандағы ашық портал "Factchec.kz" сайты соңғы жылдары Қазақ­-стан­ға келушілерден гөрі, кету­ші­лердің саны біршама асып кеткендігі туралы ақпаратты шындыққа растап отыр. 2017 жылдың 6 айында елден 15 мыңға жуық адам кетіп қалған. Ал, 2016 жылы 32 мың қазақстандық сырт елге орын тепкен. Әсіресе, үдере көш­кендер көрші Ресейге қо­ныс­танған. Өкінішке орай, Қазақстанға тұру үшін келетін жоғары білімді азаматтардың саны жылдан-жылға азайып бара жатыр. Елден кетіп жатқандардың тең жартысы Қазақстандағы экономикалық тұрақсыздықты басты себепке балаған. Ал, қалғандары мұнда адамның дамуына жағдай жасалмайды деген себепті сылтауратқан. Ал, "Ratel" порталының ақпаратына сүйенсек, сырт елге көшкен қа­зақтардың ішінде дәрігер, мұғалімдер мен экономист мамандықтарын бітіргендер баршылық. Атап айтқанда, 4,8 мың техника саласының маманы, 2,7 мың экономист, 1,7 мың педагог тұрғылықты мекен-жайын өзге елге ауыстырған.

        Медицина маман­ды­ғында білім алатын сту­дент­тердің дені ауылда жұ­мыс істеуді қаламайды. Себебі түсінікті де шығар. Ауылда қалаға қарағанда мүмкіндік аз деген сылтау тағы бар. Осы аптаның басында ҚР Денсаулық сақтау министрі Елжан Біртанов мемлекеттік грант­та оқитын сту­дент­тер­ді ауылда жұмыс жасатуға күш салмақ. "Қазақпарат" агенттігінің хабарла­уын­ша, Үкімет сағатында бұл мә­селені Мәжіліс депу­та­ты Арман Қожахметов кө­терген.

   Депутат тіпті жас дәрі­герлер өз пациенттерінен қорқатын жағдайға жет­ке­нін, бұл медицинаның бү­гінгі көрінісі екенін ашып айтқан. Тіпті ортаға сауал тастады.

  - Жастар ол жаққа бар­майды. Осы проблеманың аясында соңғы уақыттарда жас мамандардың өздері­нің пациенттерінен де қор­қатын тенденция байқа­ла­ды. Осы ретте Денсаулық сақтау мен Білім және ғы­лым министрліктері атал­ған проблеманы шешу үшін қандай жоспары бар? - деген-ді депутат.

         Сыр өңірінің спортқа келгенде ақсайтын тұсы - жаттығу орында­ры­­ның ескілігі, тіпті кей аймақтарда мүлде болмауы. Аудан орталықтары жаңа леппен дамып келе жат­қанымен, ауыл-аймақтарда спорт үйірмелері тек мектепішілік шаралармен ғана шектеліп қалуда. Бі­рен-саран ауылдарда жеке спорт үйірмелері жұмыс жүргізіп отырғанымен қаржыландырылмаудың салдарынан есіктері көбінесе құ­лыптаулы тұрады.

   "Бұқарбай батыр" ауылындағы күрес үйірмесі ауыл жастарын са­ла­уатты өмірдің сардарлары етіп тәрбиелеп келеді. Күресіп, жаттығып жүрген жастардың барлығы сайдың сақа жігіттеріндей мығым. Бұл ауылға қарап шынымен қы­зығасың. Ал, өзге елді мекендердің балалары қыста қарға, жазда шеге құмға шаң-шаң болып, "қа­зақ­байша" күреседі. Одан не тәр­бие, басбұзарлар мен төбелесқорлар шықпаса! "Өсудің, биікке көтерілудің жолы қалада ғана ғой" деген олардың ішкі түсініктері кежегені кері тартып жатады. Сағызша созылып келген осы мәселелер би­лік­тің құлағына жеткені ме, жақында журналистерге жағымды хабар таратты.

   Аймақтарға салынатын спорт ғимараттарына облыстық бюджеттен 500,0 млн.теңге қаржы бө­лін­ген. Жұмыстар толығымен жүзеге асырылып, тіпті құрылыс жұмыстарын толық аяқтау үшін 2018 жыл­­ға 1293,8 млрд. теңге қаржы қа­ралыпты. Бұл ғимараттардың игі­лігін 7 елді мекен, атап айтар бол­сақ, Жанқожа батыр,  Мәдениет, Ақжарма, Еңбекші, Түгіскен ауылдарында және Сексеуіл, Төретам кенті көрмек. Енді шынығу, спорт­пен айналысу бұл аймақтар үшін тиімді болмақ. Қалған ауыл жас­тарының екі көзі төрт болып, осы сынды бір спорт кешенін жастық уа­қы­тын жоғалтып, әлі көп күтуіне тура келетін секілді.

Бейсенбі, 01 Ақпан 2018 03:31

ТІЛ БІЛГЕННІҢ ӨРЕСІ БИІК

| Автор: 

          Ағылшын тілі арқылы әлемдік жаңалықтар мен ақпаратқа тез қол жеткізуге болады, тіпті шетелдік кинофильм­дерді көріп, музыка тыңдау үшін де өзге тілдің маңызы зор. Сондықтан да бүгінгі күні жастардың ағылшын тіліне деген қызығушылығы жоғары деңгейде деп айта аламыз. Ағылшын тілін үйрену барысында әркім шама-шарқынша еңбек етуде. Бірі арнайы оқу орталықтарына барып білімін жетілдірсе, енді бірі үй жағдайында уақытты тиімді пайдалана отырып үйренуде. Бастысы ынта бар. Оқушылар мен студенттерден бөлек арнайы маман иелері де тіл сындырып, өзге тілді білуге құмартып келе жатқандығы қуантады.

    Бүгінде шет тілін оқыту орталықтарына барып жүрген жастар қатары қа­лың. Әуелі арнайы бақылау тапсырмасын орындап, қорытындысы бойынша деңгейлік сыныпқа бөлініп оқиды. Сол арқылы арнайы тіл үйренуге жол ашады, әрине ақылы түрде. Біз сөйлескен ата-ана екі баласын оқыту үшін айына 15 мың теңге көлемінде ақша кететінін айтты. Бұл әр бала үшін 7000 теңгеден аса қаржы жұмсалады деген сөз. Оған қоса жеңілдіктер қарастырылған, мәселен, белгілі бір студент жұма күні оқу орталығына жазылса, айына 5500 теңге төлем жасап білімін жетілдіре алады. Ең маңыздысы, санға сапаның лайық болуы. Бұл жөнінде қосымша тіл үйреніп жүрген студент Айзат Садықтан сұрағанда, ол: "Мен айына 6500 теңге төлеп оқыдым. Бағасын қымбат деп айта алмаймын. Білім беру сапасы жоғары, көңілімнен шықты. Белгілі бір деңгей бойынша сабақ береді. Шет елде білімін жетілдірген, тәжірибесі бар оқытушы ғана дәріс оқиды. Соңында арнайы сертификат табыстайды. Жалпы, тіл үйренемін деген адамға ешқандай қиындық жоқ",- деп өз пікірін білдірді.

        "Ұстаз мәртебесі" газе­ті­нің жарық көргеніне биыл 7 жылға қарады. Қо­ғамдық-әлеуметтік ба­ғы­тымен қатар білім, ғылым, тәрбие саласын тереңірек қамтыған газет осы уақыт аралығында ұстаздың қо­ғамдағы орнын айшықтап, ұрпақ тәрбиелеу жолын­дағы беделін көтеру ба­ғытында ақпараттандыру, насихат жұмыстарын үз­бей жүргізіп келеді. Білім са­ласындағы жылт еткен жаңалықтар, ділгір мәсе­лелер біздің газет бетінде бірінші көрінеді. Басы­лым­да жарияланған әрбір ма­те­риалды оқырманда­ры­мыз оқып, пікір қалдыру мақсатында газеттің жеке сайтын, фейсбук әлеу­мет­тік желісінде парақша­мыз­ды аштық. Сонымен бірге білікті ұстаздар және олар­дың үздік шәкірттері үшін "Руханиятты жаңғырту" қоғамдық қорымен бірлесе "Үздік жас ғалым" кон­кур­сын ұйымдастыруды қолға алдық. Газеттің "Мінбер" айдары арқылы еркін ой­ла­ры мен көзқарастарын ашық білдіру мақсатында ұстаздарға мүмкіндік бер­дік.

    Жеті жылдың ішінде, қалай дегенмен де, педагог мамандардың қоғам ал­дын­дағы беделін көтеру үшін "Мұғалім мәртебесі" туралы заңның қажеттігі күн өткен сайын алға шы­ғып келеді. Биылғы жыл­ғы Елбасы Жолдауында мұғалім мәртебесін көтеру жайында сөз болып, ше­шім қабылдануы алғашқы қадамдар жасалғандай көрінеді. Тұтастай ұрпақ­ты, керек десеңіз, ұлтты тәрбиелеп отырған ұлы мамандық - ұстазға мемле­кет тиісінше жағдай жаса­са, алдыңғы қатарлы елдің алдында маңдайымыз жар­қырап тұратынымыз айтпаса да түсінікті.

    Рас, "Мінберде" айтары бар ұстаз сөз алады. Елімізге танымал ұстаздар осы мінберге бірнеше рет көтерілді. Біз де ізінен қалмай, сұхбат жүргізіп, саланы дамытудағы ой-пікірлерін оқырманда­ры­мыздың алдына жайып салдық. Бұл жолы Қызыл­орда облысының шеткі ау­данының шалғай ауы­лында тұрса да, ізденуден алдына жан салмай, шә­кірт­терін қайда болса да, байқаулардан қалдырмай, сынап жүретін, шығарма­шы­лықпен де айна­лыс­у­ға уақыт табатын Өтебай Серәлі "Мінберге" шығып отыр. Жақында баспадан "Қараүлек" атты проза­лық кітабы шыққалы жат­қан әрі ұстаз, әрі жазу­шы мектеп пен ұстаз­дың, мектеп директоры мен орынбасарларының, тіпті пән мұғалімдерінің қандай болу керектігін өзінше саралап шығып­ты. Тәжірибелі ұстаздың айтқан уәжіне келісесіз бе әлде қосарыңыз бар ма, сіз де пікір білдіріңіз, ұстаз мәртебесін көтеру жолында аянып қалма­ңыз­, оқырман!

Бейсенбі, 25 Қаңтар 2018 04:19

Министр нендей мәселе қозғады?

| Автор: 

       Әдетте ҚР Білім және ғылым министрі Ерлан Сағадиев жыл сайын аймақтардағы бі­лім бас­қармаларының басшы­ларын бір алаңға жинап, саладағы өткір тұрған сұ­рақтарды тал­қылайды, тиісті тап­сырма беріп, өңірлердің нәтижелерін таразы­лайды. ҚР Білім және ғылым министрлігі Жол­даудан туындаған мін­дет­терді айқындауда бі­лім қызметкерлерінің республикалық семи­нар-кеңесінде бірқатар мәселелерге мән берді.

   Бұл жолғы басқосуда бас педагог үштілділік мәселесіне айрықша тоқ­­талыпты. Расында, өт­кен жыл ішінде білім­де қызу талқыға салын­ған үштілділік, әсіресе жаратылыстану пән­дерін ағылшын тілінде оқыту тапсырмасы көп­тің құлағына жақпады. Білімде бас көтеріп жүр­ген тәжірибелі ұстаздар да бұл асығыс қадам, әрі шалғай жатқан ауыл мек­тептері үшін проблема туғызатынын жасыр­маған еді. Министрлік те кезең-кезеңімен, яғни 2019 жылы жоғары сы­нып оқушылары жара­ты­лыстану пәндерін шет тілінде оқытуды бас­­тау қажет деп сана­ған. Алай­да, осы кезге дейінгі бі­лім­дегі бір қай­науы ішін­де қалған ре­фор­ма­лар­дың салда­ры­нан түптің түбінде мұға­лімдер сын­ның астында қалады. Осы себепті бас педагог Ерлан Сағадиев мектеп­терге енгізілетін үштіл­ді­лік бастамасын ерікті түр­де енгізу тура­лы тап­сырма берді. "Қа­зақ­­парат" агенттігіне бер­ген мәлімдемесінде мұны былайша түсін­діріпті.

   - Ағылшын тілі тура­лы айтарым... Ең бас­ты­сы, біз ата-аналармен, мектеп директорла­ры­мен, мұғалімдермен, оқу­­­­шылармен көп сөй­лестік. Демек, біздің ұсы­­­­нымыз мынадай: 2019 жылы, тіпті 2018 жылдан бастап "еріктілік қағидатын" белгілі бір мерзімге енгізсек... Мек­­­­теп өзі дайын болса, ата-аналар өздері келіссе - мархабат, мектепте ағыл­шын тілінде сабақ бере берсін.

Сайт бойынша іздеу

Сауалнама

ҰБТ кезіндегі сынақ кітапшалары қаншалықты білімді таразылай алады?

Алдын ала межені байқау үшін - 27.9%
Ұлттық тестілеуге дайындықты пысықтау жолы - 37.2%
Ақша табудың амалы - 11.6%
Оқушының пәндік сабақтардағы бейінін байқатады - 23.3%

Total votes: 43
The voting for this poll has ended on: 07 Мам 2018 - 00:00

Күнтізбе

« Тамыз 2018 »
Дс Сс Ср Бс Жм Сб Жк
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C