Газеттің ПДФ нұсқасы

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны

Қазпочта арқылы 6 айға - 1680 теңге(қала үшін)

6 айға - 1800 теңге (аудандар үшін)

Редакция арқылы 6 айға - 1560 теңге

Редакцияға хат

Email:
Тақырып:
Текст:
Білім

Білім (166)

Сәрсенбі, 22 Қараша 2017 04:30

ИДЕЯЛАР ЖӘРМЕҢКЕСІ

| Автор: 

      Келер жылы қала орталығындағы қара шаңырақ Қ.Мұхамеджанов атындағы №1 мектеп-гимназияға 100 жыл, яғни бір ғасыр толмақшы. "Екі дүниең абат, қос тойың қабат келсін" деп дана халқымыз айтқандай, бұл айтулы мерекеміз Қызылорда қаласының 200 жылдығымен тұспа-тұс келуін жақсылыққа балап отырмыз. Осыған орай мектебімізде түрлі іс-шаралар атқарылуда.

   Білім ордасы мектеп болса, ал мектептің жаны мұғалім екендігі баршаға мәлім. Осы мақсатта Д.Абдраймов басқарып отырған Қалтай Мұхамеджанов атындағы №1 мектеп-гим­назиясында оқушылар арасында мектепішілік "Идеялар жәрмеңкесі" инновациялық көрме жұмыстары ұйымдастырылды. Аталған көрме жұмыстарында 62 оқушы бақ сынап, топтық және жеке оқушылар өз инновациялық жобаларын көрсетті.

   Бүгінгі таңда заманның талабына сай зерделі, ой-өрісі жоғары, жан-жақты дамыған жеке тұлғаны қалыптастырып тәрбиелеу мұғалімдер қауымына зор жауапкершілік жүктеп отырғаны белгілі. Оқушылардың инновациялық жоба қорғаудағы негізгі мақсаттары айқындалып, олардың туындыларынан болашаққа деген талпыныстары ерекше екендігі байқалды. Аталған шараға демеушілік жасаған жеке кәсіпкер Ақмарал Жетібайқызы оқушыларға жүлде қорын таға­йындады. Көрмеде үздік деп танылған жобаларға арнайы орындар мен сыйақылар берілді.

        Жақында Елордада отбасы мәселелері және отбасы құндылықтары бойынша қазақстандық ата-аналар қауымдастығы білім саласындағы негізгі мәселені көтерді. Бүгінгі күні қазақстандық ұстаздардың оқу жүктемесі жиі айтылып келеді. Осы себепті қауымдастық өкілдері ҚР Білім және ғылым министрлігі мамандарымен кездесіп, ұстаздардың жүктемесін екі сағатқа азайту жөнінде ұсыныс білдірді. Осылай дей келе олар Қазақстандағы 300 мың мұғалімнің оқу жүктемесін азайту қажеттігін баса айтты. Мұны мұғалімдер де қолдап отыр. Талқыға түскен тақырып жөнінде біз де Қызылорда облыстық білім басқармасының мектепке дейінгі және орта білім бөлімінің басшысы Динара Баймурзаевадан заң аясында сауалдарға жауап алдық.

   - ҚР Білім туралы заңы бо­йынша мұғалім жүктемесі қан­ша уақыт болуы керек? Апталық жүктемелердің уақыт­тары қалай реттеледі?

   - "Білім" туралы Қазақстан Республикасының Заңына сәйкес, бастауыш мектеп мұғалімдерінің стандарт­ты апталық жүктемесі 18 са­ғатты құрайды. Мұғалім­нің оқу жүктемесін әрбір мек­тептің басшылығы бекітеді.

   "Білім туралы" Қазақстан Республикасының 2007 жыл­­­ғы 27 шілдедегі №319 За­ңының 52-бабында білім бе­ру ұйымдары қызметкерлерінің еңбегіне ақы төлеу жүйесі айқындалған.

     Мемлекеттік білім беру ұйымдарында оқу-тәрбие про­цесін тікелей жүзеге асы­­­ратын педагог қызметкерлерге айлық жалақыны есептеу үшін аптасына нормативтік оқу жүктемесі:

   1) 18 сағат: орта білім беру ұйымдары және техникалық және кәсiптiк, орта бiлiмнен кейiнгi бiлiмнің білім беру бағдарламаларын іске асыратын білім беру ұйымдары үшiн; білім алушылар мен тәр­биеленушілерге қосымша білім беру ұйымдары үшін; ма­мандандырылған және арнайы білім беру ұйымдары үшін;

   2) 24 сағат: мектепке де­йінгі ұйымдар және мектепке дейінгі тәрбие берудің мектепалды топтары және білім беру ұйымдарының мектеп алды сыныптары үшін; балалар мен жасөспірімдердің спорт­тық білім беру ұйымдары үшін;

   3) 30 сағат: интернаттық ұйымдардың, демалыс ла­герь­лерінің, техникалық жә­не кәсіптік, орта білімнен ке­йінгі білім беру ұйымдары жатақханаларының тәрбиешілері үшін;

   4) 25 сағат: арнайы білім беру ұйымдары және жетім ба­лалар мен ата-анасының қам­қорлығынсыз қалған балаларға арналған білім беру ұйымдарының тәрбиелеушілері үшін белгіленеді.

        Басқасы басқа, білім саласының былыққа батып, жемқорлық деректері бойынша ұсталуы, білім тағында отыр­ған басшылардың халыққа "танылып" қалуы білім саласының бе­деліне көлеңке түсіреді. Биыл да білім саласы сыбайлас жемқорлық сипатындағы қылмыстардан таза емес. Мұны бірнеше мәрте өткізіліп келген Әдеп жөніндегі кеңес отырысынан анық байқауға болады. Білім беруді дамытамын деп қызметке келген басшылардың пара алу деректері азаймай тұр. ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің мамандары жиын барысында ашық деректерді сөйлетті.

  Айта кету керек, сала мамандарының бізге ұсынған мәліметтеріне сүйенсек, білім саласындағы жем­қор­лық сипатындағы қылмыстардың саны әлдеқайда артқан. Өткен жыл­ға қарағанда 40 пайызға өсіп кеткен. Бұл нені білдіреді? Соңғы екі жыл ішіндегі орын алған пара алу, қызмет барысын асыра пайдалану әрекеттері мектеп директорлары мен білім саласы мамандарының жұмыс жасау механизмдерін байқатып қойды. Демек, осыдан мектеп басшылығына тағайындалатын кадрға тағы да бір мән беру керектігі анық бі­лінеді. Білімдегі мәселелерді таразы басына салған Әдеп жөніндегі кеңес мүшелері мемлекеттік қызмет және сыбайлас жем­қорлыққа қарсы іс-қимыл туралы заңнама бұзушылықтар бағытында атқарған жұмыс­тары туралы облыстық білім басқармасы басшысының міндетін атқарушы Құралай Ерташованың баяндамасын тыңдады.

   Әзірге тоғыз айдың қорытындысымен сөйлейік. Күні бүгінге дейін білім саласында 17 қылмыс анықталып отыр. Тіркелген осы сипаттағы 17 қылмыстың 2-і мектеп директоры, 3-і жеке колледж директоры, 8-і қа­ла және аудандық білім бөлімде­рі­нің басшылары мен қызметкерлері, 4-і өзге де тұлғалар тарапынан жол берілген.

        Қазір идея - табыс көзі. Тек жолын тауып, тиімділігін таныта біл­сең бір сәтте қолдау табуға болады. Күн мен жел энергиясынан, баламалы қуат көздері арқылы халыққа қажетті дүниелер ойлап тауып, өндіріске жан беретін құрылғылар шығарып, елдің назарын аударып жүрген жастар жетерлік. Оған тұрмыстық қалдықтарды кәдеге жаратып, көңілгі қонымды, өндіріске тиімді жобалар әзірлеп жүрген тағы бір жастардың легін қосыңыз. Бәрінің де мақ­саты бір - халыққа қолайлы, қалтаға қонымды, экологияға зиян емес, ең бастысы кәсіпті өрге сүйрейтін жобалар жасау. Дәл осы идея жолында барын салатын жастардың басым көпші­лігі кәсіптік білім беру бағытында білім алады. Техниканың тілін біле­тін, іске бейімі бар жастардың идеяларынан туындаған жаңа жобалары жыл сайын өтетін "Өнертапқыш" байқауында сыналады. Кәсіптік білім беру саласындағы жетіс­тіктер мен кемшіліктер сарапқа салынатын дәс­түрлі "Кәсіптік білім жә­не бизнес әріптестер сұх­баты" атты облыстық Еңбек форумы биыл сегі­зінші рет ұйымдасты­рыл­ды. Әр жылдың өз несібесі бар. Биыл өңір­дегі колледж қызметкерлерінің басын қосқан жиын Абылай хан колледжі базасында өтті.

   Мақсат айқын, жос­пар белгілі. Аймақта жүзеге асырылып жатқан индустриалды-инновациялық жобаларға, шағын және орта бизнес өкілдеріне қажетті кадрлар даярлаудың жолын ұсыну, озық жұмыстарды саралап, саладағы межелі міндеттерді айқындау.

   Форум жұмысына 200-ден аса сала мамандары қатысып, ортақ тақырып аясында тә­жі­рибе алмасып, ой бөлісті. Жиынға Қызылорда облыстық бі­лім басқармасы басшысының орын­басары  Е.Қарабалаев, колледж басшылары мен же­ке кәсіпкерлер қатысты. Алдымен келген қонақтар колледж студенттері әкелген жоба­лармен танысты. Әр колледж өз кәсіби бағытына сай бірнеше жобалар ұсынып, озық идея­ларын ортаға салды. Бір-бірін қайталамайтын идеялар жәрмеңкесінде көңілге тоқитын дүние көп. Алыстан менмұндалап тұрған, әрі тұрмыстағы проблемалардың шешіл­уіне түрткі болатын жобаларға көз тоқтаттық. Арал көпсалалы колледжінің студенті Берік­бол Ермекбаев жәрмеңкеге "Торпеда" атты жобаны ала келіпті. Өнертапқыш мұз үс­тінде жүріп ау және жылым тар­татын құрылғы ойлап та­уып­ты. Ау құрып, балық ау­лайтын балықшыларға таптырмас құрал болатын құрыл­ғы арна­йы басқару пульті ар­қылы мұз­дың астында жүріп, ауды немесе жылымды ұзындығына қа­рай керек жеріне дейін тартып әкеледі. "Торпеда" уақыт үнемдейді, әрі адам денсаулығына қа­уіпті емес, әрі бағасы да қолжетімді болмақ,- дейді жобаны жасаушы Рашид Жақсылықұлы.

   Жылдың басында "Бір ел - бір кітап" республикалық акциясы аясында Сұлтанмахмұт Торайғыров шығармалары "Жыл таңдауы" болып танылғаны белгілі. Содан бас­тап елдің біртуар азаматы жайында жер-жерлерде ес­ке алулар өтіп жатты. Сол тағылымды шараның жалғасы ретінде Алаш ардақтысы - Сұлтанмахмұттың өлмес мұ­раларын дәріптеу, насихаттау мақсатында А.Бай­тұрсы­нов атындағы №211 орта мектепте "Сұлтанмахмұт мұ­ра­сы: тарихы мен тағлымы" атты 9-10 сынып оқушылары арасындағы қалалық конференция ұйымдастырылды.

   Конференция әуелеген әсем әнмен ашылып, №211 мектептің өлеңсүйер оқырмандары ақынның "Шәкірт ойы" өлеңін нақышына келтіріп жеткізді. Ақынның шоқтығы биік туындыларының бірі - "Қамар сұлу" романы өнер­паз оқушылардың қойылымында сахналанып, кө­рермен жүрегіне жол таба білді. Қалалық білім бөлімінің басшылығымен ұйымдастырылған конференцияға қала мектептері бойынша 22 оқушы қатысты. Барлығы дерлік өнерлі жасөспірімдер.

Сейсенбі, 07 Қараша 2017 10:25

Жаңа бағдарлама – жаңа стандарт

| Автор: 

         Қазақтың кемеңгер ұстазы Ахмет Байтұрсынұлы "Елді түзетуді бала оқыту ісін түзетуден бастау керек" деген болатын. Сон­дықтан да, білім берудің жаңа жүйесі жасалып, әлемдік білім беру деңгейіне жетуге ат салысуда, ертеңгі болашағымыздың сапалы білім, саналы тәрбие алуы - ұстазға байланыс­ты. Ал, ұстаз қызметі, оқушы білімі білім беру мазмұнында айқындалған.

   Білім беру тұжырымдамасында жеке тұлғаның өзіндік санасының қалыптасуына баса назар аударылған. Осы бағытты ескере отырып, биылғы оқу жылында мектепке дейінгі білім беру ұйымдарының стандартына да бірқатар өзгерістер енгі­зіл­ген. Стандартта мектеп жасына дейінгі балалардың дайындық деңгейіне, мектепке дейін­гі тәрбие мен оқыту мазмұнына, оқу жүктемесінің ең жоғарғы кө­леміне қойылатын талаптар айқындалған.

   Мектепке дейінгі тәрбие мен оқытудың мазмұнын іске асы­руда Қазақстан Республикасында білім беруді және ғылымды дамытудың 2016-2019 жылдарға арналған мемлекеттік бағдарламасының негізгі мақсаты айқын. Балалардың жас ерекшеліктері мен жеке мүмкіндіктері­не, қабілеттері мен қажеттіліктеріне сәйкес білім, білік және дағдыларын қалыптастыру, рухани адамгершілік құндылықтарын, "Мәңгілік ел" жалпыұлттық идеясына негізделген жалпы­адамзаттық құндылықтарды, патриотизм мен төзімділікті тәрбиелеу.

          Ұстаздық қызметтің жүгін көтеріп жүргендердің дені - әйелдер. Ер азаматтардың бұл мамандыққа беттемей кетуі қоғам ішінде үлкен мәселеге айналды. Алайда, бұл педагогикада ер азаматтар түбегейлі жоқ дегенді білдірмейді. Ұстаздықты мұрат еткен, өз маңдай тер еңбегімен биікке жеткен ер мұғалімдердің қатары көп емес. Соның бірі жақында "Жылдың үздік ұстазы" атанған қызылордалық ұстаз - Сағатбек Қарапаев. Расында, музыка пәні мұғалімдері арасында білімдегі жоғары марапатқа қолы жеткен Сағатбек Жұмабекұлының көптің алдын орап шығуы тегін емес. Ұстаздықты ту еткен Сағатбек Қарапаевтың шыққан шыңы, жеткен биігін білу үшін үздік ұстазды әңгімеге тарттық. Екеуара сұхбаттан байқағанымыз, мұғалім мамандығына жанын берген, ісінен береке тапқан бақытты жанның өмірде де, еңбекте де жолы ашық.

    Сағатбек Қарапаев 1960 жылы жұмысшы отбасында дүниеге келген. Отбасында көрген тәлімі мен тәрбиесі шығар, бала кезден қарапайымдылық қағидатын ұстанған ол мансап қуып, мәртебе іздеп бас қатырған емес. 1977 жылы Қызыл­ор­да қаласының В.И.Ленин атындағы №144 қазақ орта мектебін үздік бітірген оның ұстаздыққа қы­зығушылығы бала кезден оянған. Сынып жетекшісіне деген еліктеу­шіліктен туған дүние, үй ішіндегі әп­кесінің ұстаздық жолды таңдауы Сағатбек Жұмабекұлын ұстаз болуға құлшындырады. Ән құдіретін бойына сыйғызған ұстаз шығармашылықты жаны қалайды. Музыкаға деген ынтызарлық оқушы кезден бастап бой бергендіктен домбыра мен баян үніне елітіп, музыка пәнінен беретін ұстаздарының ізінен қалмай үйреніп алады. Өнерге деген ұмтылыс, білуге деген талпынысын байқаған ұстаздары аспап меңгертіп, музыка әлеміне қа­наттандырады. Міне, оқушы кезден ән әлемінде қор жиған Сағатбек Қарапаев 1981 жылы Н.В.Гоголь атындағы Қызылорда педагогикалық институтының музыка фа­куль­теті­не түсіп, сол жылы Қызылорда қа­ла­сындағы С.Әлжі­ков атындағы №144 мектепте мұға­лім болады. Мұғалімдік қызметте жү­ріп, тәжі­рибе жинап, білімін шыңдай жүріп, 1983-1988 жылдары Н.В.Гоголь атындағы пединститутында өз мамандығы бойынша әдіскер болып жұмыс істеді. Жас ұс­таздың жігері мен талпынысы оны білім саласындағы жауапты қызметтерге жете­лей­ді. Айталық, 1989 жылы Қазақ ССР халыққа білім беру минист­р­лі­гінің тапсырысы бойынша музыка бағдарламасын жасауға қатысады. Өткенді еске алып отырған ұстаз мұғалім мамандығының машақаты мен мерейі қатар жүретінін тілге тиек етті.

    - Қазақ "аздың берекесін берсін" дейді. Мәселе, айлық жалақыда емес. Мамандығына адал болып, өзінді көрсете білсең еңбегін ақталады. Әрине, қазіргі ұстаздарда бәрі бар. Бұрындары сабаққа қажетті көрнекі құралдарды дайындау үшін түнгі төртке дейін отырып, әр күнгі сабағымыздың қызықты өтуіне тер төгетінбіз. Күн-түн демей, ой еңбегіміз бен шығармашылығымызды сарқа жұмсағандықтан болар, еңбегіміз еленіп, марапатталып жатырмыз,-дейді ұстаз.

   Сағатбек Жұмабекұлы еңбек ете жүріп, өзін байқаулар арқылы шың­дайды. 1990 жылы "Жас мұға­лім - 1990" сайысында бас жүлдені жеңіп алып, Германияға жолдама алады. Алайда, отбасындағы жағдайға орай Германияға жолы түспейді. Музыка пәнін дамытудың жолын қарап, ізденісте жүріп, түрлі тәжірибелерді бойынан өткізеді. Музыкалық аспаптар домбыра, жетіген, баян мен пианиноны меңгерген ұстаз кейде 45 минуттың қалай өтіп кеткенін білмей қалады екен. Сезімге беріліп, ән әлемінің ішіне енген оның әдіс-тәсілдері де оқушыны қызықтыра алады. Педагогикадағы еңбегі ескеріліп, 1991 жылы "Қазақ ССР халық ағарту ісінің озық қызметкері" төсбелгісімен марапатталады. Араға бір жыл салып, облыстық мұғалімдер білімін жетілдіру институтында іс-тәжірибесін облыс көлеміне таратты. Ән демекші, "Табиғат анамыз" атты ең алғашқы тырнақалды туындысы жарыққа шығады. Ахат Жанаевтың қаламынан туған ән мәтіні ұстаздың әуенімен жарасым тауып, жаңа балалар әнін дүниеге әкеледі. Мұнан кейін де, Сағатбек Жұмабекұлы бірнеше әндер жазып, тіпті әуен сарынына келіп тұрған саз мәтіндерін өзі жазады. Бүгінде 20-дан аса әндердің авторы атанып отыр. Шабытынан туған шығармалары мектеп оқулықтарына еніп, республикаға есімі таныла бастайды. Бұл еңбегі де ескерусіз қалмады. 1994 жылы облыстық білім басқармасы "Жоғары санатты мұғалім" біліктілігін берді. Ал, 1996 жылы жоғары оқу орындарының республикалық байқауында Төралқа жұмысына қатысып, Білім министрлігінің "Құрмет грамотасы" марапатына қолы жетеді.

          Білім қашанда құндылық көзі. Беталысы күнде өзгерген заманда адамзат дамуының темірқазығы бола білетін білімнің бүгінде даму арнасы бөлек. Білімнің биігіне жетіп, шыңына шығу тәжірибе мен ізденіс арқылы қалыптасады. Жаңа формациялар мен білім саласындағы трансформация әлсіздің ысырылып, білімдінің орын тауып қалатынын дәлелдеп отыр. Бұл бала біліміне жауапты ұстаздардың бәсекеге шынайы дайындықпен келуіне, ізденіс пен шығармашылықты қатар алып жүруіне жол нұсқайды. Білімдегі талаптың биігіне шығып жүрген ұстаздар аз емес.

   Білім аламанына шәкірт қосып, халықаралық, республикалық, облыс­тық байқауларда топ жарып жүрген ұстаздардың еңбегі лайықты бағаланып жүр. Республикалық "Үздік ұстаз", "Миллионер мұғалім" атақтары мен түрлі байқаулар ұстаз талпынысын арттырып, шабытына шабыт қосады. Жалпы биылғы жыл Сыр біліміне олжа салар жетістіктер аз болмады. Білім байқауларында дараланып, аймақ имид­жін асқақтатқан ұстаздар мен оқушылар өз білімдерін сөзбен емес, іспен дәлелдеп келеді. Соның бір айқын көрінісі "Үздік ұстаз - 2017" республикалық байқауында Қызылордадан үш бірдей ұстаздың топ жарып шығуы. Мұнан бөлек, түрлі форматтағы байқаулар мен білім гранттарына қолы жеткен ұстаздар жетерлік. Өткен аптада өз саласында жетістікке жеткен ұстаздар Асқар Тоқмағанбетов атындағы мәдениет үйінде басқосты. Нақтысын айтқанда, Қызылорда қалалық білім бөлімінің басшысы Ақарыс Нұрсейітов сала үздіктерін марапаттады.

     "Білім. Ұстаз. Болашақ" тақырыбын арқау еткен салтанатты жиын білім беру саласындағы толайым жетістіктер мен озық тәжірибесі бар ұстаздар, сол ұстаздардан қанат қаққан оқушылар жетістігін көтермелеуді мақсат тұтады.

   Қызылорда қалалық білім бөлімі мен кәсіподақ комитетінің бірлесе өткізген ұстаздарды ұлықтауға арналған салтанатты жиынында білім бөлімінің басшысы Ақарыс Нұрсейітов ұстаздарға көрсетілетін құрметтің жоғары екенін айтып, сала үздіктерін марапаттады. Алдымен, бөлім басшысы үздік педагогтар мен үздік білім ұйымы, білім грантын жеңіп алған мектептерді марапаттады.

   Жыл сайын кәсіптік саланың бүгіні мен өткені таразыланып, жетістіктері сараланатын "Еңбек форумы" ұйымдастырылады. Биыл кәсіптік сала мамандары мен колледждің оқытушыларының басын қосатын жиын "Абылай хан" атындағы колледжде өтпек. Форум жұмысының алдында кәсіптік саланың даму көкжиегі мен келешегі, тәжірибесі баяндалған қаладағы М.Ықсанов атындағы Қызылорда политехникалық колледжі директоры Бақыт Кенбаевтың материалын ұсынып отырмыз. Ал, форум туралы толыққанды материал газеттің келесі санында жарық көрмек.

   Қазақстанның әлемдік көшбасшылар қатарынан көрінуі, ел эконо­мика­сының бәсекеге қабілет­тілік деңгейінің артуы өнер­кәсіптің иннова­ция­лық даму тиімділігімен  ұштасады. Бұл өз кезегін­де озық білім мен жаңа технологияларды өмірге әкелетін ғылыммен және өндіріспен жүйелі бай­ланыстағы жоғары техни­калық білім саласын жаң­ғыртуға байланысты.

   Бүгінгі күні жоғары оқу орындарының әлеуеті білім беру қызметінің сапасымен ғана емес, еңбек адамын қалып­тас­тыруға бағытталған "Білім - ғылым инновация" инте­грациясының дамуы­мен де айқындалады.

   Заманына сай зерделі ой өрісі жоғары аза­мат­тарды қалыптастыру мем­лекеттің аса маңызды стра­те­гиясы болып отыр. Қазіргі кезеңде еліміздегі білім беру жүйесі әлемдік білім беру кеңістігіне енуге бағыт алуда яғни білім берудің мазмұны жаңа­рып, жаңа көзқарас, жа­ңаша қарым-қатынас қа­лыптасуда. Бүгінгі күні білімді де білікті, іскер де белсенді адамдардың қата­рын көбейту басты міндет болмақ.

   Білім беру жүйесіндегі бүгінгі күнгі өзекті мәсе­лелердің бірі - кәсіби ма­ман даярлау. Маманға қойы­латын негізгі талап­тар - құзіреттілік пен мобильділік.

  Еліміз үшін сапалы білім, саналы тәрбие мен қатар жан-жақтылық яғ­ни басқа салалардан хабар­дар бола білудің өзі үлкен жауапкершілікті жүктейді. Білім беру саласы қызметкерлерінің алдына қойылып отырған тағы бір міндет - оқытудың әдіс-тәсілдерін үнемі жетіл­діріп отыру және қазіргі заманғы иннова­циялық технологияларды меңгеру.

  Техникалық және кәсіптік білім беру жүйе­сіндегі жаңашылдықтың бірі -дуальды оқыту жүйе­сінің енгізілуі. Дуальды оқыту жүйесі дегеніміз - теорияны өндіріспен ұш­тастыра оқыту техноло­гиясы. Оқу орны басқару құрылымының өкілдерін бас­қарып, 2014 жыл мау­сы­мның 1-12 аралығында, аталған жоба аясында Германия мемлекетінде болып халықаралық бі­лік­тілік арттыру курсына қатыстым.

       Сыр өңірінде ұстаздардың біліктілігін арттыратын және оқу-әдістемелік көмек беріп, кәсіби шеберлігін шыңдау бағытында құрылған Білім жетілдіру институтының тарихы терең, толайым тәжірибесі бар.

  КазКСР Халық Комиссарлар Кеңесінің 1944 жылғы 15 ақпандағы №200 қарары мен Қазақстан халық ағарту комиссариатының 1944 жылғы 27 қазандағы бұйрығына сәйкес Қызылорда облыстық еңбекшілер депутаттары Кеңес атқару комитетінің 1944 жылғы 22 қарашадағы №540 шешімімен "Облыстық мұғалімдер білімін жетілдіру институты" болып құрылды. Алғашқы директоры болып Д.Тұрсынов тағайындалды.

   Институтта бастауыш мектеп, орта мектеп каби­неттері ашылып, жалпы штат 12 педагог болғанын бү­гінде мұрағат құжаттары дәлелдеп отыр. 

  Институт 1928 жылы салынған Қазақ №3-ші ғимаратқа (қазіргі Қорқыт ата көшесі) орналасты. Осы жылы облыс ұстаздарының І педагогикалық конференциясы 100 делегаттың қатысуымен өткізілді.

   1950-1951 оқу жылында бастауыш сынып және 5-10 сыныптардағы математика, физика пәнде­рі­нің мұғалімдерін оқытатын курс­тар ұйымдастырылды.

   1963-1964 оқу жылында институт негізінен педагогикалық озат тә­жірибені мектеп практикасына енгізуден, оқу-тәрбие жұмыстарына оқытудың жаңа формалары мен әдістерін қолданудан Ростов, Воронеж, Липецк мұғалімдерінің іс-тәжірибелері облыс мектептеріне таратылды.

   1984 жылы "Жалпы білім беретін мектептер мен кәсіптік білім беретін мектептердің білім мазмұнын жетілдіру" туралы мектеп реформасы қолға алынды. Аталған ре­формада бастауыш мектеп қайтадан үш жылдық, сегіз жылдық мек­теп орта, 9 жылдық, 10 жылдық қайтадан орта білім беретін 11 жылдық болып өзгертілді. Осыған орай институт қызметкерлері табысты еңбектер атқарған.

  1991-1992 оқу жылынан бастап институт ұжымы халықтық педа­го­гиканың негізгі принциптерін оқу-тәрбие жұмысына кеңінен енгізуді зерттеп, қолдану жүйелі түрде басталды.

   2000 жылы - институттың қызметінің кеңеюіне байланысты об­лыс­тық білім басқармасына қа­райтын мұғалімдер білімін жетілдіру инс­титуты облыс әкімшілігіне өтіп, "Облыс әкімінің кадрлар білік­тілігін арттыру және қайта даярлау институты" болып қайта құрылды. Педагогтердің білімін арттырып келген институт көпсалалы білім жетіл­діру орнына айналды.

    1944 - 2012 жылдар аралығына де­йін облыс бойынша біліктілік арттырудан 80000 астам мұғалім курс­тан өткен.

    Қазақстан Республикасы Үкі­ме­тінің 2012 жылғы 17 ақпандағы №232 қаулысына сәйкес біліктілік арттырудың жаңа жүйесі - "Өрлеу" Біліктілікті Арттыру Ұлттық Орталығы" Акционерлік Қоғамы құрылды. Оның құрамына Білім беру жүйесінің басшы және ғылыми-педагогикалық кадрлар біліктілігін арт­тыратын республикалық институты, Алматы, Астана қалалары және 14 облыстық педагог қызметкерлердің біліктілігін арттыру және қайта даярлау институттары енді.

Сайт бойынша іздеу

Сауалнама

Күнтізбе

« Желтоқсан 2017 »
Дс Сс Ср Бс Жм Сб Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Серіктестер