Айтарым бар

   

Жанболат Ошақбаев, жас кәсіпкер: 

    Кәсіп бастайтын адам үшін қаржылық сауаттылықтың маңызы зор. Қазіргі таңда екінің бірі кәсіпкер болып кетті ғой. Алайда, барлығының еңбегі жемісті болып жатқан жоқ. Кәсіпкерде әрқашан «Б» жоспары болуы керек. Есеп білмеген адам қарапайым сауданың да жөнін біле бермейді. Сондықтан, бизнес бастамас бұрын қаржылық сауаттылықты меңгеріп алу керек. Себебі, алғаш кәсіп бастаған адамның бухгалтерге, сатушыға, кассирге жеке-жеке жалақы төлеуге шамасы жетпейді. Осы қызметтің бәрін өзі атқарып, кәсіптің басы-қасында жүрген адам ғана жоғары жетістікке қол жеткізе алады.

baribar.kz


Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны

Қазпочта арқылы 6 айға - 1740 теңге (қала үшін)

6 айға - 1920 теңге (аудандар үшін)

Редакция арқылы 6 айға - 1680 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Толыбай Абылаев 

Айдар Сайлауов 

Жүлдызай Қалиева


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Білім

Білім (300)

Сәрсенбі, 20 Маусым 2018 10:36

АДАЛДЫҚТАН АЙНЫМАҒАН АЗАМАТ

| Автор: 

    Қазақта "Шыңға шық­­­қысы келген адам алдымен таудың етегіне табан тірейді" деген сөз бар. Жастық жалынын еңбек майданына арнаған азаматтар аз емес. Соның бірі - Раушан Байтереков. Туралықтан тай­май, адалдықтан айнымаған Рау­шан Байтереков бү­гінде еңбегінің жемісін жеуде. Қарттыққа қа­дам басқанымен іске епті, әлі күнге дейін Қы­­­­зылорда қаласындағы "ОТАН" РҚБ-нің "Қызылорда облыстық КТОО" білім беру мекемесінде еңбек етіп ке­леді. Ағалық ақы­лын, мол тәжірибесін осы са­­лаға арнаған жан­ның ізінен ерген әріптесте­рі абзал жан туралы есте­лік­термен бөлісіп, өмір жолын сабақтады.

   Раушан Байтереков 1935 жылдың 14 шілде­сін­де Сырдария ауданы, Сұлутөбе  ауылында дү­ние есігін ашқан. Ерте кезден еңбекке аралас­қан ол бастап­қы еңбек са­тысын 1955 жылы Ақ­мола облы­сын­дағы Машина-трак­­­­тор станциясында механик ретінде бастаған. Кейіннен 1957 жы­лы Сұлутөбе МТС-да қызметін жал­ғас­тыра­ды. Ал, 1960 жы­­­лы Сұлу­төбе АШМБ-да (Сулутюбинском УМСХ) өнді­рістік іс шебері қызметінен бас­­тап, мұғалім қыз­ме­тіне ауыстырылды. Қа­ра­па­йым­дылығының ар­қа­сында болар, қызметте сатылап биіктеген екен. Араға бір­­не­ше жыл салып, яғни 1976 жылы тамыз айы­нан бастап    ДОСААФ автомектебіне мұ­ғалім болып қабылданады. Міне, содан бері мұ­ға­­лімдік қызметті жанына серік еткен ол бүгін­де "ОТАН" РҚБ-нің "Қызылорда об­лыс­тық КТОО" білім беру мекемесінде маман даяр­лауға әлі де үлес қосып келеді.

   

   

   Қызылордаға келген қонақтар: "Қала өзгеріп, жасарып кетіпті",- деп, жылы лебіздерін білдіріп жатады. Иә, расында да бой көтерген тұрғын үйлер мен асфальтты түзу жолдар, тарихи-мәдени ескерткіштер қала көркін ашып тұр. Дегенмен де дамудың даңғыл жолына түскен, қос ғасырлық тарихы бар қала үшін әлі жұмыстар жасалуы тиіс. Сол себепті де сол жағалау игеріліп, қалаға қарасты ауылдарға да ден қойылып келеді.
    Елді елең еткізетін кез-келген жаңалыққа салмақты қарайтын Н.Нәлібаев апта сайын аппарат жиналысын жасап, мәселелердің шешілуіне мән беріп жатыр. Бұл жолғы отырыс өзгелерден өзгеше. "Қызылорданың басқа қалалардан қалыспай, абыройының асқақтауы үшін нендей шешімдер шығарылу керек, күні бұрын берілген тапсырмалар тиянақты орындалып жатыр ма?" деген сынды сауалдар ортаға тасталып, бөлім басшыларының атқарған жұмыстары тыңдалып отырады.
    Баяндамалар басталмас бұрын әкім біраз іске тоқталып өтті. Оның ішінде қаладағы жұмыс жасамай тұрған 6600 жеке кәсіпкердің іріктелуін тапсырды. Оған қоса "Сырдария" балабақшасының 360 демалушы балдырғандардың да жағдайы қатаң қадағалауда болуы керек екенін ескертті. Әкім өз сөзінде: "Елдегі кемшін тұстарға тұрғындардың жанашырлығы қажет. Қалалықтар құлап тұрғанды көтеріп, әлсізді демеп жіберуге күш салулары керек. Себебі қала - біздің ортақ үлкен үйіміз",- деді.

 


   Биыл – Астана мен Қызылорда қаласының мерейтойлары. 20 жылға толып отырған Астана тәуелсіз еліміздің жүрегі ретінде саналса, екі ғасырлық өткелді аттаған Қызылорда өз ұлтына қазақ атауын қайтарған қасиетті қала, еліміздің астанасы атанған орда.

   Алты Алаштың анасы, Сыр өңірінің бас қаласы Қызылорданың қазақ тарихы үшін орны бөлек. Қаймағы бұзылмаған қазақ халқының қасиетті мекеніне айналған, тамыры түркілерден бастау алған, ұлтымыздың ұлылығы мен азаматтығына куә болған Сырдария жағалауындағы шырайлы шаһардың өткені мен бүгіні тарихта алтын әріптермен жазылмақ.

   Осы мерейлі күнді ұмыт қалдырмай, Қызылорда қаласының 200 жылдығын қамтитын тарихи деректерді ғылыми айналымға шығаруды, тарихи оқиғаларды зерделеуді, әдебиеттің дамуына із салған көрнекті ақын-жазушылардың әдеби мұрасын насихаттауды мақсат тұтқан «Руханиятты жаңғырту» қоғамдық қоры облыстағы тарихшылар мен әдебиетшілер арасында «Қызылорда – тарих пен тағылым таразысы» атты байқау ұйымдастырған болатын. Байқауға келіп түскен үздік жұмыстар конкурстың ақпараттық демеушісі республикалық әдеби-мәдени, тарихи-танымдық «Әлімсақ» журналында жарық көрді. Жұма күні Ә.Тәжібаев атындағы облыстық әмбебап ғылыми кітапханасында ғылыми жұмыстар конкурсының салтанатты кеші болды. Кеш Қызылорда қалалық мәдениет және тілдерді дамыту бөлімінің қолдауымен қорытындыланды.

   

    Баланың білімі баспалдақ се­кілді. Әр кезең сайынғы жаңа сынақ, тосын жағдай білімді шыңдай түседі. Уақыт талабына жауап беріп, қатарының алды болған дарындылар әуелгі кезде мектеп мақтанышына айналады, ата-ана абыройын асқақтатады, қатарына сыйлы болады. Бұл ортадағы қолайлы аура баланың сенімділігі екі есе артады. Ай­мақ­тың білім додаларында топ жарып, биліктің көзіне түсіп, қолдауына ие болады. Ақпарат құралына шығып, елге танылады. Ал, облыстық, респуб­ликалық білім бәйгелерінен ысылып шық­қандары халықара­лық олимпиадаларда бақ сынайды. Уақыт өте келе, баланың бойында із­­деніс туа бастайды. Салыс­тыр­ма­лы анализ жасап, елдегі білім са­ласының оң мен солын ажыратады. Осылайша елдің білімін жеткілікті деңгейде алып шыққан дарынды­лар сырт елдің үздік оқу орын­да­ры­ның гранттарына қызығады. Шетелдік университеттерді зерттей келе, сынақтарын тапсырып, нәтижеге көз салып жүреді. Түптің түбінде, шетелдік университетке ша­қырту алады. Осылайша, қабі­лет­тілер Қазақстаннан кете береді. Бұл елдегі білімді балалардың басым бөлігінде бар жағдай.

   Есіңізде болар, барлық бұқа­ралық ақпарат құралдары Талды­қор­ғандағы Антон есімді баланың АҚШ-тың 5 ірі университетіне шақырту алғанын жарыса жазды. Өңірдегі Назарбаев зияткерлік мектебінде білім алған ол өзінің қабілетіне сеніп, ірі университтердің білім сынақтарына онлайн өтініш қалдырған. Баланың білімін сарап­қа салған шетелдік орта Антонды Гарвард, Стэнфорд, Колумбия университеті, Массачусетс техно­ло­гия институты және Калифорния технология институтында көргісі ке­летінін айтқан. Мұндай ірі университетке өтінім беретін тү­лектердің саны 40 мыңға дейін жетіп жығылады екен. Грантқа қа­тысамын деп ниет білдіретіндердің тек 4-6 пайызы ғана жолдама алады. Демек, бәсеке қатты, талап қатаң.

       Шаңырағы шайқалмаған, босағасы берік, керегесі кең отбасылар бүгінгі заманның батырлары десек болады. Себебі заманның ағысына ілесе алмай, тұрмыстық түйт­кілдерге төтеп беруі қиын отбасылар жетерлік. Одан бөлек түрлі заңсыздықтар мен отбасыдағы зорлық-зом­былық оқиғалары да жиілеген. Бұл жөнінде 31 мамыр күні Қызылорда қаласының мамандандырылған әкімшілік сотының мәжіліс залында судья Күміс Еспенбетова өткізген баспасөз отырысында мәлім болды.

    "Отбасылық-тұрмыстық зорлық-зомбылық санатындағы әкімшілік істерді сотта қарау ерекшеліктері" тақырыбында өткен брифингте К.Еспенбетова көптеген шешімі табылған істер мен сот отырыстары жөнінде сөз етті.

    ҚР ӘҚБК-нің 73-бабымен, яғни отбасы тұрмыстық қатынастар аясындағы құқыққа қарсы әрекеттер мен істерді қараудың нормативтік жүйесі ҚР Конституциясына, ҚР Әкімшілік құқық бұзушылық туралы кодексіне, ҚР"Тұрмыстық зорлық-зомбылық профилактикасы туралы" заңына, "Құқық бұзушылық профилактикасы туралы" заңына, әкімшілік құқық бұзушылық құрамынан туындайтын сұрақтарды реттейтін түрлі салалық заңнамалық актілерге, басқа да нормативтік-құқықтық актілерге негізделген. Қолда бар мәліметтерге көз жүгіртсек, 2018 жылдың мамыр айына Қызылорда қаласының мамандандырылған әкімшілік сотымен барлығы 88 іс қаралған. ҚР ӘҚБК-нің 73-бабы 1-бөлімімен 59 іс қаралып, оның ішінде 36 іс бойынша ескерту жазасы, 1 іс бойынша қамау жазасы тағайындалған. 22 іс ҚР ӘҚБК-нің 64-бабына сәйкес татуласу, яғни медиация негізінде тоқтатылыпты. "ҚР ӘҚБК-нің 73-бабы 2-бө­лімімен 29 іс қаралып, оның ішінде 16 іс бойынша қамау жазасы тағайындалып, 13 іс ҚР ӘҚБК-нің 64-бабына сәйкес медиация негізінде тоқтатылған. Істерді іріктеп тексерудің нәтижесі соттардың бұл санат бойынша тәжірибе қалыптасқанын көрсетеді. Негізінен көрсетілген істерді қараған уақытта қиындықтар туындамайды", - деді судья К.Еспенбетова өз сөзінде.

Сәрсенбі, 06 Маусым 2018 12:39

БАЛАЛАР ДЕМАЛЫС МАУСЫМ БАСТАДЫ

| Автор: 

   

    Балаларға қуаныш сый­лаған мереке қарсаң­ында өңірлердегі тынығу лагерлері салтанатты түрде ашылып, өз жұмыстарын жүйелі жүргізуді бастап кетті. Қалалық білім бөлімі мамандарының бізге берген мәліметтері бойынша, оқу жылын 1-10 - сынып аралығындағы 52835 оқу­шы бітірсе, оның 48777-і жазғы кезеңде демалыспен қамтылады. Барлық 54 мектепте күндізгі тынығу лагерьлері жұмыс жа­сап, оның ішінде 11 мек­­теп жанында толық күн­­дізгі жатын орындары бар лагерьлер ұйымдастырылады деген еді. Енді жос­парға сәйкес маусым айының алғашқы күнінен бас­тап балалар жазғы демалыс уақыттарын тиімді өткізу үшін лагерьлерге аттанды. Осы күні қаламыздағы "Сырдария" жазғы тынығу лагерінің ашылу салтанаты болып, балдыр­ғандардың бақытты шағы басталуына куә болдық. Ауқымды шараға шаһар басшысы Нұрлыбек Нәлібаев келіп, Халық­ара­лық балаларды қорғау күні мерекесімен барлық тынығушыларды құттықтады.

   "Бұл өмірдің базары да, ажары да біздің балаларымыз. Баланы ұрпақ жал­ға­сына балаған халқымыз, бала - көңілдің гүлі, көздің нұры. Ана - үйдің берекесі, бала - үйдің мерекесі деп бағалайды. Бүгінде мемлекет басшысының кемеңгер саясатының арқасында ұлтымыздың болашағы ба­­лаларымыздың білім алып, жан-жақты дамыған азамат болып қалыптасуы үшін барлық жағдай жасал­ған. Жадыраған жаздың ал­ғашқы күнінде тойланатын бұл мереке елімізде жыл сайын үлкен дайындықпен, ерекше көңіл-күй­мен аталып өтеді. Расында бала бақытын бағына балаған ата-ана үшін мерекенің маңызы да, ма­ғы­насы да терең. Барым ба­лам үшін деген ұстаныммен көзіміздің қарашығындай бүлдіршіндердің бала шағын баянды ету, перзентіміздің ертеңі үшін еңбектену барша адамзат­қа ортақ парасатты парыз деп білеміз" - деді қала әкімі Н.Нәлібаев.

         Ұлттық тестілеуде тек бала ға­на емес, мектеп директорлары сына­ла­ды. Себебі түсінікті. Оқушы­лары сы­нақтан тым төмен ұпай жинаса, сол мектеп басшылығы білім жиналы­сында сынға ұшырайды. Бұл ұстаз­дар­ды да қинайды. Жасырып жабатыны жоқ, осы кезге дейін ұлттық тесті­леу­ге қатысатын барлық мектептер арасында өзара рейтинг жүретін. "Алтын белгі", "Үздік аттестат" иеге­рі атанған үміткерлердің де се­німді ақтап шығуы да мектеп дирек­торларын уайымға салып қоятын. Бірақ, өткен жылдан бері "Алтын белгі" иегеріне айрықша басымдық жоқ. Сондықтан оқушы да, ұстаз да, мектеп директорлары да бұл жауаптылықтан құтылды. Әйткен­мен, ұстаздар межелі балл жинай ал­майтын оқушылардан қауіптенеді. Оқу­шылары пәндерден тым төмен ұпай жинаған мұғалімдер мектеп ди­ректоры алдында өзін кінәлі сезіне­тін­дей күй кешеді. Ал, директорлар жергі­лік­ті басқарма алдында нәтиже үшін төмен қарайтыны рас. Қалай десек те, жыл сайынғы сынақ алдындағы жағ­дай бұл. Десе де, жақында өткен Үкіметтің селекторлық жиынында ҚР Білім және ғылым министрі Ерлан Сағадиев бұдан былай ұлттық тесті­леу­дегі нәтижелер үшін мектеп дирек­­­торлары жазаланбайды деп мәлім­депті.

     Бас педагогтың мәлі­метін алға тартсақ, осы жылы ұлттық бірыңғай тестілеуге өтініш берген мектеп бітірушілер саны 102442-ге жетіп отыр. Бұл түлектердің 70 пайызын құрайды. Оның 75 пайы­зы қазақ тілінде, 25 пайы­зы орыс тілінде сынақ тапсырмақ. Министрдің есебінше, былтырғы жыл­ға қарағанда биыл тестілеуге ниет білдірген оқушылар саны 10 мыңға артқан.

   Биыл Қалтай Мұхамеджанов атындағы №1 мектеп-гимназиясына - 100 жыл. Білімде іргетасы қаланған білім ошағы ғасырға жуық тарихында талай шәкірт түлетіп, атпал азаматтарды қанаттандырып шығарды. Ұрпақ тәрбиесі мен білім жолын таразы басына тең ұстайтын білім ордасы әр жылдарда толайым жетістіктер мен биік белестерді бағындырып келеді. Енді міне, өткен аптада тағы да түлектер  легі алтын ұя мектептерімен қош айтысып, соңғы қоңырауды сыңғырлата соқты.

   11 жыл алтын ұяда білім алған түлектер ұстаздарының тәлімі мен тәрбиесі арқылы қанат қағып, жаңа өмірге қадам басады. Ата-аналарының үкілі үмітін ақтаймын деп бі­лім жолына түскен шәкірттердің ар­ман асуы биік, мақсаттары айқын. Білім ордасының мерейлі сәтінде түлектерге ақжолтай тілегін арнай кел­ген қала әкімі Нұрлыбек Нәлібаев, қалалық білім бөлімінің басшысы Ақарыс Нұрсейітов, Қызылорда облысының Құрметті азаматы, Денсаулық сақтау саласының үздігі Тұрғанбай Маханов соңғы қоңырау салтанатында оқу­шыларға сәттілік тіледі.

    - Қазір білім санмен емес, сапамен өлшенетін уақытқа айналды. Бұл орайда қала мектептерінің мате­риалдық-техникалық базасын нығайту, білім беру сапасын арттыру, жаңа технологияларды ендіру бағытында ауқымды жұмыстар жасалуда.  Жасалған қолдаулар мен ұс­таздар қауымының тынымсыз еңбектерінің арқасында былтырғы оқу жылында 1 мың 739 мектеп біті­руші түлектің ішінен 581 түлегіміз мем­лекеттік грант иегері атанып, 107 түлегіміз "Алтын белгі", 102 түле­гіміз "Үздік аттестат" иегерлері атанды. Бұл жетістікке қол жеткізуде ұстаздар қауымының тынымсыз еңбегінің және болашақтың кілті - білімді азаматтардың қолында еке­нін жете түсінген қала түлектерінің де үлесі зор,-деді қала әкімі.

Сәрсенбі, 30 Мамыр 2018 08:21

Мақсат – ауыл мектебін қолдау

| Автор: 

    

   Қолында қаржысы бар кәсіпкерлердің ішінде ұрпақ білімі мен ел болашағына алаңдайтындары аз емес. Бірақ көп біріксе, қамал бұзылады. Ауыл мектебіне қолдау білдіретін жанашыр азаматтарды Елбасы да көпке қарата айтқан-ды. Жолдауында да ауыл мектебі мен қала мектептерінің арасын­да­ғы ара-қашықтықты жою мәселесін міндеттеді. Шалғай жатқан ауылдарға барып, жаңа білім жүйесінің маңызы мен мақсатын түсіндіруді қолға алған Назарбаев зияткерлік мектептері "Қолдайық ауыл мектебін!" атты акция ұйымдастырды. Қызыл­ордадағы зияткерлік мектеп басшылығы Сырдария ауданындағы №131 Т.Қозыбаев атындағы мектепке көмек қолын созды.

   Игі шарада Зияткерлік мектептерінің оқушыла­ры мен мұғалімдері жинаған 6875 дана көркем жә­не ғылыми-танымдық әдебиет, оқушылар өсір­ген 2000 түп гүл, ДББҰ орталықтары (ОБО, ПШО, ПӨО) жасаған 860 дана мұғалімдерге арналған әдістемелік құралдар, нұсқаулықтар табыс етілген. Сон­дай-ақ, Алматы қаласындағы НЗМ оқушылары жасаған 3D принтерді мектеп оқушыларына апарды.

   Халықаралық балаларды қор­ғау күніне орай жыл сайын 25 ма­мыр мен 15 маусым аралығын­да "Нұрлы болашақ" бүкілқазақс­тан­дық акция­сының шеңберінде түр­лі іс-шаралар жүзеге асады. Биыл да "Бала еңбегін пайдалану­ға қарсы 12 күн" атты ұлт­тық ақ­па­раттық науқан басталуда. Бұл жө­нінде кеше облыс әкімдігінің баспасөз орталығында брифинг өтті.

   Облыстық білім басқармасы басшысының орынбасары Құра­лай Ерташова осы бағыт бойынша жү­зеге асқан іс-шаралар жөнінде әңгі­ме­леді. "Жұлдызай" республи­калық шығармашылық фести­ва­лінің қоры­тын­дысы бойынша 16 мүм­кіндігі шек­теулі бала Астана қаласына жолдама ал­ған. Науқан аясында балалардың жаз­ғы дема­лысын тиімді өткізу үшін тиі­­сінше жағдай жасалуда. 1 маусым кү­ні облыстағы барлық демалыс ла­герь­лері жұмысын бастап, оқушы­лардың тынығуына жол ашпақ.

    Жаз мезгілі балалардың дема­лып, тынығуына мүмкіндік берері сөзсіз. Бірақ, кей жағдайда балалық шақтың қызықты күндерін қарба­лас жұмысқа айырбастайтын жет­кін­шектер де аз емес. Бүгінгі күні жасөспірімдердің еңбекке ерте бастан араласуы және заң­сыз түрде жұмыс жасап жүрген ба­лалар саны көп. Кәмелетке толмаған­дардың құқықтарын сақталуын қам­та­масыз ету, алдын алу шаралардың маңыздылығы туралы Қызылорда облы­сының ішкі істер департамен­тінің жергілікті полиция қызметі, юве­налдық полиция бөлімшесінің бас­қар­ма басшысы Ғалымжан Нағыметов баян­дады. "12094 кәме­летке толма­ған­дардың заңды өкі­летсіз жүргендігін және 5 кәмелетке толмағандар ойын-сауық кешенін­де заңды өкілетсіз жүргендігін анық­тадық. Сондай-ақ, рейд жүргі­зу барысында 4 ойын-сауық кеше­нінің екеуі кафе-бар, қалған екеуі ком­пьютерлік клуб иелеріне де тиіс­ті шаралар қолданылды",- деді ол.  

Ж.Қалиева

Сайт бойынша іздеу

Сауалнама

ҰБТ кезіндегі сынақ кітапшалары қаншалықты білімді таразылай алады?

Алдын ала межені байқау үшін - 27.9%
Ұлттық тестілеуге дайындықты пысықтау жолы - 37.2%
Ақша табудың амалы - 11.6%
Оқушының пәндік сабақтардағы бейінін байқатады - 23.3%

Total votes: 43
The voting for this poll has ended on: 07 Мам 2018 - 00:00

Күнтізбе

« Шілде 2018 »
Дс Сс Ср Бс Жм Сб Жк
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C