Айтарым бар

Исатай Минуаров, әлеуметтанушы:

    Бала өз болашағына өзі жауапты. Тиісінше, мамандығын өзі таңдауы керек (бала өзіне не керегін біледі. Егер барлығы жоспар бойынша болмаса, бала ата-анасын кінәлайды). Қазір нарық соны сезген болуы керек, көптеген оқу орталығы “дұрыс мамандық таңдауға көмектесеміз” деген сервис көрсетуді бастады.

   Нарықта қандай мамандықтарға сұраныстың мол екенін анықтап алыңыз. Мамандықты таңдағанда өте ұқыпты болыңыз.

  “ЖОО-ға мектептен соң бірден түсу міндетті” деген психологиядан арылу керек. Шетелде Gap year деген ұғым бар. Gap year бір жыл болуы мүмкін, екі-үш жылға созылуы мүмкін. Бұл уақытты мектепті енді бітірген түлек өзінің не қалайтынын, жасырын потенциалын барынша анықтауға, приоритеттерді дұрыс қою жағын ойлануға пайдаланады. Есесіне, мектеп бітірген бала сол уақыт аралығында есейіп, аз да болса студенттік шақта туындайтын қиындықтарға, стреске дайын болады. Ал біздегідей балаға мектеп бітірген жылы бірден университетке түсуді міндеттеу дұрыс емес.

 

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны                      2019жылдың І  жартыжылдығына 

Қазпочта арқылы 6 айға - 1950 теңге (қала үшін)

6 айға - 2150 теңге (аудандар үшін)

Редакция арқылы 6 айға - 1880 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Айдар Сайлауов 

Жүлдызай Қалиева

Абзал Жолтерек

Нұрболат Қоймағанбетов


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Білім

Білім (390)

Сәрсенбі, 31 Қазан 2018 11:55

Білімде бәсі биік білім ордасы

| Автор: 

   

    Елбасы Н.Ә.Назарбаевтың "Болашаққа бағдар: рухани жаңғыру" атты  мақаласында табысты болудың ең іргелі, басты факторы білім, жастарымыздың басымдық беретін межелердің қатарында білім әрдайым бірінші орында тұруы шарт екендігі, себебі құндылықтар жүйесінде білімді бәрінен биік қоятын ұлт қана табысқа жететіндігі атап көрсетілген. Осыған сай жастар да өзін күннен күнге дамытып отыратындығы заңды құбылыс. Бәсекелестікті талап ететін дамыған заманда жастарға артылар жауапкершілік пен жүктелер мақсат-міндет көп. Оны жүйелі әдіспен жеңе білу, қиындық пен сәтсіздікке қарсы тұру тек білімді де білікті азаматтың қолынан келетіні ақиқат. Тек білімді ұрпақ қана биікті бағындырып, көкке самғайды. Ал жас буынға жөн сілтейтін, тура жолға бастап, ізденіс пен еңбекке баулуға бағыттайтын әрине, білім мекемелері. Соның ішінде Сыр өңірінен орын тепкен "Ақмешіт" гуманитарлық-техникалық институты талай түлекті ұясынан ұшырып, білікті кадрдың даярланып, елі үшін қызмет етуіне жағдай жасап отырғаны баршамызға аян. Биыл "Ақмешіт" гуманитарлық-техникалық институтына 20 жыл. Осы уақыт ішінде айтарлықтай жетістікке, мақтана алатындай дәрежеге жеткеніміз қуантады.

    Адамзат алдында тұратын ұлы мұрат-міндеттердің ең бас­ты­сы - өзінің ісін, өмірінің жаңа ке­зеңдеріне жол ашып, салауатты саналы рухани бай, ақыл-парасаты мол ұрпақ тәрбиелеуінде. Мәдени-ғылыми өресі биік тұлғаны қалыптастыру, әрине, педагогтың қоғам алдындағы бо­рышы болып саналады. Ертеңгі күннің бүгіннен де жарық болып, нұрлы болуына жол ашатын бір ғана күштің барын білуі­міз қажет. Ол - білім мен тәрбие. Ал білімді ұрпақ - егеменді елі­міз­­­дің ертеңі, келешегіміздің ке­мел болып көкке самғауының себепшісі. Ел жастарының жалындауына, тәрбие мен білімді бір арнаға тоғыстырып, өрен­дер­дің өнегелі өсуіне жағдай жасап отырған жоғары оқу орындарының бірі ретінде "Ақмешіт" гуманитарлық-тех­ни­­калық институтын айтуға болады. Сыр өңіріндегі гуманитарлық, экономикалық, техникалық, құқық және қызмет көрсету бағыттарында маман даярлап келе жатқан алдыңғы қатарлы оқу орнына киелі білім ордасының тарихына тоқталмай өтуге болмас.

   

    Бүгінгі нарық ағымы білім саласының бәсекеге қабілетті маман даярлау ісіне үл­кен жауапкершілік жүктеп қойды. Қа­жетті білім мен мамандыққа керек машықты үйрету, білім мен тәрбие теориясына терең бойлау білім шаңырағы болып ашылған оқу ордасының мақсат-мін­детін айқындап береді. Сыр елінде жас буынның сапалы білім алуына жағдай жасап, кәсіби маман болуына бағыт-бағдар беретін Қызылорда көпсалалы гуманитарлық-техникалық колледжі 15 жыл­дық мерейтойға аяқ басты. 15 жылдың бедерінде колледж қалыптасу тарихынан, материалдық-техникалық базаны жаңарту мен маман даярлау ісіне жол салды. Осы себепті де колледждің кешегісі мен бүгіні турасында ой қозғауды жөн деп таптық.

    Қызылорда көпсалалы гуманитарлық-техникалық колледжі аймақтағы тех­­­­­­­никалық және кәсіптік білім саласында бәсекеге қабілетті, еңбек нарығының сұ­ранысына сай, экономика және әлеуметтік саланы дамытуға атсалысып келе жатқан оқу орындарының бірі. Алғашында колледж Қазақстан Республикасы Білім және ғылым министрінің 2004 жылы сәуір айындағы №353 бұйрығымен Қызылорда инженерлік-экономикалық институты жанынан құрылған. Уақыт өте келе, 2006 жылдың 24 қарашасында Қы­зылорда көпсалалы гуманитарлық-техникалық колледжі болып қайта тіркелді.  

    Колледж жылдар жылнамасында дамуды бетке алып келеді. Мамандардың кә­сібилігі, білім берудің тәжірибесі, оқы­тудың озық технологиялары заман сұранысына жауап беруге үндейді. Тағылымы мол білім шаңырағы 2013 жылы мемлекеттік аттестаттаудан сәтті өтіп, білім саласында өз орнын қалыптастырды.

Сәрсенбі, 31 Қазан 2018 11:26

БІЛІМ БИІГІНДЕГІ АСЫЛ АЗАМАТ

| Автор: 

   

   Ұлағатты сөзге айналған ұстаз ұғымы ұлықтауға тұрарлық. Ұстаздық - ұлы есім. Ұлы есімге шаң жуытпай, ұрпақ тәрбие­сін­де ұлылыққа айналдыруды берік ұста­ным еткен Асанхан Серімбетовтің білім биігінде асқан асулары жарқырап көрінеді. Сексен жастың сеңгіріне келіп, бұл фәни­ден бір жыл бұрын мәңгілікке қоштасқан тау тұлға көпшіліктің жадында асыл азамат бейнесінде әлі жаңғырып тұр. Ұстаздық жолда қайталанбас қолтаңбасын қалды­рып кеткен Асанхан Серімбетовтің өмір жолы көпке өнеге.  

    Балалық шағы сонау сұм соғысқа тұс­па-тұс келген жанның өмір күресінде де осал болмайтыны хақ. Оның үстіне анасы­нан ерте айырылып, тағдырдың жазғаны­на көнуге тура келген. Балалық шағынан Аяған ағасы мен Тәтия жеңгесінің қамқор­лығында болады. Ағасы әке орнын басып, барлық жақсылығын жасаған. Анасындай бол­ған Тәтия жеңгесімен сыйластығы ажы­рамаған Асанхан аға ер жетіп, қатарға қосылған шақта да ақыл-кеңестеріне құ­лақ асып жүрді, аналық пейілін жоғары ба­ғалады. Шаңырақтағы ыстық ықылас, өмір­ге құштарлық жас жігітті өмір белесте­рінің бәрін бағындыруға ұмтылдырды, жі­ге­ріне жігер қосты. Өмірдің өзі шыңдап, ба­ла­лық дәуренде даналық шақты ойлап, ерте есейді. Өзіне үлкен мақсат қоя келе ұстаздық жолдың даңғылына түсті. Талай та­лантты түлеткен Тұрмағамбет ақын атын­дағы №29 мектептен саналы шәкірт­тер қатарында білім нәрімен сусындап, жаңа өмірге аттанды.

   Жақында «Кәсіпқор» холдингі КЕАҚ «Қазақстандағы Туриндік процесі» зерттеу жұмысы аясында М.Мәметова атындағы Қызылорда педагогикалық жоғары колледжінде іс-шаралар  ұйымдастырып өткізді.

   Зерттеудің жұмыс тобы Білім басқармасы,  Жұмыспен қамтуды үйлестіру мен әлеуметтік қорғау басқармасы, Статистика департтаменті өкілдері НұрОтан партиясы облыстық филиалы, өңірдің ТжКБ директорлар Кеңесінің өкілдері және колледж директорларымен зерттеудің міндеттері мен мақсаттарын және оның аналитикалық жиек сұрақтары мен ұстанымдарын, сандық және сапалық ақпараттарды жинау және талқылау бойынша басқосу өткізді. Кездесу барысында М.Мәметова атындағы Қызылорда педагогикалық жоғары колледжінің директоры Б.Сайлыбаев колледжішілік әзірленген E-college электрондық бағдарламасымен таныстырды.

      

      Мұғалім қауым мәртебеміз артады деп еңсе тіктеп отыр. Арнайы заң осы кезге дейін айтылып келген мұғалім құқы, міндеті мен мәртебесін жаңа деңгейге көтеріп, педагогтарды аяқ асты шаруалардан арылтуға жол ашады деген сенім бар. Алайда, "Педагог мәртебесі" туралы заң бұл мәселелерді түбегейлі шеше ме? "Заң қабылдамас бұрын ортақ тақырыпта ұстаздардың ойы мен пікірі ескеріле ме?" деген сауал туындайды. Себебі бұл қорқыныштың арты білімге жасалған эксперименттей өтіп кетпеуі не бір қайнауы кем реформалардай болмауы үшін педагогтар ой қосуға асық. Себебі жақында ғана ҚР Парламенті Сенатының төрағасы Қасым-Жомарт Тоқаев: "Реформалар толық зерттелуі керек. Қалған жағдайдың бәрі де білім саласының дамуына салқынын тигізеді" деп, бір сынап алған еді. Сөзбе сөз қайырғанда:

   - Білім беру жүйесі реформалардың шырмауынан шыға алар емес, сондықтан саладағы эксперименттерді тоқтату керек. Реформалар қажет, бірақ олар мұқиятты түрде ойластырылып жасалуы тиіс, әйтпесе тек зиянын тигізуі мүмкін,- деген.

  Сенатор сыны Сағадиевке сабақ болары хақ. Себебі ширек ғасырдан астам уақытта құжат-құжат реформалардың бірі сәтті, бірі аяқтан тартты. Реформалармен бірге минис­т­р­лердің де қарымы сыналды. Бұл жолы да "Педагог мәртебесі" туралы заң да осы олқылықтарға орын бермеуі керек деген ой ұстаздарды елеңдетіп отыр.

   

   Бұл жаңалықты "Мектепке дейінгі ұйым­дардың қазақстандық қауымдас­тығы" Қызылорда облыстық филиалы­ның директоры Наталья Мишукова жеткізді.

    Айта кету керек, Қызылорда об­лы­сының кәсіпкерлер палатасы кәсіп­кер­лердің құқығын қорғауда ұзақ мерзімге созылған мәселелердің бірі - мектепке дейінгі білім беру мекемелерінің қыз­метіне қатысты болды. Атап айтқанда, Қызылорда қаласындағы 206 жеке ба­лабақшаға 2017 жылдың қараша-жел­тоқсан айларында көрсеткен қызметі үшін төленетін субсидия бойынша 558 млн.теңге қарыз болып, мерзімінде төлей алмаған.

    Бұл мәселе қала, облыс басшылары мен прокуратура органдарында, мәсли­хат, Парламент депутаттарының алдында да бірнеше рет көтерілді.

   

    Мектеп ата-аналармен тығыз байланыста болу мақсатында түрлі шараларды өткізіп бағады. Оқушының мектептегі не­гізгі ахуалын, тәртібін білу үшін де мұндай қарым-қатынас ата-анаға қажет-ақ. Алайда, бұл бай­ланыстың ғұмыры ұзаққа бар­майтын секілді. Айтпағымыз ата-аналар комитетінің бү­гінгі жай-күйі. Оқушылардың ата-аналарымен тұрақты және тығыз байланысты қамтамасыз ету мақсатымен құрылатын бел­гілі бір орган ата-аналар комитеті деп аталады. Бірақ ол қандай қарым-қатынас?

    Жақында ғана "ата-аналар комитеті жабылуы мүмкін" деген ақпарат қылаң берді. Бірақ, бұл мәлімдемеге шу көтеріп, қарсылық білдірген немесе қос қолын көтеріп қолдап жатқан адамды байқамадық. Бәрі үнсіз қалды. Тек әлеуметтік желіден ға­на талқыланды да қойды.

   Қазақстан мектептерінде ата-аналар комитетінің жұмыс істеуіне тыйым салынғаннан не өзгереді? Бұл тұста қалыптасып қалған үрдісті бұзғаннан кімге пайда, кімге зиян деген сұрақ та қойылмағаны белгілі. Аталмыш ұсыныс жайында ҚР Мемлекет­тік қызмет істері және сыбайлас жемқорлыққа қарсы іс-қимыл агенттігінің Астана қаласы бо­йынша департаментінің басшысы Жазира Жылқышиева мә­лім­деген еді.

   - Ата-аналар комитеті ол - өзінен өзі құрылған, құрастырылған бір құрылым. Жалпы, ондай заңда да, ешбір нормативтік құқықтық актілерде де жоқ. Біз ұсынысты бердік. Мау­сым айында ата-аналар арасында аноним түрде жүргізілген әлеуметтік сауалнама айына немесе аптасына қанша ақша жиналатынын білуге мүмкіндік берді. Мектепте қаржыны ата-аналар 1000 теңгеден бастап 10000 теңгеге дейін жинағандары анықталды. 100 адамның 87-сі өмірінде бір рет болса да, мектепте ақша жинағанын айтты. Дәл осы дерек бізге жүйелі түрде жұмыс істеуге септігін тигізді. Дегенмен де, ата-аналардың еш­қайсысы мектепте ақша жинайтыны жайлы ашық айтпады,- деді Жазира Жылқышиева.

Сәрсенбі, 24 Қазан 2018 09:23

Апта айшығы

| Автор: 

ЕҢБЕК КІТАПШАСЫНЫҢ КЕРЕГІ ЖОҚ

    Келер жылы еңбек кітапшасы керек болмай қалады. Себебі енді еңбек-шарттағы келісім-шарт онлайн режим­ге ауысады. Тек жұмысқа тұру үшін куәлік қана керек. Қалған құжаттар азаматтың жеке дерекқорында сақталады. Мамандар бұл қағазбастылықтан құтқарады деп есептейді. Бұдан өзге диплом және өзге де құжаттар онлайн режимге көше бастайды.

 

12 МЫҢ ЗАҢСЫЗ АЗАМАТ ЖҮР

    Оңтүстік Кореяда Қазақстанның 12 мыңы азаматы заңсыз жүр. ҚР Сыртқы істер министрлігінің ақпарына сү­йенсек, екі ел арасындағы визасыз режим осындай ста­тистикаға әкеп отыр. Көбісі уақытша жұмыс істеуге бар­ған азаматтарды құрайды. Корея жұрты заңсыз жүр­гендерге айыппұл салмақ. Арнайы белгіленген уақытта тіркелмесе, азаматтар айыппұл арқалауы бек мүмкін.

 

   

    Бала бақылауда болуы керек. Балабақша біткеннің бәріне бей­некамера орнатылуы тиіс. Бірақ, ел­дегі барлық балабақшалардың тек 60 пайызы ғана бейнекамералардың игілігін көріп отыр. Ал, Қызылорда облысындағы балабақшалардың тек 39 пайызы бұл міндетті орындаған. Мұндай мәліметті Қызылордаға арнайы келген ҚР Білім және ғылым вице-министрі Асхат Аймағанбетов жеткізді.

   Вице-министр "бейнебақылауға алу соңғы кездегі балабақшалардағы былықтың ашуына себепші болып отыр" дейді. Баланы ұрып-соғу, тәрбиешінің әрекеті, баланың қа­уіп­сіздігіне қатысты қоғамда орын ал­ған келеңсіздіктер тәртіпті тізгін­деу қажеттігін көзге ұрып тұр. Асхат Аймағанбетов мұғалімдермен кез­десуде көтерген тақырыптың бірі осы.

   - Тәрбиешілердің сапасын көтеру кезек күттірмейді. Бала­бақшадағы балалардың тәрбиесіне бөлінген 1 АҚШ доллар экономи­ка­ға 7 доллар өсім береді. Мектепте не университетте мұндай нәтижелік болмайды. Бұл - нақты зерттеу. Сон­дықтан бала тәрбиесі, балабақша сапасына мән беру керек. Бұл сапа­ны арттыруды қажет етеді. Бізге сан қуып, көрсеткіш алу емес, сапаны ой­лайтын кез келді,- деді Асхат Қанатұлы.

   

    Біршама жолды жүріп өттік... Кедір-бүдір жолы бар көшені де, зәулім үйлер жағалай орналасқан, жарығы көз тартар даңғылды да бағытымызға айналдырдық. Жай жүргеніміз жоқ, адам жаны үшін жеделдікті асырып, сабырлыққа өзімізді шақырып, қандай жағдай болса да жүректілік танытуға бойымызды үйретіп, міндеттелген мекен-жайға дер кезінде жетуге асығып келеміз. Шын мәнінде, өмір біз ойлағаннан да күрделі екен. Оның түрлі бел-белестен, сан қилы өткелдерден тұратынына енді көзім жеткендей. Өмір дейтін алып кемеде жақсымен де, жаманмен де тілдесіп, жолығасың. Тағдырымен тура келген талай жанға куә боласың. Бірі осы қысқа ғұмырдың қадірін түсініп, саналы ғұмыр сүруді арман етсе, енді бірі жалған дүниенің сынынан қорқып, өзінен безінгендердің бар екендігіне сенесің. Жалғыздықтың азабынан жаны жараланып, жабырқаған көңіліне ешкім демеу болмағаннан сарсаңға түсетіндерді де кездестірдім. Тіпті, ішімдікке сылқия тойып, жер таңдамай жантая кеткен жанға іштей жаным ашыған сәттерді де бастан өткердім.

   Жол үсті зулаған көлік, екі күннің бірінде жол апаты болып жатады. Кейде жанұшырып жеткенде қан-жоса болып жатқан атпалдай азаматтың, қыршын жас­тың тамыры соқпай қалатын кездердің жиі орын алатыны да жасырын емес. Өлім мен өмір арасында жанталасқан жандарға құстай ұшып, алғашқы көмекті көрсетуден еш жалықпайтын ерен еңбек иелері бар. Тосын болған түрлі дертпен бетпе-бет келетін жүрек жұтқан жедел жәрдем қызметкерлерінің әрбір ісі мақтауға тұрарлық. Себебі, олар маман­ды­ғына берілген, еңбегінің қиындығы мен қызығына шыдас берген өз ісінің нағыз майталмандары. Осы орайда жолда жүйткіп келе жатқан жедел жәрдем көлі­гімен көрген түрлі оқиғалар менің жолжазбама жарап қалды. Тілшіліктің тірші­лігінде жүріп, тынымсыз еңбек етіп жү­р­ген "жедел жәрдем" қызметінің қарбалас­қа толы бір күндік жұмысымен танысып, медицинаның қалтарысына қарсы шыдамдылық танытып келе жатқан кәсіп иелерінің жұмыс барысына куә болдым.

Сайт бойынша іздеу

Сауалнама

Күнтізбе

« Қараша 2018 »
Дс Сс Ср Бс Жм Сб Жк
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C