Айтарым бар

Исатай Минуаров, әлеуметтанушы:

    Бала өз болашағына өзі жауапты. Тиісінше, мамандығын өзі таңдауы керек (бала өзіне не керегін біледі. Егер барлығы жоспар бойынша болмаса, бала ата-анасын кінәлайды). Қазір нарық соны сезген болуы керек, көптеген оқу орталығы “дұрыс мамандық таңдауға көмектесеміз” деген сервис көрсетуді бастады.

   Нарықта қандай мамандықтарға сұраныстың мол екенін анықтап алыңыз. Мамандықты таңдағанда өте ұқыпты болыңыз.

  “ЖОО-ға мектептен соң бірден түсу міндетті” деген психологиядан арылу керек. Шетелде Gap year деген ұғым бар. Gap year бір жыл болуы мүмкін, екі-үш жылға созылуы мүмкін. Бұл уақытты мектепті енді бітірген түлек өзінің не қалайтынын, жасырын потенциалын барынша анықтауға, приоритеттерді дұрыс қою жағын ойлануға пайдаланады. Есесіне, мектеп бітірген бала сол уақыт аралығында есейіп, аз да болса студенттік шақта туындайтын қиындықтарға, стреске дайын болады. Ал біздегідей балаға мектеп бітірген жылы бірден университетке түсуді міндеттеу дұрыс емес.

 

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны                      2019жылдың І  жартыжылдығына 

Қазпочта арқылы 6 айға - 1950 теңге (қала үшін)

6 айға - 2150 теңге (аудандар үшін)

Редакция арқылы 6 айға - 1880 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Айдар Сайлауов 

Жүлдызай Қалиева

Абзал Жолтерек

Нұрболат Қоймағанбетов


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Білім

Білім (363)

          Мектепке дейінгі ұйым жағ­да­йында жобалау, зерттеу әрекетін жүйелі ұйымдастырып, балалардың танымдық, интеллектуалдық және шығармашылық қабі­леттерін қалыптастыру мақсатында түрлі шаралар өткізіліп келеді. Осыған орай "Ер Тарғын" ба­лабақшасында "Мектеп жасына дейінгі балалардың жобалау, зерт­теу әрекетін дамыту" тақырыбында қалалық семинар өтті. Балалардың тәрбиешімен бірлескен жобалық жұмыстары мен ашық сабақтарына қатысып, №2 аймаққа қа­расты мектепке дейінгі ұйым тәр­биешілері келіп тәжірибе ал­мас­ты. Балабақшаның қолөнер көр­месімен та­нысты.

     Өткен жылы Қазақс­танда 114 бала өз-өзін өлімге итермелеген. Әрине, айтуға ауыр. Құдай айдап, қажетті көмек келіп, ажалдан аман қалған. Ажал деп айтқанымызбен, өмірден қол үзіп, тіршілік тамырын үзген оқушылар бұл жағдайға өз-өздерін итермелеп отыр. Әлеуметтік, психикалық, моральдық, депрессиялық жағдайлар оқушыларды ажал отына айдап апарады. Өмірден өзін таба алмаған жас өскіннің өзіне-өзі қол жұмсауының салдары бүгінде әлеуметтік ахуалды асқындырып барады. Сорақысы сол, мектеп оқушылары арасында өзіне-өзі қол салғандардың жиілегені қорқыныш ұялатады. Оқушылар өлімін алдын алу үшін Балалар мен жастарға арналған 111 ұлттық сенім телефоны іске қосылған. Сенім телефоны арқылы күні бүгінге дейін 7 мың балаға көмек қолы созылған.

    Өмірде қиын жағдайға тап болып, ортадан оқшау қалған оқушылар осы ұлттық сенім телефонына хабарласып, көмек алады. Тәулік бойы қызмет істейтін сенім телефонына қоңырау шалып, өз аттарын құпия ұстайтын оқушылар көп. Мұны Балалар мен жастарға арналған 111 ұлттық сенім телефонының басшысы, Қазақстан Республикасындағы бала құқықтары жөніндегі уәкіл кеңсесінің өкілі Ысқақ Қашқынбайұлы Сыр еліне келген сапарында мәлімдеді.

    Сенім телефоны - бала қауіпсіз­дігі, отбасындағы кикілжің жағдайлар, тұрмыстық зорлық-зомбылықты анықтауға мүмкіндік беретін бір­ыңғай жүйе. 30-ға жуық оператор кү­ні-түні қоңырау қабылдап, басына қауіп төнген жасөпірімдерге жәр­дем береді. Бұл үшін заңгер, психолог, сарапшылар келіп түскен қо­ңы­рауларды талдай келе балаға қа­жет­ті көмек көрсетеді. Сенім телефонында 222 мыңға жуық қоңырау өңделіп, 8856 қоңырауға арнайы мамандар жұ­мыс жүргізген. "Қоңы­рау­ға келіп түс­кен хабар арқылы 114 суицид, 46 қатыгездік, зорлық-зомбылық жағдайын алдын алдық",- дейді Ысқақ Қашқынбайұлы.

          Өткен аптаның сәрсенбісінде аймақ басшысы ел алдында есеп берді. Аймақ ақсақалдарынан бастап, жас буынның басын қосқан әкім есебінде түрлі салалардың даму динамикасы таразыланды. Аймақ үшін жағымды жаңалықтар да аз емес. Айталық, биыл кәсіпкерлікті қолдау жылы болып жарияланды. Есепте шағын және орта бизнестің дамуына жағдай жасау, кәсіп ашуға ниеттенген кәсіпкерлерге қолдау көрсету қажеттігі айтылды.

    Ал, осы жылы әлеумет үшін "Орда" бағдарламасы іске асады. Ендігіде қызылордалықтар бастапқы төлемсіз тұрғын үй алуға мүмкіндік алады.

   - Біз өңір тұрғындарының әлеуметтік осал тобын мейлінше қолжетімді тұрғын үймен қамтамасыз етуді мақсат етіп қойдық. Сол үшін 2017 жылы 3 жылға есептелген "Орда" тұрғын үй құрылысының "жол картасын" әзірледік. Несиелік тұрғын үйдің көпбалалы отбасылар, мүмкіндігі шектеулі аз қамтылған топтарының барлығына бірдей қолжетімді еместігін ескеріп, "Нұрлы жер" бағдарламасы аясында салынып жатқан несиелік тұрғын үйлерді жергілікті бюджет есебінен сатып алуға жыл сайын облыстық бюджеттен 2 млрд. теңгеден қаржы бөлу туралы шешім қабылдадық,- деді облыс  әкімі.

Сәрсенбі, 21 Ақпан 2018 10:52

Екі жылдың есебі

| Автор: 

    Екі жыл бұрын еліміздің бас пе­да­гогы атанған Ерлан Сағадиев са­лаға келе сала экс-министрлер се­кіл­ді білім саласын реформалармен бас­тап еді. Әуеліде қазақшасына күмән­мен қараған халық Білім және ғылым министрін сынап та алған-ды. Алай­да, дәл осы Сағадиевтің салаға келген ке­зінен бастап түрлі тақырыптар қо­зып кетті. Жаңартылған білім беру мазмұнына өту, электронды күн­делік, Әліппенің "Сауат ашуға" ал­мас­уы, үштілді білім беру, тағысын тағы. Білім тағына отырған күннен бастап министр жаһандық бәсеке­лес­тікті басымдыққа балап, ауыл мен қала мектептерінің арасын жалғауды қолына алды. Білім саласын құрта­мын деп емес, құлпыртамын деп кел­­ген министрдің басшылықта отыр­­ғанына да екі жыл толыпты.

    Бүгінгі күні мектеп оқушылары арасында бәсекелестікті арттыру, жасөспірімдердің оқу мен білімге құш­тарлығын ояту, білім алушыға бағыт-бағдар беру - мұға­лім­нің міндеті. Осы орайда ұстаздар қауымы қосымша бағдарламалар арқылы білімі мен біліктілігін жетілдіріп жүргені белгілі. Соның айғағы ретінде Қ.Қаракөзов атындағы №235 орта мектебінің ұйымдастыруымен "Оқытудағы тиімді әдіс-тәсілдер - құзіреттілікке бастар жол" тақырыбында қалалық әдістемелік семинар өткізілді. Негіз­гі мақсаты - оқушы құзіреттілігін дамытуға бағыттайтын әдіс-тәсілдерді қолдана отырып, ұстаздардың өзара тәжірибе алмасуы.

   Аталған шараға қазақ тілі мен әдебиеті, орыс тілі мен әдебиеті, ағылшын тілі және бастауыш сынып мұғалімдері қатысты. Қалалық білім беру бөлімінің әдіскері Рита Мұхашева және Қорқыт ата атындағы ҚМУ-дың п.ғ.д., профессор Шарбан Мұсабекқызы келіп, мектеп ұжымы мен мұғалімдерге сәттілік тіледі. Семинарға қатысушылар "Болашаққа бағдар: рухани жаңғыру" бағдарламасы аясында әзірленген оқушылардың шығармашылығымен, қолөнер бұйымдарының көрмесімен таныс­ты. Сонымен қатар жаңартылған білім мазмұнына негізделген сергіту сәті мен топтық жұмыстар жүргізу әдістерін меңгерді. Ашық сабақ, коучинг - сессияларға қатысып, пікір алмасып, ұстаздар бір-бірімен ой бөлісті.

   Шара соңында Ш.Мұсабекқызы ұстаз болудың ұлағатты іс екенін алға тартып, ұстаздық жолында аянбай қызмет етіп келе жатқан мұғалімдерге ал­ғысын білдірді. Жаңашылдықты жаны сүйетін маман иелері білім беруде өзгеше әдіс-тәсілдерді меңгеріп, сабақ үстінде оңтайлы қолдана алуы - ұстаздың жетістігі. Қ.Қаракөзов атындағы №235 орта мектебінің директоры Гүлзира Мажитова семинар­ға келген барлық мұғалімдерге ризашылығын білдірді. Алдағы уақытта да әріптестік қарым-қатынасты жалғастырып, өзара ауызбіршілікпен атқарар ортақ істің орындалуына нық қадам жасауға шақырды.

Жұлдызай ҚАЛИЕВА 

Сәрсенбі, 21 Ақпан 2018 10:41

6 мыңнан аса бала балалар үйінде

| Автор: 

        Қазақстанда балалар үйінің желісі қысқарып, жылдан жылға онда тәрбиеленуші балалар саны азайып келеді. Бұл халықаралық тәжірибеге негізделген ұзақ мерзімді саясатпен тікелей бай­ланыс­ты.

     2009-2017 жылдары аралығында балалар үйлері тәрбиеленушілерінің саны 15116 адамнан 6 223 адам­ға дейін, яғни 60%-ға қысқарды. Балалар үйлерінің желісі 213-тен 137-ге дейін, яғни 35%-ға азайды. Олардың 49-ы отбасы үлгісі бойынша жұмыс істейді. 2017 жылдың басынан бастап 22 баланы қабылдаушы отбасы құрылды, отбасы құрылымының 4 формасы - асырап алу, патронат, қорғаншылық, баланы қабылдаушы отбасы заң жүзінде бекітілді және оларды мемлекет қаржылай ынталандырады.

    2017 жыл ата-аналарының қамқорынсыз қалған балаларды орналастырудың отбасылық формаларын дамытуда өзгерісті кезең болды. Республикалық жетім балалар мен ата-аналарының қамқорынсыз қалған балалар банкі жұмыс жасай бастады. Балаларды өз отбасыларына қабылдағысы келетін азаматтар үшін бюрократиялық кедергісіз, қысқа уақытта өздері балаларды таңдап алу мүмкіндігі туды. Тек 2017 жылдың басынан бастап банк арқылы 394 бала асырап алынды және отбасыларын тапты, 2437 бала қорғаншылыққа, 219 бала патронаттық тәрбиеге берілді. Бұл сөзсіз тиімді механизм болашақта қандай да бір себептер бойынша ата-аналарымен тұра алмайтын балалардың барлығын дерлік отбасыларға уақытша немесе кәмелеттік жас­қа толғанша ұзақ мерзімге орналастыруға мүмкіндік береді.

      Өткен жылы ұйымның жаңа үлгісі - қиын өмір жағдайындағы балаларды қолдау орталығы енгі­зілді. Оның балалар үйінен ерекшелігі - баланың кез келген жағдайда жан-жақты әлеуметтік қыз­меттер кешенін алу мүмкіндігі бар. Орталықта басты күш баланы биологиялық отбасында сақтауға жұмсалады және балаларды ата-аналарына қайтару мүмкін болмаған жағдайда ғана бала үшін отбасын таңдау жұмысы жүргізіледі.

Бастауыш сынып мұғалімі нені ескеруі қажет?

    Бастауыш сынып мұғалімінің тынымсыз еңбегімен кешегі үй ерке­сі­нің, балдырғанның мектеп қабырға­сын­дағы өмірі басталады. Ойын баласына әліппені үйретіп, қалай қалам ұстап, қалай жазу керектігін, мектеп тәртібі мен әдебін кішкентайдың құлағына құйып, санасына сіңіретін бастауыш сынып мұғалімі.

  "Білім негізі бастауыш сыныпта қа­ланады" деп жатамыз. Бұл сөздің ақи­қаты сонда, бастауыштан қалыптасқан, іргетасы мықты білім онжылдықты бітіргенде де, жоғарғы оқу орнына түскенде де алдынан шығары анық.

    Әрбір шәкірт алғашқы ұстазын, сонау алыста қалған балалық шағын сағынышпен еске алары хақ. Мұғалім­нің жаңа ортаға келген балаға жылы қабақ танытып, анасындай мейірім нұ­рын төгіп, бауырына тартқаны ұмытылар ма? "А" әрпін үйренуден басталған білім мұхитына жасалған саяхат шә­кірт­тің үлкен өмірге қадам жасауына ұласады. Алғашқы ұстаз бәріміздің есімізде осылайша сақталады.

  Бастауыш сынып мұғалімі пәк жү­ректі балдырғандарға сабақ үйретудің қиындығын басынан өткереді, ерекше сабырлылықтың үлгісін көрсетеді. Оған тіпті мына өмірге бала көзімен қа­рауға тура келеді. Балдырған жанын тү­сіну, бала көңілін ұғыну, бала жүрегіне үңілу мұғалімге көптеген ізденісті бас­тан өткеріп, шаршағанын да ұмытып, қайтсем оқушыларымды үлгілі, тәр­тіпті, әдепті етемін дейтін күндерге ұласады.

   Қазіргі балабақшадан келген балалардың үйде тәрбиеленген балалардан өзгешелігі болатындығы айтылып жүр. Әйтсе де мұғалім оларды бөліп-жармай оқытуы, үйретуі, тәрбиелеуі керек.

   Балаға берілген тапсырма оның ұғынуына неғұрлым жеңіл болуы, мә­тінді жазып, есепті шығару барысында өз бетінше жұмыс істей алуы, өз түсінігін айта білуі, тіл байлығының мол, өз ойын жеткізе білуі бастауыш сы­ныптан қалыптасады. Қазіргі балалардың қиялы шексіз, бір көргенді, тыңдағанды зейін қоя ұғынса, қағып алады, ол үшін бала ынтасын сабаққа аудару жолында, олардың қызығушылығын ояту үшін мұғалімге көп еңбектенуге, көп ізденуге тура келеді.

   

    Кез келген адам ақша таба алады. Алайда, ақшаны басқаруға келгенде табыстылардың өзі орта жолда ойланады. Себебі қаржылық сауаттылық аяқтан шалады. Бұл - дәлелденген тұжырым. Экономистер мен сарапшылардың жыл сайынғы зерттеулеріне сүйенсек, Қазақстанның әрбір үшінші тұрғыны қаржылық сауаттылығына күмәнмен қарайды. Демек, ақшаны табу мен оны басқару арасында байланыс жоқ, нақтысы, қаржылық сауатсыздығымыз басым.

   Кіріс көзін әркім әрқалай әкеледі. Ай сайын қалтаға түсетін жалақы, уақытылы келетін зейнетақы мен жәрдемақы, кәсіптен түскен қаржы қандай да болмасын, табыс түсірімін белгілейді. Ал, оны тиімді жұмсау әр адамның өзіне тіреледі. Десе де, қазақстандықтардың дені ақшаны жаратудың жолында жаңылысады, себебі есептілік жүргізбейді. Есеп жүрмеген жерде кіріс пен шығыстың арасы білінбейді. Сол себептен де соңғы кезде баланы ерте кезден бизнеске бейімдеу, қаржылық сауаттылығын арттыру қажеттігі ашық айтылып келеді. Біз "Тілші түйіні" айдарында баланы нарық өміріне бейімдеудің жолдарына жауап іздедік.

 

ОТБАСЫЛЫҚ БЮДЖЕТТІҢ ЖОҚТЫҒЫ

    Ақша - еңбектің өлшемі. Мүм­кін қателесерміз, бірақ қазіргі уақытта ақша барлық мәселені шешеді. Білім алу, несие жабу, қарыз қайтару, құнды зат алу үшін де қомақты қаржы қажет. Ай сайын алақанға тиетін ақшаның қайда кететінін есептеп отыру шығынды азайтып, кірісті кө­бейтуге жол ашады. Алайда, отбасылық бюджеттің жоқ­тығынан жалақының келесі айға дейін жетпей қа­ла­тыны рас. Мұн­дайда қарыз алып күнелтудің жолын іздейміз. Бұл әлі де болса отбасылық бюджетті бекітуге немқұрайлы қарай­тындығымыздың көрінісі. Себепті сырттан іздеудің қажеті шамалы. Әрине, қазір тауардың бағасы біркелкі емес, нарық құбылмалы деген қайтарма жауаптың болатынын білеміз. Алайда, қаржы әлемін зерттеп жүрген сарапшы-журналист Ербол Азанбек "отбасылық бюджеттің жоқтығы табысы қомақты отба­сылардың өзін табысқа жетелей алмайды" дейді.

   - Көпшілігіміз отбасылық бюджетті жүргізбейміз. Ақша келеді, кетеді. Артық ақшамызды жинауға тырыспаймыз. Көбейту жолдарын білмейміз. Тағы бір әттеген-айы, қазақтар жиі шоғырланған Оңтүстік Қазақ­стан, Қызылорда, Маңғыстау облыстары қаржылық сауат­тылығы төмен өңірлер қатарында. Ақша проблемасы бір күнде пайда болатын нәрсе емес, ұзақ жылдардың жемісі. Әрі бір мезетте шешіле салмайды. Бірінші, жалақыны алған күннен бастап кіріс-шығысты басқару, жинау, қосымша табыс табуға тырысу, білімін көтеріп, сол арқылы табысты жұмысқа орна­ласу, артық ақшаны кәсіпке салу - мұның бәрі жылдар бойы қа­лыптасады,-дейді Ербол Азанбек.

   "Бала ауру, зағип болса, баладан емес, тәрбиешіден, бала тар ойлы ақымақ болса, бала кінәлі емес, тәр­биеші кінәлі. Бала сұлулықтан ләззат ала білмейтін мылқау жанды болса, бала айыпты емес, тәрбиеші жазалы" - деген М.Жұмабаев.

    Ал біз, әлеуметтік педагогтар, "қиын" деген сөзді кө­біне-көп жасөспірімдерге қарата айтамыз. Оған себеп не?

    Қиын оқушыларды оқыту мен тәрбиелеу қазіргі таңда педагогикалық-психологиялық, әлеуметтік проблема ретінде күн тәртібінен түспей отыр. Бү­гіндері "қиын оқушылар" саны жылдан-жылға артып жатыр. "Қиын оқушылар" тек жасөспірімдер  емес, бастауыш сынып оқушыларының ара­­сында да бар. Сондықтан оқушыларды ерте жастан, бастауыш кезеңінен бастап қолға алу керек. "Қиын бала" деп тек сабақ оқымайтын, тәртіпсіздікке бой алдырған балаларды ғана атауға болмайды. Пси­хо­логияда үндемейтін, ішімдегіні біліп ал деп томаға тұ­йық жүретін балаларды да "қиын балаға" жатқызады.

   Соңғы жылдары қоғамда жүріп жатқан түрлі өзгерістер, әсіресе, ел экономикасының нарықтық қатынастарға көшуі ұрпақ тәрбиесіне өз салқынын тигізді. Күн көрістің қамымен көптеген отбасылар сауда-саттықпен айналысып, бала тәрбиесін босаңсытып ал­ды. Жасөспірімнің мінез-құлқы - отбасындағы қа­рым-қатынас қалыптасуының нәтижесі. Сондықтан тәрбиені отбасынан бастаған жөн. Отбасындағы өзара қарым-қатынасты түзеу керек.

Тәрбие ісі меңгерушісіне не жүктеледі?

   "Тәрбиесіз берілген білім - адамзаттың қас жауы" деген екен ұлы ғұлама ғалым, екінші Аристотель атанған әл-Фараби. Тәрбие - біліммен қоса жүр­­гізілетін егіз жұмыс. Оның мектептегі жетекшісі - тәрбие іс меңгерушісі. Ол сынып жетекшілерімен тығыз ынтымақтастықта өз жоспарын белгілейді, анықталған тәрбие бағытында жұмыс істейді. Тәр­бие ісі меңгерушісінің басшылыққа алатын жоғарыдағылар белгілеген бағдарламасы болады. Ол жоспардың барлық мек­тептерде бірізділікке түсі­ріл­гендігінің маңызы зор.

    Оқушылармен араласа оты­­рып  тәрбие ісінің қызметі қиын да қызық. Бұл арада оның әр түрлі мінез­ді, әр түрлі көзқарастағы оқу­шылармен тіл табыса білу шеберлігі өте қажет. Қандай да қиын мәселелер туындап, тұ­йыққа тірелген кезде жол тауып, амал қолданып кету тәр­бие ісі меңгерушісіне керек қасиет.

    Жас ұрпақты ұлтын сүйе­тін, тарихын қадірлейтін, салт-дәстүр, әдет-ғұрпын сыйлайтын, өз халқының патриот азамат ретінде қалыптастыруда бұл жұмыстағы маманның атқарар қызметі жан-жақты жә­не алуан түрлі. Осыдан-ақ оның жастарға жақын жүріп, жақсы тәрбие ұрығын себуінің маңыздылығы анықталады. Ертеңгі мемлекетіміздің еркін ойлы, қолынан іс келетін азаматтарын ұжымдағы бүкіл педагогикалық қызметкерлердің тынымсыз еңбегінің, қажырлы қайратының жемісі деп қа­рауымыз керек. Ал, тәрбие жұ­мысында кеткен кішкене олқылықтың кейіннен орны толмас өкініште қалдыруы әбден мүмкін, сондықтан тәрбие жұ­мысымен білімді де білікті маман шұғылдануы керек және оның өзінен биік адамгер­ші­ліктің, имандылықтың, пара­сат­тылықтың иісі аңқып, шә­кірт­теріне үлгі бола алатындай болғаны абзал.

   Сынып жетекшілері өткізе­тін тәрбие сағаттары да тәрбие ісі меңгерушісінің үнемі қапе­рін­де болады. Оның оқушылардың бойында еңбеккерлік, ізет­тілік, сыпайылық, кіші­пе­йіл­ділік, қайырымдылық, парасат­ты­лық, имандылық сияқты қа­сиеттерді қалыптастырудағы ең­бегі зор. Тек мұның жүрдім-бар­дым, немкеттілеу болмауы, белгілі бағыттағы мазмұнды тақырыптарға негізделген болуы керек. Осы жерде сынып жетекшісі мен тәрбие ісі меңгеру­шісінің бірлесе атқарар жұмыстары үлкен маңызға ие.

  Болашақ мектеп, оның мұғалімдері туралы ойларымызды жазу барысында "керек" деген сөзді көбірек қолданатынымызды байқап отырған боларсыздар. Ертеңгі күн жайында айта бастағанымызда дәл осы керекті іс­ке асыру, оның өзектілігі маңызын жоймайтындығын мойындағанымыз дұрыс.

     Мектептегі тәрбие саласындағы іс-шаралар әр түрлі танымдық кештер, интеллектуалдық ойындар, дөңгелек үстел басындағы басқосулар, пікір алмасулар, дебаттар, ой бөлісулер оқу­шы­ларды болашақ өмірдегі бәсекелестікке дайындайды. Осындай пікіралысуларға қатысқан, ойын жеткізе білетін шәкірттер қандай ортада болса да, өзін жақ­сы сезініп, тез бейімделе ала­ды және тәрбие саласындағы жа­салып жатқан жұмыстарды білімімен ұштастырады. Мұның мектеп бітіріп, басқа орталарға баратын, әр түрлі қоғамдық орындарда, институттарда, университеттерде студент атанатын жастарды өз ойын айта білуге, көзқарастарын ортаға салуға, шешендікке баулуда да маңыздылығы жоғары.

    Тәрбие жұмыстарының не­гізгі өзегі оқушыларды ұйымдаса жұмыс істей білуге, өзара сый­­ластыққа, әділ де шынайы бә­секелестікке, қарым-қатынас жасай білуге үйретеді. Бұл жерде де тәрбие ісі меңгеруші­сінің біліктілігі үлкен роль атқарады. Заманауи білім жүйесі мұ­ғалімнен АКТ жетістіктерін жете меңгеруді, өзі де, әріптестері де, оқушылары да мың құбылған әлемдегі жаңалықтардан қалып қоймауын талап етуде. Тәрбие ісі меңгерушісі де өз қызметінде осы ұстанымды ұстай білгені абзал. Бұл тәрбие саласындағы үз­дік жетістіктер, өз жұмыстарындағы басқаларға үлгі боларлық істерді насихаттап отыру, сонымен бірге басқа мектептердегі тәрбие жұмысымен байланыстылығының да мәні зор.

 

Сайт бойынша іздеу

Сауалнама

"Халық таңдауы" айдарының бұл жолғы санында сусындарды сараптаймыз. Cіз қай сусынды көп тұтынасыз?

Coca-Cola - 28.6%
Fanta - 34.7%
Sprite - 16.3%
Pepsi - 20.4%
Holiday - 0%

Total votes: 49
The voting for this poll has ended on: 17 Қаз 2018 - 00:00

Күнтізбе

« Қазан 2018 »
Дс Сс Ср Бс Жм Сб Жк
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C