Айтарым бар

   

Жанболат Ошақбаев, жас кәсіпкер: 

    Кәсіп бастайтын адам үшін қаржылық сауаттылықтың маңызы зор. Қазіргі таңда екінің бірі кәсіпкер болып кетті ғой. Алайда, барлығының еңбегі жемісті болып жатқан жоқ. Кәсіпкерде әрқашан «Б» жоспары болуы керек. Есеп білмеген адам қарапайым сауданың да жөнін біле бермейді. Сондықтан, бизнес бастамас бұрын қаржылық сауаттылықты меңгеріп алу керек. Себебі, алғаш кәсіп бастаған адамның бухгалтерге, сатушыға, кассирге жеке-жеке жалақы төлеуге шамасы жетпейді. Осы қызметтің бәрін өзі атқарып, кәсіптің басы-қасында жүрген адам ғана жоғары жетістікке қол жеткізе алады.

baribar.kz


Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны

Қазпочта арқылы 6 айға - 1740 теңге (қала үшін)

6 айға - 1920 теңге (аудандар үшін)

Редакция арқылы 6 айға - 1680 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Толыбай Абылаев 

Айдар Сайлауов 

Жүлдызай Қалиева


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Білім

Білім (300)

Жұма, 25 Мамыр 2018 06:05

СӘТ САПАР, ЖАС ТҮЛЕК!

| Автор: 

         Бүгін барлық білім ұяларында соңғы қоңырау салтанатты шарасы. 11 жыл алтын ұяда білім алған түлектер ұстаздарының тәлімі мен тәрбиесі арқылы қанат қағып, жаңа өмірге қадам басады. Ата-аналарының үкілі үмітін ақтаймын деп білім жолына түскен шәкірттердің арман асуы биік, мақсаттары айқын. Бүгін білім ордасындағы 100 жылдық тарихы бар Қызылорда қаласындағы Қалтай Мұхамеджанов атындағы мектеп-гимназиясында салтанатты соңғы қоңырау соғылды.

    Мерейлі сәтке қала әкімі Нұрлыбек Нәлібаев, қалалық білім бөлімінің басшысы Ақарыс Нұрсейітов, Қызылорда облысының Құрметті азаматы, Денсаулық сақтау саласының үздігі Тұрғанбай Маханов келіп, мектеп бітіруші түлектерге ақ тілегін білдірді.

    Айта кетейік, Қызылорда қаласы бойынша жалпы білім беретін 50 мектептен 2141 оқушы мектепті бітіргелі отыр. Қазіргі таңда 2141 мектеп бітірушінің 1725-і Ұлттық бірыңғай тестілеуге қатысады деп жоспарлануда. Барлық мектептердегі оқушылар санынан   «Алтын белгіге» 96, «Үздік аттестатқа» 104 үміткер атанып отыр.

          Бұрын "қауіп қайдан келеді?" деп жан-жаққа алаңдайтын қо­ғам енді уақыттың талабынан туын­дайтын ақпараттық тасқын­ға қар­сы төтеп бере алмай келеді. Себебі күн сайын, тіпті сағат са­йын өз­герген жаңа дүниелер ес­кіні ығыс­тырып, жаңаға орын бе­руде. Көп жұрттың құлағын елең еткізіп, білім жолына бас қаты­рып жүрген жандардың пікірін екі­ге жарған бір мәселе бар. Ол келе­шекте адамның қол еңбегі­нің керек болмай, жұмыс күшін роботтардың алмасты­ра­тыны. Бұл құр айтылған сөз болып кө­рі­нуі мүмкін, дегенмен әлем ақы­л­дылары бір алаңда топта­­­-сып, дәл осы тақырып аясында ой білдіріп, керек десеңіз, келе­шек­ке көзқарастарын анық дә­лел­дей­тін ойларын ортаға салып жатыр. Технологиялар­дың тілін тапқан Жапония мен Корея робототехника бағытында қара үзіп, қоғам игілі­гіне бағыттап ба­рады. Кез келген саладағы қыз­мет­ті біркісідей атқаратын ақыл­­­ды роботтардың тіршілігіне қа­рап көп адам қызыға қарай­ты­ны рас, бірақ бұл адамның еңбек­ке деген қабілеттілігін айы­рып ба­рады. Себебі әлем ақпарат­тық технологияға мықтап енді. Әйт­кенмен роботтардың да қарым-қабілеті жете бермейтін дүние­лер де аз емес. Мұны жақында елор­да төрінде өткен "Global Challenges Summit 2018" Астана эко­номи­калық форумында ше­тел­ден келген ғалым, сарапшылар дәлелдеп берді.

    Иә, шетелде халықаралық Давос форумы ұйымдасты­ры­ла­ды. Мақсат - жаңа трендтер дәуі­рінде адамзат тіршілігіне енген жа­ңа­лықтарды қоғамға қабылдату әрі болашақ 5-10 жылдағы өзге­ріс­терге дайын болу. Әйгілі эко­но­мист Клаус Шваб осы форумда көтерілген мәселелерден ой қо­рыта келе "Төр­тінші өнеркәсіптік революция" атты кітабын шыға­рып, онда 3D басу, робототех­ни­ка, жүргізушісіз автокө­ліктер, на­нотехнологиялар, жасанды ин­тел­лект сынды жаңа дәуірдің жа­ңа трендтері есік қағып тұр­ғанын ашып жазады. Міне, бұл еңбек "100 жаңа оқулық" аясында алғаш­қы болып қазақ тіліне аударылды. Давос форумы секілді Астанада да жыл сайын экономи­ка­лық форум өтеді. Биылғы фо­рум­ға әйгілі 24 елден келген ха­лықаралық сарап­шы­­лар мен 450-ден астам спи­кер­лер шақырыл­ған. Олардың қата­рын­да "Apple", "Яндекс" компа­ния­сының негізін қалаған аза­мат­тар, футу­ро­лог, физиктер мен белді экономистер бар. Біз де ға­лымдар мен сарап­шы­лардың фо­рум­дағы тікелей транс­ля­ция­лар мен респуб­ли­калық басы­лым­дарға берген сұх­бат­тарын негіз­ге ала отырып, әлем­ді күтіп тұрған жа­ңа құбы­лыс­тардың бірне­ше­уіне тоқ­талдық.

 

   

   Дүйсенбіде облыстық білім басқармасының басшы­сы Майра Мелдебекова журналистермен кездесіп, жазғы демалысты ұйымдастыру жөнінде сөз қозғады. Айтуынша, осы жылы облыс бойынша 1-10 сынып оқу­шылары аралығындағы 140500 баланың 136200-і жазғы демалыс лагерьлерімен қамтылады. Алдыңғы жылмен салыстырғанда көрсеткіш екі есеге өскен. Балалардың бос уақытын тиімді пайдалану және сауықтыру шара­ла­ры екі бағытта жүзеге асады. "Бірінші бағыт бойынша жазғы демалыс қала, аудан сыртындағы 9 лагерьде 7 ауысымнан жұмыс жасайды. Онда 9400 бала демалады деп жоспарланып отыр. Ал, екінші бағыт бойынша мектеп жанындағы күндізгі лагерьлер жұмыстарын бастауға дайын",- дейді білім басқармасының басшысы Майра Тұрғанбайқызы. Иә, мектеп лагері балаға да, ата-ана үшін де қолайлы әрі белсенді демалыс аймағы. Себебі, еш алаңсыз балаңызды тынығуға жіберсеңіз болады. Олар үшін  шығармашылықпен айналы­суға және жаңа достармен танысуға зор мүмкіндік берері сөзсіз.

    - Биылғы жылы Арал ауданындағы "Қамбаш" лаге­рінің сыйымдылық көрсеткіші 140 орынға, Қазалы ауда­нындағы "Шағала" лагері 125 орынға артып отыр. "Sunrise" демалыс лагерінде ауысым саны көбейіп, былтырғы жылмен салыстырғанда 180 орынға артқан. Ендігі жоспар бойынша 1200 бала демалады деп отыр­мыз,- дейді Майра Тұрғанбайқызы.

   

      Оқушылардың жазғы демалысқа шығуына да бірнеше күндер қалды. Ал, балалар үшін бұл қуанышты кезең. Үш ай мектеп қабырғасымен қоштасып, бір сәт оқу құралдарынан тынығатын шақ. Алаңсыз демалатын, бос уақытын көңілді әрі тиімді өткізуге мүмкіндік беретін мез­гіл. Жазды жарқын жүзбен қарсы алуға асыққан балалар алдын ала жоспар құ­рып, демалысының мінсіз болғанын қа­лайды. Бұл жазғы демалыс әр бала үшін маңызды. Себебі, өз-өзін ретке келтіріп, төрт тоқсандағы үлгерімін саралап қана қоймай, сонымен қатар жаңашылдыққа жақын болуды мақсат ететіні анық. Бірі туған-туысты аралап, басқа өңірдегі жа­қындарына деген сағынышын басса, ен­ді бірі арнайы демалыс лагерьлеріне бар­ғанды дұрыс деп санайды. Бұл жылы да оқушылардың тынығуына бай­ланысты жүйелі жұмыс­тар өз кезегімен атқарылып жатыр. Осы ретте Қызыл­ор­да қалалық білім бөлімі жаз­ғы демалыс уақытын тиімді ұйымдастыру мақсатында арнайы жоспар құрып қой­ды. Білім бөлімінің берген мәліметтеріне сүйенсек, 2017-2018 оқу жылында 1-10 сынып аралығындағы 52835 оқушы бітіреді. Оның 48777-і жазғы кезеңде демалыспен қам­тылады деп жоспарлану­да екен, бұл 92,3 пайызды құрайды. Қала­мыз­дағы 54 мектепте күндізгі тынығу лагерь­лері жұмыс жасайды, оның ішінде 11 мектеп жанында толық күндізгі жатын орын­дары бар лагерьлер ұйымдасты­ры­ла­тын болады. Қалған 43 мектеп жанында бір мезгілді күндізгі лагерьлер жұмыс жасайды. Оған барлығы 4780 бала тынығуға келмек. Сондай-ақ, жалпыға міндетті оқу қоры есе­бінен әлеуметтік аз қамтылған отбасы ба­ла­ларынан 2826 оқушы бір мезгілді күндізгі ла­герьге жолдама алған. "Жазғы сауық­тыру лагерьлеріне бірінші кезекте жетім жә­не ата-анасының қамқорлығынсыз қалған, аз қамтылған және көп балалы отбасы балалары барады. Сонымен қатар құқық бұзушылықпен есепке алынған оқушылар қамтылатын болады",- дейді білім бөлімінің бас маманы Гауһар Құдайбергенова.

Сәрсенбі, 23 Мамыр 2018 08:14

СЫҢҒЫРЛА СОҢҒЫ ҚОҢЫРАУ

| Автор: 

    Міне, кеше ғана мектеп табалдырығынан тартыншақтап аттап, жүректе қорқыныш пен үрей билеген әрбір оқушы бүгінгі таңда көзі ашық, көкірегі ояу оқушы болып шығып, өз белестерін бағындыру жолында алысқа аттанбақ. Әрқайсысының өз арман жолдары қалыптасып, жас кезіндегі айтқан мақсаттарын орындар сәт те келіп жетті...

    Биыл мен 11 сынып бітіргелі отырмын. Мектепке деген ыстық сезім, аяулы ұстаздарға деген махаббат, сынып­тас­та­рыммен бірге ойнап-күлген сәттерім ұмытылмақ емес. Бір сыныпта ойын-сауық құрып, ренжісіп қалсақ тез тату­ласып, бір үйдің баласындай болып жүрген алтын сынып­тастарым мәңгілік жүректесіңдер.

    №21 мектептің бір ғасыр болған мерейтойы осы оқу жы­лында атап өтілді. Бір ғасырлық алтын мектептің біздер жүз бі­­рінші түлектеріміз. Осы мектепті бүлдіршін болып аттаған балдырғандар қазір жиырма төрт түлек болып өз қияларына қонуға аттанбақ. Әрқайсысы өз алдына дара, ерекше жан­дар.

Сәрсенбі, 23 Мамыр 2018 08:02

ӨРЛЕУДІҢ ӨРЕЛІ ІСТЕРІ

| Автор: 

     Білім беру реформасы - Қазақстан Республикасының бәсекеге қабілеттілігін қам­та­масыз етуге мүмкіндік беретін аса маңызды бағыттардың бірі.

   Елбасы Нұрсұлтан Назарбаев "Болашаққа бағдар: рухани жаңғыру" атты бағдарламалық мақаласында "...Біздің мақсатымыз айқын, бағытымыз белгілі, ол - әлемдегі ең дамыған 30 елдің қатарына қосылу... Болашақта ұлттың табысты болуы оның табиғи байлығымен емес, адамдарының бәсекелік қабілетімен айқындалады" - деп, XXI ғасырдағы білімнің алатын орнына тоқталған болатын.

    Әлемде өз дамуы барысында білім саласында тиімді реформалар жүргізіп, солардың нақты жемісін көріп отырған мемлекеттер аз емес. Сингапур, Малайзия, Фин­ляндия, Норвегия, Германия, Ұлыбритания елдері заман талабына, халықтың сұранысына, тарихи қалыптасқан ұлттық дәстүрге сәйкестендіріп, әр оқушының қа­жеттілігін қанағаттандыруға бағытталған оқыту бағдарламалары арқылы білім бе­ру­де. Яғни, адам капиталын дамытуға ба­ғыт­талған бағдарламаларды жүзеге асыруда.

    Кезінде ұлтымыздың ұлы ұстазы Ахмет Байтұрсынов "Елді түзеу ісін - бала оқыту ісін түзеуден бастау қажет" - деген болатын. Тәуелсіздік алғаннан бері елімізде білім беру саласына айрықша көңіл бөлінуде.

Әуез пәні мұғалімі кімдерді тәрбиелейді?

   Әуел бастан өнердің бес түрі жайында айтылады: сөз өнері, сурет өнері, мүсін өнері, саз өнері жә­не кино өнері. Бұлардаң әр­қайсысының адамның ақыл-ойы толысуында, рухани жетілуінде өз орны бар. Сөз өнері дегенде сөз­бен сурет салған ақын-жазу­шыларды, сурет өне­рі дегенде әлемге әйгілі живопись шеберлерін, мү­сін өнері дегенде дү­ние­ге мәлім мүсіншілерді, саз өнері дегенде дары­ны­мен талайды таңдандырған музыка майталмандарын, кино өнері дегенде атақты кино актерлері мен режиссерлерді еске аламыз. Олардың әр­қай­сысының адамзат та­ри­хында орны, ұрпағына қалдырған өшпес өнер туындылары бар.

    Қазақ халқы қай кезде де таланттарға кенде болмаған. Көшпелі тұр­мыс кешіп, дала кезген, жел­дің суылын, шөптің сыбдырын, бұлбұлдың әуенін тыңдаған талай күй­­шілер, сазгерлер ха­лық арасынан шыққан. Есі­мін атап, күйлерін, ән­дерін санай бастасақ, көп­теген мысалдар келті­руге болады. Қазақ музыка өнері әлемде өз орнын алып та, танылып та қойған. Зерттеушілер ХХ ға­сырға дейін 5000 күй, ал ХХ ғасырда 500 күйдің дүниеге келгенін пайымдапты. Еркіндікте өскен елдің қатал жүйенің қол астында аяусыз тұншықтырылғанын осыдан бай­қауға болады.

    Алыс ауыл мектебіндегі әуез пәні мұғалімі үл­кен саз өнерінің кішкене бөлшегі деуге болады. Әдет­те, бұл пәнді көбіміз ескере бермейміз, өйткені жүктемесі аз, сондықтан сағаты аздау кез келген мұ­ғалімге бере салады. Кей­де "осы әрекеттеріміз арқылы үлкен таланттарды тұншықтырып жатқан жоқпыз ба?" деген ойға қаламын. Себебі саз өнері - тыңдаушысының жан дүниесіне, сезім әлеміне тілсіз әсер ететін ғажайып дүние. Ал, әлгі айтылған әуез пәні мұғалімі осы ға­жайып дүниенің жалғыз өкілі емес пе? Оған қам­қорлық жасамай шетқақпай еткеннен не ұтамыз?

    Қазіргі уақытта қала мек­тептері мен ауыл мектептерінде үлкен айырмашылық бар екендігін мо­йындау керек. Қала баласының бос уақытында сү­­йікті хоббиімен шұғылдануға мүмкіндігі бар. Олар шығармашылық курс­­­­тарда, өнер, би, спорт мектептерінде өз мүм­кін­дік­терін таныта алады. Ар­­наулы мамандар қала баласына бейім-қабілетін танытуға көмектеседі. Бү­­гінгі технологиялық-коммуникативтік даму, ғаламторды кеңінен пайдалану кезеңінде әлгіндей дарындылардың әлемге танылуға мүм­кін­дігі мол.

Сәрсенбі, 16 Мамыр 2018 10:36

Білім басқармасында жаңа басшы

| Автор: 

 Дүйсенбі күні Қызылорда облысы-ның білім басқармасының басшысы лауазымына Майра Мелдебекова  Тұрғанбайқызы тағайындалды.

   Майра Мелдебекова 1971 жылы дүниеге келген. Абай атындағы Алматы мемлекеттік университетін "Физика және информатика пәндерінің мұғалімі" мамандығы бойынша бітірген.

   Еңбек жолын 1993 жылы Шымкент қаласындағы №8 мектеп-гимназия-сының мұғалімі болып бастаған.

    2005-2017 жылдары Қазақстан Республикасы Білім және ғылым министрлігінде бас маман, басқарма басшысы, департамент директорының орынбасары.

   2017 жылдың шілде айынан бастап осы кезге дейін Қазақстан Респуб­ликасы Білім және ғылым министрлігінің Стратегиялық жоспарлау және үйлестіру департаментінің директоры қызметін атқарып келді.

       Жаңа басшы білім саласына соны серпін алып келеді деп сенім білдіреміз.

"Ұстаз-ақпарат"

 

            Күні кеше барлық мектептерде жалпы­ұлт­тық ата-аналар жина­лы­сы өтті. Халықаралық отбасы күнінде ұйым­дас­ты­рыл­­ған ата-аналар бас­қо­суы "Білімді ұлт - са­па­лы оқыту мен от­басы құн­дылығы" тақы­рыбын қамтыды. Жина­лыста  "Рухани жаңғы­ру" бағ­дар­ламасын мек­тепте іске асыру, 11-сынып оқу­шыларын қоры­тын­ды аттес­тат­тау, оқу жы­лы­ның қо­рытынды­ла­ры, оқушы­лар­дың білім сапасы жан-жақты талқы­ланды.

    Сондай-ақ, мектептердегі қорғаншылық кеңестердің қыз­­меті мен оқу процесін циф­рландыру жайы ортаға салынды. Бар­лық мектеп­терде бірдей уақытта ұйым­дас­тырыл­ған жиында ата-аналар көкейде жүр­ген сұрақ­тарына жауап алды.

            Қазір білім саласы транс­формация кезеңін бастан кешіріп жатыр. Әсі­ресе, жоғары оқу орны­ның сапасын көтеру, бә­се­келестікке жауап беру сынды жаһандық талап­тар таптаурын ұстаным­дар­ды бұзуда. Ірі эконо­ми­калық форумдарда мінбе­лерден айтылып жүрген тақырыптың бірі осы жо­ғары оқу орны, яғни маман даярлаудың сапасын көте­ру. Бұл ретте қазірдің өзін­де қолға алынып жатқан академиялық еркіндік бе­ру, қаржылық дербестік алып беру, ректорларды сайлаудың қоғамдық теті­гін енгізу сынды қадамдар нарық талабына дер кезін­де жауап беруді меңзейді. Себебі осы кезге дейін уни­­верситеттердің білім сапасына қатысты сын да, ұсыныс та аз айтылма­ды. Ал, әлем елдері осыдан 20 жыл бұрын бұл пробле­ма­мен бетпе-бет келіп, ма­ман даярлаудың кәсіби жолын дамытудың жолын тапқандай. Ол әрине, корпоративтік универси­теттер құру.

     Жә, "корпоративтік уни­­­верситет деген не?", "Оның біз көріп жүрген университеттен айырма­шы­лығы қандай?", "Қа­зақс­танда мұндай үлгі бар ма?" деген сауалдар оқыр­ман көкейінде қалып     қо­юы мүмкін. Осы себепті де аптадағы "Тілші түйіні" ай­да­рында осы мәселеге екпін түсірдік.

     Сонымен, корпора­тив­тік университет деген әлем­дік нарықта өз орнын қалыптастырған алпауыт компанияның жанынан құрылған университет. Қа­рапайым тілмен қайыр­ғанда, маманның кәсіби әлеуетін, білім деңгейін арт­­тыру. Төрт жылдан ке­йін­гі тоқтап қалған білімін өндіріспен ұштастыра оты­рып оқыту. Бейресми де­рек­терге сүйенсек, әлемде кор­поративтік универси­тет­тердің ұзын-саны 2 мың­­­ға жуықтапты. Демек, шетел қаржыгерлері корпо­ративтік университтердің қажет екенін уақыт өткен сайын сезініп келеді.

Сайт бойынша іздеу

Сауалнама

ҰБТ кезіндегі сынақ кітапшалары қаншалықты білімді таразылай алады?

Алдын ала межені байқау үшін - 27.9%
Ұлттық тестілеуге дайындықты пысықтау жолы - 37.2%
Ақша табудың амалы - 11.6%
Оқушының пәндік сабақтардағы бейінін байқатады - 23.3%

Total votes: 43
The voting for this poll has ended on: 07 Мам 2018 - 00:00

Күнтізбе

« Шілде 2018 »
Дс Сс Ср Бс Жм Сб Жк
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C