Газеттің ПДФ нұсқасы

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны

Қазпочта арқылы 6 айға - 1680 теңге(қала үшін)

6 айға - 1800 теңге (аудандар үшін)

Редакция арқылы 6 айға - 1560 теңге

Редакцияға хат

Email:
Тақырып:
Текст:
Білім

Білім (166)

       Қазіргі заман талабына сай техникалық және кәсіптік білімнің мазмұнын жаңарту - алға қойыл­ған мақсаттардың бірі. Ол үшін принципиалды жаңа білім беру бағдарламалары мен прогрессивті оқыту тех­нологияларын енгізу қа­жеттігі туындауда. Алға қо­йылған мақсат негізінде КЕАҚ "Кәсіпқор" холдингі" біліктілігі жоғары ма­мандарды даярлау үшін шетелдік колледждердің үздік практикасын есепке ала отырып жаңа білім беру бағдарламасын құрас­тыруда және білікті мамандарды даяр­лаудың жаңа мазмұндағы қызметінің практикасын таратуда ауқымды жұмыстар жүргізуде. Қызылорда облысы бойынша 2016 жылы кәсіптік білім саласының 138 ин­женер педагогы арнайы курстарда білімдерін көтерсе, 2017 жылы 240 осы саланың қызметкері және 11 колледж басшысы оқытудың жаңа бағдарламасы бойынша білімдерін көтеріп арнайы курстардан өтті.

  КЕАҚ "Кәсіпқор" холдингі басшылығымен әзірленген барлық жаңа бі­лім беру бағдарламаларында оқу үде­рісін ұйымдастыруға модульдік - құ­зіреттілік тәсілдемеге негізделген әдісті енгізу қарастырылған.

   Аталған білім беру бағдарламасы жұмыс берушілер талаптары мен аймақтық ерекшеліктерін есепке ала отырып қосымша модульдерді енгізу мен жаңғырту мүмкіндігін қарастырады. Бұл ретте "модульдік - құзіреттілік тәсілдемеге" негізделген бағдарламасы бір мамандықтың шеңберінде кә­сіптік қызметтің белгілі бір түрлерін орындау үшін құзыреттерді меңгертуге бағытталған білім беру бағдарламасының бір бөлігі ретінде түсіндіріледі.

   Осы орайда, облыстық оқу орталығының (әдістемелік кабинет) ұйымдастыруымен үстіміздегі жылдың 29-30 тамыз күндері М.Ықсанов атындағы политехникалық колледж базасында жаңа бағдарламалар бойынша колледждерге оқу жоспарын дайындау үшін әдістемелік көмек көрсе-тілді. Атал­мыш колледжде "Техникалық жә­не кәсіптік білім беру ұйымдары үшін модулді - құзреттілік негізінде әзірленген жаңа бағдарламалар бойынша оқу жоспарын дайындау жолдары" тақырыбында семинар-тренинг өткі-зілді. Семинарға облыс көлеміндегі техникалық және кәсіптік білім беру ұйымдарындағы директордың орынбасарлары, әдіскерлері және жұмыс оқу жоспарын жасауға жауапты қызметкерлері қатысып өздерінің сұрақтарына жауап алды. Семинардың аяғында әрбір колледж қызметкерлері өз оқу орындарындағы түрлі мамандық бойынша жұмыс оқу жоспарларын дайындады.

   Аталған семинарда КЕАҚ «Кәсіп­қор холдингінің» өзектендірілген "модульдік-құзіреттілік тәсілдемеге" негізделген үлгілік оқу жоспарларын пайдалана отырып, техникалық және кә­сіптік білім беру ұйымдарында оқу жұ­мыс жоспарларын жасау, оқу үдері­сінің жүйесін жоспарлау көрсетілді.

    Семинар соңында Оқу орталығының ТжКБ бөлімінің меңгерушісі Б.Дүрманов техникалық және кәсіптік білім беру ұйымдарының директорларының орынбасарларына және әдіс­кер­леріне семинар барысында белсен­ділік көрсеткендері үшін алғыс білдіріп тренерлер Лаззат Умаровна мен Ботакөз Таңқыбаеваға сертификаттар тапсырды.

Облыстық оқу орталығы

(әдістемелік кабинет)

ТжКБ бөлімі

Қызылорда қаласы

Сейсенбі, 12 Қыркүйек 2017 09:40

АЗАМАТ. ҰСТАЗ. ҒАЛЫМ

| Автор: 

  Ел игілігі үшін ең­бекпен етене араласып, жарқын болашаққа қа­рымды қадам жасаған ұлағатты ұстаздың өмірі қиындық пен қуанышқа толы болатыны шын­дық. Осындай ұстаздық қасиетке барынша адал­дық танытып, бар са­налы ғұмырын осы салаға арнаған ұстаз­дарға қандай мақтау, мадақ айтсақ та артық емес. Сондай азамат­тардың бірі қашанда сыпайы да сырбаз қал­пынан айнымайтын, жүзінен нұр, жүрегінен шуақ төгіліп тұратын Қорқыт ата атындағы Қызылорда мемлекеттік университетінің ғалымы Бақыт Қалиұлы.

    Бақыт Қалиұлы 1957 жылы 18 қыркүйекте Қызылорда облысы Жаңақорған ауданында дүниеге келген. Қызыл­орда қаласын­дағы №10 орта мектепті 1974 жылы бітіріп, комсомолдық жолдама­мен еңбек етуді Отан алдындағы пары­зым деп түсінеді. Сөйтіп Бақыт­тың алғашқы өмір жолы қайнаған еңбек­пен бас­талады. Үлгілі еңбегі үшін басшылық тара­пынан бірнеше рет алғыс хатқа ие болғаны да ақиқат. Еңбекпен ерте есейген Бәкең бала күнінде армандаған Н.В.Гоголь атындағы Қызылорда педа­гоги­калық институ­тының физика-математика факультетінің дайын­дық курсына оқуға түсті. Институт қабырғасында жүріп, математика ғылы­мының қыр-сырларын меңгеру мақсатында ұстаздары С.Бекбаев, Ә.Тәжмағамбетов, Б.Қашқынбаев, Қ.Жаңабергенов, Б.Сейсеновтерден ғы­лыми-зерттеу та­қы­рыбын алып, жүйелі жұмыстар жүргізді. Сту­денттік шағында ғы­лыми мақалалары бас­паға шығып, білімпаз жастар арасында қызу тал­қыланып жатты. Инс­титут бойынша үл­гілі топ жетекшісі бо­лып, кейінгі толқын сту­денттерді қам­қор­лығына алып отыр­ды. Институтты бітіргеннен кейін ректорат жалынды жасты оқытушылыққа қалдыруға шешім қа­былдады. 1980-1982 жылдары Н.В.Гоголь атындағы Қызылорда педагогика инсти­ту­тының физиканы оқыту әдістемесі және жалпы техникалық пәндер кафедрасында оқу ше­бері және оқы­тушы­лықтан бастаған Бәкең институттағы барлық қызметті абы­рой­мен атқарып келеді. Атап айтқанда, кафедра мең­герушісі, факультет де­ка­ны, проректор, Мәскеу статистика, инфор­матика және бизнес институтының ректоры.

Сейсенбі, 12 Қыркүйек 2017 06:36

ӨНЕРЛІ ОҚУШЫНЫҢ ӨРІСІ ОЙДАҒЫДАЙ МА?

| Автор: 

       Музыка туралы түсінік адамзат баласында ерте заманнан-ақ қалыптасқан. Бұл жайында музыка туралы бұрын және қазіргі таңда жарыса жарық көріп жатқан сан алуан оқу құралдарынан, әдеби кітаптардан әбден байқауға болады.

   Қазақ даласында ілгері-кейінгі өмір кешкен халық композиторларының әндерін кейінірек нотаға түсірген, ерінбей-жалықпай жинақтаған А.Затаевичтің өзінің таң қалғаны соншалық "Бүкіл қазақ даласы ән салып тұрғандай" деген екен. Тіпті қазіргі таңда сан түрлі науқастарды да музыкамен емдеуге болатыны, ол түгілі өсімдіктер де музыкаға құлақ түретіндігі туралы медик, ботаник ғалымдардың баспасөз беттерінде жазып жүргенін білеміз.

   Заманында өшпес, өлмес ұлт­тық өнеріміз жайында ұлы ақынымыз Абайдан асып ешкім айтпаса ке­рек. Ол "Құлақтан кіріп бойды алар, әсем ән мен тәтті күй. Көңіл­ге түрлі ой салар, әнді сүйсең менше сүй",- деп ән өнеріне баға берген. Расында да адам баласының рухани азығы болған және бола беретін музыканың құдіретін баласына тал бесіктен талмай баулыған ұлтымыз қандай көреген десеңші. Аяғын тәй-тәй басып, одан әрі оң-солын тани бастаған ұрпағын өнерге ұйытқан қазақ ырым етіп баласына әртүрлі музыка аспаптарын сатып әперіп, өнерлі адамдардың батасын алып беруге тырысқан. Кешегі уақыттары әр үйдің төрінде ілініп домбыра, қобыз, үстел үстін­де тұрған қара сырнай, көк сырнайларды көзіміз жиі көруші еді. Қазір осы жағы қазақ үйлерінде сирексіп қалған тәрізді.

   Бала демекші, бұрын әрбір білім ұясында көркемөнерпаздар үйірме­сі болушы еді. Оны мектептегі музыка пәндерінің мұғалімдері басқарып, балаларды үлкен өнерге баулушы еді. Қазір өнерпаз балаларды өнер саласына үйрететін сондай үйірмелер бар ма, қай деңгейде, нә­тиже қандай деген сауалдар бізді жиі мазалап жүретін. Сондықтан бұл мәселеге байланысты әуелгі са­уа­лымызды тиісті орындарға жолдамас бұрын балалар өнері туралы өзіміздің ішкі түйсігімізге құлақ түргенді жөн көрдік.

   Жұмыр жерді мекен еткен данышпандардың бірі ықылым заманда "Әлемді жабайылықтан сақтап қалатын музыка" деп босқа айтпаған ғой. Шынында да тал бесіктен жер бесікке жеткенше адамзат баласының жан серігі жақсы ән, тәтті күй, мың бұрала билеген би емес пе? Ұлы даланы ғасырлар бойы әсем әуен болып тербеткен музыка сазының құдіреті жайлы бізге жеткен аңыз әңгімелер аз емес. Соның бірінде төмендегіше баяндалады.

   ...Монғол ханы Шыңғыс хан өзі­міз жайлап, өмір сүріп отырған бай­тақ Тұран өлкесін басып алып сосын ұлан байтақ бір шетін үлкен ұлы Жошыға басы бүтін беріп билеткен заман екен. Күндердің кү­нін­де аңға шыққан Жошы хан киелі құланға кезігіп, сонан ай далада ажал құш­қан көрінеді. Баласының бей­мезгіл өлімін қатігез, қатал хан әкесіне қа­лай айтуды білмей дағдарған көп­шілікті сонда күй құдіреті құтқар­ған екен. Баласының өлімін Шың­ғысқа "Ақсақ құлан" атты шер­лі күй­ді шебер орындап шыққан дәулескер күйші сол жерде Шыңғыстың жазасынан аман қалып оның есесіне "баламның өлімін жеткізген сен"  дегендей қарағай домбыраның өзегіне балқыған қорғасын құйып үнін өшірген екен.

   Неміс халқының ұлы перзенті, әйгілі Моцарттың бала күнінен екі жа­нары ерте суалып көрмей қалса да, атақты "Реквием" атты дүние жү­зіне кеңінен мәлім музыкалық шығар­ма­сын жазып танымал болыпты. Сол сияқты қазақ халқын талай танымал әндерімен өткен ғасырдың орта шенінде талмай сусындатқан ком­позитор Садық Кәрім­баев та көзі көрмесе де, көңілі жүй­рік өнер иесі болған екен.

Сейсенбі, 05 Қыркүйек 2017 10:40

ОҚУ БАСТАЛДЫ. НЕНДЕЙ ӨЗГЕРІСТЕР БАР?

| Автор: 

   
     Құрбан айт мерекесіне орай оқушылар оқу жылының алғашқы күнін 2 қыркүйекте бастады. Алғашқы қоңырау сыңғыры ұстаздар мен оқушыларға білім мерекесінің салтанат құрғандығын айшықтады. Жылдағыдай мемлекет бюджетінен салынған жаңа мектептер бой көтеріп, ел игілігіне бағытталды. Бала жетектеген ата-аналар, мектеп табалдырығын аттаған оқушылар Білім күнін салтанатымен атап өтті. Әлбетте, әр жылдың өз жаңалығы бар. Биыл да білім саласы өзгерістерді өн бойынан өткізуге әзір. Бұл туралы газетіміздің өткен санында жазғанбыз. Оқу басталып, сабаққа кірген оқушылардың ата-аналары жаңа стандартқа сай 5 күндік оқу жүйесі төңірегінде түрлі сұрақтардың туындағанын жасырмады. Осы себепті ҚР Білім және ғылым министрлігі ресми сайтқа жаңа оқу жылындағы бірқатар өзгерістермен көптің сұрағына жауап қайырды.

    Нендей өзгерістерді көріп жүр­­сіз. Рет-ретімен баяндалық. Әдет­тегідей оқу мерзімі қыр­күйек­те басталып, мамырдың 25-ін­де аяқталады. ҚР Білім және ғылым министрлігінің "Орта бі­лім беру ұйымдарында 2017-2018 оқу жылының басталуын, ұзақтығын және каникул кезеңдерін айқындау туралы" бұйрығына сәй­­кес оқу жылының ұзақтығы мек­тепалды дайындық сыныптарында - 32 оқу аптасы, 1-сынып­тар­да - 33 оқу апта, 2-11 сыныптарда - 34 оқу апта деп белгіленген.

Сейсенбі, 05 Қыркүйек 2017 10:31

АҒАРТУ ЖОЛЫНДАҒЫ АЙҚЫН ҚОЛТАҢБА

| Автор: 

      Арал ауданындағы білім саласының бір кездері бетке ұстары атанған, тә­жірибелі педагог, білікті басшы болған Төлеш Дәрменовтың білім күні ме­рекесі қарсаңында оқу ошағы жай­лы жазып қалдырған мақаласын оқыр­ман қауымға ұсынғанды жөн көрдік.

  Сонау алпысыншы жылдары Арал ауданында жетім балаларды мемлекет есебінен тәрбиелейтін балалар үйі жә­не аудандық жас ұландар үйі жұмыс іс­теді. Сонымен қатар аудан орталы­ғын­да жұмысшы және шаруа жастарға жұ­мыстан қол үзбей орта білім беретін жұ­мысшы жастар орта мектебі, сырт­тан оқитын орта мектеп жұмыс істеп, оларда 50-жылдар басында 50-60 адам ғана оқыса, он жылдан кейін әр жылда оқитын жастар саны 400-500-ге жетті.

   Мұғалімдер арасында әдістемелік жұмыстарды ұйымдастыруда ұзақ уа­қыт аудандық әдістемелік кабинетте мең­геруші болып қызмет істеген Қ.Жол­маханов, Ә.Әлмаханов, Н.Әне­сов­тер біраз еңбек сіңірді.

  60-жылдары мұғалімдер арасында өз ісінің шеберлері өз мамандықтары шеңберінде қалып қоймай, озат тәжі­рибелерді басқаларға үйретіп, көп­шілік құрметіне бөленген мұғалім­дер қатары көбейді. Олар №15 орта мек­теп­тен Қазақ ССР-іне еңбегі сіңген мұ­ғалімдер Фатима Акчурина, Злиха Әбілова, Ленин орденді, республика съезінің делегаты Ұрқия Зәрипова, халық ағарту ісінің үздік қызмет­керлері Нұржамила Айқалқаева, №13 мектеп мұғалімі мұғалімдердің Бүкіл­одақтық съезінің делегаты Мадайқын қина Махатова, №14 мектептен "Құрмет бел­гісі" орденді Е.Құрбатова, Бөген ор­та мектебінен А.Зағидуллина, Қ.Сәң­­кібаев, Ш.Нөкешов, Қарақұм орта мектебінен А.Төлебаева, Р.Таңа­тарова, Жалағаш орта мектебінен Ә.Есеңдіков. Бұл сияқты жүргізілген ұйымдастыру педагогика жұмыстары көптеген мұғалімдерге творчестволық қызмет кездері өздерінің жемістерін де беріп тұрды. Осы жылдары мектеп­терде оқушылар білімінің сапасының жақсаруы орта мектеп бітірушілердің көпшілігі жоғары дәрежелі оқу орын­дарына түсіп, түрліше мамандықтар иесі болуынан анық көрінді.

Сейсенбі, 05 Қыркүйек 2017 10:05

ӨНЕРЛІ ЖІГІТ ӨРДЕН КӨРІНЕР

| Автор: 

       Елбасы Н.Ә.Назарбаев өзінің кезекті жастарға арнаған сөзінде: "Мен сіздер, бүгінгі жас­тар, ерекше ұр­пақ екен­деріңізді қайталаудан жалықпаймын. Сіздер тәуелсіз Қазақстанда өмірге келдіңіздер және сонда ержетіп келесіздер. Сіздердің жастық шақтарыңыздың уақы­ты - біздің еліміздің кө­терілу және гүлдену уақы­ты. Сіздер осы жетістіктер рухын және табысқа деген ұмтылушылықты бойларыңызға сіңірді­ңіз­дер",- деген болатын. Бұл дегеніміз еліміздің дамуы мен болашағының жарқын болуы өс­келең жас ұрпақпен тығыз байланыстылығы. Осын­­дай ойлы да іскер, жігерлі де батыл, өзіне-өзі сенімді, интеллектуалдық деңгейі биік, дү­ниетанымы дұрыс қа­лып­тасқан жас ұрпақтарымызды тәрбиелеуде мектептің алатын орны айрықша.

   Мектеп - келешек ел бас­қарар, жер басқарар, елі мен халқын гүлдентер, мерейін өсіріп, мәр­тебесін биіктетер жасампаз жандарды тәрбиелейтін киелі де, қасиетті ұя. Оған қоса, мектептегі өмірі балаға жаңа әлемнің есігін ашып бе­ріп, рухани дүниесінің қа­лып­тасуына негіз салады.

   Қазіргі күнде мектебіміздегі оқушылар іші­нен дараланып, сайыс­тар­да оза шауып жүрген дарынды жет­­кіншекте­ріміз жет­кі­лікті. Олардың бірі әнші, бірі күйші, бірі биші, бірі сурет­ші, ал енді бірі көркем сөз оқу шебері мен түрлі зият­кер­лік олимпиадалардың же­ңімпаздары. Солардың қа­тарында 11 "Б" сынып оқу­шысы Ақниет Қаниев те бар. Қай іске болмасын, үлкен жауапкершілікпен қа­рап, белсенділікпен қа­ты­са білетін Ақниет мектеп қабырғасында жү­ріп, бі­лі­мімен қатар бойындағы ерек­ше өнері­мен көзге түс­ті. Жас өрен­нің бойындағы мұн­дай қасиетін байқаған Ақниеттің ұстаздары оның мектепішілік, қалалық, рес­публикалық сайыстарына қатысып, жеңімпаздар қатарынан көрі­н­уіне себепкер болды.

Сейсенбі, 05 Қыркүйек 2017 10:03

ОҚУШЫЛАР «ӨЛКЕТАНУДЫ» ОҚИДЫ

| Автор: 

    Өткенді ұлықтап, тарихтан тамыр тартқанды жа­ны­мыз қалайтын қазақпыз. Әйтсе де, қойнауы қазынаға толы тарихи орындар мен жұмбағы мол киелі жерлерді сөз еткенде іркіліп қалатынымыз жасырын емес. Себебі жер-жерді түгел танып, қасиет қонған өлкелерді жіпке тізе алмаймыз. Бұл рухани жаң­ғыруға бет алған тұста көзге көрініп тұрған кемшілік. Қа­зақ жеріне тиесілі жерлердің қадірін келешек ұр­пақ бойына сіңіру үшін Елбасы "Туған жер", "Қазақ­с­танның киелі жерлерінің географиясы" жобаларын жа­сау қажеттігін "Рухани жаңғыру: болашаққа бағдар" атты мақаласында айқын жазып берді. Жүрмеген жердің ой-шұқыры көп деген. Бүгінде қазақ ауыл­да­рын аралап, тарихи орындарды жаңа ұрпақ бойына сіңіру - елдік міндет. Бұл орайда билік тарихшылар мен өлкетанушылардың басын бір арнаға то­ғысты­рып әрекет етеді. Мұның алғашқы қадамдары оқу ошағынан басталуы керек.

    Расында, рухани жаңғыруда Сыр елі сыр беріп қалмауы керек. Киелі Сыр топырағындағы көне мекендер арғы тарихты көз алдына алып келеді. Мұны жақында өткен ұстаздар жиынында облыс әкімі Қырымбек Көшербаев бекерден-бекер тілге тиек етпеді. Келешек жастардың туған жерден тамыр үзбей, рухани толы­­суына ең әуелі ұстаздарға жауапкершілік жүгі артылады. Осы себепті білім саласында тағы бір жаңа жобаның жүзеге асатын уақыты келіпті. "Рухани жаңғыру" бағдарламасы аясында республика бойынша негізгі орта білім беру деңгейінің 5-7 сыныптарында 2018-2019 оқу жылынан бастап әр аймақтың ерекшеліктеріне негізделген "Өлкетану" курсы оқытылмақ.

Сейсенбі, 05 Қыркүйек 2017 09:57

АЛҒАШҚЫ ҚОҢЫРАУ СЫҢҒЫРЫ

| Автор: 

       Әрбір жаңа оқу жылы өз жаңалығын ала келеді. Бұл жолы да солай болмақ. Өйткені 2017-2018 жылдары оқу жылынан бастап барша білім ұяларына жаңа жүйе енгізілетінін есіткен ел әу баста елең ете қалған болатын. Ал, биылғы жылдан бастап 2, 5 және 7 сыныптардың оқушылары жаңартылған білім мазмұнына баса мән беретіні белгілі болды.

  Сонымен біз Қызылорда қаласындағы үш тілде оқытатын дарынды балаларға арналған мамандандырылған сыныптары бар "Мұрагер" мектебінде өткен "Сыңғырла күміс қоңырау" атты білім күніне арналған салтанатты шараға қатыстық. Мектеп директорының орынбасары Эльмира Азатбаеваның айтуына қарағанда, өткен оқу жылын 74 түлек бітіріпті. Жалпы мектепте 3700 бала тұрақты білім нәрімен сусындайтын көрінеді. Мектеп табалдырығын биылғы оқу жылы 520 бірінші сыныптықтар алғаш рет аттап, оларға 19 сынып есіктерін айқара ашты.

Сейсенбі, 05 Қыркүйек 2017 09:49

ҚИЫН БАЛА БОЛА МА?

| Автор: 

   Бала тәрбиесінде өзінің күші жет­пейтінін түсінген ата-аналар "Мен енді оған не істеу керек еке­нін білмеймін. Ол мүмкін ауырып қалды ма екен?" деген оймен психологтың көмегіне жүгініп жатады. Алайда ашушаңдық, қыңырлық, қырсықтық - патологияның алғаш­қы белгілері дегенді білдірмейді.

   - Мен көшеде баласының артынан "Абайла" деп жүгіріп жү­ретін, түскі демалыс уақытында баласының өзге балаларға ұйықта­уына мүмкіндік бермегені үшін ұяттан қатты қызаратын, бір нәр­сені сан мәрте қайталап, бірақ сонда да орындата алмай ашу-ызадан жарылардай болатын аналардың қатарындамын. Жалпы мен баласының алдында өзінің қадір-қасиетін жоғалтқан анамын,- деп, 32 жастағы Лора бұл әңгімесін жай ғана жымиып отырып бөлісті. Алайда шынына келгенде оған да, оның жұбайына да қиын екені сөздерінен анық байқалып тұр.

   Небәрі бес жастағы ұлдары өзінің тәртібімен ата-анасының өмірін түбегейлі өзгертіп жіберген. Үнемі бірін-бірі кінәлау сезімі, жанжал, осының салдарынан шаршағышты сезіну барлығы да отбасындағы тыныштықты бұзған. Лораның "Маған соңғы кездері ол мені тірілей жұтатындай көрінетін болып жүр" деген сөздерінен кей сәтте өзінің сүйікті ұлының бойынан "жауын" көретінін байқауға болады.

    Тағы қанша ата-ана тәрбиеге көнбейтін баласының себебінен өздерін осылай шарасыз сезінеді екен? Кей ата-ана өзін үйдегі кіш­кентайдың құрбаны санаса, кейбірі бірінші баласына ұстанған тәрбиедегі қағидаларын екінші баласына оң әсер етпейтініне таң қалады. Тынымсыз, сөз ұқпайтын, қырсық, ұяң - әр жұп мұның себебін табиғи жаратылыстан, сырттан іздейді, алайда...

 

        Тәй-тәйлап қадам басып, буыны қат­ып, өз бетімен жүріп, былдырлап сөй­лей бастаған бала тәрбиесі қа­шан да басты орында. Жұмысбасты ата-ана ба­лаларын балабақшаға та­быстап, өз істерімен шұғылдана бе­реді. Сондық­тан балабақшадағы тәр­бие мен көр­сетілетін қызмет тө­мен болмауы шарт. Олай дей­ті­ні­міз, болашақ елдің тұт­қасын ұс­тай­тын балғындардың білім­дегі ал­ғашқы баспалдағы балабақша­лар­дан қалып­тасса керек. Оған қоса жұ­мыста жүрген ата-ана тарапынан ба­лабақшадағы ба­ла­сына еш алаң­даушылық танытпай, тәрбиеші тә­лі­міне сеніммен қарайтындай қыз­мет қалыптасса нұр үстіне нұр. Әйт­се де өңірдегі балабақшалардың бар­лы­ғының дерлік қағанағы қарқ, са­ғанағы сарқ емес. Редакцияға шағы­мын айтып, қоңырау шалған оқыр­ман қайсыбір жеке балабақша бір бала үшін 20000 теңге алса да, алған ақ­­шаға сай еместігін, он­дағы тәр­тіп­тің бетімен кеткенін айтып ша­ғым­дан­ды. "Жиырма мың теңгенің ішін­­де баланы тасымалдау жоқ, бала үшін ретсіз ақша жиналады" дейді. Бұл мә­селеге кейін өз алдына бөлек тоқ­та­ла­тын боламыз. Бұл жолы өңір­дегі бала­бақшалар жайына шолу жасап көрейік.

  Жақында ғана Қызылорда қа­ласында орналасқан 209 бала­бақ­ша арнайы тексеруден өткізілген бола­тын. Қатаң тексеріс нәти­жесінде ата-аналар баласын сеніп тап­сырған 26 балабақша талап­тарға сай емес екендігі анықтал­ған. Оның үстіне, қызмет көрсету сапасы сын көтер­мейтіні тағы бар. Бұл аталған мәселе қа­лалық қоғамдық кеңестің кезек­тен тыс отырысында талқыланды.

   Мектепке дейінгі білім беру ұйымдарындағы бала денсау­лығына, қауіпсіздігіне және білім беру сапасына байланысты тұр­ғын­дардан келіп түскен араз-шағым­дардың қарасы қалыңдаған. Оны қоғамдық кеңес мүшесі Наталья Мишукова­ның мә­лімдемесінен де толық аң­ғаруға болады.

  - Тексеріс бірқатар негіздемелер бо­йынша жүргізілді. Біріншіден, әрбір балабақшаның санитарлық-эпиде­мио­логиялық талаптары, екін­шіден, тұты­ну­шылар ­қоғамымен бе­кі­тілген ас мә­зірі, үшіншіден, жазғы сауықтыру жос­пары, сондай-ақ ойын алаңдары мен ғимарат алаңдары бе­кі­тілген талаптарға сай болуы тексе­рілді. Өкінішке орай, қойылған бұл талаптардың барлығы дерлік сақтала бермейтініне көз жеткіз­дік,- дейді маман.

  Балабақшаларға арнайы рейдтер білім бөлімі мен қала әкімі шешімімен ғана жүргі­зіледі. Десе де "тексеріске алдағы уақытта қоғамдық ұйымдар да қатыстырылса" деген ұсыныстар айтылды.

  Осы орайда балабақша тәр­биешілерінің де өз айтарлары бар. Талапқа сай емес деп танылған 30 орынды "Айнұр Орда" балабақшасының құрылтайшысы Несібелі Өткелбаева кеңес отырысында өз назын жайып салды.

  - Бізге тексеруге келгендердің қойған айыбы балалардың ешқандай жоспары жоқ дейді. Жылдық жоспарымыз бар, демалыс жоспары енді да­йындалады. Оны дайындайтын тәрбиешілер демалысқа шығып кеткен болатын. Ал, балабақшаның көр­кем­деу, әрлеуінің бәрі есіктен төрге дейін өз орнында. Балабақша жұмысының бә­рін бірден жоққа шығаруға мен келіспеймін. Шешімдеріңізге қанағаттанбаймын,- деді кеңес мүшелеріне.

  Бұл күрделі мәселе, атүсті қарауға болмайды. Тексеріс қорытындысы, тәрбиешілер­дің жанайқайы таразыға салынуы тиіс. Әйтсе де, қай іске де бір жақты қарауға болмайтынын ескеріп, рейд кезінде тіркелген сандарға шолу жасап шықтық.

Сайт бойынша іздеу

Сауалнама

Күнтізбе

« Желтоқсан 2017 »
Дс Сс Ср Бс Жм Сб Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Серіктестер