Айтарым бар

Исатай Минуаров, әлеуметтанушы:

    Бала өз болашағына өзі жауапты. Тиісінше, мамандығын өзі таңдауы керек (бала өзіне не керегін біледі. Егер барлығы жоспар бойынша болмаса, бала ата-анасын кінәлайды). Қазір нарық соны сезген болуы керек, көптеген оқу орталығы “дұрыс мамандық таңдауға көмектесеміз” деген сервис көрсетуді бастады.

   Нарықта қандай мамандықтарға сұраныстың мол екенін анықтап алыңыз. Мамандықты таңдағанда өте ұқыпты болыңыз.

  “ЖОО-ға мектептен соң бірден түсу міндетті” деген психологиядан арылу керек. Шетелде Gap year деген ұғым бар. Gap year бір жыл болуы мүмкін, екі-үш жылға созылуы мүмкін. Бұл уақытты мектепті енді бітірген түлек өзінің не қалайтынын, жасырын потенциалын барынша анықтауға, приоритеттерді дұрыс қою жағын ойлануға пайдаланады. Есесіне, мектеп бітірген бала сол уақыт аралығында есейіп, аз да болса студенттік шақта туындайтын қиындықтарға, стреске дайын болады. Ал біздегідей балаға мектеп бітірген жылы бірден университетке түсуді міндеттеу дұрыс емес.

 

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны                      2019жылдың І  жартыжылдығына 

Қазпочта арқылы 6 айға - 1950 теңге (қала үшін)

6 айға - 2150 теңге (аудандар үшін)

Редакция арқылы 6 айға - 1880 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Айдар Сайлауов 

Жүлдызай Қалиева

Абзал Жолтерек

Нұрболат Қоймағанбетов


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Білім

Білім (384)

 

   Тамыз басталса бала оқытып отырған ата-анада тыным болмайды. Мектепті аяқтап, маман болуға ниеттеніп отырған түлектер мемлекеттік гранттың нәтижесіне көз салады. Ал, мемлекеттік гранттан қағылғандары жекеленген оқу орындарының тиімділігі мен шарттарын іздеп, таңдау жасайды.

    Осы аптада барлық қазақстандық түлектердің бірін білім бәсекесінің нәтижесі қуантты, бірін мұңайтты. Мемлекеттік грантқа үміт артқандар тізімнен өзін көріп, төбелері көкке жетіп жатса, ендігі бірінің көңілі құлазыды. Межелі баллға ұпайы жетпеген талапкерлердің таңдауы ақылы оқуға ауысты. Дегенмен, талап үдесінен шығу бәріне бірдей сенімділік бере бермейтіні рас. Сонымен, биыл қанша грант бөлінді? Жастардың таңдауы қай бағытқа, қай қалаға бұрылды?

     Статистикамен санамалайтын болсақ, былтырғы жылдарға қарағанда биыл грант саны едәуір артқан. Оған се­беп те жоқ емес. Елбасы Нұрсұлтан Назарбаев 5 бастамасының бірін жастардың тегін білім алуына арнауы келешектің экономикасына капитал құйғаны деп білу керек. Соның нәтижесінде Үкімет 20 мың грант бөліп, оның 11 мыңы техникалық бағытқа, 5 мыңы еңбек нарығына қажетті мамандықтар, 3 мыңы магистрлерді даярлауға, 1 мыңы PhD докторларды оқы­ту­ға жұмсалмақ. Жалпы бес бастамадан бөлек, осы жылғы мемлекеттік гранттың жалпы саны 53594-ке жеткен. Жауапты мамандардың сөзіне сен­сек, аталған гранттардың 5944-і күндізгі оқытудың 1-курсына, 2650-і ЖОО дайындық бөлімдеріне қабылдауға бөлінген.

Бейсенбі, 09 Тамыз 2018 06:47

АРАҚТЫҢ ХАЛАЛЫ ЖОҚ, ЗАЛАЛЫ КӨП

| Автор: 

   

   Спирттік ішімдіктерге салыну­шы­лық маскүнемділікке алып келеді. Маскүнемдік мінез-құлықты бұзу­мен қатар қылмысқа да итерме­ле­уі мүмкін. Жаңақорғандағы оқу­шы қыз­дың өлімі де осы ішімдікпен бай­ланысып жатқанын жұрт жақсы біледі. Араққұмар адамның отбасы, бала-шағасының берекесі кетіп, қа­дірі қашады. Ішкілікке бойы үйрен­ген адамда тоқтау болмайды. Ұдайы ішуге салынған адам әйтеуір бір сыл­тау тауып ішуді көздейді, өзінде бол­маса, кім көрінгеннен сұрап ішуге арланбайды, кез келген бөтелке­лестерімен бірлесіп те іше береді. Барған сайын "сау" жүруі азаяды.

   Мастықтың әсерінен ауруға шал­дыққан адамға уақытша еңбекке жарамсыздығы жөніндегі жәрдем төленбейді. Спиртті ішімдікке са­лыну салдарынан өз жанұясының материалдық жағдайын ауырлатқан адамдарға, сот арқылы жанұясына жәрдем көрсетуі міндеттелмеген. Сондықтан осы кеселдің кесапаты жайында толыққанды зерттеу жа­сап көрдік. Өйткені мамандық тал­ға­майтын, адам іріктемейтін бұл за­уал барлық ортада қылаң беруі ық­ти­мал. Оның ішінде өнер адамдары да бар.

   

   Жаздың жарқын күндерімен қоштасатын сәт те жақындап келеді. Бұл жаңа оқу жылының басталуын аңғартады. Содан болар, тамылжыған тамыз айы ата-ана қауымы үшін тынымсыз тіршіліктің нағыз қайнаған шағына айналған. Баланы мектепке даярлау, оқу құрал-жабдықтарын түгендеу, мектеп формасының сапасына мән беріп, соңғы үлгідегі киімді бауыр еті баласына алып беру - бүгінгі ата-ананың басты міндеті. Ал, мектепке асыққан балалардың бар ойы талғамындағы киімді таңдап, өзіне ұнаған заттарды алу. Әрине, мұның барлығы қаржы мәсе­лесі­не келіп тірелетіні анық. Жалпы, бір оқушыны мектепке әзірлеу үшін қанша қаражат қажет? Көпшілікті толғандыр­ған мәселенің мәнісін білу үшін әрі сауалымызға тұщымды жауап алу мақсатында базарға бас сұққан едік.

   Сыр халқының басым бөлігін "Ескі базардың" ішінен табуға болады. Базарға ентелеп ене бастағаннан қызу сауданың қарқынын байқайсың. Ығы-жығы жүрген адамнан көз сүрінеді. Бір байқағаным жалғыз жүрген жанды сирек кездестіреді екенсің, соның басым бөлігін бала жетектеген ана-ата құрап отыр. Қайтсін енді, осының бәрі оқу маусымына әзірленудің әлегі емес пе? Қай сауда орнына барсам да, абыр-сабыр күйдегі саудагер мен таңдау жасап тұрған тұрғынды көз көреді. Әрине, бұлай болмаса несі базар? Менде өз миссиямды орындауға кірісіп, базарды шарлап, тауар бағамын барлап қайттым. Сонымен, бастауыш сыныпқа баратын оқушыны мектепке даярлау қанша тұрады? Мектеп формасының сапасы сын көтереді ме? Бағаға сапа қаншалықты сай?

   Алда - жаңа оқу жылы. Білім күнін та­ғатсыздана күтіп жүрген балалар мектеп формасы мен оқу-құралдарының жаңадан жабдықталғанын қалайды. Мұның барлығын алу үшін халықтың басым бөлігі қайнап жатқан көк базарға табан тірейтіні анық. Базар дегеніміз жай сөз ғана. Мұнда да бағаның аспандап тұрғанын көз көріп, құлақ естіп жүр. Бір ба­ланы мектепке дайындау үшін ең тө­менгі бағамен есептегенде 30 мың теңге ша­масында қаржы кетеді, ал бірнеше ба­ланың қажеттілігін қамтамасыз етуді мақсат етсең, 100 мың теңгеден аса қара­жат­тың қалтаңыздан шығатыны анық. Иә, біз айтып отырған бұл санға бірі ауыз басып, шошына қараса, енді бірі еш уа­йымсыз жүретіні белгілі.

   

    Қазір әр саланың даму динамикасын айқындайтын қомақты бағдарламалық құжаттар бар. Межеленген міндеттерге сай жоспарлы жұмыстар тізілген бағдарлама елдегі салалардың келешектегі даму перспективасын айқындап, мүмкін болатын істердің жобасын жасайды. Күні бүгінге дейін ел ішінде айтылып жүрген білім саласын реформалау, Назарбаев зияткерлік мектептерінің тәжірибесін орта мектептерге тарату, жаңартыл­ған білім беру мазмұнына көшу сынды мәселелердің барлығы Білім беруді және ғылымды дамытудың 2016-2019 жылдарға арналған мемлекеттік бағдарламасынан бастау алады. 3 жылды қамтитын салмақты құжатта нысаналы мақсаттарға жетудің жоспары айқын жазылған. Басты мақсат - экономиканың орнықты дамуы үшін білім берудің және ғылымның бәсекеге қабілеттілігін арттыру, адами капиталды дамыту.

    Бағдарламаның екі жылын арт­қа тастадық. Білім саласының мамандары мектепке дейінгі тәрбие­ні толық енгізу, орта білімнің сапасын арттыру, техникалық және кәсіптік білім алушыларға жағдай жасау, бәсекеге қабілеттілікті арт­тыру, білім мен ғылымды және инновацияларды интеграциялау сынды маңызды міндеттерді орын­дауға кірісті. Осы уақытқа дейін жаңашылдықпен еніп жатқан түрлі бастамаларға деген көз­қарас өзгерді, педагогтардың бі­лім деңгейі артып, бәсекелестікке жол ашылды. Демек, Білім беруді және ғылымды дамытудың 2016-2019 жылдарға арналған мемлекеттік бағдарламасының нә­тижелі орындалып жатқаны көз­ге көрінеді. Қазір әрбір аймақтың білім басқармалары бағдарламада айқындалған міндеттерді орындауда тәжірибелерімен бөлісуде. Жаңашылдықты уақыт талабымен үндестірген Сыр педагогтарының толайым табыстары білім саласын дамуға жетеліп отыр. Атқарылған іс пен бағдарлама барысын бағамдау үшін Қызылорда облыстық білім бас­қармасының мамандарын сөзге тарттық.

Бейсенбі, 02 Тамыз 2018 10:59

Ардақты ғалымға құрмет

| Автор: 

   

    Өткенді бағаламай, болашақты баянды ету мүмкін емес. Қазақ хал­қы әрқашан да өзінің біртуар перзенттерін, дара тұлғаларын дәріптеген, оларды ұлықтаған халық. Оның ішінде ғалымдарға ерекше көңіл бөліп, құрмет көрсеткен.

   Сыр өңірінің даңқты перзенттерін құрмет етудің тағы бір шарасы ретінде Қазақстан Республикасының ауылшаруашылық ғылымдарының докторы, академик, Ресей Федерациясының профессоры Сұлтан Мырзабековтың есімін ұлықтау үшін Қызылорда қаласындағы Ақсуат ауылдық округінен көше берілді. Ғалымның атына берілген көше бойынан ескерткіш тақтасы қойылып, замандастырының естелігі айтылды.

    Сыр топырағында дүниеге келген ағамыз жастайынан бойындағы жас­тық жалыны мен жігерін дәлелдей білген. 1958 жылы орта мектепті алтын медальмен аяқтап, Алматы мал дәрігерлік институтының үздік тү­легі атанып, өзінің есімін ойып тұрып қалдырған.

   

Бейсенбі, 02 Тамыз 2018 10:40

«Мектепке жол» акциясы басталды

| Автор: 

    Оқу жылының басталуына бір ай уақыт қалды. Десе де бұл күн­дердің көзді ашып жұмғанша өтетінін ескерген ата-ана қауымы мектепке дайындықты бүгіннен бастап кеткен болар. Оқу құрал-жабдықтары, мектеп формасы мен ақ бантигін алу үшін сауда орнын аралап, ыңғайлы әрі сапалы киімді таңдауға асығуда. Алайда, көп балалы және аз қамтылған отбасылар үшін базардағы баға бағамы біршама қиындықтарды туғызатыны белгілі. Мәселен, бастауыш сыныпта оқитын ер баланың қажетті заттарымен қатар формасын қоса есептегенде 27 мың теңге, ал қыз балаларға 29 мың теңге шамасында қаржы кетеді екен. Орта сынып оқитын оқушыларды мектепке дайындау үшін ер балаға 28 мың, қыз балаларға 30 мыңнан астам қаражат керек. Жоғарғы сынып оқушыларының қажеттілігіне кететін шығынды айтпай-ақ қояйық. Мұн­дай жағ­дайдан соң аз қамтылған және көп балалы отбасыға, ата-анасының қамқорлығынсыз қалған балаларға жәрдемдесу мақсатында "Мектепке жол" жалпы республикалық акциясы басталды.

   Қызылорда облысының білім басқармасы басшысының орынбасары Бағдат Бердәулетовтің айтуынша, оныншы рет ұйымдастырылып отырған акцияда жетім балалар мен қамқорлықсыз қалған оқушыларға, сонымен қатар әлеу­меттік себептер бойынша балалардың мектепке бармауының алдын алу үшін көмек көрсету жұмыс­тарының тамыз айынан баста­ла­тынын тілге тиек етті. "Мектепке жол" акциясы аясында көмек көрсетуді қажет ететін балалардың тізімі әзірленеді. Сол тізім бойынша балалар әр мекемеге бекітіледі. Ал, "қауіпті топ" балаларын анықтауға байланысты рейдтік жұмыстар жүзеге асатынын және ақпараттық қолдау жұмыстарының жүргізі­ле­тінін ескертті. Әрбір бала білім алуға, ізденуге құқылы. Әлеуметтік жағдайы әлсіз болғанына қарамастан инемен құдық қаз­ғандай білім нәрімен сусындауы тиіс. Сондықтан да "Балаға мейірім сыйла!", "Бар жақсылық балаларға", Отбасы отба­сы­ға көмек көрсетеді: балаларды мектепке дайындаймыз" ат­ты қайырымдылық акциялары ұйымдастырылып, сенім телефондары мен жедел байланыс желілері үздіксіз жұмыс істейтін болады.

 

   Әлемдік жаһандану заманында  ұлттық  болмысымыздан ажырап қалмау үшін ұлттық кодымызды сақтап қалудың маңызы зор. Елбасымыз Ұлттық код, ұлт­тық мәдениет сақталмаса еш­қан­дай жаңғыру болмайтынын ескертті. Әлемде қанша ұлт болса, әрқайсысының өзінің ұлттық ерекшелігі байқалып тұрады. Сол сияқты біздің ұлтымыздың да өзін даралайтын ерекшелігі бар.

   Рухани құндылықтарымызды дамыту мемлекетімізді нығайтып, оның "Мәңгі ел" болуына сер­пін беретіні сөзсіз. Өзінің негізгі тамырынан ажыраған ха­лық ұзаққа бармайтыны айқын. Моңғол-татар, жоңғар шапқыншылықтарын басымыздан өткі­зіп, 70 жылдан аса Ресейдің қол астында болсақ та ұлттық болмысымызды сақтап қалған халықпыз.  Тағдырдың тәлкегімен, туған жерінен ажырап, алыс, жақын ше­­­телдерде өмір сүріп жатқан қандастарымыздың тілін, дінін, ұлттық дәстүрлерімізді сақтап қалуы, елге де­ген сағынышы үлгі болуы тиіс.

 

 

     Сынақтардан сүрінбей өтіп, сан жылдар бойы жи­наған білімін сарапқа сал­ған оқушылар білім грант­тарынан дәмелі болатыны рас. Шынымен де, ұлттық тест пен кешендіден тиісті балын жинаған талап­керлер қай қа­ла­ның гранттары қол жетімді екенін бағамдай бастайды. Қала таңдаудан бөлек "Мәңгілік ел жаста­ры - индустрияға" - "Сер­пін" әлеуметтік жобасы бойынша да таңдау мүмкін­дігі молайғандай. Сан түрлі сенімге серпін берген бағ­дар­лама арқылы білім ал­ған жастар бүгінде өзге об­лыстарға қазақылықтың дәнін себе жүріп, өздері де ілім жинайды. Десек те, бастапқыда қызу талқыға түсіп, қоғам тарапынан қолдау тапқан "Серпіннің" серпіні басылып келе жат­қандай. Себебі жыл сайын­ғы бөлінетін гранттар саны азайып келе жатыр. Был­тыр­ғы оқу жылында "Сер­пін" әлеуметтік жобасы бойынша 3793 грант жо­ғарғы оқу орындарына (оның ішінде білім - 1550, техника ғылымдары және технологиялар - 1898, ауыл шаруашылығы ғылым­дары, ветеринария бағыт­тары бойынша - 345), кол­ледждерге 720 грант бөлін­ген болатын. Бұл білім грант­тарымен Маңғыстау, Қызылорда,

   ОҚО, Жамбыл, Алматы облыстарының жастары қатысып, бақ сы­наған болатын. Соны­мен, 2017-2018 оқу жы­лына "Серпін" әлеуметтік жобасы бо­йынша жалпы 4513 грант бөлініп, оқу­шылардың көбі бір қуанып қалған болатын. Ал, биыл­ғы ахуал айтарлықтай мәз емес.

 

   Білім берудің қазіргі заман талабы - шығармашылықпен жұ­мыc жасайтын, бәcекеге қабілетті, құзіретті тұлға тәрбиелеу.  Біліктілікті арттыру - оқытудың жаңа әдіс-тәсілдерін енгізу арқылы Қазақстанның ұлттық білім беру жүйесіне арналған жаңа білім беру.

   Елбасының Жолдауында ай­тыл­ғандай: "Болашақта өркениетті дамыған елдердің қатарына ену үшін, заман талабына сай білім қажет". Жаңа білім берудің негізгі мақсаты - білім мазмұнының жаңаруымен қатар, оқытудың әдіс-тәсілдері мен әр түрлі құралдарын қолданудың тиімділігін арттыруды талап етеді. Өз тәжірибесінде сынап көруге және оны ой елегінен өткізіп, рефлексия жасауға, сондай-ақ оқушыларға барынша қолдау көрсетуге бағытталған жаттығулар мен тапсырмаларды қолдана білуге мүмкіндік береді. Білім беру бағдарламасын жаңарту критериалды бағалау жүйесі оқушылардың, сонымен қоса мұғалімдердің педагогикалық шеберлігін жетілдіреді. Жаңаша оқытуда педагогиканың барлық аспектілері сындарлы оқытуға негізделген, яғни оқушылардың бір-біріне сын тұрғысынан қарауы ескеріледі. Жаңаша білім беру мектептердің оқу жоспарлары, тілдік дағдылар, мұғалімнің жетекшілігімен жү­ретін оқылым және жазылым, зерт­теуге негізделген оқу, белсенді оқу деп өзгерді. Белсенді оқу­да топтық, жұптық, рөлдік ойындар арқылы оқушылардың қы­зығушылықтарын арттырып, белсенді оқуға ұмтылдырады. Осыған байланысты оқушылар арасында өзара түсіністік және ұжымдық қарым-қатынасты орнатып, оқушылардың мүмкін­дік­терін арттыруға жол ашатын критериалды бағалайды.

 

Сайт бойынша іздеу

Сауалнама

Күнтізбе

« Қараша 2018 »
Дс Сс Ср Бс Жм Сб Жк
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C