Газеттің ПДФ нұсқасы

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны

Қазпочта арқылы 6 айға - 1680 теңге(қала үшін)

6 айға - 1800 теңге (аудандар үшін)

Редакция арқылы 6 айға - 1560 теңге

Редакцияға хат

Email:
Тақырып:
Текст:
Білім

Білім (166)

     Балалардың жазғы демалысы қызықты әрі пайдалы өтуіне Қы­зыл­орда қаласындағы қала­лық білім бөліміне қа­расты "Сырдария" лагері ұжымы жоспарлы жұмыс жасауда. 1982 жылы құ­рылысы аяқталып, жұ­мы­сын бастаған жаз­ғы демалыс орнында 2 қа­баттан тұратын 4 жатын орынды ғимараты бар. Мұнда 80 орынға лайық­талған асханада балалар денсаулық сақтау бас­қармасы тарапынан бе­кітілген ас мәзіріне сәй­кес 5 мезгіл тамақта­на­ды. Одан бөлек, жазғы демалыстың қызықты өтуіне шығармашылық үйірмелер кабинеттері мен гигиеналық бөлме­лер, арнайы ойын және спорт алаңдары, монша мен ашық су бассейні­мен қамтылған.

         Қоғамдық формация өзгерген сайын еңбек нарығы да сол бағытқа бе­йімделеді. Бүгінгідей бәсекелес­тік­тің бел ортасында тұрған кезеңде кадрлық саясат жаңа бағыттарды қа­жет етіп отыр. Ал, бұл міндеттерді, яғ­ни кадр даярлаудың жолын білім саласы реттеуі тиіс. Соңғы бес жыл­дыққа көз салатын болсақ, білім беру процесінде маман даярлаудың меха­низ­мін өзгерту көзделді. Осы арқылы білім бір реформамен толықты. Жа­ңар­тылған білім беру мазмұнына көштік. Басты талап - функцио­нал­дық сауаттылық, яғни оқушының ал­ған білімін өмірлік практикада қол­дану. Мұны мұғалімдер мамандыққа ма­шықтандырудың алғашқы бас­палдағы деп санайды.

   

        Бүгін Қызылорда облыстық ішкі саясат басқармасының қолдауымен «Руханиятты жаңғырту» қоғамдық қоры И.Әбдікәрімов атындағы жоғары аграрлы-техникалық колледжінің мәжіліс залында дөңгелек үстел ұйымдастырды. «Дарынды балаларды әлеуметтік-педагогикалық қолдау, оның ғылыми негіздері, жаңашылдығы, тәжірибелілігі» тақырыбындағы шара білім саласындағы жетістікке жетелейтін маңызды мәселелерді негізге алды. Шараға білім саласында қызмет етіп, дарындыларды даярлап жүрген ғалымдар мен педагогтар, аймақтағы дербес білім беру ұйымдарының басшылары, ҮЕҰ және БАҚ өкілдері жиналды.

   Дөңгелек үстелдің негізгі мақсаты – дарынды балаларды қолдаудың бүгінін бағамдап, бәсекеге қабілетті зияткер ұрпақ тәрбиелеудің жолдары мен проблемаларын талқылау және дарындылық қабілетті арттыруда жаңа идеялармен бөлісу. Білім қызметкерлерінің басын қосқан жиынды «Руханиятты жаңғырту» қоғамдық қорының директоры Нұрлан Нұрмаханов жүргізіп отырды. Мұнан кейін педагогтар басты тақырыптан туындаған ойларымен бөлісіп, ой-пікірлерін ортаға тастады.

Сәрсенбі, 14 Маусым 2017 11:23

ТЕҢДІК ЖӘНЕ ИНКЛЮЗИЯ

| Автор: 

           Соңғы 4-5 жыл бұрынғы мә­лі­метке көз салсақ, дүние жүзін­де миллиардқа жуық мүгедектігі бар адам тіршілік етеді. Олардың ішінде 110-нан 190 миллионға дейінгі адамдардың жүріп тұруы қиын. Ал, сол қимыл-қозғалысы қиын адамдардың 150 миллионға жуығы - бес жасқа дейінгі балалар. Халықаралық ЮНИСЕФ қорының талдамалы қорытындысына сүйенсек, 400 миллионнан астам мүгедектігі бар балалар табыс деңгейі төмен және кедейшілік шегінен асқан елдерде мекен етеді. Бұл факті әлем елдерінің ішінде Қазақстанды да алаңдатып отыр. Мәселе туа бітті денсаулығында кінәраты бар балаларды болашаққа бейімдеу, һәм оларға толыққанды білім беру. Қазақстан көптеген елдер секілді егемендік алған жылдардан кейін білімге басымдық берді. Соның ішінде мүмкіндігі шектеулі балаларға білім берудің жолдарын іздестіріп, арнайы бағдарламалық құжат бекітті. Бұл инклюзивті білім беру бағыты деп аталады.

     Қоғамда кез келген мәселе ашық талқыға салынады. Әсі­ресе, білім саласындағы бетбұ­рыстар мен өзгерістер халық сы­нына төтеп бере алуы тиіс. Жа­сы­ратыны жоқ, ширек ғасыр уа­қыт ішінде мүмкіндігі шектеулі балаларға білім беруде түрлі кедергілер аяқтан шалды. Содан бері Қазақстан 2007 жылы "Білім туралы" заңға инклюзивті білім беруді қосып, Орталық Азиядағы бірден-бір мемлекет атанды. Қазіргі ахуал нендей? Кадрлар жеткілікті ме? Инклюзивті бала­лар тең дәрежеде білім ала ма? Мем­лекет ұсынған мүмкіндіктер қандай? Осы сынды толғақты сұ­рақтар әрбір ата-ананы алаң­да­тады. Әсіресе, мүмкіндігі шек­теу­лі баланы асырап отырған ана­лар үшін бұл екі есе маңызды.

   Инклюзивті оқытудың тала­бы­на сәйкес мүгедектігі бар бала­лар үшін білім тегін беріледі, әрі бұл балалар белгілі стандартқа сай білім алады. Үйден оқуға мәж­бүр оқушыларға арнайы пе­да­гогтар бөлінеді. Ресми дерек­терге иек артатын болсақ, Қа­зақс­танның оңтүстік аймақта­рында үйде білім алатын мүге­дек­тігі бар балалар саны өзге айм­ақтардан сәл жоғары. Әсі­ресе, шалғай жатқан аудандарда үлес-салмақ көрсеткіштің басым бөлігін құрайды. Инклюзивті оқытудың талабы қатал. Себебі баланың бәрінің жағдайы бірдей емес. Әрдайым қадағалауды қа­жет ететін балалармен жұмыс жүр­гізуде білікті кадрлар қажет. Осы саланың ділгір мәселесін көтеріп жүрген мамандар инклю­зивті оқытуды жеке дара оқыту деп қарамау керек деп есептейді. Өйт­кені оқыту үшін педа­гог­тар­мен бірге логопедтер, мұғалім­дер­дің көмекшілері, консультанттар бірлесе қызмет етеді. Сонда ғана нәтижеге бағытталған жұмысты бақылауға болады.

   Ерекше қажеттілігі бар бала­ларға білім беріп жүрген педагог Қызылорда қаласындағы №136 мектеп-лицейінің орыс тілі және әдебиеті пәнінің мұғалімі Баян Байымбетова инклюзивті білім берудің жыл санап жақсарғанын тілге тиек етті.

       Абыройлы қызметті сеніп тап­сырған адамның пендешілікке са­лынып, арам ақшадан "дәм та­тып", артынан іс қозғалып жат­қан­дарын естігенде жайдан-жай отыра алмайсың. Қу бастың қа­мын ойлаған басшылардың "ұс­тал­маймын ғой" деген пасық әре­кеттері түптің түбінде әшкере бо­ла­тыны белгілі емес пе? Бұл сол баяғы жемқорлықтың жолын жал­ғайтын жағдайлар. Қолында билі­гі, қарамағында қызметкерлері бар басшының орынтағынан айы­рылуы әп-сәтте. Себебі маңызды құжаттарға қол қою, қызметке тағайындау, қандай да бір мәсе­лелерді шешу процестерінің бар­лы­ғында жең ұшынан жалғасқан жемқорлықтың іздері жатады. Мұның арты сыбайластыққа, яки жемқор атануға алып келеді.

    Хош! Жемқорларды сипаттап бере алмасымыз анық. Себебі бүгін мақталып жүрген басшылар­дың, ертең қызметті көтере алмай мемлекеттің қара тізіміне ілігіп жа­татынын қайтерсің. Қазірде жем­қорлықтың қай саланы жай­лап алғанын білу қиын емес. Рес­ми мәліметтерді алға тартатын құ­қық қорғау органдарының дере­гіне сүйенсек, екеуара алыс-беріс, пара алу деректері білім саласы мен жер саласында орнығып ал­ған. Әрине, қалған салаларды да оңып тұр дей алмасымыз анық.

   Білімдегі былықтың бары аз айтылып жүрген жоқ. Мәселен, өткен жылы білім саласының беде­ліне көлеңке түсіретін бірнеше фактілер анықталған. Айталық, Қызылорда облысында 5 балабақ­ша меңгерушісі және 3 мектеп директоры заңнан аттап, жемқор­лыққа жол берген. Мұндай мәлі­мет облыстық білім басқармасы мен ҚР Мемлекеттік қызмет іс­тері және сыбайлас жемқорлыққа қарсы іс-қимыл агенттігінің Қы­зыл­орда облысы бойынша депар­та­ментімен бірлесе аудандарда өткізген отырыс барысында ашық айтылды. Қызмет бабына қайшы келетін жағдайлар Шиелі ауда­нында анықталған. Мәселен, өт­кен жыл ішінде тіркелген екі қыл­мыстық істе пара алу мен пара бе­ру­дің жолы көрініс тапқан. Айта­лық, аудандағы бір мектептің ди­ректоры қарамағындағылардан  Қызылорда облы­сының білім са­ла­сындағы бақы­лау департа­мен­тіне "мектепті мем­­­лекеттік аттес­та­­ция­дан жақ­сы өткізу үшін" деп қаржы жи­наған. Нә­тиже­сінде, Шиелі ау­дан­дық со­тының үкімі­мен мек­теп дирек­торы өмір бо­йына мем­ле­кеттік ұйым­дар мен мекеме­лер­де қыз­мет атқару құқы­ғынан шекте­ліп, 5 жыл мерзімде бас бос­тан­ды­­ғынан айырылған. Екінші жағ­дай керісінше, қызмет бабын асы­­ра пайдаланып, қыз­метке ор­на­­­ластыру үшін 300000 тең­ге кө­лемінде пара алған мек­теп ди­рек­то­рына қатысты іс. Мұ­ны жиын ба­­рысында аудан әкімі Қайратбек Сәрсенбаев ашып айтты.

Сәрсенбі, 14 Маусым 2017 06:56

Білімде бәсі биік білім ордасы

| Автор: 

  Білімде тиімділігін әлдеқашан мойындатқан кәсіптік саланың бүгінгі бет алысын бағамдау қиын емес. Кезінде жұмысшы мамандардың жолын жалғап, ел қажетіне жарар мамандарды даярлаған ұстахана кеңестік кезеңде өз қолтаңбасын қалдырды. Сонау іргесі ерте кезде қаланған кәсіптік колледждер уақыт талабының иіріміне еніп, бәсекеге жол ашып, бүгінде мемлекет сұранысына қажетті кадрларды еңбек нарығына шығарды. Ел есінде болар, Елбасы таяу 2-3 жылда дуальдық, техникалық және кәсіптік білім берудің ұлттық жүйесін қалыптастырып, келешекте жастардың техникалық білім алуын мемелекеттік кепілден­діруді қарастыру қажеттігін мықтап тапсырған-ды. Содан бері колледждерге кадр даярлаудың жаңа механизмін қалыптастыру керектігі сезілді.

  Биыл кәсіптік саланың тамырына қан жүгіріп, сала жанданғандай болды. Себебі Елбасының маман даярлаудың технологиясына айрықша мән беріп, арнайы бағдарлама бекітуі кәсіптік сала мамандарына артылар жүкті екі есе салмақтады. Рас, жыл басында бекітілген тегін кәсіптік білім беру бағдарламасы негізінде өңірдегі барлық колледж межелі міндеттерге мойын бұрып, жұмысты бастап кетті. Соның бірі - Жалағаш индустриалды-аграрлық колледжі.

   Жалағаш ауданында қоныс тепкен Жалағаш индустриалды-аграрлық колледжіне - 57 жыл.  Алғашқы ірге қалаған сәттен бастап білім ошағы түрлі тәжірибені енгізіп, кадр құрамын қалыптастырды. Айталық, 1959 жылы №150 ауылшаруашылығын механикаландыру училищесі ретінде жұмысын бастаған коллдеж кейін келе №15 кәсіптік-техникалық мектеп ретінде жұмысын жалғады. Уақыт сынына төтеп беріп, қиынды артқа тастаған колледж 1998 жылы №3 кәсіптік мектеп ретінде құрылады. Осы жылдан кейін маман оқытудың ортақ жүйесі орнап, маман даярлаудың аясы кеңейді. Кейіннен араға 11 жыл салып білім ордасы қайтадан бұрынғы №3 кәсіптік лицей атауына ие болады. Ал, 2013 жылдан бас­тап колледж "Жалағаш индустриалды-аграрлық колледжі" коммуналдық мемлекеттік қазыналық кәсіпорны ретінде қайта құрылды.  Қазіргі таңда колледжге  Ғани Карбозұлы  Серікбаев басшылық етеді.

  Мемлекеттік лицензия негізінде білім беретін колледждің жетістіктері аз емес. Әр жылдары түлеп ұшқан колледж түлектері бүгінде елге елеулі қызмет көрсетіп, оқу орнының абыройын асқақтатуда. Колледжден қанат қаққан азаматтардың алды мемлекеттің құрметіне бөленген азаматтар болса, берісі басшылық қызметтердің тізгінін ұстауда. Олардың қатарында Социалистік Еңбек Ері Тұршабек Елеусінов, Жоғарғы Кеңес депутаты Айнаш Балғабаева, бүкілодақтық жер жыртушылар конкурсының жүлдегері Гүлсара Қуандықова, спорт саласында басшылық қызметте жүрген Садық Мұстафаев, мемлекеттік сыйлықтың лауреаты Тұрлыбай Әбдіхалықов, облыстық қаржы полициясының отставкадағы полковнигі Болат Шонықов, белгілі әнші Құдайберген Бекішов, Қызылорда облысында  прокуратура саласында тер төккен Ислам Тәуіпбаев, Жалағаш кенті әкімі Қожантай Құлмахан мен ауданға қызмет еткен бірқатар түлектер түлеп ұшқан.

 

Сәрсенбі, 14 Маусым 2017 06:46

Арманға қанат қаққан күн

| Автор: 

      12 маусымда Қызылорда қаласындағы барлық мектептерде мектеп бітірушілерге арналған салтанатты аттестат тапсыру рәсімі өткізілді. Те­рең білім мен үздіксіз ізденіс жолында жүрген жас түлектердің арманына қанат байлап, үлкен өмірге қадам басатын сәті. Мемлекеттік қорытынды емтиханды артқа тастаған мектеп түлектерін алдағы Ұлттық бірыңғай тест сынағы кү­тіп тұр. Қызылорда соңғы жылдары білім сала­сы бойынша көш басына шығып, қара үзіп келеді.

   Салтанатты мерекелік шарада №101 мектеп-лицейі түлектері де мектеппен қоштасып, 11 жылғы білімдерін растайтын аттестатқа ие болды. Айту керек, білім ордасынан қанат қаққан 70 оқушының ішінен 5 оқушы "Алтын белгіге", 2 оқушы "Үздік аттестатқа қол жеткіз­ді. Жылы жүздесуде мектеп директоры Асқар Әділбеков биылғы оқу жылы білім ошағы үшін табысты жыл ретінде есте қалмақ деп атап өтті.

   - Білім шаңырағынан ұшқалы отырған жас түлектерге сәттілік серік болсын деген тілегіміз бар. Әрине, жетістіктеріміз аз емес, биыл білім ордасына педагогика ғылымдарының докторы, ғалым Әли Мүсілімұлының есімі бері­ліп, мектеп-лицей атандық. Шәкіртте­ріміз түрлі деңгейдегі байқауларда топ жарып, үздіктер қатарынан көрініп келеді,- деді мектеп директоры Асқар Әділбеков.

   Мектеп мақтанышы, үздік оқушы «Алтын белгі» иегері атанған оқушылардың бірі Жауқазын Алтынбек үздіксіз білімнің арқасында биікке жетіп отырғанын тілге тиек етті. Болашақта терапевт маманы болуды мақсат тұтқан жас талапкердің арманы асқақ, мақсаты биік.

   Білім мен тәрбиені қатар ұстаған білім ұстаханасынан түлеп ұшқан түлектер қызыл кілемнің үстімен жүріп, құрметке ие болды.

"Ұстаз-ақпарат"

Сәрсенбі, 14 Маусым 2017 06:46

Арманға қанат қаққан күн

| Автор: 

      12 маусымда Қызылорда қаласындағы барлық мектептерде мектеп бітірушілерге арналған салтанатты аттестат тапсыру рәсімі өткізілді. Те­рең білім мен үздіксіз ізденіс жолында жүрген жас түлектердің арманына қанат байлап, үлкен өмірге қадам басатын сәті. Мемлекеттік қорытынды емтиханды артқа тастаған мектеп түлектерін алдағы Ұлттық бірыңғай тест сынағы кү­тіп тұр. Қызылорда соңғы жылдары білім сала­сы бойынша көш басына шығып, қара үзіп келеді.

   Салтанатты мерекелік шарада №101 мектеп-лицейі түлектері де мектеппен қоштасып, 11 жылғы білімдерін растайтын аттестатқа ие болды. Айту керек, білім ордасынан қанат қаққан 70 оқушының ішінен 5 оқушы "Алтын белгіге", 2 оқушы "Үздік аттестатқа қол жеткіз­ді. Жылы жүздесуде мектеп директоры Асқар Әділбеков биылғы оқу жылы білім ошағы үшін табысты жыл ретінде есте қалмақ деп атап өтті.

   - Білім шаңырағынан ұшқалы отырған жас түлектерге сәттілік серік болсын деген тілегіміз бар. Әрине, жетістіктеріміз аз емес, биыл білім ордасына педагогика ғылымдарының докторы, ғалым Әли Мүсілімұлының есімі бері­ліп, мектеп-лицей атандық. Шәкіртте­ріміз түрлі деңгейдегі байқауларда топ жарып, үздіктер қатарынан көрініп келеді,- деді мектеп директоры Асқар Әділбеков.

   Мектеп мақтанышы, үздік оқушы «Алтын белгі» иегері атанған оқушылардың бірі Жауқазын Алтынбек үздіксіз білімнің арқасында биікке жетіп отырғанын тілге тиек етті. Болашақта терапевт маманы болуды мақсат тұтқан жас талапкердің арманы асқақ, мақсаты биік.

   Білім мен тәрбиені қатар ұстаған білім ұстаханасынан түлеп ұшқан түлектер қызыл кілемнің үстімен жүріп, құрметке ие болды.

"Ұстаз-ақпарат"

Сәрсенбі, 14 Маусым 2017 06:02

Өмірі өнегелі, өмірі ұлағатты

| Автор: 

   Сырдарияның сол жағалауындағы Қызылжар ауылы таланттар мен дарындылардың мекені екенін көпшілік мойындап та қойған. Шетінен сөзшең әрі өнер иелерінің бағындырған белестері жетіп артылады. Өнер саласынан бөлек, ұстаздықтың шыңына шыққан дарабоздардың да легі аз емес. Әсіресе, тектілікті ту етіп жүрген ақсақалдар, жазулы хатпен тең қариялар - ауылдың алтыннан құнды қазыналары. Бейнетінің зейнетін көріп, шөберенің шүлдірлегеніне қызыққыш қариялардың жастық шағында жалынды болғанын білген кезіңде, ішің жылып қоя береді. Ауылдың бетке ұстар сондай азаматтарының бірі, бірінші санатты ұстаз Сайлау Абабүкіров. хақында сыр тарқатқанды жөн көрдік.

    Арал ауданына қарасты Қызыл­жар ауылында зейнеткерлікке ұстаздықпен шыққан Сайлау Абабүкіров - осы елдің марғасқа азаматтарының бірі. Елдің сыйлы ұстазы бүгінде ел ағасына айнал­ған. Отбасының, киелі шаңыра­ғы­ның шайқалмағанын қалайтын ұс­таз көпке үлгі.

    Өмірінде өнермен де, өлеңмен де өрнек өріп жүрген жанның өмір­де­регіне шолу жасап шықтым. Сайлау Абабүкіров 1952 жылы қарапайым шаруа Абабүкір Елде­сов­тің отбасында дүниеге келген. Бала кезінен өнерге құмар ол Арал қаласындағы №15 қазақ орта мек­тебінің 9-сыныбында оқып жүріп, ауданның домбырашы­лар оркестрі құрамында мектеп оқу­шыла­ры­ның облыстық байқауына қа­тыса­ды. Одан республикалық оқушы­лар фестивалінде өнер көрсетеді.

    Еңбекке ерте араласқандық­тан және Арал тұрғындарының ата кәсібіне кішкене кезінен-ақ еп­ті болған жас жігіт 1968 жылы Ра­йым балық ұжымшарына балық­шы болып орналасып, еңбек жо­лын бастайды. Алайда, жаны ұс­таз­дыққа құмар бала 1970 жылы Қазалы қаласындағы дене тәрбие­сі мұғалімдерін даярлай­тын педа­го­гикалық арнаулы білім бе­ретін курста білім алады. Білімін же­тіл­­ді­ріп алған жас маман оқудан соң өзі бітірген мектепке дене тәр­биесі пәнінен мұғалім болып орна­ла­сады. Ұстаздыққа қадам басқан шақ­тан бері түрлі саланы өмірлік азық ете жүріп, рухани байлығын то­лықтырып отырады. Алғаш қыз­мет еткен ұжым­да ұзақ тұрақ­та­май, 1973 жылы өз ауы­лындағы №81 Қызылжар орта мектебіне ауы­сады. 34 жыл бойы үз­діксіз зейінді шәкірт тәрбиелеген ұс­таз зейнет жасына жеткенше абырой­лы еңбек етіп, осы уақыт ішінде ту­ған ауылының, туған өлкесінің спорт пен мәдениет саласында өркендеуі үшін еш аянбаған. Бү­гінгі күннің өзінде де, спорт тақы­рыбын қозға­са­ңыз, ауыл тұрғында­ры­ның есіне Сайлау Абабүкіров түседі.

   Рас, Сәкеңнің дене тәрбиесі мен спорт саласы бойынша тәр­бие­леген шәкірттері аймақтық, аудандық спорт жарыстарында үнемі жүлделі орындардан көрініп келеді. Жас ұрпақты тәрбиелеуде жеткен жетіс­тік­тері үшін аудан­дық, облыстық білім бөлімдерінің бірнеше мәрте марапаттарын ауыл мұғалімі тыным­сыз еңбегінің ар­қасында олжалады.

Сейсенбі, 06 Маусым 2017 10:15

Соғылды соңғы қоңырау

| Автор: 

    25 мамыр - арманға аяқ басқан түлектердің салтанатты бітіру кеші. Білім жолында тер төккен түлектердің толқынысы, ата-аналардың тақым қысар уақыты бәрі де мектеп бітірушілердің жиынында көрініс тапты. Биыл Қызылорда қаласы бойынша 1739 түлек мектепті аяқтайды. Оның 106 түлегі "Алтын белгіге", 98 түлек "Үздік аттестатқа" үміткер. Білім жолына бағыт алған түлектердің бітіру кеші әр мектептің төрінде ерекше ілтипатпен аталды. Газет тілшілері Қызылорда қаласында бірнеше мектептерге аялдап, соңғы қоңырау кешінің салтанатына куә болды.

      Білім саласында қара үзіп келе жатқан, толымды тәжірибесі бар Ілияс Қабылов атындағы №12 орта мектебіндегі  түлектерді құт­тық­тауға  қала   әкімі  Нұрлыбек Нә­лібаев   арнайы келді. Жылы жүздесуге  қалалық  мәслихат  хатшысы   Роза Боханова, қалалық білім бөлімінің басшысы Асқарбек Есжанов та бітіруші түлектердің қуанышына ортақтасты.

     Шаһар басшысы Нұрлыбек Машбекұлы білім саласының бү­гін­гі аяқ алысын бағамдап, түлек­терге ақжолтай тілегін жеткізді.

    - Білім беру - ата-ана үшін ғана емес, тұтас қоғам үшін қастерлі па­рыз. Білім алу - еңселі ел болуды мақсат тұтқан әрбір жан үшін қасиетті борыш.

    Бүгінгі жас - ертеңгі болашақ. Сондықтан, әрдайым сын сағаттан сүрінбей өтіп, армандаған ма­мандықтарыңның иесі атануларыңызға тілектеспін. Сапалы білім, саналы тәрбие берген ұс­таз­дардың және аялап өсірген ата-аналарыңыздың үмітін ақтап, тәуелсіз еліміздің өсіп-өркендеуіне сіздердің үлес қосатындарыңызға сенемін,-деді Н.Нәлі­баев.

Сайт бойынша іздеу

Сауалнама

Күнтізбе

« Желтоқсан 2017 »
Дс Сс Ср Бс Жм Сб Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Серіктестер