Газеттің ПДФ нұсқасы

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны

Қазпочта арқылы 6 айға - 1680 теңге(қала үшін)

6 айға - 1800 теңге (аудандар үшін)

Редакция арқылы 6 айға - 1560 теңге

Редакцияға хат

Email:
Тақырып:
Текст:
Білім

Білім (166)

Жұма, 21 Сәуір 2017 09:20

СЫРДАҒЫ СЫРШЫЛ МҰРАЖАЙ

| Автор: 

   Сыр еліндегі Қорқыт Ата атындағы Қызылорда мемлекеттік университетінде Журналистика мамандығы бойынша ІХ Республикалық пәндік олимпиада өтіп жатыр. Додаға келген болашақ журналистер университет мұражайын аралады. 80 жылдық тарихы бар оқу орынының мұражайында университетті әр жылдары басқарған басшылары мен профессор-оқытушылардың жетістіктері қойылған. Айта кетейік, 1937 жылы Кореядан қуғынға ұшыраған корейліктер Қызылордаға бас сауғалаған. Кейін осында корейлердің ықпалымен институт құрылады. Арада 45 жылдан соң Жамбыл политехникалық институтының филиалы ретінде іргетасы қаланады. Уақыт өте келе Гоголь атындағы педагогикалық институтпен бірігіп, Қорқыт Ата атындағы Қызылорда мемлекеттік университеті деген жаңа атау беріледі.

  Қазіргі таңда білім ордасы 9 мамандық бойынша Phd докторлары, 60 мамандық бойынша бакалавр, 47 мамандық бойынша магистранттарды білім нәрімен сусындатып отыр. Елімізге белгілі Еңбек Ері Абзал Ералиев, Риода өткен әлемдік олимпиада жеңімпазы Александр Зайчиков, белгілі журналист Ғалымжан Бәйімбет оқыған университет жетістігі мұнымен толастамақ емес. Сондай-ақ, дәстүрлі жырау Алмас Алматов та білім алған. Ол университетте алғаш дәстүрлі жырау мамандығын ашып, арнайы дәрістер де оқыды.

  Өңірімізге 1998жылы іс сапармен келген Елбасы Н.Ә.Назарбаев университет мұражайымен танысқан. Бүгінгі күні білім ордасының құрылғанына - 80 жыл. Журналистика мамандығының ашылғанына – 20 жыл. Аталмыш мерейтойға орай ұйымдастырылған сайыс барысында жас журналистер білім бәсекесіне түсті.

   Бала сабақтан келген кезінде одан сол күні неше сабақ бол­ғанын және қандай баға алғанын сұрау аптаның алты күніндегі әрбір отбасында дағдыға айналған дәстүрлі сұрақ. Бірақ оның бірінші және соңғы сабағының аралы­ғын­да өзін қалай сезінгенін, күн­де­лікті сабаққа қанша оқушы қа­ты­сатынын білудің маңызы ша­малы ғана секілді көрінеді. Елдің ер­теңі деп бағалаған бүгінгі ұр­пақтың қалыптасуына түзу тәрбие мен терең білім қажет екені дау­сыз. Алайда оны бала бойына сі­ңіру үшін оқыту, ақыл айтып, түзу жолға салып отыру жеткілікті деп санасаңыз қателесесіз. Себебі, бір сыныптың ішіндегі ауаны жұтып, бірнеше сағат қатарынан отырып сабақ оқу баланың өзін дұрыс сезіне алу қабілетіне әсер етеді.

   Жаңа оқу жылының басталуы өзінің өзгеше жаңалығы әрі жаңа­шыл­дығымен келетіні белгілі. Бұл күн әсіресе, мектеп табал­ды­ры­ғын енді ғана аттап, партаға отыр­ған бірінші сынып оқушылары мен ата-аналары үшін үлкен ме­реке. Соңғы жылдары еліміздегі әр жаңа оқу жылы басталғанда алғашқы қоңыраудың үнін естіп, бірінші сыныпқа аяқ басқан оқу­шы­лардың саны жыл санап артып келе жатқанын естиміз. Осыған байланысты сынып тапшылығы анық байқалып, қосымша сы­ныптар ашуға тура келіп жатады. Бұрын мектеп табалдырығын аттаған сәтте алфавиттік жүйедегі тек алғашқы төрт-бес әріппен (А, Ә, Б, В, Г) аталатын сыныптар­дың атауын естісек, бүгінгі күні олардың саны бірнеше (... Ғ, Д, Е, ... деп жалғасып кете береді) есе­ге артып кеткен.

   Дегенмен бұл мемлекет жаңа мек­тептер салуды ұмыт қал­дыр­ды дегенді білдірмейді. Себебі, Білім күнінде жаңа техноло­гия­лар­мен жабдықталған мектеп­тер­дің лентасы қиылып, бар жағ­дайы жасалған білім ошақта­ры­ның пайдалануға беріліп жатқа­нын көз көріп, құлақ естіп жүр. Мектеп партасына енді ғана отыр­ған оқушыларға сыныптар­дың жетіспеушілік деректері кез­десіп жататыны рас. Әрине, бұл ел демографиясының өсімі бай­қа­латынын білдіретін мемлекет үшін үлкен қуаныш. Айтпа­ғы­мыз, бүгінде туу көрсеткіші бо­йынша ба­ла сананың қаншаға жеткенін немесе мектептердегі сы­ныптар санының нақты цифр­ларын айтып, түгелдеу емес.

    Бұрыннан қалып­тасқан "Білім негізі - бас­тауышта" деген қа­натты сөз бар. Сол ай­тыл­ғандай, "қазіргі бас­та­уыш сынып оқулықта­рын­дағы әдеби көркем дү­ниелер мектеп табал­ды­рығынан енді ғана ат­таған балауса шәкірт ұғы­­мына сәйкес пе екен?" деген са­уалмен  Қы­зылорда қала­сын­дағы М.Шоқай атын­дағы №187 орта мектеп кітапханасының есігін аштық. Мұнда ал­дын ала келіскені­міз­дей, осы мектептің 1 "А" сы­ныбының жетекшісі Кенжегүл Абдра­мано­ваға:

    - Қазіргі бастауыш сынып оқулықтарын­дағы әдеби шығармалар мектеп есігін енді ашқан жас шәкірттің ойынан шы­ға ма?- дедік.

   - Өздеріңіз көріп отыр­ғандай, бұрынғы "Әліппені" қазір "Сауат ашу" оқулығы алмас­тыр­ды. Әрине, әуелгіде жаңа оқулықты бала түгіл өзі­міз де түсіне алмай әуре­ге түскенбіз. Қазір үйре­ніп, бірте-бірте жаңа оқу­лыққа көзіміз қаны­ғып қалды. Осындағы қосымша оқулық дәптері баланың ойдағыдай бі­лім алуына таптырмайтын құрал болды,- деді.

   Онан әрі тәжірибелі ұстаз баспасөз бетте­рінде сан қайтара сынға ұшырап жүрген "Сауат ашу" оқулығының бала қиялын дамытатынын, оның қосымша оқулық дәптерін қоса пайда­ланып жүргенін айтты.

   Сынып жетек­шісінің айту­ынша, 6 жасар бала "Әліппені" оқып сауат­ты­лық дең­гейін әжеп­тәуір көтеріп келетін кө­рінеді. Енді 12 жыл­дық оқу бағдар­лама­сына сәйкес "Әде­биет­тік оқу" оқулығы одан әрі дамытылып, алдағы жа­ңа оқу жылынан бас­тап 2, 5, 7-сыныптары ҚР Білім және ғылым министр­лігінің жаңа білім беру бағдарла­ма­сына орай ауысатын кө­рінеді. Осы жерде мек­теп кітапха­насының мең­­герушісі Жайна Рах­менова бар­ша пән оқу­лық­тарының төрт жыл­да ауыстыры­латынын, бүгінгі таңда мектеп оқу­шылары қа­жетті оқулықтармен 100 па­йыз қамтылғанын тілге тиек етті.

    Соңғы кездері биліктің қол­ға алған әрбір қадамы халық назарында. Әсіресе, білім беру саласының бүгінгі жағдайына алаңдаушылық білді­ретіндер аз емес. Себебі білім саласы біржақты көз­қарасты қажет етпейді. Са­ладағы бір қайнауы ішіндегі реформалар халық арасында ашықтан-ашық айтылып жүр. Осы ретте, са­ланың жан-жарасын білетін, биліктің алдына білімдегі басты мәсе­лелерді бүкпесіз баян­дап жүрген ұстаз Аятжан Ахмет­жанмен сұхбат құрдық.

   - Аятжан аға, білім беру саласы та­лай­ реформалардың көзін көріп, түр­ленген саланың бірі. Әлі де сол бағытта келеді. Талай министр осы саладан ысы­рылды. Қалай ойлайсыз, реформа­ның нәтижелілігі министрге байланысты ма?

   - Қарапайым тілмен айтайын. Реформаны үйге жасайтын жөндеу жұмыстары деп қарайық. Егер сіздің қолыңызда қандай да бір материал болмаса, жұмысыңыз жүрмейді. Бі­лімдегі реформалар да осылай. Ма­териалдық база дұрыс болмай, қолға алынған реформа жемісін бермейді. Әрине, білім саласы осы күнге дейін бірнеше реформалардан өтті. Нәти­жесі министрге байланысты деп ашы­ғынан айтуға болады. Министр өз ко­мандасын жасақтайды. Сол білім са­ласын алға жетелейтін мамандардың білігі мен білімі саланың дамуына әсер етеді. Әзірге нақты бір нәтиже тура­сын­да айтуға ерте.

   - ҚР Білім және ғылым министрлігін басқаруға Ерлан Сағадиев келгелі бері жаңартылған білім беру моделіне қатысты қоғамда түрлі пікірлер айтыл­ды. Ең арғысы, әлеуметтік желілер ар­қылы министрді жекпе-жекке шақы­рып, видеосауалнама жолдаған жағ­дайды көз көрді. Бұл елдегі білім беру саласының беделіне көлеңке түсірмей ме?

   - Әрине, көлеңке түсіреді. Бұл жерде екі жағдайды ескеру керек. Алғашқысы, үштілділік бағдарлама­сының толыққанды түсіндірілмеуі. Екіншіден, құжаттағы ақылға сыймайтын жобалардың болуы. Осы екі жағдай қоғам қайшылығын туғызды. Онсыз да беделі нашарлап кеткен білім саласының беделіне көлеңке түсіргені жасырын емес.

         Соңғы он жыл көлемінде Қазақстан білім беру процесінің жаңа формациясына аяқ басты. Білім беру бағыты заманауи талаптарға сай өзгерді. Осы тұста білімдегі жүйені түрлі жаңашыл­дықтар күтіп тұрды. Өзге елдердің тәжірибесін талдап, қажеттісін қалдырып, саланы түрлендіру жұмыстары жүргізіле бастады. Соның бірі - шетелдік мамандарды шақырту. Алғашында, көптің қол­дауына ие болмаған білімдегі бұл бастама уақыт өте келе кең етек алды. Бастапқыда ерікті ретінде келген шетелдіктер тек ағылшын тілін дамытуды қолға алса, бүгінде корей, жапон, қытай, түрік тілде­рі­нің мамандары елге ағылды. Кейіннен, ҚР Білім және ғылым министрлігі саланы дамыту үшін шетелдіктерді шақыртуды мемле­кет­тік бағдарламаға енгізді. Арна­йылап қаржы да қарады. Содан бастап, сырттан келген мамандар тек жоғары оқу орындарына ғана емес, орта білім беру жүйесіне де дендеп енді.

     Жасырып жабатыны жоқ, "ше­телдіктер" десе қоғамда қор­қы­ныштың бары анық. Бірі "мұ­хит асқан мұғалімдер ілім үйре­туде білімге жаңа бағыт әкеледі" дейді. Екінші топ кереғар пікірді ұстанады. "Шет елден шақырт­пай-ақ, өз ішімізден де мықтылар табылады" деген ойлар аз айты­лып жүрген жоқ. Қажеттілік қайдан бастау алды? Қазақстан­дағы шетелдік кадрлар білімді жаңа деңгейге көтере ала ма? Аталған сұрақтардың жауабын тарқату мақсатында тақырып аясында ізденіп көрдік. Қызыл­орда облысындағы шетелдік оқытушылармен кездесіп, ше­тел­діктердің қазақстандық бі­лім­ге деген көзқарасын білдік.

     Алдымен, жоғары оқу орын­дарына тоқталайық. Белгілісі, ел қазынасының 40 пайызы білімге бағытталады. Қаржы бар, демек қолдау да бар. Бөлінген қаржының бір бөлігі шетелдік кадрларды тартуға кетеді. Соңғы жылдардан бері жоғары оқу орындарын басқаруға шетелдік топ-менеджер тартыла бастады.

    Сандармен сипаттайтын бол­сақ, 2016 жылы 115,2 млн теңге бөлініп, оған 11 шетелдік маман шақыртылған. Олар елі­міздегі 11 жоғары оқу орнында бі­лім береді. Ал, биыл 836,8 млн.теңгеге 40 шетелдік маман тарту көзделген. 2018 жылы 981,5 млн.теңге жос­парланған, аталған қаржы көлемі республикалық бюджеттік ко­миссия отырысының нәтиже­сінде нақтыланатын болады. Бұл ҚР Білім министрлігінің бізге берген мәліметі.

      Шетелдік мамандарды шақыртудағы мақсат - білім саласының жаңа бағытын көтеру, саланың менедж­мент­тік даму динамикасын арт­тыру. Бұл дұрыс. Алайда, ҚР Парламенті Мәжілісінің де­пу­таты Жәмила Нұрман­бе­това білімді дамытуға шетел­дік мұғалімдерді емес, "Бола­шақ" бағдарламасымен білім алып келген жастарды тарту тиімді деген еді.

Дүйсенбі, 10 Сәуір 2017 06:19

Ұлағатты ұстаз, ақжүрек ақын еді

| Автор: 

    Қызылорда педагогикалық институтын тәмамдап, №81 орта мектепте қазақ тілі және әдебиеті пә­нінен сабақ берген, Арал аудандық "Толқын", Қызылорда облыстық "Ле­нин жолы" газеттерінің штаттан тыс тілшісі болған Қарасай Дінахметов Қызылжар ауылының қызы­ғы мен шыжығын "Қызылжарым" өлеңінде теңізден маржан сүзгендей етіп керемет суреттеп берген. "Еске алсам өткеніңді Қызылжарым, Күн­дерің бірі бұлдыр бірі сағым, Атыңды "Қызылжар" деп қойған екен, Дарияның күнгей бетте биік жарын." - деп жырлап елді мекеннің ата­уына айшықты анықтама берген. Иә, осы ауыл тау тұлғалар тоғысқан, тарих тармақтарында алтын әріптермен жазылған тектілер дүниеге келген киелі мекен. Әріден іздесең, шежіреде жазылған бабаларының бәрі батыр, бәрі дарын. Кешегі күні республикаға таныл­ған жыршыларды да, ақын-әнші­лер­ді де осы ауылдан кезіктіре аласыз.

    Ақынжүректі азамат Дәулетбай Жүгінісов те аға буыннан салынған сара жолды үзіп алмай үздіксіз жал­ғасқан үрдісті кейінгіге табыстап кеткен ақын-ұстаз еді. Ол, 1953-2010 жылдар аралы­ғын­да 57 жасқа дейін ақындық мінезбен өмір сүрген тау тұлға. Дәулетбай Жүгінісов Арал ауданына қарасты Шөмішкөл ауылында дүниеге келгенімен еңбегінің басым бөлігін өзі тұрақ еткен Қызылжар халқына арнады. Алғаш еңбек жолын №82 Қаратерең орта мектебінде тәлімгер-тәрбиеші болып қызмет еткен. Кейіннен 1980 жылы №81 Қызылжар орта мектебіне келіп, қазақ тілі мен әдебиеті пәнінің мұға­лі­мі қызметіне орналасады. Ал, Алматы қаласындағы Қазақ педагогикалық институтын 1982 жылы "Қа­зақ тілі мен әдебиеті" пәні маманды­ғы бойынша бітіріп шығады. Мұға­лім­дік еңбек жолын №81 орта мектебінде 31 жыл бойы адал атқарып, ұлағатты ұстаз атанды.

   Жуырда Қызылорда облысы әкімдігі және облыстық білім бас­қар­масының ұйым­дас­ты­р­уы­мен WordSkills Kazak­hstan Ұлттық чем­пио­наты бо­лып өтті. Атал­мыш чем­пионат қызыл­ордалық кәсіби бағытта білім алу­шылар мен жас маман­дар­дың ара­сын­дағы ірік­теу байқауында об­лыстың әр ауданынан қа­тысу­шылар келіп бақ сынады. Ал, са­йыс­тың мақсаты білім беру ұйым­дарында немесе білім беру ұйымдарын бітірген түлектер арасында ерекше дарынды және интелектуалдық қабілеті жо­ғары білім алушыларды, өз ісінің ше­берлерін анықтау.

 

   

   Қазірде екінің бірі биз­нес тақырыбында сөз қоз­ғайды. Бірі біліп, бірі біл­месе де, қомақты қар­жыға қол жеткізудің жолын қа­растыруға ұмтылады. Мұ­нысы дұрыс. Біреудің ақ­шасы біреуді байыта қой­мас, десе де қаржылық са­уатымыздың деңгейінің қай тұста екенін айтсақ, көзі­мізбен жер шұқып қалаты­нымыз жасырын емес. Демек, төмен. Бірнеше жыл­дан бері елдегі ірі банктердің бірі халық ара­сында қаржылық сауат­тылық турасында әлеу­меттік зерттеу жүргізген. Нәтижесінде, еліміздің әрбір үшінші адамы өзінің қаржылық сауатына көңілі толмайтындығы белгілі болған. Содан болар, жала­қыны жансозым ететін жұрт ай асса, айыппұл­да­рын асы­­ратын банктерге желі­ніп, сан соғып қалады. Са­ла­ның жілігін шағып, тал­дай қоймасақ та, нарық өмі­ріне дендеп енген қар­жылық сауаттылық мәсе­ле­сіне тоқталуды жөн көр­дік.

   Ғаламтордан "Қаржы­лық сауаттылық" деп іздеу салсаңыз, түрлі ақпарат­тарға көзіңіз түседі. Шыны керек, алғашқы сөйлем­деріне қарай қалсаңыз, "қа­зақ қоғамының қар­жылық сауаты төмен" деген түйдек тіркесті оқисыз. Бекерге жазылмайды ғой. Бі­реуіне тоқталайық. Abai.kz порталында жазыл­ған ақпаратқа назар салдық. Сұңғыла сарап­шы­лардың сараптауына сүйенсек, қоғамдағы адам­­дарды қаржылық са­уаттылық деңгейіне қарай үшке бөлуге болады екен. Бірінші топ миллиондар мен миллиардтарды ай­налымда ұстайтын, қо­мақты қаржысын Қазақ­с­таннан тыс елде сақ­тайтын олигархтар. Екінші топ аздаған дәулеті бар адам­дар, олардың қата­рында кәсіпкерлер, фер­мер­лер, керек десеңіз шенеуніктер де бар. Ал, үшінші топ - мемлекетттік бюджет және жалдамалы еңбек нары­ғы­нан табыс табатын, сонымен салық төлеп, сонысымен отба­сын асы­райтын жандар. Салмақ­тай, саралай кел­сек, қо­ғамда үшінші топ­тың басым екендігі сөзсіз көзге ұрады. Тиісінше, банк­тер­ге берешек болып, қара тізімнің қатарында жүретін де соңғы топтың өкілдері. Әрине, бәрі емес. Қыс­қасы, санамалап айт­қан үш топтың қаржылық сауаты әртүрлі. Неліктен, себебі елімізде ерте кезден оқушыларға қаржылық сауаттылықты үйрет­пей­ді. Есейе келіп, ес жиып, еңбек еткен кезде ақшаны басқарудың жолын біл­мей, ойланып қаламыз. Содан отбасылық бюд­жет­тің сақталмауы, не­сиенің уақытылы жабыл­мауы сынды әлеуметтік кедергілер кесе көлденең тұрып алады. Қазақстанда кәсіп ашудың әліппесін, ақшаны басқарудың жо­лын үйрететін қаржылық сауаттылықты арттыруды мектеп те, ата-ана да оқытпайды. Білім бағдар­ла­масында жоқ. Қарт құр­лықтағы елдерде бұл ар­найы пән ретінде әлде­қашан жүйеге енген.

       Жыл мезгілінің жаңару кезеңі Қызылорда қаласында наурыз айының 14-жұлдызынан бастап ауқымды аталып өтті. Қаланың қай қырына көз салсақ та, мерекенің лебі айқын сезілді деп айтуға толық негіз бар. Ұлыстың ұлы күні қарсаңында қалалық кітапханаларда ұлттық құнды­лықтар мен салт-дәстүрлер дәріптелетін Наурыз мерекесіне орай кітап көрмелері әзірленсе, "ПетроҚазақстан" ғимаратында "Наурыз шапағаты" тақыры­бында қайырымдылық акциясы ұйым­дастырылды. Ал, өзіміз көзбен көріп, куәгері болып қайтқан №172 орта мектебінде өткізілген шара ерекше өтті.

   Қызылорда қаласы Тасбөгет кентінде орналасқан аталмыш білім шаңырағында 18-наурыз "Наурыз-жаңару" күнінде мектеп директоры М.Сәдуованың бас­шылығымен ұжым жалпы­халықтық сенбілікке қатысып, ағаш отырғызды. Дәл осы күні әрбір сыныпта "Ас - адамның арқауы" тақырыбында ұлттық тағам түрлерін насихаттайтын сынып сағаттары өткізілді. Мұнда оқушылар ұмыт қалып бара жатқан дәстүрлі ас түрле­рімен танысып, дәм татты. Сонымен қатар әрбірі түсінгені бойынша, астың қалай атала­тынын және оның дайындалу жолдарын бір-бірлеріне жеткізе білді. Мерекенің жалғасы кең көлемде мектептің спорт залын­да жалғасын тапты. Мектеп оқушылары "Махамбет", "Шо­қан", "Абай", "Ыбырай", "Ахмет" ауылдарына бөлініп, ежелгі дәстүрлерді, қазақтың тұрмыс-тіршілігін суреттейтін көріністер қойды.

   Наурыз мерекесіне арнайы ұйымдастырылған шара 20 наурыз күні "әз-Наурыз - Ұлыстың ұлы күні" тақыры­бындағы мерекелік бағдарламаға ұласты. Бұл күнгі шараның басты көркі қазақ ою-өрнегі бейне­ленген ұлттық киімдері болды. Қазақылықтың нышаны мектеп директорынан бастап төменгі сынып оқушыларына дейін әрбірінің өн бойынан сезіліп тұрды. Сондай-ақ, "Ас - адамның арқауы" атты ұлттық тағам түрлері үлкен дастарханда жалғасын тапты.

  Шара көктем келіп, жердің жаңаруын, айнала жасыл желекке оранып, гүлденуін ұғындыратын қойылыммен ашылды. Наурыз думанда №172 мектебінің ди­ректоры Майра Сәдуова құттық­тау сөз сөйлеп, мерекелік лебізін жеткізді. Мұнан кейін ортаға мерекенің бас кейіпкері Қыдыр ата мен түркі халқына ортақ Алдар көсе шығып, әз-Наурыз тақы­рыбында ашық әңгіме жүргізді. Атақты Алдар көсе ешкімге төрін бермейтін байды өткір сөзімен орнынан тұрғызып, қазақ хал­қының қонақжайлылығын көр­сетіп, Қыдыр атаны құрметті қонақ етті. Шара одан әрі мектеп оқушылары дайындаған бағдар­ламамен жалғасып, Қыдыр ата оның өткізілу барысын бақылады.

   Алғаш болып 8-сынып оқу­шы­лары өз көріністерінде "Бесікке салу" дәстүрін орын­дады. Мұнда ең әуелі бесікті аластап алу қажеттігі түсіндіріліп, әрі қарай ырымына сәйкес жоралғылары жасалып, баланы бесікке салды. Әлди жыры айтылып, баланы ұйықтатты. Ал, "Тұсау кесу" рәсімінде мектеп директорының тәрбие ісі жөнін­дегі орынбасары Жарқынай Құр­манова Маржан есімді бүлдір­шін­нің тұсауын кесті. Жоғары сынып оқушылары "Құда түсу", "Қыз ұзату" секілді қазақ дәстүрлерінен қойылым қойды. Бұл бөлімде сырға салу, сыңсу айту, ананың сәукеле кигізіп, өсиет айтуы, қарияның ақ батасын беруі секілді рәсімдері қамтылды.

   "Әз-Наурыз - Ұлыстың ұлы күні" деп аталатын бұл кеште тек ұлттық әдет-ғұрыптар ғана дәріптеліп қойған жоқ. Сонымен бірге арқан тартыс, қолкүрес, ақсерек-көксерек секілді қазақ­тың ұлттық ойындары ойналды. Мерекелік бағдарлама мектеп оқушыларының ән-биімен қоры­тындыланды.

 Майра Әділбекқызы

  Қазір білімдегі рефор­малардың шуы басылар емес. Содан болар, қыз­метіне жыл толтырған Ерлан Сағадиевтің есімі елдегі министрлердің ішін­де жиі айтылатын болды. Реформалары басты та­қырыпқа айналды. Бе­керге емес, әрине. Үштіл­діліктен бастау алған бастамалардың бұлайша халық арасында резонанс туғызатынын Сағадиев білмеген болар. Әрине, салаға жаңа леп әкелемін деп, қоғам қарсылығына ұшыраған министрге енді депутаттар да шүйліге бас­тады. Ең қызығы, білім­дегі алып-қашпа әңгіме­лер­ден кейін әлеуметтік желі белсенділері екі жікке бөлініп алды. Бірі жақтап, бірі даттап, пікір білдіру­ден қалыс қалмады. Елдің пікірін екіге жарған алуан түрлі ақпараттардан кейін жұрт жадында түрлі сұрақ­тардың қалғаны рас. Осы себепті білімдегі сансыз сұрақтарды сараптай оты­рып, тақырыпты тара­зылауды жөн көрдік.

Кімдер кетіп, кімдер келмеді?..

    Білім саласы десе, көптің көз алдына алқын-жұлқын реформалар келеді. Әрине, сол реформалардың авторлары әр жылдары білімді басқарған министр­лер еді. Себебі тәуелсіздік алған 25 жыл ішінде 14 министр білімнің тіз­гінін ұстап үлгеріпті. Қаннен-қаперсіз отырған ешкім жоқ. Бәрі де білім саласын құртамын деп емес, құлпыртамын деп келеді. Дегенмен, бір министрден басталған реформа ретін тауып, жалғасын тапса игі, олай емес, әркім өзін­ше жаңалық іздейді. Содан болар, бі­лім саласының басты көрсеткіш­те­ріне жұмыс жүргізетін ұстаздар, оқу­шылар мен ата-аналар да жаңашыл реформалардың жылдамдығына ілесе алмай келеді. Содан жүйесіздік, ал жүйеліліктің жоқтығы саланың тамыр жаюына тосқауыл болуда. Қазір де солай болып жатыр.

Сайт бойынша іздеу

Сауалнама

Күнтізбе

« Желтоқсан 2017 »
Дс Сс Ср Бс Жм Сб Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Серіктестер