Айтарым бар

Исатай Минуаров, әлеуметтанушы:

    Бала өз болашағына өзі жауапты. Тиісінше, мамандығын өзі таңдауы керек (бала өзіне не керегін біледі. Егер барлығы жоспар бойынша болмаса, бала ата-анасын кінәлайды). Қазір нарық соны сезген болуы керек, көптеген оқу орталығы “дұрыс мамандық таңдауға көмектесеміз” деген сервис көрсетуді бастады.

   Нарықта қандай мамандықтарға сұраныстың мол екенін анықтап алыңыз. Мамандықты таңдағанда өте ұқыпты болыңыз.

  “ЖОО-ға мектептен соң бірден түсу міндетті” деген психологиядан арылу керек. Шетелде Gap year деген ұғым бар. Gap year бір жыл болуы мүмкін, екі-үш жылға созылуы мүмкін. Бұл уақытты мектепті енді бітірген түлек өзінің не қалайтынын, жасырын потенциалын барынша анықтауға, приоритеттерді дұрыс қою жағын ойлануға пайдаланады. Есесіне, мектеп бітірген бала сол уақыт аралығында есейіп, аз да болса студенттік шақта туындайтын қиындықтарға, стреске дайын болады. Ал біздегідей балаға мектеп бітірген жылы бірден университетке түсуді міндеттеу дұрыс емес.

 

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны                      2019жылдың І  жартыжылдығына 

Қазпочта арқылы 6 айға - 1950 теңге (қала үшін)

6 айға - 2150 теңге (аудандар үшін)

Редакция арқылы 6 айға - 1880 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Айдар Сайлауов 

Жүлдызай Қалиева

Абзал Жолтерек

Нұрболат Қоймағанбетов


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Руханият

Руханият (32)

Сәрсенбі, 17 Қазан 2018 10:28

ЖУСАН ЖЫР

| Автор: 

Ақжол ТҮМЕНБАЙ:

     - Қазыналы Қазалы - жыр кеніне бай ел. Өзім Ақтан батыр ауылында дүниеге келдім. Осы топырақтың, мына аймақтың тұмса бейнесі мені ақын етті. Арда ақын Абдулла Сапардың шәкірті болғасын ба, өлең дейтін дүниеге атүсті қарауға дәтім бармайды. Өйткені ол менің күретамырымда ағып жатқан қаным іспетті. Өлең - өмір. Ал, ол жерде өмір сүру үшін үлкен батылдық керек.

 





Қасиетті Сыр Ана

Абыз бабасы түнерген.

Аңыз даласы бұйра да бұйра құм өрген.

Жүз бір жыраудың сынығы қалған дүр елден.

Шежіре тұнған Сыр Ана сенің төсіңнен.

Таудай батырлар әруақтанып күш алып,

Тұрмағамбеттер жыр емген.

 

Тереңге тартқан тамыры.

Сыйынары да, ұйығаны да Тәңірі.

Запыран құсып, заманда қалған зар үні.

Өлі тасына тірі тарихын таңбалап,

Жырланып жатыр қасиет қонған қара жер,

Нұрланып жатыр әруақтардың қабірі.

Сәрсенбі, 26 Қыркүйек 2018 06:23

Абай дана, Абай дара қазақта

| Автор: 

   

   Елбасы Н.Назарбаевтың "Болашаққа бағдар: рухани жаңғыру" бағдарламасы қоғамдық өмірде айрықша орын алады. Ұлы ұлттың салт-дәс­түрін, тілімізді, әдебиетімізді, ұлт­тық рухымызды жаңғырту болашақ ұр­пағымыздың бойында қазақы өркениеттің негізін қалаудың игі бастамасы болып табылады. Қазақ халқының мәңгі өшпес те өлмес асыл мұраларының көмбесі саналатын Сыр елі­нің бас ордасы - Қызылорда қаласының 200 жылдық мерейтойы қарсаңындағы ұлттық құндылығымызды ұлықтау мақсатында қалалық кітап­ха­налар жүйесі қазақтың классик ақы­ны, әлем халықтарының рухани өміріндегі жарық жұлдызы, қазақтың біртуар ұлы Абай Құнанбаевтың шығармашылығына арнал­ған "Абай дана, Абай дара қазақта" ат­­ты әдеби-жыр марафонынын өт­кізді.

    Абай есімі қазақ халқының ұлттық санасының оянуы мен рухани қайта жаңғыруының, қоғамның озық күштерінің өркениеттілікке ұмтылысы мен әлеуметтік әділдіктің символы. Ол қазақ поэзиясының, халық даналығының барша жақсы қасиеттерін бойына сіңіре отырып, ұлттық поэзияны байытты, жаңа биікке шығарды. Абай өз мақсатын, ел арманын, ойын, зор ақындықпен әсерлі, көркем тілмен түсіндірді. Ақын өзінің кіршіксіз ақ жүрегін тебірент­кен сансыз ойларын тамаша шығармаларымен жалынды жырларының бетіне маржандай төгілдірді.

Сәрсенбі, 19 Қыркүйек 2018 12:33

ИМАМДАР АЙЛЫҚ АЛА МА?

| Автор: 

   

    Көкке де, көпке де топырақ шашпаймыз. Десек те, қазақ біреу­дің ақшасын санағанды жаны сүйетін халық. Қай мамандықта көп айлық болса, баласын сол салаға оқуға түсіргісі кеп жанталасып бағады. Ол енді жасырын емес. ҰБТ тапсырып, мамандық таңдауға келген талапкерлер ақшасы көп, жайлы орынды ойлайды. Соған сай мамандық таңдап, армандаған дүниесіне қол жеткізе алмай, опық жеп қалып жатқандары да бүгінде таңсық болмай қалды. Ол ол ма, біздің қоғам бәрін болып, имамдардың қалтасының қалыңдығына таңырқайтын болған. "Халықтан садақа жинап, байып жатыр" деп ойлайтындар да бар екен. Жалпы, дін жолында жүріп, ақиқаттан айнымайтын имамдар қауымына айлық беріле ме? "Олар бала-шағасын қалай асырап, қалай күн көреді?" деген сауал көптің көкейінде жүр. Иә, бүгінгі нарықтық заманда тәңірден тілеп отыра берсек, аштан қататынымыз аян. Сол үшін қарекет керек. Көпті ойландырып, қызықтыратын да осы сұрақ. Имамдар айлық ала ма?

   Иә, бұл негізінен шешімі табылмаған, оң жолға қойылмаған мәселе. Алайда, жақында ғана Астана қаласында бас мүфти Серікбай қажы Ораздың төрағалығымен өткен кезекті жиналыста дін қызметкерлерін әлеуметтік қолдау, оларды жалақымен қамтамасыз ету мәселесі талқыланды. ҚМДБ төрағасы Серікбай Сатыбалдыұлының шешімімен мүф­тият жанындағы "Қазақстан қажылық қоры" есебінен 100 имамға 50 мың теңге көлемінде жалақы берілетін болды. "Еліміз бойынша 2058 ауылдық мешіт бар. Оның басым бөлігі өзін-өзі қаражатпен қамтамасыз ете алмайтын мешіттер. Ауылда айлықсыз қызмет ететін дін қызметкерлерін толықтай жалақымен қамтамасыз ету жоспарымызда бар. Алғашқы кезең бойынша 100 ауыл имамына "Қазақстан қажылық қоры" есебінен 50 мың теңге айлық беріледі. Осылайша, имамдардың әлеуметтік мәселесін кезең-кезеңімен шешуді көздеп отырмыз",- деп атап өтті бас мүфти.

Сәрсенбі, 19 Қыркүйек 2018 12:33

ИМАМДАР АЙЛЫҚ АЛА МА?

| Автор: 

   

    Көкке де, көпке де топырақ шашпаймыз. Десек те, қазақ біреу­дің ақшасын санағанды жаны сүйетін халық. Қай мамандықта көп айлық болса, баласын сол салаға оқуға түсіргісі кеп жанталасып бағады. Ол енді жасырын емес. ҰБТ тапсырып, мамандық таңдауға келген талапкерлер ақшасы көп, жайлы орынды ойлайды. Соған сай мамандық таңдап, армандаған дүниесіне қол жеткізе алмай, опық жеп қалып жатқандары да бүгінде таңсық болмай қалды. Ол ол ма, біздің қоғам бәрін болып, имамдардың қалтасының қалыңдығына таңырқайтын болған. "Халықтан садақа жинап, байып жатыр" деп ойлайтындар да бар екен. Жалпы, дін жолында жүріп, ақиқаттан айнымайтын имамдар қауымына айлық беріле ме? "Олар бала-шағасын қалай асырап, қалай күн көреді?" деген сауал көптің көкейінде жүр. Иә, бүгінгі нарықтық заманда тәңірден тілеп отыра берсек, аштан қататынымыз аян. Сол үшін қарекет керек. Көпті ойландырып, қызықтыратын да осы сұрақ. Имамдар айлық ала ма?

   Иә, бұл негізінен шешімі табылмаған, оң жолға қойылмаған мәселе. Алайда, жақында ғана Астана қаласында бас мүфти Серікбай қажы Ораздың төрағалығымен өткен кезекті жиналыста дін қызметкерлерін әлеуметтік қолдау, оларды жалақымен қамтамасыз ету мәселесі талқыланды. ҚМДБ төрағасы Серікбай Сатыбалдыұлының шешімімен мүф­тият жанындағы "Қазақстан қажылық қоры" есебінен 100 имамға 50 мың теңге көлемінде жалақы берілетін болды. "Еліміз бойынша 2058 ауылдық мешіт бар. Оның басым бөлігі өзін-өзі қаражатпен қамтамасыз ете алмайтын мешіттер. Ауылда айлықсыз қызмет ететін дін қызметкерлерін толықтай жалақымен қамтамасыз ету жоспарымызда бар. Алғашқы кезең бойынша 100 ауыл имамына "Қазақстан қажылық қоры" есебінен 50 мың теңге айлық беріледі. Осылайша, имамдардың әлеуметтік мәселесін кезең-кезеңімен шешуді көздеп отырмыз",- деп атап өтті бас мүфти.

    Рухани жаңғыру дегеніміз не? Оны өскелең ұрпақ санасына қа­лай жеткіземіз? Міне, осы сұрақтар №187 М.Шоқай атындағы ор­та мектеп кітапханасында "Кі­тап­хана - рухани жаңғыру жолында" атты семинарда айтылды. Семинарды мектеп директоры, тарих ғылымдарының кандидаты     А.Мұсабаева ашып, шараның маңыздылығын сөз етті.

     Семинардың мақсаты - ақыл-ой қазынасының мекеніне айнал­ған кітапханада рухани тәрбиені ұлықтау, өткенімізді бүгінгі күн­мен сабақтастыра отырып ұлттық құндылықтарымызды насихаттау, ұрпақ санасына мәдени мол мұраларымыз арқылы сіңіру. Рухани жаң­ғыру арқылы әлем мойындар ел болып, жарқын болашаққа деген сенім мен үмітті байланыстыра отырып, мектеп кітапханасы ру­хани жаңғыруға қатысты ұстанымдарды қолдап, ұлттың кемелденуіне, дамуына бар күшін салады.

   Елбасы Н.Ә.Назарбаевтың "Болашаққа бағдар: Рухани жаңғыру" атты мақаласы тәуелсіз елі­міз үшін жаһандану дәуіріндегі ру­ха­ни өрісіміздің жаңа бастауы бол­мақ. Рухани жаңғырумен қа­тар "Туған жер" бағдарламасының да берері, маңыздылығы арта түс­ті. Олай дейтініміз, кең байтақ, ұлаң-ғайыр, қойнауын табиғи байлықтарға толтырған жеріміздің әр өңірінің сайы мен қыры, тауы мен тасы, даласы мен қаласы те­рең мағыналы сыр шертеді. Елі­міз­дің болашағын тізгіндер бүгінгі жас ұрпақ бұлардан хабардар бол­уы тиіс әрі міндетті. Себебі, тари­хы­мыздың тамырына терең бойлай алған ұрпақ отанымызға адал, елімізге талмай еңбек ететін, жауапкершілікті жете түсінетін аза­мат болып өсетіні белгілі. Ал, бұл ретте жастарымыздың бәсекеге қа­білетті білім алуына жағдай жасап, олардың санасына туған елі мен туған жеріне деген ерекше се­зімдерін, айрықша ілтипаттарын оятып, дәріптеу арқылы ғана үлкен жетістіктерге қол жеткізе аламыз.

Сәрсенбі, 07 Ақпан 2018 10:47

«Ана – өмірдің гүлі»

| Автор: 

   Мақсаты: 8-наурыз Халықаралық әйелдер мерекесін атап өту. Анаға деген мейірімді, сүйіспеншілікті арттыру, үлкенге ізет, кішіге үлгі бола білуге үйрету. Оқушы бойында ізгілік, инабаттылық, биязылық сияқты қазақ қызына тән жақсы қасиеттерді қалыптастыруға тәрбиелеу.

    Көрнекілігі: Зал мерекеге сай шарлармен әсем безендірілген және слайд.

    Барысы: «Қара жорға» биімін басталады

    Жүргізуші: Армысыздар, бақытты балалық шағымыздың шат көңілді өтуіне барлық жағдайды жасап отырған аяулы да, ардақты аналар! Сіздерді 8-наурыз халықаралық әйелдер мерекесімен шын жүректен құттықтаймыз.

   Жүргізуші: Адам бойындағы жақсы қасиет күннің нұрынан, ананың ақ сүтінен  таралған. Сондықтан құрметті асыл аналар, қадірлі әжелер бүгінгі  «Ана- өмірдің гүлі» атты мерекелік кешіміз сіздердің құрметтеріңізге арналады.

    1 Оқушы: Мереке құтты болсын аналарым

Мәпелеп,еркелеттің,аяладың

Лебізіңе алғысты айта келе

Ән жырымды қабыл ал аналарым!

    2 Оқушы: Қош келіпсіз, құрметті ата-аналар,

Жүздеріңнен мейіріммен нұр тамар.

Алдарыңда жауқазындай құлпыраған.

Балғын шақты біз бақытты балалар!

Бейсенбі, 28 Қыркүйек 2017 04:32

Жүзінен шуақ төгілген жан

| Автор: 

    Жанар Кибекбаева Қазалы ауданы, Әйтеке би кентінің тумасы. Кіш­кентайынан білімге құштар болған ол 1985 жылы Жаңақазалы поселкесіндегі В.М.Счастнов атындағы №16 орыс орта мектебінің (қазіргі №266 мектеп-лицей) табалдырығын аттап, мектепті орыс класы бойынша 1995 жылы бітірген. Орта білімді аяқтаған соң 1996 жылы Қорқыт ата атындағы Қызылорда мемлекеттік университетінің орыс филологиясы факультетіне түсіп, аталған оқу орнынан 2000 жылы қазақ мектептерінде орыс тілі мен әдебиеті пәнінің мұғалімі мамандығын игеріп шығады. Алғаш еңбек жолын 2000 жылы Қазалы ауданы, Майдакөл аулының №98 қазақ орта мектебінде орыс тілі мен әдебиеті пәнінің мұғалімі болып бастайды. Кейін 2006 жылы Қазалы қаласындағы №8 кәсіптік лицейіне (қазіргі Қазалы аграрлы- техникалық колледжі) орыс тілі және әдебиеті пәнінің оқытушысы қызметіне ауысты.

      Оқу процесінде оқытудың жаңа технологияларын әр кез пайдалана білген Жанар Өмірзаққызы түрлі байқаулардың жеңімпазы атанып, Құрмет грамоталары мен алғыс хаттардың иесі атанды. Облыстық "Үздік оқытушы-2008" байқауында жүлделі ІІ орынға ие болды. Жыл сайын ашық сабақтар өткізіп, студенттермен шығармашылық жұмыстарын өткізіп отырды.

    Жанардың тағы бір үлкен жетістігі - ТжКББ оқу орындарының "Тамақтандыруды ұйымдастыру", Пісіру ісі", "Автомобиль көлігіне қызмет көрсету, жөндеу және пайдалану", "Ғимараттар мен құрылымдарды салу және пайдалану", "Ветеринария" мамандықтарының студенттеріне арналған "Кәсіби орыс тілінен практикалық тапсырмалар жинағы" әдістемелік құралы "Өрлеу" БАҰО АҚ Қызылорда филиалы Ғылыми Кеңесінің 2016 жылғы 23 желтоқсандағы №5 шешімімен мақұлданып, облыстағы ТжКББ оқу орындарына таратуға ұсынылып, жарыққа шықты.

       Ойын - ойды жетілдіріп, жоспар құра білуге үйрететін ақысыз қызмет. Әрине, құмар ойынның жөні бір басқа. Қазақ халқының тектілігі әрі кез келген іске ептілігі ұлттық ойынның үдесінен бой көрсеткен. Жастар "рухани жаңғырушымыз" деп қаншама мақтанғанымен, ұлттық спорттың қалай ойналатынынан бейхабар болып жатады. Ойын жайлы ойда жоқта сұрақ қоя қалсақ ойын онға, санасын сан саққа жүгіртсе де, абдырап қалады. Бұлай болатын себебі мектептегі ұлттық спортқа бөлінген сабақ сағаттары тым аз. Мұғалімдердің өздері осылай уәж айтады. Ендеше аты мәлім болғанымен қалай ойналатынына халық әлі толық қанық болмай жүрген бірнеше ұлттық ойындарға тоқталып өтейік.

   Ердің сенімді серігі - сәйгүлігі және иығына асқан садағы. Қорамсаққа қол салған, бір сал­ғанда мол салған бабала­рымыз­дың мергендігі тіршілік үшін қалыпты жағдай секілді болған. Аңшылықта көздегеніне дөп тигізіп, жау-шылықта дұш­панын осы садақ қаруы арқылы жайра­тып салған. Бүгінде бұл спорт­тың бір түріне еніп, ұлттық ойын­дар сапынан орын алған. Бұрынғының батырлары соғысқа жаттығарда жамбы атып, мер­гендіктерін сынасатын, сол атау жаңа заманда атауын жаңғыртты. Жылқының жүйрігінің үстіне мініп алып, тұлпар тебініп, жүйт­кіп бара жатқанда нысанаға жебе­сін дәл тигізуі шарт. Иә, осылай ойнауды "Жамбы ату" спорты дейді.

   Жетпіс жыл бойы жібі түзу бір де бір сайысы өтпеген бұл спорт түрін Қазақстан Республикасы Ұлттық спорт түрлері Қауым­дас­тығы қайта қолға алған.

Жұма, 21 Шілде 2017 13:32

Аралда кеме жүздірген...

| Автор: 

   Бірде Аралға қарай жол жүріп бара жатып купелес екі адамның әңгімесіне еріксіз құ­лақ түруіме тура келді. Ша­масы әңгіменің қиюын келіс­тіріп әрлеп, алма-кезек сөз тізгінін емін-еркін қағыс­ты­рып отырған екеуі де өзім сияқ­ты ұлы теңіздің жаға­сын­да туып-өскен адамдар болуы керек. Кейде сөзге кезек бер­мей құрқылтайдың ұясындай қупе түгіл, вагонды бастарына көтеріп кетеді. Біздің Арал жақта мұндайда "немене ба­лық бөлісіп жатсыңдар ма?" дейтін еді.

Сәл жасы үлкендеуі енді кі­шісін сөзден тұқыртпақ боп тарихқа жүгінуге кірісті.

   - Сен өзі сөзге тоқтамай­тын бала екенсің. Мынаны айт­шы, осы Аралға алғаш кеме түсірген, сонымен теңіздің бұған дейін адамзатқа мүлде беймәлім қойнау-қолтығын, адам ізі түспеген аралшықта­рын картаға сызып, жағрафия­лық жай-жапсарын, судың дең­гейін, ағысының жылдам­ды­­ғын зерттеген алғашқы адам кім?

   - Неге білмеймін, Арал теңізіне алғаш кеме түсіріп, со­нымен жүзген, патшалық Ресей жағрафиялық қоғамы­ның мүшесі, контрадмирал Нико­лай Бутаков. Ол Райым­да екі бірдей шхунаны құрас­ты­рып, теңізге салған. Сұра­пыл дауылдарда асау теңіз тол­қындарынан қаймықпаған ержүрек адам.

   - Бәрекелді, ал, өзіміздің қазақтан шыққан соңғы кеме жөндеу зауытының жоғары бі­лімді директорын білесің бе?

  - Айналып кетейін-ау, оның атына аядай аралдықтар түгіл, теңізбен тел өскен Одес­са, Қара теңіз кеме құрасты­ру­шылары түгел қанық Қайрулла Абылаев ағамыз,- дегені бар емес пе?

  Иә, Қайрулла Шалғын­бай­ұлының есімі Аралдағы ең­бектеген баладан еңкейген қартқа дейін етене таныс. Қа­рапайымдылығына қарап тұрып қызығасың. Білімі те­ңіз­дей терең. Көкірегін күм­бір­леген күй сандық дерсің. Қазақ ақындарынан Қадыр Мырза-әліні қалап оқиды. Орыстардан Сергей Есенин, Александр Пушкин өлеңдері табиғатына жақын. Ағыл­шын­ның Байронына да бүйрегін бұрады. Жастайынан азанғы дене жаттығуларын аттап өт­пейді. Ол үшін салауатты өмір сүру бұлжымас заң.

   "Әр елдің салты басқа" демекші, өркениетке ерте жеткен, дамыған, өркендеген халқы құмырсқадай құжы­наған мұхиттың аржағындағы АҚШ, бержағын­дағы Батыс, Шығыс Еуропа елдері тіпті өзімізбен бір құрлықта күн кешкен Орта Азия қалаларында көше мәдениеті қаншалықты көңілден шығады?

    Басқасын айтпағанда, 200 жылдық тарихы бар өзіміздің суын ішіп, ауасын жұтып жүрген Қызылорда қаласында адами мәдениетіміз, әлеуметтік ахуалымыз ХХІ ғасырда қай дәрежеге жетті? Қаладағы үлкен-кішінің бір-бірімен амандасуы, көше көліктерінде бір-біріне ілтипат көрсетуі сенің көңіліңнен шыға ма? Қазір туған қаламыз жыл санап өсіп-өркендеп, керегесін кеңге салып келеді. Енді аз ғана жылда асау Сыр өзенінің аржағында жаңа қала - "Ақмешіт-сити" бой көтеріп, жаңа ғасырдағы жаңалығымыз болмақ.

Page 1 of 3

Сайт бойынша іздеу

Сауалнама

Күнтізбе

« Желтоқсан 2018 »
Дс Сс Ср Бс Жм Сб Жк
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C