Айтарым бар

Исатай Минуаров, әлеуметтанушы:

    Бала өз болашағына өзі жауапты. Тиісінше, мамандығын өзі таңдауы керек (бала өзіне не керегін біледі. Егер барлығы жоспар бойынша болмаса, бала ата-анасын кінәлайды). Қазір нарық соны сезген болуы керек, көптеген оқу орталығы “дұрыс мамандық таңдауға көмектесеміз” деген сервис көрсетуді бастады.

   Нарықта қандай мамандықтарға сұраныстың мол екенін анықтап алыңыз. Мамандықты таңдағанда өте ұқыпты болыңыз.

  “ЖОО-ға мектептен соң бірден түсу міндетті” деген психологиядан арылу керек. Шетелде Gap year деген ұғым бар. Gap year бір жыл болуы мүмкін, екі-үш жылға созылуы мүмкін. Бұл уақытты мектепті енді бітірген түлек өзінің не қалайтынын, жасырын потенциалын барынша анықтауға, приоритеттерді дұрыс қою жағын ойлануға пайдаланады. Есесіне, мектеп бітірген бала сол уақыт аралығында есейіп, аз да болса студенттік шақта туындайтын қиындықтарға, стреске дайын болады. Ал біздегідей балаға мектеп бітірген жылы бірден университетке түсуді міндеттеу дұрыс емес.

 

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны                      2019жылдың І  жартыжылдығына 

Қазпочта арқылы 6 айға - 1950 теңге (қала үшін)

6 айға - 2150 теңге (аудандар үшін)

Редакция арқылы 6 айға - 1880 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Айдар Сайлауов 

Жүлдызай Қалиева

Абзал Жолтерек

Нұрболат Қоймағанбетов


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Әлеумет

Әлеумет (152)

Сейсенбі, 20 Қараша 2018 04:41

НЕ КЕДЕРГІ, КІМ КІНӘЛІ?

| Автор: 

   «ҚЫЗЫЛОРДА ОПД ЕБҚКБ ТАРАПЫНАН

 ЖАРИЯЛАНҒАН САЙЫСҚА»

     Мен «Полицияның жас көмекшілері» жасағының мүшесімін. «Мен есірткісіз өмірді қалаймын» тақырыбында мақала жаза отырып есірткінің өмірге ең зиянды, тіпті адамға өлім әкелетін де осы бір зат, осы бір ауыр сөз екенін айтқым келдеі. Осы зиянды затқа тәуелді болған адам, адамға табиғатпен берілген ең қымбат дүние – өміріне мүлдем тамырымен балта шауып жатқанын біледі ме екен? Білсе де, не амал!

    Адамның ең құнды, қайталанбас, ең асыл қазынасы – денсаулық екені отбасымда жиі айтылып тұрады. Есірткі улы заттардың арасындағы ең қуаттысы деуге де болады. Ол адамның көңіл-күйін, сана-сезімін, мінез-құлқын бұзатын қауіпті, тыйым салынған химиялық зат. Есірткі адамның есін алып онсыз өмір сүре алмайтындай дәрежеге жеткізеді. Есірткі үшін оны пайдаланатын адамдар барлығына дайын болады. Жалпы айтқанда есірткі заттары деп жансыздандыру ерекшелігіне ие.

   Есірткінің көптеген негізгі түрлері бар көрінеді. Олардың барлығы да адам ағзасы мен психикасына әсер етіп зақымдайды. Психикасы уланған, зақымдалған адамның мінез құлқы да өзгереді. Бара-бара адам есірткіге қалай тез тәуелді болғанын білмей қалады.

   Қазіргі кезде улайтын заттарды, есірткіні қолданатындардың көбісі – жастар мен жеткіншектер. Есірткі пайдалану немесе кез келген улы затты қолдану алғашында қызық көру үшін немесе кез келген жиында жаман достардың қысым жасауымен, соларға еліктеу әуестікпен пайда болады. Меніңше, егер есірткіні бір қолданса, одан құтылу өте қиын. Тіпті дер кезінде тоқтатып арнайы дәрігерлерге қаралмаса, адам өліп кетуі мүмкін.

    Осы тақырыптарда жыл сайын, ай сайын мектебімізде «Есірткісіз болашақ» тақырыбында сурет көрмесі болса, «Мен есірткісіз өмірді қаламай!» атты эссе жазу, «Есірткіге жол жоқ!» тақырыбында дөңгелек үстел және әртүрлі шаралар ұйымдастырулып, мектебімізде салауатты дабыл қағылады.

    Егер сіз улы заттардан, есірткіден алшық болсаңыз, болашағыңыз жарқын болмақ. Сондықтан да барлығымыз бірге есірткіге қарсы болып, есірткісіз болашақты қалайық!

Индира Серікқызы,

№71 орта мектебінің 10-сынып оқушысы

Арал қаласы

Бейсенбі, 08 Қараша 2018 04:37

ІСКЕРЛІК ТАБЫСҚА ЖЕТЕЛЕЙДІ

| Автор: 

      Кәсіптің көзін тапқанға береке кіреді. Әйтсе де, бизнес жолында оңынан туған мүмкіндіктерді пайдаланып қалу, кім көрінгенге бұйыра қой­майды. Бастысы, идея мен аймақтағы нарықты зерттеу. Аймақта алғаш болып кәсібін ашып, бүгінде кәсіпорын деңгейіне жеткен кәсіпкерлер аймақтың еңбек нарығына жаңа кадрларды тартуда. Оның үстіне биылғы "Кәсіпкерлікті қолдау" жылын өз игілігіне пайдаланған жеке кәсіп­керлер де шағын кәсіптің шарапатын әлден сезініп келеді. Оған қалам ұстаған біздер де өткен аптада куә болдық.

   Қызылорда - жыл артына жыл қосып кәсіпорындар қатары артып келе жат­қан аймақ. Істің тетігін тапқан кәсіп иелері "Бизнестің жол картасы - 2020" бағдарла­масының мүмкіндігін мүлт жібермей, кә­сіптің аясын кеңейтуге күш салды. 7 жыл бұрын аймақта бұрын-сонды болмаған кәсіп ашқан "Жан-Арай Жем" ЖШС - соның дәлелі.

   

     "Балам шаңырақ құрды", "Қызым тұрмысқа шықты" деп ата-ананың дүркіретіп той жасауы, жастардың бірдей қуанышқа бөлегенінің белгісі. Алайда, кейбір жас отбасылардың қуаныштары көпке созылмай, аз уақыт ішінде-ақ ажырасып тынады. Кейбір желөкпелердің жастықтың қызуымен отбасын құруға асығыс шешім қабылдап, уақыт өте келе қолды бір сілтеп, "күл болмасаң, бүл бол" деген азғын ойдың жетегінде кететіні тағы бар. Алматы қалалық АХАЖ бөлімі өткен жылы Қазақстандағы ең қысқа некені тіркеген. Бар болғаны бір тәулікке жетпей ажырасқан жұптар статистиканың тізімінен бір-ақ шықты. Не себеп дейсіз бе? Сорақысы сол, жастар той сыйлығын бөлісе алмаған екен. Сырттай күлкі сыйлауы мүмкін. Бірақ, тойға тартылған сый-сияпат, ортадағы дорба екі әулетке қара күйе жаққан. Қыз өсіріп, жасауын жинап ұзатқан туыстар да, келін түсіріп, қызығына кенелеміз деген ата-ене де бұл жерде дұрыс шешім қабылдамағаны анық. Олардың осы әрекеті қоғамға үлкен ой салуы керек емес пе?

   Мақаланы мысалмен бастауымыз негізсіз емес. БАҚ-та бас әріппен талқыланатын тақырыпқа айналған отбасы, ажырасу, қызғаныш өрті сынды ортақ тақырып түрлі пікірлер мен сыңаржақ ойларға жетелейді. Әлеуметтік желіде қырықпышақ болып қырқысып жататын азаматтардың да айтар ойы осы отбасы мәселесіне тіреледі. Пікірлер алуандылығын санаға тоқи келе, әлеуметтік кеселге айналған ажырасудың әлегіне қатысты ел ішінде ашықтан-ашық айтылып жүрген себептерді саралап көрдік.

Сәрсенбі, 24 Қазан 2018 06:01

«СҰЛТАН» СҰРАНЫСТА

| Автор: 

    

    Қазір макарон өнім­дерінің түрі көп. Алай­да, кез келген мака­ронды тұрақты қолдан­байтынымыз анық. Бұл жолы макарон өнім­дерін халықтың таң­дауына салдық. Қалып­ты түрде әлеуметтік желі арқылы талқыға түскен макарондар ішінен жұрттың таң­дауы "Сұлтан" өнімі болды. "Алтын Дән" де қалыс қалмады, көпші­ліктің таңдауына ие болып, тізімнің екінші орнына жайғасты. Ірі сауда орындарымен қатар, ас үйдегі ас мәзірінен түспей жүрген "Корона" макароны өзі­нің тұтынушылары мол екеніне көзімізді жеткізе отырып, үшінші орынға табан тіреді. "Цесна" өніміне таңдау аз бол­ғанымен дауыс беру ба­рысында "Madina" мака­ронынан озық болып шықты. Осылайша төр­тінші мен бесінші орын­дарды еншіледі.

    Желідегі жұрттың көпшілігі таңдауға түсіп жатқан макарондар са­пасының көңілге қо­ным­ды екенін тілге тиек етіп отыр. Бұл дегеніміз барлығы бірдей дәмді макарондар дегенге саяды. Бұл жарнама үшін емес, халықтың өз таңдауы.

 Абзал Бақытұлы

 

 

Сәрсенбі, 24 Қазан 2018 05:56

ҚАРА ЖҰМЫСТЫҢ ҚАРАГЕРІ

| Автор: 

 

  Өмір - ащысы мен тұщысы, қуанышы мен қайғысы, қадірі мен қасиеті қатар тоғысқан жол. Осы жолда қиындыққа тап бола қалса, шыдамдылық таныта алмай қа­латын жандар өте көп. Ал, ке­рісінше то­сыннан таңқалдыратын тағ­дыр­дың тезгісіне қарсы тұрып, алға қа­рай аяғын анық басып жүр­ген адам­дар аз емес. Осындай қы­зығы мен шыжығы қатар жүретін күн­­делікті күйбең тіршілікте өзінің нәпақасын тауып, адал нанын жеп, ел ішінде еленбей жүрген ма­ман иелерін насихаттауды бастап кет­кенбіз. Біз көрген етікші, жол түйіс­тірген арбакеш, тоқтаусыз тір­ліктегі жүргізуші, мехнаты мол мақ­та тірлігіндегі ақ адал еңбек көп­ке ой салды. Әр аптаның ке­йіп­керін анықтау, еленбейтін еңбек иелерін іздей келе қоғамнан өз бағасын толық алмаған көше сыпырушы ма­мандарын елен­бейтін еңбек ие­лері қатарына қосуды жөн санадық.

   Біз іздеп тапқан кейіпкер осы салаға табаны күректей 15 жылын арнаған. Сөз суыртпақтап едік, алғашында әңгімеге араласа қой­мады. Айтуынша, тұрақты табыс үшін осы жолға келген. Таңмен таласа тұрып, үйреншікті қызме­тіне бас сұғатын Сұлушаш Қады­ро­ва бала-шағасының қамы үшін осы кәсіпті жөн көрген. Бұрын­дары "Тұрғын үй" тазалық орталы­ғында аула сыпырушы болып қыз­метке орналасып, қала тазалы­ғына тер төкті. Кейіннен, "Қызылорда та­залығы" ЖШС-ына ауысып, маң­дай тер еңбегімен отбасын асырауға көшеді.

   

   Жыл басынан бергі жергілікті басшылардың жасаған жұмыстарының есебін халық ақпарат құралдары арқылы естіп, біліп жүр. Облыс әкімдігінің баспасөз орталығына келіп, журналистер алдында есеп берген аудан әкімдерінің атқарған істеріне біз де шолу жасадық.

   Географиялық ерекшеліктеріне орай бір аудан ауыл шаруашылығы арқылы алға шықса, бір аудан кәсіпкерлік, ендігі бір аудан құрылыс саласы бойынша экономикаға өсім әкелуде. Осы орайда біз жергілікті жердің негізгі тірек салаларының даму қарқыны турасында аудан әкімдерінің өз сөздеріне екпін бердік.

 

Сәрсенбі, 12 Қыркүйек 2018 12:49

АРБАКЕШ АРҚАЛАҒАН АУЫР ЖҮК

| Автор: 

   

   Өмір жолының қалтарыс-бұлтарыстары көп. Тағдыр таңдаудан, өмір өткелдерден тұрады. Осы бір ағыны қатты нілдей ғұмырды нұрлы сүру көп пенденің пешенесіне жазылмаған. Адамдардың бәрі бақытты емес. Астатөк ас ішіп, үлде мен бүлдеге оранып, өмір сүру бүгінде өте қымбат тұрады. Ал, азын-аулақ тиын-тебенді талғажау қылып, бір үзім нанды қанағат еткендер Ақтан жастай көш шаңында қалмас үшін тырмысып бағады. Ерінбей еңбек етеді.

    Бүгінгі кейіпкеріміз - арбакеш Кеңес деген кісі. Негізгі шын аты-жөні басқаша. Оны базардағылардың бәрі осылай атап кетіпті. Өзі де осы есімді жазғанымды қалады. Кеңестің қолдары жарылған, жара-жара. Киімінің бүтін жерінен жыртығы көп. Белі бүкір. Бір аяғын сылтып басады. Сөздерді де кекештене айтып, үрейлене сөйлейді. Сыртқы бейнесі жұпыны болғанмен, жұмыс­ты жып-жинақы жасайды екен. Әріптестерінің айтысы бойынша солай. Қызылорда қаласындағы "Ескі базар" аумағында он-он бес шақты арбакеш бар. Жас жағынан Кеңес солардың ең үлкені. Ол суретке түсуден бірден бас тартты. Оған намыстанатынын да жасырмады. Кім бұл қызметпен мақтансын, бәрі қу жанның, отбасының қамы үшін қарекет қылғандар. Бар жұмысын ысырып қойып, бізге сұхбат берген арбакеш сөзін бірден наз айтып бастады.

     Астананың жиырма жыл­дығын ел болып атап, санада өнеге қалатындай, рухани күш беретіндей деңгейде өткізудеміз. Ас­тана асқақтап өсіп, ажар­ланып келеді. Жігіт жасына келген қаланың алған асу­лары мен бағындырған бе­лестері толассыз.

     Дүбірлі мереке алты алаш­­тың алғашқы астана­сында да айрықша аталып өтті. Сыр жұртшылығы Елор­даның еңсесі биік, ай­быны дара бола бергенін тілейді. Айтулы мереке қар­­саңында 7 қыркүйек күні Нартай Бекежанов атындағы қазақ музыкалық драма театрында "Астана­дан ақ тілек" атты концерт өтті.

    Астанадан жыр сандық, өнер кесте алып келген дарындылар әннен шашу шашып, жырдан өрмек өрді. Мың бұрала биледі. Мәдениет қайраткері Шол­пан Қорғанбектің "Қорқыт" дәстүрлі саз тобы "Шалқыма", "Аманат", "Көр­­оғлы", "Қорқыт", "Ға­сырлар үні" күйлерін күм­бірлете орындағанда жи­налған халықтың делебесі қозып, қошеметін аямады. Тіпті кейбір күйлерге "Шалқыма" халық би ан­самблі ілесе отырып, жара­сымды өнер көрсете білді. Халық дән риза. Ал, Да­нияр Мұхан, Зинат Қа­сымова, Жақсыгелді Мая­саров, Айнұр Қонысбаева сынды дәстүрлі өнердің дәріптеушілері де бұлбұлша сайрап, жұрт жүрегін баурап алды.

 

   

    Ауыл шаруашылығы өміршең саланың бірі. Сондықтан да сала мамандары аграрлық саланы экономиканың басты драйверіне балайды. Жерден өнім алып, мал ба­сын көбейту арқылы елдің ішкі нарығы мен сырт елдің экспортына қажетті өнімдерді жеткізуде берекелі істер бар. Бұл бағытта Сыр елінің ауыл шаруашылығы алымды істердің бастауында тұр. Десе де ауыл шаруашылығы саласындағы ісін ілгерілетуде байыпты бағдарламалар мен нақты механизмдер керек. Себебі соң­ғы 3 жылдан бері мамандар аймақтың агроөнеркәсіптік кешенін дамыту мәселесінде бір алаңға топтасып жүр. Саладағы өзекті мәселелердің басын ашып алу, шешімді қажет ететін жағ­дай­ларға көңіл бөлуде жыл сайын Қызылордада "Дала күні" семинары ұйымдастырылады. Басқосу мамандар үшін маңызды. Өйткені су ресурстарын тиімді пайдалану, ылғалды сақтайтын технологияларды енгізу, құр­ғақшылыққа төзімді дақылдарды өсіру мәселелерінің барысын талқылайды. Күздің басты шарасына аймақ басшысы Қырымбек Көшербаев, қала әкімі мен аудан әкімдері, аграрлық ұйымдар мен қаржы институттарының басшылары, сондай-ақ аймақтағы агроөнеркәсіптік кәсіпорындары түгел қатысты.

   Биылғы ауа-райы егінші қауымды алаңдатпай қоймады. Мамыр, маусым айларында ауа температурасының сал­қын болуы және шілде айында Сырдария өзеніндегі судың айтарлықтай азаюынан су тапшылығы сала мамандарын әдепкіде уайымдатқаны рас. Дегенмен өз ісіне жауапты шаруалар сынақтан сәтті өтіп, егін жинау нау­қанына кірісіп кетті. Облыс әкімі мұн­дай жағдайды алдағы уақытта да назар­дан тыс қалдырмау керектігін ашып айтты.

Сәрсенбі, 12 Қыркүйек 2018 12:37

«МИЛОКО» СҮТІ СҰРАНЫСҚА ИЕ БОЛДЫ

| Автор: 

   

    Редакциямызға көп­теген сауалдар келеді. Әсі­ресе, отандық өнім­дердің сапасы мен сұранысына қатысты пікірлер көп. Осы орайда оқырман үшін "Халық таңда­уы" атты жаңа айдар тұ­рақты жол тартпақ. Алғашқы зерттеуді сүт өнім­дерінен бастадық.

   Қазіргі таңда ең көп қолданыста жүрген бес сүт өнімін өзара талқыға салып, жұртшылықтың пікірін білуді жөн көр­дік. Халық таңдауына алматылық "Милоко" мен "Моё", "Айналайын", "Пет­­ропавловское" өнімі және жергілікті "Дәмді" сүтін ұсындық. Вконтакте, Instagram, Facebook әлеуметтік желілерде атал­ған өнімдерді топтастырып, елден пікір күттік. Халықтың басым бөлігі "Милоко" өніміне таңдау жасады. Бағасы мен сапасы сай келген өнімнің рейтингте көш бастауы оқырмандардың пікірі­нен-ақ білінді. Қазалы ау­данынан шығатын "Дәмді" сүтіне де ел көз­қарасы оң болып шықты. Отандық өнімді қолдаған тұрғындар "Дәм­ді" сүтінің артық қоспасының жоқтығын алға тартып, рейтингтің екінші тұғырынан көрінді. Са­уал­нама барысында "Петропавловское" сүті де "Дәм­ді­­-мен" қатар жүрді. Петропавл өңірінен шығатын сүт өнімі ірі сауда желілерінен түскен емес. Сондықтан рейтингтің үшін­ші сатысына жайғасты. Ал, осыдан 5 жыл бұ­рын сауда нүктелерінде көп саудаланған "Айналайын" сүті қазірдің өзін­де әлі күн­ге дейін сатылымда. Бұл өнімнің де өз тұтынушылары бар. Тізім­нің соңын қорытындылаған "Моё" сүтінің өз деңгейінде сұранысы бар.

   Әлеуметтік желідегі оқырмандардың пікір­лерін зерделейтін болсақ, жастардың көпшілігі сүт өнімдерінің атауына мән бермесе де, жиі тұ­ты­натынын жасырмады. Зерттеу жүргізе отырып байқағанымыз, ел ішін­де "қол­дың сүтін" пайдаланатындар да, табиғилығы жағынан "Дәмді" сүтін атады.

   Оқырманға ұғынықты түрде жеткізу үшін сауалнаманы инфографика тү­рінде беруді дұрыс деп таптық.

Page 1 of 11

Сайт бойынша іздеу

Сауалнама

Күнтізбе

« Қараша 2018 »
Дс Сс Ср Бс Жм Сб Жк
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C