Айтарым бар

   

Жанболат Ошақбаев, жас кәсіпкер: 

    Кәсіп бастайтын адам үшін қаржылық сауаттылықтың маңызы зор. Қазіргі таңда екінің бірі кәсіпкер болып кетті ғой. Алайда, барлығының еңбегі жемісті болып жатқан жоқ. Кәсіпкерде әрқашан «Б» жоспары болуы керек. Есеп білмеген адам қарапайым сауданың да жөнін біле бермейді. Сондықтан, бизнес бастамас бұрын қаржылық сауаттылықты меңгеріп алу керек. Себебі, алғаш кәсіп бастаған адамның бухгалтерге, сатушыға, кассирге жеке-жеке жалақы төлеуге шамасы жетпейді. Осы қызметтің бәрін өзі атқарып, кәсіптің басы-қасында жүрген адам ғана жоғары жетістікке қол жеткізе алады.

baribar.kz


Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны

Қазпочта арқылы 6 айға - 1740 теңге (қала үшін)

6 айға - 1920 теңге (аудандар үшін)

Редакция арқылы 6 айға - 1680 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Толыбай Абылаев 

Айдар Сайлауов 

Жүлдызай Қалиева


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Сейсенбі, 22 Тамыз 2017 06:37

ҚОҒАМ ӘЛІ ДЕ ЖЕМҚОРЛАРДЫҢ ЫҢҒАЙЫНАН ШЫҒАР ЕМЕС

| Автор:  
Материалға баға беріңіз
(0 дауыс)

    Халық арасында көптен бері айтылып, құлаққа әбден сіңісті болған бір әңгіме бар, ол - сыбайлас жемқорлыққа жол бермеу, соған қарсы іс-қимыл. Елдегі басты проблеманың біріне айналған сыбайлас жемқорлықты жоя алмаймыз, бірақ тиісті дәрежеде шара көру мәселесін ұсынған жөн сияқты.

   Рас, сыбайлас жемқорлықты түп-тамырымен жою керек, қолға түскендерді қылмыстық жазаға тарту керек, бұл жөнінде халыққа ақпараттық түсіндіру жұмыстары жүргізілуде, сондай-ақ, баспасөз беттерінде түрлі мақалалар жа­рия­­ланып, теледидардан күнде­лік­ті пара берушілер мен пара алу­шыларды құқық қорғау ор­гандарының қолға түсіргендерін, ақша жасырған қойын-қонышын, үй-жайын тінтуді көрсетуден, осы қолға түскен лауазым иеле­рін соттау жайлы жағдайларды ха­лыққа жариялауда ешбір кем­шілік жоқ сияқты көрінеді. Бірақ бәрібір, сол Абай атамыз айтқан сол жартас, әлі мызғитын емес, қайта құдды пара алу мен пара бе­ру­ден, мемлекеттің мүлкін, қар­жы­­сын жымқырып жеуден, та­лан-таражға салудан жарысып, содан кім көп жейді, көп асаған түрмедегі орындарынан айры­лып қалмай бейне бір соған асы­ғып жатқандай жарыса қармап қалу­да. Неге осындай болып ал­дық? Мұндай жағдайда не істеуі­міз керек, айтқанға түсінбесек, заң­­нан қорықпасақ, айта берген­нен дәмі де, үрейі де кетіп бара жат­қан сияқты.

   Тоналып жатқан ел өзіміздікі, соларға күндіз-түні тоналып жат­қан мемлекет те өзіміздікі, әбден теріс әрекетке үйретіп, тонап, то­на­лып жатқан болашақ, өсер ұр­пақ өзіміздікі, сонда біз не істеп жатырмыз, бізге не жетпейді? Ар намыс па, өте қатал бас шабатын заң ба, әлде патриоттық елім дей­­­тін сана ма?

   Осы тұста айта кетейін, сы­бай­­лас жемқорлықтың алдын алу, ел жұртқа түсіндіру жұмыс­тарын облыс көлемінде қоғамдық ұйым өкілдері, мемлекеттік меке­ме жә­­не құқық қорғау органдары өкіл­­дерінің қатысуларымен мо­бильдік топ халықпен кездесулер ұйымдастырып, осы мәселеде ақ­параттық жұмыстар жүргізуде, мен де сол мобильді топ құра­мын­­­­дамын. Халықпен жүздесу­ден ойда қалған бір оқиға есіме тү­сіп отыр. Бір жолы халықпен кез­­десуде, аталған жайлар түсін­ді­ріліп сыбайлас жемқорларға қар­сы іс-қимылға көшу әрекеті ай­тылып болғаннан кейін, жиын­ға қатысып отырған бір ағамыз: "Айтқандарыңның бәрі дұрыс, бі­рақ бір тентектеу кісі айтқан екен, әрнәрсеге ойбайлап үйре­ніп қалса керек, жақындау адамы ақ­сақал ойбайлай бермей, құдай деп айтыңыз, ол шайтаның есімі, оны шақырмаңыз, жаман ырым бо­­лады",-деп ескертіпті, содан әл­­гі кісі 12 күн жүрсе керек "я, құ­дай­лап", келесі күні бұрынғы дағ­ды­сы бойынша құдайыңнан үй­рен­­ген ойбайым тыныш екен",-деп бұрынғы дағдысына қайта көш­­кен екен. Шырақтарым, айт­қан­дарыңа рахмет, бәрі дұрыс шындық сол, бірақ мен баламды жұмысқа тұрғызу үшін пара бер­месем жұмыссыз қалады, ол бе­рілуі керек, болмаса жұмысқа әр түр­лі сылтау айтып алмайтыны анық, басқа менің не амалым бар",-деп өзінің ойындағысын ай­тып салды.

   Рас, бұл - факт. Қоғамда шы­рыл­­даған шындық осы, ешкім жоқ­қа шығара алмайды, ел аузы­нан естігеніміз бар, мекемеге "тех­­ничка" болып жұмысқа тұру үшін де "рахметін" айтуы керек екен.

    Бұл - қалыптасқан санадағы жағ­дай. Біз бірінші кезекте осы са­наны тазартуымыз керек емес пе?

   Осы тұста тереңдеу ойланып көрейікші, яғни өз мәселемді есе­бін тауып шешсем болды, "қал­ға­ны не болса, ол болсын" деп, қо­ғам­ға немқұрайлы қарауы­мыздан өзімшілдік сананың зияны халық­қа, оның ішінде осы жемқор­лық­тың дамуына, өсуіне, жемқорлар­дың көбеюіне өз ық­палын тигізіп тұрғанын бай­қайсыз ба, сіз бала­ңызды қоғамға араластырамын деп жемқорларға жағдай жасап тұр­ғаныңызды, басқаның алдын кесіп, обалына қалғандығыңызды ойладыңыз ба?

   Елбасы Н.Ә.Назарбаев халық­қа арнайы ескертіп отырған жоқ па, "менен бастап барлық мемле­кеттік, мемлекеттік емес сектор­лар бәрі халықтың қызмет­шісі­міз, халыққа қызмет етеміз, сол үшін бізге еңбекақы бері­леді". Сон­дықтан, әрбіріміздің есімізде болуы шарт, яғни білі­міңіз, білік­ті­лігіңіз талапқа сәй­кес келіп тұрса, сіз ешкімге пара беруге, ал жұмыс беруші пара дәметуге тиісті емес, сонда бәріне кінәлі өзіміз.

   Сіз неге жемқордың жағдайын жасауға, жемқорға жол беруге, жемқорларды қолдауға тиістісіз, ол - мемлекеттік қызмет, ол орын сіздің балаңыз үшін арнайы ақша төленіп ашылып отырған жұмыс орны емес, ол бос орынға қыз­меткер немесе жұмысшы алуға мін­детті, оған біреу жұмысқа ал­ғаны үшін сыйлық, ақша беруге міндетті емес, бұл заң талабы, ал сіздің балаңызды жұмысқа алуға негізсіз кедергілер келтіріп жат­са, онда арнайы органдар бар. Ал, егер де ескертусіз осындай пара беруде арнайы мекемелердің на­за­рына ілігіп қалсаңыз, сіз де қылмысқа, пара алушымен бір­дей жауапқа тартылатыныңызды біл­геніңіз жөн. 

  Елбасының осы тұста көңіл­ден шығар хаттай сөзі бар. "Сы­байлас жемқорлықпен күрес, тек құқық қорғау органдарының ғана жұмысы емес, бұған бүкіл халық болып кірісуіміз қажет, олай бол­май тұрып жемқорлыққа қарсы тұра алмаймыз. Әрине, бәрін халық көріп, біліп отыр, бірақ сол баяғы сен тимесең, мен тимейміннің кері әсе­рі қалар емес, бүгінгі заман ке­шегі халқымыздың басынан өткен таршылық заман емес, халықтың бірқатар бөлігінде бірнеше дип­лом­нан бар, өте сауатты, дей тұр­ғанмен қоғам әлі де сол жем­қор­лардың ыңғайынан шығар емес, бұл қауіпті жол".

   Мемлекеттің дамуы, өсуі сол елдің экономикасына байланысты бол­са, ал экономиканың өсуі мем­ле­кеттің ішкі өніміне, салық жүйе­сіне, саяси ахуалына байланысты. Ел болып, жұрт болып мемле­ке­тіміз дамысын десек, оның эконо­ми­касының өсу жолын жемқор­лардың талан-таражға салуынан, әртүрлі құйтырқы жолдармен шет елдерге немесе басқа жалған қор­лармен, есеп шоттарға асырудан қор­­ғауымыз керек. Осы мақаланы жазып отырғанда, мынадай бір на­ғыз жаны ашымас жағдайды құла­ғым шалып қалды. Украинадан шы­ғарылып, тасымалданып жатқан әдемі қызыл, сары түсті күйдірілген кірпіш бағасының көтерме сату бағасы 175 теңгеден сатылатын­ды­ғы теледидардан жарнамалап жат­қан­­дығын көрдім, ал бізде салы­нып жатқан үйлерге қолданып отыр­ған Ақтөбенің қызыл кірпіш­тері 400 теңгеден екендігін естідім, естіп жем­қорлардың жолы әбден болып жатқандығына таңданбасқа амалым қалмады.

   Айтайын дегенім, халықтың жағ­­дайын ойламайтын жемқор ағайындар ойларына келгендерін істеуде. Қиналсақ та солар қойған бағаны көтере береміз, бұл да сол бәріне көніп үйренген көнбіс әде­тіміз, бұл тек мысал үшін айтылып жатқан бір жағдай.

    Халыққа деген құрметпен ой-са­наны бөлісу, еліміз, халқымыз болашағымыз қой үстіне бозторғай жұмыртқалайтын заманда өмір сүрсе екен, мемлекетіміз даму жо­лында, соның экономикасына іш­тей кедергі болмаса, сол тосқа­уылға бірге атсалысайық деген ой, өзгеге топырақ шашу емес. Ендеше, пара­сыз болашаққа бірге қадам баса­йық.

Кажденбек БАЙМАХАНОВ,

"Жаңару" Сыбайлас жемқорлыққа қарсы жалпыұлттық

РҚБ-нің облыс бойынша филиал басшысы

Оқылды: 194 рет

Сайт бойынша іздеу

Сауалнама

ҰБТ кезіндегі сынақ кітапшалары қаншалықты білімді таразылай алады?

Алдын ала межені байқау үшін - 27.9%
Ұлттық тестілеуге дайындықты пысықтау жолы - 37.2%
Ақша табудың амалы - 11.6%
Оқушының пәндік сабақтардағы бейінін байқатады - 23.3%

Total votes: 43
The voting for this poll has ended on: 07 Мам 2018 - 00:00

Күнтізбе

« Шілде 2018 »
Дс Сс Ср Бс Жм Сб Жк
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C