Газеттің ПДФ нұсқасы

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны

Қазпочта арқылы 6 айға - 1680 теңге(қала үшін)

6 айға - 1800 теңге (аудандар үшін)

Редакция арқылы 6 айға - 1560 теңге

Редакцияға хат

Email:
Тақырып:
Текст:
Бейсенбі, 05 Қазан 2017 10:05

Жылына 15 мыңнан астам қызылордалық ем алып шығады

| Автор:  
Материалға баға беріңіз
(0 дауыс)

        Медицина мамандарының әрбір күні қауырт. Ем алуға келген тұрғын­дардың тілін тауып, қажетті ем жасап, дұрыс диагноз қою сала маман­да­ры­ның күнделікті жұмысы. Қоғам та­рапынан жиі сынға ілігетін дәрі­гер­лердің кәсіби қызметіне бір сәт үңі­луге мүмкіндік алдық. Медициналық қызметтің ішкі әлеміне ену үшін ар­найы пресс-турға барып қайттық. Өңір­­лік коммуникациялар қызметі өңір журналистеріне арнап Сыр хал­қына медициналық көмек көрсететін облыстық медицина орталығының қызметімен таныстырды. Өнегелі та­рихы, өз алдына тәжірибесі бар орта­лық 63 мамандық бойынша қызмет жасайды. Жылма-жыл салалық дең­гейде қызмет аясын кеңейтіп келе жат­­қан орталықта 23 клиникалық, 37 қосалқы бөлімше жұмыс жасайды.

   Көпсалалы орталықта медици­на­лық көмектің барлық түрін көрсе­теді. Мамандардың жұмысы уақыт­пен өлшенбейді. Себебі орта есеп­пен күніге 200 науқас келеді, әртүрлі деңгейдегі 40-50 ота, уақытпен санас­пайтын жедел түрдегі 15 ота жасалы­нады екен. Демек, дәрігерлерді апта­сына кемінде 180-200 ота күтіп тұр де­ген сөз. Жылына 15 мыңнан астам қы­­зылордалық ем алып шығады. Қа­зіргі бағыт сырттан ем алуға мәжбүр нау­қастарды орталықта емдеудің тетігін табу.

   Орталық жұмысымен таныс­тыр­ған бас дәрігер Сәбит Пазылов жаңа технологиялардың мүмкіндіктері жа­­йында сөз етті. Бұрындары Сыр елінің тұрғындары көзге жасайтын отаның жоқтығынан өзге аймақтарға баруға мәжбүр болатын. Қазір бұл мәселе де ретін тапқан. Айталық, қо­мақты қаржыға қажетті құрал-жаб­дықтар сатып алынып, көзді тек­серетін аппараттар әкелінген. Бұған қоса аяқ тамырларының зақым­да­н­уын, сүйектің тығыздығын анық­тай­тын, инсулин қажеттігін өзі рет­тей­тін аппа­раттар түрлі аурулардың емін та­бу­ға мүмкіндік беріп отыр. Бүгінде жүрек-қан тамырлары, травмато­ло­гия­лық жарақаттарға жасалатын оталар саны жиілеуде. Бас дәрігер Сәбит Бексейіт­ұлы кадр мәселесінен де айна­лып өте алмады. Анестезиолог маман­дар­дың жетіспеушілігін тілге тиек етті. Десе де, мұн­дағы мамандардың алаңсыз қыз­метке кірісуіне барлық жағдай жа­сал­ған. Мәселен, арнайы ша­қырылған ма­мандарға пәтер бөлін­ген, орталық жа­нындағы спорт комп­лекстері де ма­ман­дардың бос уақытын тиімді өткі­зуге мүмкіндік береді.

   Пресс-тур барысында орталықтағы реабилитация, кардиореабилитация, нейрохирургия, травматология бөлім­ше­лерінде мамандар қызметімен жа­қы­нырақ таныстық. Мамандармен тіл­десіп, саланың бүгінгі жолын сөз еттік.

   Көзбен көрген дүние өзгеше әсер етеді. Отау жасау бөлмесінің ішкі аура­сы ә дегеннен бойды салқындатып жі­бе­реді. Қаз-қатар тігілген ота жасайтын құралдар, дәрігерлердің епті қимылы көз алдынан өтіп жатыр. Расында, сөз­бен бір-ақ сәтте жеткізе салатын про­цесте қаншама адамның маңдай тер ең­бегі жатыр. Орталық жұмысын сырт­тай бақылаған үш сағат уақыттың қа­лай өтіп кеткенін білмей де қалдық. Бұл орталық мамандарының әрбір күні осылай еңбекпен өтетінін білдіреді.

Г.Ерниязқызы

Оқылды: 155 рет

Сайт бойынша іздеу

Сауалнама

Күнтізбе

« Желтоқсан 2017 »
Дс Сс Ср Бс Жм Сб Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Серіктестер