Газеттің ПДФ нұсқасы

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны

Қазпочта арқылы 6 айға - 1680 теңге(қала үшін)

6 айға - 1800 теңге (аудандар үшін)

Редакция арқылы 6 айға - 1560 теңге

Редакцияға хат

Email:
Тақырып:
Текст:
Әлеумет

Әлеумет (75)

    Жер-жаһанды мекен еткен әрбір ұлт, әрбір мемлекет өркениеттің қалыптасып, жетілуіне ерекше із қалдырады. Өзіндік мәдениет, ерекше ұстаным жұмыр жерде тіршілік ететін әлем елдерін бір арнаға тоғыстырады. "Алуан түрлі әлем" айдары өткен аптада Батыс Азия мемлекеттерін Оман сұлтанатынан бастаса, бұл жолы өзіндік өрнегі мен ерекше мәдениеті бар арабтардың мекені Иорданияға аялдайды. Батыста Израильмен, солтүстікте Сириямен, шығыста Ирак, Сауд Арабиясымен қабысып жатқан шағын мемлекет. Шартарапқа белгілі Өлі теңіз, Петра қалашығы, Қызыл теңіз бұл елдің басты байлықтары саналады. Бұрынғы бәдәуилердің тіршілігін жалғаған арабтар тұратын елдің тұмар етер ұстанымдары мен ерекшеліктеріне тоқталмақпыз.

    Тегінде қазақ "тектілік" деп тек­ке айт­паса керек-ті. Өйткені ыдыс-аяғы сыл­дырламай тұратын шаңырақта бе­реке сол текті тәрбиенің ықпалымен ғана болмақ. Қазақтың жігіттері бойжеткенді ат артына отырғызбай, ердің ал­дың­ғы қасына мінгізіп алып қаш­қан. Бұл үй болар алдындағы алғашқы жо­ралғы­ның кішкене ғана көрінісі. Ал, шаңырақ кө­тергеннен соң ер азаматтың үйі­нің ең киелі, яғни төргі орында қам­шы ілінулі тұ­ратын болған. Қамшы ілін­бей тұрған шаңыраққа құдайы қонақ та қонбайтын. Себебі ері иен даланың тө­сінде елін қорғап жүрген болуы мүмкін, әйел ға­на тұратын шаңырақ екенін ишарасыз ұғынған. Бұл бұрынғының дала заңдарының бірі десек болар. Әйел азаматшаларды құр­меттеудің үнсіз көрі­ніс­тері қасиетті қазақ даласында осылайша өр­біп келді.

Сейсенбі, 08 Тамыз 2017 10:57

Әкеге қарап ұл өсер...

| Автор: 


    Әкенің балаға қалдырған ең үлкен сыйы - өнегелі тәлім-тәрбие. Алайда, байқаусыз тентектік жасайтын жас­өс­пірімді кінәлайтын қо­ғамды әке болмысы ойландырады ма? Болатын бала бірден туыла сала данагөй болуы, іш­кен астан немесе табиғаттан пай­да болуы сирек құбылыс. Да­рындылық тектілікпен ғана даритын туа бітетін тылсым. Ал, осындай ұрпақты тәрбиелейтін бүгінгі қоғамның әкелері қандай болуы керек? Азанның шақыр­ғанын аңдамай қазанның қайнағанын аңдитын еркектерге, одан қалды әйеліне жұ­мыс жасатып өзі жөргек жуып отыратындардың бала-шағасы қандай азамат болатыны алаңдатарлық дүние. "Әке көрген оқ жонар" еркек ердің ісін қылатынын меңзеген дана бабала­ры­мыз бүгінгі ерлер әйелдің, әйелдер еркектің ісін жасап жүр­генін қайдан білсін. «Әке көрген тон пішіп» жатқан өмірде бұл заман талабы дейтіндерді сөзбен жеңу ең қиынның қиыны.

   

     Аспан асты, жер үстінде төрткүл әлемді мекен еткен қаншама ұлт болса, оның ұлттық болмысын бейнелейтін соншама халықтық қолөнері болады. Ол мәңгілік мәнді де мағыналы ұрпақ жадында жасау үшін өзіндік ұлттық бояуын жоғалтпай, уақытпен бірге жаңғырып отырады. Сонда ғана осындай өркенді өнер келешекпен бірге үндесері анық.

      Біз сонау Америкадағы үндістер мен Гавай аралда­рындағы ұсақ ұлттар мен ұлыстардың қадым заманғы қолөнері қаймағы бұзылмай, тұнығы шайқалмай бүгінгі күнге жеткенін бұқаралық ақпарат құралдары арқылы құлағдар болып отырмыз. Оны айтасың-ау, түбі бір түркі тектес азербайжан, түркімен, өзбек, іргеміздегі қырғыз ағайындардың өзі бізбен бірге 70 жылдан астам орекеңдердің "отын жағып, күлімен кірсе де", байырғы салт-дәстүрінен, ұлттық болмысынан айныған емес. Бұл, бір жағынан, жергілікті ұлттың өз тарихына, елдік ерекшелігіне деген құрметі мен ізетінің белгісі, екінші жағынан, ұлттық ұстанымына деген халық махаббаты­ның адалдығы, тіпті мақтанышы деп қараған жөн.

      Жаз мезгілі - құрылыстар мен түрлі ғимараттардың бой көтеретін шағы. Тозы­ғы жеткен жол төсеніштері де жаңа­рып, бітпеген үй жұмыстары жаңғыратын кезең. "Қызылорданың көркі енді-енді кіріп келе жатыр" деп баға беретіндер жасалы­нып жатқан жұмыстарға куәгер болып жүрген де болар, соның өзінде қала әкімі Н.Нәлібаев қаладағы бірқатар нысандар­ды бір топ журналистермен бірге аралап, құрылысшыларға сәттілік тіледі.

     Қаланы аралау барысында қала әкімі қарқынды түрде жүріп жатқан құрылыс аймақтарында шешілмей тұрған мәселе­лерге қолдау көрсететінін, тек сапалы дүниелерді халыққа ұсыну керектігін және өңірдің көркін кіргізетін ғимарат­тардың салына беретінін атап өтті.

     Сарша тамыздан секем алған біз газетіміздің өткен санында "сарыуайымға салмаса игі" деп, қорқа соғып едік, шынымен ел арасынан қиналысты байқадық. Әсіресе, көп балалы шаңырақтар мен тұрмысы төмен отбасылар балаларын мектепке дайындау барысында материалдық көмекке зәру екендіктерін жасырмайды. Ал, оларға мемлекет тарапынан көмектер беріле ме, қоғамның көзқарасы қандай?

Дүйсенбі, 07 Тамыз 2017 09:56

Батыс Азиядағы бақуатты ел

| Автор: 

    Әлем елдері ішінде жұмыссыздық мәселесіне алаңдамайтын санаулы елдер бар. Соның бірі - Оман сұлтанаты. Оңтүстік-батыс Азияда орын тепкен шағын мемлекеттің бүгінде әлеуметтік ахуалы жылдан-жылға жақсарып келеді. 4,5 миллионға жуық халқы бар елді сұлтан билейді. Соңғы он жылдық кезеңге көз тастасақ, Оман сұлтанатының гүлденген кезін байқауға болады. Мұнай мен газ арқылы пайдаға кенеліп отырған елдің тұрғындары сауда десе алдына жан салмайды. "Алуан түрлі әлем" айдары Оңтүстік-батыс Азия елдерін тұрмысы бақуатты, халқы қуатты әлемдегі таза елдердің бірі Оман сұлтанатынан бастамақ.

    Дәрігер ауырған адамның жанына араша түседі, ұстаз адам тәрбиелейді. Бұл екі кәсіп сонау ықылым заманнан бері қасиетті, киелі саналады. Қай қоғамда да ұстаз бен дәрігерге қажеттілік жоғалуы мүмкін емес. Себебі бірі адам баласының тән сұлулығына, екіншісі жан сұлулығына қызмет етеді. Біле білсең, Дүние­жүзілік денсаулық сақтау ұйымының таратқан мәліметтеріне қарағанда, адам денсаулығының жақсы болуы (40 пайызы) қоршаған ортаға немесе экологияға байланысты Содан кейін оның өмір сүру жағдайына (40 пайызы) тәуелді көрінеді. Қалғаны (20 пайызы) медициналық көмек көрсетілуінің деңгейімен сараланады.

     Ендеше, қашанда қадірлі мамандықтардың бірі саналатын дәрігерлер жайында және оларды шетелдердің жоғарғы оқу орындарында дайындаудың ерекшеліктері туралы сөз қозғамақпыз.

    - Департамент ҚР Кәсіпкерлік Кодексін басшылыққа алып, 2016 жыл бойынша электр энергияны бөлшек саудада са­ту бағасына сараптама жүргізіп, нәтижесінде 2017 жылғы 1 тамыздан бастап облыстағы электр энергиямен жабдықтау­шы ұйымдардың орташа босату бағалары 1 кВт. сағатқа қо­сымша құн салығынсыз 3,3 пайыздан 8,2 пайызға дейін тө­мендеттелді. Бұл халық үшін қуанышты жаңалық болып отыр.

   Бұл ақпаратты Қызылорда облысының Табиғи монополияларды реттеу, бәсекелестікті және тұтынушылардың құ­қықтарын қорғау департаменті басшысының міндетін атқарушы Гүлмира Өтегенова БАҚ өкілдерімен өткізген баспасөз отырысында жария етті.

   Қызылордалықтардың қаншалықты қуанатыны белгісіз, осы күні жергілікті тұрғындар үшін жолақы мәселесі алға шығып тұрғаны жасырын емес. Департамент жолақыға байланысты қойған сұрағымызға мекеменің оған қатысы жоғын алға тартты. Алайда жолақының көтерілуінің негізгі себебінің бірі, осы күні АИ-92, АИ-93 маркалы жанар-жағар майы бағасының өсуіне тексеріс жүр­гі­зіліп жатқандығын, тамыз айын­да қорытындысы шығатынын айтып қалды. "Егер жолаушылар көлігі пайдаланатын май­дың негізсіз өскені заң жүзінде белгілі болып жатса, онда жо­лақының тамыз айынан бастап қымбаттауы негізсіз бол­ғаны ма?" деген сұрақтың қылтиып шығатыны белгілі.

     Не болса да, жағар май мен жолақы жайы тамыз айында талай адамды әбігерге салатын түрі бар.

Айдар САЙЛАУОВ

 

 

   Мемлекет басшысының 2014 жылғы 17 қаңтарында Қазақстан халқына арнаған Жолдауынан туындаған міндетті әлеуметтік медициналық сақтандыру жү­йесі жан-жақты талқыланып, ағымдағы жылдың 1 шілдесінен жұмысын бас­­тады. Бұл уақыт аралығында жүйе­нің маңыздылығы жөнінде халыққа жа­уапты мамандар тарапынан түрлі тү­сін­дірме жұмыстары жүргізілгені бел­гілі. Алайда, денсаулық сақтауды қар­жы­ландырудың жаңа жүйесіне қатысты көпшілікті толғандырған сауалдар жетерлік.

  Аталмыш жүйе 2017 жылдың 1 шіл­де­сінен заңды күшіне енген күнінен сақтандырудың алғашқы жарнасын ең алдымен жұмыс берушілер мен жеке кәсіпкерлер төлейтін болады. Жарна мөлшерін төмендетуге қатысты заңға енгізілген жаңа түзетулер жуырда Парламент тарапынан мақұлданып, мем­ле­­кет басшысы қол қойды.

  Заңдағы жаңа түзетулерге сай, жұмыс беруші медициналық сақтандыруға ай сайын жұмыскер жалақысының 1% көлемінде жарна төлейді және жарна көлемін 3667,9 теңгеден асырмауы тиіс. Жеке кәсіпкерлер мен оларға теңестірілген тұлғалар (жеке меншік адвокаттар мен нотариустар, кәсіби медиаторлар) 2017 жылы 2 төменгі айлық жалақының 5%-ы мөлшерінде немесе 2445,9 теңге көлемінде жарна аудармақ. Жарнаны аударым жұмыстары зей­нетақы төлеу жөніндегі мемлекет­тік орталығы арқылы жүргізіледі.

  Бұл тұста, мемлекет төлейтін жарна көлеміне ешқандай өзгеріс енгізілмеген. Мемлекет әлеуметтік аз қам­тыл­ғ­ан 15 санаттағы қазақстандық 10 млн. аза­мат үшін жарна төлейтіндігі бел­гілі болды.

Сайт бойынша іздеу

Сауалнама

Күнтізбе

« Желтоқсан 2017 »
Дс Сс Ср Бс Жм Сб Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Серіктестер