Айтарым бар

Исатай Минуаров, әлеуметтанушы:

    Бала өз болашағына өзі жауапты. Тиісінше, мамандығын өзі таңдауы керек (бала өзіне не керегін біледі. Егер барлығы жоспар бойынша болмаса, бала ата-анасын кінәлайды). Қазір нарық соны сезген болуы керек, көптеген оқу орталығы “дұрыс мамандық таңдауға көмектесеміз” деген сервис көрсетуді бастады.

   Нарықта қандай мамандықтарға сұраныстың мол екенін анықтап алыңыз. Мамандықты таңдағанда өте ұқыпты болыңыз.

  “ЖОО-ға мектептен соң бірден түсу міндетті” деген психологиядан арылу керек. Шетелде Gap year деген ұғым бар. Gap year бір жыл болуы мүмкін, екі-үш жылға созылуы мүмкін. Бұл уақытты мектепті енді бітірген түлек өзінің не қалайтынын, жасырын потенциалын барынша анықтауға, приоритеттерді дұрыс қою жағын ойлануға пайдаланады. Есесіне, мектеп бітірген бала сол уақыт аралығында есейіп, аз да болса студенттік шақта туындайтын қиындықтарға, стреске дайын болады. Ал біздегідей балаға мектеп бітірген жылы бірден университетке түсуді міндеттеу дұрыс емес.

 

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны                      2019жылдың І  жартыжылдығына 

Қазпочта арқылы 6 айға - 1950 теңге (қала үшін)

6 айға - 2150 теңге (аудандар үшін)

Редакция арқылы 6 айға - 1880 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Айдар Сайлауов 

Жүлдызай Қалиева

Абзал Жолтерек

Нұрболат Қоймағанбетов


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Әлеумет

Әлеумет (152)

Г.НЫСАНОВА, Қызылорда облыстық наркология орталығының бас дәрігері:

   - Көпшілікті "мас күйінде тіркелген адамдардың статистикалық көрсеткіші өткен жылмен салыстырғанда қандай деңгейде?" деген сауал мазалайтыны рас. 2018 жыдың 6 айында облыс бойынша араққұмарлықпен есепте тұрған науқастардың саны 5228-ге жеткен. Бұл былтыр 5370 болған. Яғни, былтырғы жылдың 6 айымен салыс­тырғанда 142-ге азайған. Жыл басынан наркологиялық есептегі науқастардың көшіп кетуіне сәйкес, сотталуына, қай­тыс болғандар, көрсетілген мекен-жайда тұрмайтын­дар, диспансерлік есепке ауыстырылғандар, диагнозының өзгеруімен және басқа себептермен диагноздарының анықталуына байланысты көрсеткіштер төмендеген.

   Айта кету керек, емдеу шараларында нәтиже де баршы­лық. 2018 жылдың 6 айында облыстық наркология орта­лы­ғынан маскүнемдік бойынша 688 науқас ем алып шық­ты. Ал, 2017 жыдың 6 айында 871 науқас емделген болатын. Маскүнемдер саны әр алты ай сайын төмендеп келеді.

   Дегенмен де, жастар арасындағы ішімдік ішіп, ауру болатындар көп. Оның арасында әйел азаматтар да жоқ емес. Облыс бойынша 2018 жылдың 6 айында 14-29 жас аралығындағы маскүнемдікпен есепте тұрғандар саны 358 ерді құраса, оның 13-і әйелдер. Қазір емделушілер мен тіркелгендердің барлығы есепке алынып, бақыланып отырады. Адамдар ауырып ем іздегенше, ішімдіктен аулақ болып, ауырмайтын жол іздегендері абзал.

МӘРИЯМ, "Ардана" дүкенінің сатушысы:

     - Күніне нақты қанша рөмке са­та­ты­ным есімде жоқ. Бірақ, ішімдік сату­дан жақсы табыс түсіп отыр. Оның ішінде сыра мол сатылады. Ал, арақты ег­­де тартқан кісілер көп алады. Жас­өс­пірімдердің де сыра сұрап келетін кездері жиі кездеседі. Оларға біз ішім­дік босата алмаймыз. Заңға қайшы. Әсі­ресе, түнгі мезгілінде арақ-шарап көп­­­теп өте бастайды. Сосын той-то­ма­лақтар көбейген кезде де сауданың та­мы­рына қан жүгіреді. Ақшасы аз, бө­тел­келеп ала алмайтын адамдар ста­кан­­ға құйдырып та ішіп кетеді. Жал­пы араққа деген қала тұрғында­ры­ның ара­сында сұраныс бар. Баға қанша­лық­ты шарықтап жатса да, сыра, арақ­ты сатып алатындар азайған емес. Сол себепті ме екен, "адамдар арақтан тү­бе­гей­лі бас тартады" дегенге сенбеймін.

ҚАСЫМ, көше кезбесі:

     - Менің басқа ермегім жоқ. Осындай халге душар болуымның басты себебі арақтың кесірі. Несін жасырайын, күніне жұрттан қайыр сұрап алып, оны азын-аулақ тамағыма жаратамын. Қалғанын арақ сатып алуға жұм­сай­мын. Жаздың жылы күнінде қаланың көшелерінде өзіміз секілді адам­дармен бірге ішуді әдетке айналдыр­ғанбыз. Емделуге де барғанмын. Негізі апарған. Қайда апарғанын нақты білмеймін. Бірақ, ол жақтан қайыр болмады. Адамның жағдайы дұрысталмайынша ішуді де доғар­майды. Мен басымнан өткен соң ғана айтып отырмын. Арақ біздің қайғымызды жеңілдетуге, уа­йымды ұмытуға көмектеседі. Сон­дықтан ішімдікті тастағым келмейді.

    ТҮЙІН. Жер бетінде түр-түрлі тағдыр бар. Бірі тойып, енді бірі тоңып секіреді. Ішімдік тойдың сәні болса, басқа жандарға өмірінің мәніне айналған. Десе де, арақ ешкімге опа бермесі хақ. Дін мен дәрігерлер ішімдікке шектеу қойған. Тек заң ғана сатылымға қарсы қауқар таныта алмай отыр.

Айдар САЙЛАУОВ

    Қай істің болмасын ебін тауып, еңбек етіп, тәуекелге бару кім көрінгеннің қолынан келе беретін шаруа емес. Десе де, шаруасын ширатып, бизнес алаңын кеңейтіп, халықты жұмыспен қамтып отырған кәсіпкерлер бар. Бұрындары кәсіп бастауда қағазбастылықты алға тартып, құжат толтыруда әуре-сарсаңға түсетін бизнес өкілдері мұндай бюрократтық мәселелердің азайғанына сеніп отыр. Мұнан басқа бизнеске қолдау беретін мемлекеттік бағдарламалардың шарапатын көріп, тиімді тетіктерін кәсібінің дамуына пайдаланып, кәсіп көзін ашқан жандар аз емес. Мұның бәрі аймақта шағын орта бизнестің аясын кеңейтіп, жаппай кәсіпкерліктің қанат жаюына жол ашады.

   Алдымен, аймақта атқа­рыл­ған істі бағамдайық. "Бизнестің жол картасы-2020" бизнесті қолдау мен дамытудың бірыңғай бағдарламасы шеңберінде жобаларды қаржыландыру жөнінде облыстық кәсіп­кер­лік және туризм басқармасының бизнесті дамыту және қол­дау бөлімінің басшысы Мәуе Сейдалиева қаржыландыру мәселесіне екпін бергенін айтты.

    2018 жылы "Бизнестің жол картасы-2020" бағдарламасы шеңберінде жеке кәсіпкерлікті қолдау үшін 1319,238 млн. теңге бөлінген. Аталған қаржыны компоненттер бойынша бөлер болсақ, субсидиялауға - 1000,238 млн. теңге, кепілдендіруге - 119 млн. теңге, мемлекеттік грантқа - 200 млн. теңге қаражат бөлінген. 

 

     Мемлекет басшысы Нұрсұлтан Назарбаев инфрақұрылымды дамытудың 2015-2019 жылдарға арналған "Нұрлы жол" мемлекеттік бағдарламасын бекіту туралы Жарлыққа қол қойғанына да он жылға жуық уақыт болды. Сол аралықта бағдарлама үлкен сынақтан өтіп, жаңартылып та үлгерді.

    Елбасы жариялаған "Нұрлы жол - болашаққа бастар жол" атты Жолдауынан туындаған бағдарлама Қазақстанның макроөңірлерін біріктіру және бірыңғай нарықты қалыптастыруға негізделген жаңа экономикалық саясатты іске асыруға бағытталғаны белгілі. 

   Бағдарлама ең бастысы экономика өсіміне жағдай жасай отырып, қазіргі бар жұмыс орындарын сақтайды және жаңа жұмыс орындарын ашуды қамтамасыз етіп, іскерлік белсенділікті, өнімділікті және елдің транзиттік әлеуетін арттырып келеді.

   "Нұрлы жол" бағдарламасы негізінен экономикалық дағдарыстың алдын алып, барша қазақстандықтардың әлеуметтік ахуалын жақсарту үшін жұмыс жасайды. Дәл осындай маңызды бағыттың аясында бағдарламаның негізгі міндеттері де ай­қындалған болатын. Атап айтқанда, тиім­ді көліктік-логистикалық инфрақұрылымды құру, индустриялық және туристік инфрақұрылымды дамыту және бірыңғай электр энергетикасы жүйесін дамыту шең­берінде энергетикалық инфрақұрылымды нығайту шараларын қарастырады. Оған қоса, тұрғын үй-коммуналдық шар­уашылық инфрақұрылымын жаңғырту, азаматтардың тұрғын үйге қолже­тім­ді­лі­гін арттыру, сондай-ақ білім беру саласының инфрақұрылымын дамыту мәселелері де бағдарлама барысында жандана түспек. Тағы бір айта кетерлігі, ағымдағы экономикалық жағдайды ескере отырып, "Нұрлы жол" бағдарламасы өңдеу өнер­кә­сібі салаларының жекелеген секторларын, агроөнеркәсіп кешенін экспортаушыларды қолдау шараларын, сондай-ақ ішкі на­рықты қорғау және геологиялық барлауды жандандыру мәселелерін де қамтиды.

 

   

     Қызылорда облысы бүгінде көшін түзеп, күшке күш, қарқынға қарқын қо­сып келеді. Мәселен, мемлекет тарапынан ұсынған 2015-2019 жылдарға арнал­ған ҚР-ның индустриялық-иннова­ция­лық даму бағдарламасының аясында жалпы құны 623 млрд. теңгені құрайтын 26 жоба орындалуда. Үдемелі жобадан бүгінгі күні бесеуі нақты жүзеге ас­қан. Оның ішінде 2017 жылы 280 млн. теңгені құ­рай­тын 2 жоба Арал ау­да­­нында іске қо­сыл­ған болатын. Біз ай­тып отырған асфальтобетон зауыты мен қаптама кірпіш өн­дірісінде жаңа 62 жұмыс құрылып, халықтың еңбек етуіне мүмкіндік беріп отыр. Нәтижесі де жа­­ман емес. Жалпы, инвестициялық жо­­балардың жүзеге асуы­ның арқасында Сыр өңірі өркендеуде. Тіп­ті, бірнеше саланың алға жылжып ке­ле жатқанын аңғаруға болады. Осы орайда айта кету керек, бұрын индустриялық жобалар 8 елге өнімдерін экспорттаса, алдыңғы жылдан бастап 11 елге өнім­де­рін экспортқа шығара бастады. Демек, жұ­мыла көтерген жүк жеңілденіп, оң нәтижесін дәл уақытында көрсетуде. Бұл өз кезегінде облыс экономикасының қуа­тына қуат қосып, халықтың әлеумет­тік жағдайын жақсартып, шағын және орта кәсіптің дамуына өзіндік үлесін қосып келеді.

   Биыл облыс үшін айтарлықтай жағымды жаңалықтар көп. Соның бірі - ин­дус­трияландыру картасының екінші бесжылдығы аясында өнімі экспортқа бағытталған бірнеше ірі жобалардың іске қо­сылуы. Экспортқа иек арту - экономикамыздың және қаржылық тұ­рақ­тылығымыздың негізгі факторы. Жә­не тауарды экспорттау арқылы сыртқы байланыстың нығаюына, жаңа идеялар мен технологиялардың ағымын қамта­ма­сыз етуге мүмкіндік берері сөзсіз. Ал, Қы­зылорда облысында құны 36,7 млрд. теңгені құрайтын шы­ны зауыты жүзеге аса­тын ірі жобаның бірі десек қателеспейміз. Шыны зауытының аясында 226 адам жұмыспен қамтылуы жоспарлануда. Бой кө­теріп келе жатқан зауыт Орталық Азия және ТМД елдерінде баламасы жоқ ең үлкен шыны шығаратын орын болмақ. Енді зауыттың алға жылжып, қызу жұмыстың басталуын көпшілік асыға күтуде. Осы орайда қытайлық "Чайна Триумф" және "Orda Glass Itd" ЖШС арасында меморандумға қол қойып, алдыңғы жылдың маусымында екі кәсіп­орын мердігерлік келісім орнатқан еді. Қазір құрылысы қарқынды, сегіз қосал­қы мердігер компаниясы құрылыс алаң­ында және 230-дан астам адам жұмыс істеуде.

   

Бейсенбі, 02 Тамыз 2018 11:23

Проактивті өмірді таңда

| Автор: 

   "Азаматтарға арналған үкімет" мем­лекеттік корпорациясы "Проактивті өмірді таңда!" республикалық акциясын бастады. Іс-шара ая­сында қызметкерлер бір ай бойы емханаларды, перзентханалар мен перинатальдық орталықтарды ара­лап, болашақ аналарға бала туу бойынша мемлекеттік қызметтер­ді проактивті тәсілмен, яғни ХҚО-ға бармай-ақ, SMS арқылы алу жолдарын түсіндіреді.

   Кезекті акция барысында корпорацияның Қызылорда облыстық филиалы мамандары "Ана мен бала" орталығына барды. Атал­­мыш қызмет бойынша ау­қымды түсіндірме жұмыстары бар­­лық аудан орталықтарында да жүргізілуде.

   Былтыр желтоқсан айында іс­ке қосылған жоба халық арасында кеңінен қолдау тапты. Бала туу бо­йынша мемлекеттік қызметтерді проактивті тәсілмен алу үшін қызмет алушылар ХҚО немесе электрондық үкімет порталындағы жеке кабинет арқылы мобильді азаматтар базасына тіркеліп, ЖСН-ін ұя­­­лы телефон нөміріне бекітіп қоюы тиіс. Сәбиі дүниеге келгеннен кейін жаңа босанған ананың те­­лефонына автоматты түрде SMS-құттықтау келіп, қызметтерді проак­тивті тәсілмен алуға ұсыныс жа­салады. Басқа мәліметтерді тір­кеуші орган тиісті ақпараттық жү­­йелерден жинап, ал өзге деректерді хабарлама арқылы ата-анадан сұрайды. Сондай-ақ телефон ар­қылы шот нөмірін жіберіп, жәр­демақыларды рәсімдеуге және ба­ла­бақшаға кезекке қоюға болады.

 

 

    Мемлекеттің басты байлықтарының бірі - татулық. Атыс-шабыстан көз ашпаған өзге елдерді көріп қазақ халқы шүкіршілік етеді. Иә, ұлтаралық қақтығыстар, діни түсініспеушіліктер айрандай ұйыған елдерің азан-қазанын шығарары белгілі. Сол үшін де қазақстандықтар достық жалауын желбіретіп, татулық тұғырынан түспей келеді. 130-дан астам ұлт пен ұлыс өкілдері көк ту астында бірігіп, берекелі де мерекелі ғұмыр кешуде. Өзге елден келген халық санының көптігіне сай, түрлі дін өкілдерінің мол болатыны аян. Соның өзінде дінаралық достыққа кірбің түспей, қазақстандықтар қонақжай қалпынан танбай келеді. Ал, Қызылорда облысында 35 түрлі ұлт өкілі бар екен. Осы сан түрлі халықтың барлығының достығына селкеу түсірмей, дінаралық қатынасты нығайтып жүрген үкіметтік емес ұйымдар да жетерлік. Облыстағы 11 этно-мәдени бірлестік­тер, оның ішінде славян, татар, корей, өзбек, неміс бірлестіктері достықты нығайтуға белсенділік танытып, ұлттар бірлігін күшейтіп келеді.

 

Тұғырынан түспеген тұрақтылық

    Түрлі діндердің достығы ділгір мәселе екені жасырын емес. Сондықтан да осы бір ауқымды әрі қиын саланы халыққа дұрыс бағытта түсіндіру үлкен қажырлы еңбекті қажет етеді. Сол үшін де Қызылорда облыстық ішкі саясат басқармасының дін мәселелерін зерттеу орталығының негізгі жұмыс мақсатына үңілуді жөн көрдік. Бұл мекеме жергілікті тұрғындарға мемлекеттік дін саясатын жеткізуде ақпараттық-түсіндірме шараларын жастармен, діни бірлестіктермен және діндарлармен, дәстүрлі емес ұстанымдағылармен, қылмыс жасағандары үшін бас бостандығынан айырыл­ғандар және олардың туыстарымен жү­йелі жұмыс жасап келеді. Сол мақсатта, дінаралық қарым-қатынасты нығайту бағытында осы жыл ішінде 1 мың 61 шара ұйымдастырып, 42 мың 492 облыс тұрғынын қамтыған. Қылмыс жасағандары үшін бас бостандығынан айырыл­ғандар және олардың туыстарымен жұмыс жасау барысында облыстағы ЗК-169 мекемелеріндегі жазасын өтеушілермен 71 кездесу өт­кізген.

   

   Ел Президенті Н.Ә. Назарбаев жариялаған бес институттық реформасының негізінде қабылданған "100 нақты қадам" Ұлт Жоспарының алғашқы 15 қадамы кәсіби мемлекеттік аппаратты құруға бағытталған. Кәсіби мемлекеттік аппарат үшін білікті де білімді, адал қызмет атқаратын мемлекеттік қызметшілермен қатар олардың моральдық-әдептілік бейнесіне жоғары талаптар қоятын жаңа этикалық ережелерді қабылдауды қажет етті. Осы орайда, Ұлт жоспарының 12 қадамына сәйкес Мемлекет Басшысының 2015 жылғы 29 желтоқсандағы жарлығы­мен мемлекеттік қызметшілердің мінез-құлық стандарт­тары белгіленген әдеп кодексі қабылданды.

  Бұл кодекс халықтың мемлекеттік органдарға сенімін нығайтуға, мемлекеттік қызметте өзара қарым-қаты­настың жоғары мәдениетін қалыптастыруға, мемлекеттік қызметшілердің әдепсіз мінез-құлық жағдайларының алдын алуға бағытталған.

  Биыл Қазақстан Республикасының мемлекеттік қыз­мет істері және сыбайлас жемқорлыққа қарсы іс-қимыл агенттігімен мемлекеттік қызметшілердің күнде­лікті жұмысында қолдануға қолайлы әдеп кодексінің қо­йын кітапшасы "Pocketbook" (Покетбук) әзірленіп, ен­гізілді.

   

   

   Күн қызарып, кеш қарая бастаса, қала көшелерін аралағанды әдетке айналдыр­ғанмын. Велосипедке мініп алып, қаланың көрікті деген жерлерін тамашалап шығамын. Жыл жылжыған сайын ажарланып келе жатқан Қызылорда расымен-ақ көркейіп келеді. Бірақ, көрер көзге түрпідей тиіп, ұлылардың есімде­рі қате жазылған көше атаулары бар  тақ­тайшаларды көріп, көте­ріңкі көңіл-күйім су сепкендей басылып қа­латыны бар. Бір ғана емес, бірнеше көше атаулары қате жазыл­ған. Оған мән беріп жат­қан халық, назар аударған билікті бай­қамадым.

  Жақында ғана өзге облыстан бір досым қалаға қонаққа келді. Су жаңа көлігі бар. Ақтө­беден филология ма­мандығын тәмамдаған. Темір тұлпарды тізгін­деп алып қаланы ара­­лап, көрікті  деген көшелерді көрсеттім. Әйткенмен, сары күнге шағылысып, әдемі үй­лерде көріксіз ілініп тұрған көше тақтай­ша­лары тұтас бір қала атына кір келтіріп тұрғандай. Ел дамуына, әдебиет пен мәде­ниеттің даңғыл жолға түсуіне септігін тигізген тұлғалар есімі өрескел қателермен таңбаланып, тіпті кей жерлерде екі түрлі атаумен берілген екен.

  - Жауаптыларға сауаттыларды таға­йындау керек екен сендерге. Бір емес, бірнеше көше қате жазылғаны не деген сұмдық? Тіпті, Зей­нолла Шүкіровтың атындағы көше басы­нан аяғына дейін қатемен жазылған. Оларды алып тастап, жаңалау керек қой. Ел ағалары бұған қалай намыстанбай жүр? Байқап қарасаңыз, осы көшеде орналасқан ұлы ақынның бюст ескерткішінде қатесіз есім жазулы тұр. Тым құрығанда соған қарамай ма?-деп, досым мені сөзбен бір қамшылап алды.

 

 

     Америкалық жазушыдан бір журналист "Сіздің ең құрметтейтін мамандығыңыз қандай?" деп сұраған екен. Сонда жазушы "көше сыпырушысы" депті. "Себебі олар болмаса күл-қоқыстан аяқ алып жүру мүмкін болмас еді. Тіпті, тұрмыстық қалдықтарынан денсаулы­ғымызға да нұқсан келуі мүмкін" деп жауап берген екен? Қызық, қазақтарға осы сұрақ қойылса не деп жауап қайырады екен. Қысқасы, айта-айта ауыз ауырған, қайта-қайта түсіндірілуден жауыр болған тазалық мәселесі неге біздің өңірде әлі әлсіреп тұр? Мәдениет деген ұғымға мән беріп қарасаңыз, көш басында тазалық­тың менмұндалап тұратыны айқын ғой. Әй, бірақ "Сананы өзгерпей, қоғамның түзу жолға түсуі қиын" деп Айдос Сарымның айтқан сөзі осындайда еріксіз ойға оралады да тұрады. Оған қатал заңның қауқары жете ме? Әлде айыппұл құнын шарықтатып жіберіп, қаланы ластаған­дарды жазаға тарту керек пе екен? Белгісіз. Бір анығы бүлдірілген, ластанған жерді тынбай тазалау үшін қызылордалық арнайы мамандар білек сыбана кіріскен.

   1994 жылғы "Қазақстан Республика­сының Азаматтық Кодексі" және 2011 жылғы "Мемлекеттік мүлік туралы" за­ңына сәйкес Қызылорда қаласы әкімді­гінің "Қызылорда қаласының тұрғын үй-коммуналдық шаруашылық және тұрғын үй инспекциясы бөлімі" мекемесіне қарасты "Қызылорда таза­лығы", "Тұрғын үй Қызылорда" және "Қазақстан Респуб­ликасының Бірінші Президенті атындағы паркі" жауапкер­шілігі шектеулі серіктес­тіктері Қызылор­да қаласының әкімінің 6.06.2018 жылғы №11226 қаулысы негі­зінде біріктіру жолымен "Қызылорда тазалығы" ЖШС болып қайта құрылған болатын. Қағана­ғына сағанағы сай болған мекеменің осылайша құрығы ұзарып, тиісінше жауапкершіліктері де арта түскен еді. Иә, үш бірдей мекеме біріккен кезде қала бюджеті 80 млн. теңгеге үнемделіп, есесіне тазалық күші едәуір жақсараты­нын әкім аппарат жиынында тілге тиек еткен еді. Содан бері де мекеме өз міндет­терін айқындап, жүйелі жұмыста­рын бастап та кеткен.

   

Сандыбай СҮЛЕЙМЕНОВ,

"Қызылорда тазалығы" ЖШС қызметкері:

    - Таңғы сағат бестен бастап біз әдет­те­гідей жұмысқа кірісеміз. Қала ішіндегі көп қабатты тұрғын үйлер және қаланың ше­тінде орналасқан мөлтек аудандарда жи­налған қо­қыстарды тазалау үшін таң ат­қаннан кеш батқанға дейін қызмет атқа­ра­мыз. Осы уақытқа дейін қала тұр­ғын­дарының тазалыққа селқос қа­рай­тын­дығын жиі байқаймын. Тіпті, таңертеңгі жиналған қоқыс жәшігі бір тәулік болмай жатып-ақ аузы-мұрнынан шығып тұра­ды. Сондық­тан да тұрғындар тарапынан таза­лық сақталғаны жөн болар еді. Әлде халыққа қоқысты тастау мәдениетін үй­ретеміз бе? Тұрмыстық қалдық­тар­дың жан-жаққа шашылып жат­қа­ны, одан бөлек адам төзгісіз иісі де айналадағы жан­дарға кері әсерін тигізіп жатады. Осыдан кейін дер кезінде, өз уақытында таудай үйіл­ген қоқысты жинау біздің міндетке кіреді. Десе де, қоқыстың жерде ша­шы­лып, төгілгенін байқаған көпші­лік кінәні өзі­нен емес, өзгеден көруді әдетке айнал­дырып алған.

     "Одежда", "Южный" "Автовокзал" маңындағы көп қабатты тұрғын үйлердің тазалығын көріп жүрсіздер. Қаншама қоқыс жәшігі тұр, сонда да тұрмыстық заттар қалдықта­ры­ның таусылатын түрі жоқ. Екі мезгіл жинап, тазалаймыз. Алайда, шашы­лып жатқан қоқыстар та­ғы да көз алдыңда тұрады. Өзіміз мекен етіп отырған жердің тазалығын көп жағ­дайда өзіміз бүлдіретініміз рас. Егер қала көркейіп, айналаның жасыл болып жан­дануын, тазалық­тың сақталуын қаласақ, өз аула­мыз­ды жинауды әдетке айналдыр­ғанымыз жөн болар еді.

Жанболат КАДЕНОВ,

қала тұрғыны:

    - Мен "Шанхай" мөлтек ауда­ны­ның тұрғынымын. Біздің аймақ­тың тазалығы шыны керек, ақсап тұр. Қала орта­лығына қарағанда лас. Көңіл бөлін­беген. Кез келген жерде қоқыстар ша­шылып жатыр. Таза­лық қызметкерлері жұмыстарына салғырт қарағандықтан ба, әйтеуір дұрыс жиналмайды. Оның үстіне жолды қазу жұмыстары жүргізілуде. Мейлі, халық игілігі үшін жүзеге асып жатқан, көзге көрінер істің бірі шығар. Десе де, қазу жұмыс­та­ры­ның орнын қайта қалпына келтіріп қоймайтыны қынжылтады. Май то­пырағы сол кү­йінше жатады, ал бұл жағдай тұрғындар үшін қолайсыз. Жүруге кедергі келті­реді. Көше маңында қоқыс салатын арнайы жәшіктер орналасқанымен, күніне таңертең бір рет қана тазала­нады. Жазғы мезгілде бұл аздық етеді. Тұр­ғын­дар тарапынан да кінә бар шығар, әйтсе де ақы тө­легеннен соң сапалы қызмет көр­сету тиісті мекеменің міндеті емес пе? Әр жерде шашылған қоқысты көргенде еріксіз ызаланасың. Не істеуге болады? Осы проблеманы жыл сайын айтамыз, бірақ мән беріп, көңіл бөліп жатқан ешкім жоқ. Баяғы жартас, сол жартас.

   ТҮЙІН. Қаламыздың таза болуы әрбір тұрғынның жауапкершілігі мен жанашырлығына байла­нысты. Одан бөлек тазалық меке­ме­сінің сапалы әрі тиянақты қызметіне де қатысты. Қай істе болмасын, "арбаны сындыр­май­тын, өгізді өлтірмейтін" жолды іздегеніміз абзал. Ол үшін қоқысты қайта өңдейтін зауыттың елімізде болуы маңызды. Алайда, бұл жүйе елге келемін дегенше біраз уақыт­тың кететіні анық. "Үйілген қоқыс­тан қашан құтыламыз?" деп дау­ры­ғып, кінәліні іздеумен әлек болып жүргенімізде, қоқысты кәдеге жаратып табыс көзіне айналдырған мемлекеттер қан­шама? Ел экономикасына қоқыс­тың өзінен қаржы түсіріп отырған елдерден үлгі алып, тәжірибесін бізге де енгізген жөн болар еді.

Ж.ҚАЛИЕВА

Сайт бойынша іздеу

Сауалнама

Күнтізбе

« Қараша 2018 »
Дс Сс Ср Бс Жм Сб Жк
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C