Айтарым бар

Исатай Минуаров, әлеуметтанушы:

    Бала өз болашағына өзі жауапты. Тиісінше, мамандығын өзі таңдауы керек (бала өзіне не керегін біледі. Егер барлығы жоспар бойынша болмаса, бала ата-анасын кінәлайды). Қазір нарық соны сезген болуы керек, көптеген оқу орталығы “дұрыс мамандық таңдауға көмектесеміз” деген сервис көрсетуді бастады.

   Нарықта қандай мамандықтарға сұраныстың мол екенін анықтап алыңыз. Мамандықты таңдағанда өте ұқыпты болыңыз.

  “ЖОО-ға мектептен соң бірден түсу міндетті” деген психологиядан арылу керек. Шетелде Gap year деген ұғым бар. Gap year бір жыл болуы мүмкін, екі-үш жылға созылуы мүмкін. Бұл уақытты мектепті енді бітірген түлек өзінің не қалайтынын, жасырын потенциалын барынша анықтауға, приоритеттерді дұрыс қою жағын ойлануға пайдаланады. Есесіне, мектеп бітірген бала сол уақыт аралығында есейіп, аз да болса студенттік шақта туындайтын қиындықтарға, стреске дайын болады. Ал біздегідей балаға мектеп бітірген жылы бірден университетке түсуді міндеттеу дұрыс емес.

 

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны                      2019жылдың І  жартыжылдығына 

Қазпочта арқылы 6 айға - 1950 теңге (қала үшін)

6 айға - 2150 теңге (аудандар үшін)

Редакция арқылы 6 айға - 1880 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Айдар Сайлауов 

Жүлдызай Қалиева

Абзал Жолтерек

Нұрболат Қоймағанбетов


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Әлеумет

Әлеумет (151)

   

   Денсаулық сақтау жүйесінің сапалы әрі қолжетімді болуы адамзат үшін маңызды. Себебі, күннен күнге жасарып келе жатқан түрлі аурулардың өршуі тек бір ғана жанға емес, тұтас ел үшін өз залалын берері сөзсіз. Сондықтан да денсаулық сақтау жүйесіне жаңа тыныс керек. Көп ұзартпай Елбасы Қазақстан Республикасының денсаулық сақтау саласын дамытудың 2016-2019 жылдарға арналған "Денсаулық" бағдарламасын жүйеге енгізіп, қазақстандықтарды қуантқан еді. Бүгінде біз күткен жаңа бастаманың қарқынды жүзеге асуы халыққа аурудың алдын алу мен ем алуына мүмкіндік беруде. Халық денсаулығының деңгейі елдің әлеуметтік-экономикалық, мәдени және индустриялық даму шамасын айқындайды. Сондай-ақ медициналық көмек көрсетудің сапасын жақсарту, халықтың әл-ауқатының тұрақты өсуін бақылау - бағдарламаның негізгі басымдықтарының бірі.

   Мемлекеттік бағдарламаның басты индикаторы - 2019 жылға дейін орташа өмір сүру ұзақтығын 73 жасқа жеткізу. Медициналық қызметтің сапасы осы ретте үлкен рөл ат­қарады. Олардың ішінде медициналық ұйымдардың материалдық-техникалық жабдықталуын, сала мамандарының кәсіби біліктілігін, медициналық көмекті ұйымдастыру мен көрсетуді басқарудың заманауи технологияларын енгізуді атап өткен жөн. Десе де, соңғы үш жылда облысымыздағы тұрғындардың өмір сүру ұзақтығы көтеріліп келе жатқаны көңіл көншітеді. 2014 жылы 71,06 жастан 2017 жылы 72,2 жасқа дейін тұрақты көтерілу деңгейі байқалуда. Қызылорда облыстық денсаулық сақтау басқармасының баспасөз хатшысы Нұржамал Бектайқызының бізге берген мәліметіне сүйенсек, облыстағы "Денсаулық" мемлекеттік бағдарламасына 2017 жылы 5 967 255 мың теңге бөлініп, 100% игерілген. Ал, ағымдағы жылы 2 342 690 мың теңге қарас­тырылып, бірінші тоқсанның жоспарын жүзеге асырды. Сонымен қатар, бағдарламаның орындалуы ая­сында облыстық бюджеттен 2,5 млрд. теңгеге және 4 млрд. теңгеден астам қаржыға лизинг арқылы құрал-жабдықтар сатып алынып, медициналық ұйымдардың материалдық техникалық базалары нығайтылды. Атқарылған жұмыстар нәтижесінде медициналық ұйымдардың құрал жабдықтармен жарақтандыру көр­сеткіші 78 пайызға дейін өсіп отыр. Бұл өңірдегі медицина саласының дамуына, түрлі аурулардың алдын алуға сеп­тігін тигізері анық. Дертіне шипа іздеушілер алыстан қа­жетті ем-домды күтпей-ақ жақын маңнан мамандандырылған сапалы қызметті өз игілі­гіне пайдалана алатынына се­нім­діміз. Қазіргі таңда жіті мио­кард инфаркты, инсульт, қатерлі ісік, жарақаттар, жүкті әйелдер мен перинаталдық кезеңнің патологиялары сынды аурулардың әлем бойынша кең таралып, күрт өсіп келе жат­қандығы алаңдатарлық мә­селе. Тіпті, бұл аурулар өлім-жі­тімнің 52 пайызын құрап отыр. Медицинаның міндеті дер кезінде көмек көрсету. Сөз­ден іске көшетін кез келген соң, аталған 5 негізгі нозологиясы бойынша жол карталары әзірленіп, профильді ғылыми орталықтармен келі­сіп, 2017 жылдың аяғында қай­та өзектендірілген болатын. Нақты ақпаратқа сүйенсек, облыс және қала бойынша 1000 тұрғынға шаққандағы жалпы өлім-жітім көрсеткіші 1,7-ні құрады. Бұл - 4 айдың нәтижесі. Өткен жылы да көр­сеткіш осындай болған еді. Де­мек, өлім-жітім деңгейі бір­қа­лыпты, дегенмен де тиісті ша­раларды жүргізіп, халыққа жағдай жасауды тоқтатпағанымыз жөн. Ал, қан айналым жү­йесі аурулары бойынша өлім-жітім 10%-ға төмендеп, 35,0-ді құраса, аурушаңдық деңгейі 3,5%-ға төмендеп, 100 мың тұр­ғынға шаққанда 44-ті көр­се­туде. Айта кетейік, облыс бо­йынша қатерлі ісік ауруларымен ауыратын науқастардың 5 жылдан аса өмір сүру көрсеткіші 14,8 пайызға жоғарылады. Бұл облыс үшін жаман көрсеткіш емес. Ендігі мақ­сат қан айналым жүйесі ау­рулары себебінен болатын өлім-жітімді төмендету және Арал, Қазалы, Қармақшы аудан­дарының және Байқоңыр қаласының тұрғындарына мамандандырылған медициналық көмектің қолжетім­ді­лі­гін арттыру. Осы орайда Қазалы аудандық орталық ауруханасы базасында терішілік араласу бөлімшесін ашу жоспарланып отыр.

 

 

   Бүгінде заман талабына сай жаңа салаларды жаңарып келеді. Елбасы барлық бағдарламаларды қоғамға икемдеп, ел әлеуетінің жақсаруы үшін батыл қадамдар мен тың идеяларды өмірге әкелуде. Солардың ішінде Нұрсұлтан Назарбаевтың "Төр­тінші өнеркәсіптік революция жағдайындағы дамудың жаңа мүмкін­діктері" атты Жолдауындағы тапсырмалары жүйелі орындалуда. Осы бағытта және Қызыл­орда облысының әлеуметтік-экономикалық дамуындағы атқарылған жұмыстар барысы төңірегінде экономика және бюджеттік жоспарлау басқармасының әлеуметтік-экономикалық талдау және экономикалық жоспарлау бөлімінің бас маманы Мұрат Тұрсынбаев толықтай айтып берді.

  Бұл бағытта Қызылорда облысында атқарылған жұмыстар жетерлік. Өндіріс­тік революцияны дамыту жолында Сыр елі талай істі бастап, көптеген шаруалар­ға нүкте қойған. Оған М.Тұрсынбаевтың айтқан ақпаратына қарап көз жеткіздік.

  - Елбасының биылғы Жолдауы мемлекетімізді одан әрі дамыту жолында баршамызға зор міндеттер жүктеді. Осы міндеттер мен тапсырмаларды іске асыру арқылы еліміз әлемнің бәсекеге қабілетті 30 елінің қатарында болу мақсатына қол жеткізе алатын болады. Және де "Қазақстан - 2050" даму стратегиясы, "100 нақты қадам" Ұлт жоспарын, "Болашақ­қа бағдар: рухани жаңғыру" бағдарламалық мақаласы елімізде жүргізіліп жат­қан жаңғыру үдерістерінің жалғасы. Осы мін­деттерді орындауда өңірде атқарылып жат­қан шараларға келсек, елеулі жетіс­тік­тер бар. Кен орындарының табиғи сар­қылу салдарынан мұнай өнімі көлемінің азаюына байланысты аймақ экономикасының құрылымын өзгертуге, яғни әртараптандыруға бағытталған шаралар қарқынды жүруде. Өнеркәсіптің өңдеуші секторын дамытуда бәсекеге қабілетті экс­порттық өндірістер ашу жұмыстары жолға қойылған. Осы тұрғыда Индустрияландыру бағдарламасының зор ықпалын атап айту керек. Индустрияландыру бағдарламасының І және ІІ бесжылдығы шеңберінде жалпы құны 85,4 млрд. теңге болатын 22 жоба жүзеге асырылды. 1,7 мыңға тарта жұмыс орындары құрылды. Осы бағдарлама аясында өңірімізде жаңа технологияларды енгізіп, жұмыс жасауды бастаған кәсіпорындар ашылуда. Со­ның арқасында жаңа өнім түрлері көбею­де. Ағымдағы жылдың өзінде 4 жобаны іс­ке қосу жоспарлануда. Олар - молибден шығаратын зауыты, шыны, тампонажды цемент, балық өңдеу зауыттары. Сонымен қатар, жақында Арал қаласындағы кальцийленген сода өндірісі зауытының құрылысы басталды. Аталған зауыт еліміздің осы тауарға қажеттілікті 75 пайыз қамтитын болады,- деп елдегі елеу­лі жұмыстарды тілге тиек етті.

   

 

   

     Жайдары жаз мезгілі де­малу­шылар мен туристердің ең қолайлы уақыты. Табиғаттың тылсымы, көрікті жерлер, көк тіреген таулар мен аспанға жалғасқан су айдындары алыс­тан-ақ менмұндалап тұрады. Осындай жарнамасы жер жа­ратын демалыс орын­дарының арасында Қамбаш көлінің де өзіндік орны бар. Біразынан бәсі биік те...

     Оған дәлел Қазақстан Республикасы Премьер-министрінің бірінші орын­басары Асқар Мамин жұмыс сапарымен Сыр өңірінде, оның ішінде Қамбашқа келіп табан тіреуі. Ол алдымен Арал ауданы, Қамыстыбас елді мекеніне ат басын бұрып, аймақтағы туризм индустрия­сын дамытуға арналған бірқа­тар жобалармен танысып өтті. Осы тұста Үкімет басшылы­ғының Қамбаш көлінің турис­тік әлеуетін жақсартуға күш салып жатқанын толық аңға­руға болады. А.Маминге Қамбаш көлі, Байқоңыр ке­шені және де өзге туристік орындардың жоспарлары таныстырылып, болашағы жарқын жобалар көрсетілді.

   Содан соң, нақтырақ айтсақ, 13 шілде күні Қамбаш көлінің жағасында Арал өңірі балықшыларының ІV слеті өтті. Негізінен, өңір үшін балық өнімі алтындай қадірлі. Сон­дықтан балықшылар тойы дүркіретіп тойланады. Қазіргі таңда, Арал теңізінен жылына 8 мың тонна балық ауланып, балық өнімдерін өңдейтін 8 зауыт жұмыс істеп тұр. Экс­портты арттыру мақса­тында Ульяновск облысының Дмит­ровград қаласында Аралдың балығын өңдейтін зауыт салынған. Ал, өңделген ба­лықтар Ресей, Грузия, Әзір­байжан, Дания, Польша мен Қытай елдеріне экспорт­талады. Ішкі сұраныс та толық қанағаттандырылған.

   

    Қазақтың асыл қасиеті жомарттылық пен кеңпейілділік деп түйсініп жүргенімізбен, шындығына келгенде өзгеден бұрын өз жайын ойға алатындар қатары көп. Бүгінде көмекке зәру жандарға жәрдемдесу қалыпты тіршіліктен арылып бара жатқандай. Алайда, қоғамның бел ортасында жүріп, ел ішінде мейірімділігімен айналасына қол ұшын созып жүретін белсенділер де баршылық. Біз мұны "еріктілер" деп елден ерекшелеп, елеулі еңбегін көпке үлгі етіп жүрміз. Бірақ, шындығы солай ма?!

   Жалпы, ерікті дегеніміз кім? Олар немен айналысады? Мақсаттары қандай? Қоғамға қаншалықты қажет? Көптің ой санасында жүрген осы тектес сұрақтардың барын іштей сезгенмен, тереңіне үңіле бермейтініміз ақиқат. Біз де осы төңірекке топтасқан сауалға жауап табуға тырыстық.

   Еске түсірейікші. Ерте уақытта көмек сұраған адамдарға қыстақ салып, той-думан шараларына білек-сыбанып, балақты түріп қызмет ететін жандар аз болмады. Түпкі мақсаты - түрлі жастағы және әртүрлі әлеуметтік ахуалы бар адамдарды бір істе біріктіру және мұқтаж жандарға қол ұшын созу. Қарап отырсаңыз, мұның бәрі қазіргі біз айтып жүрген ерікті көмек беру идеясының алғашқы қадамдары се­кілді. Уақыт өтіп, жылдар жылжыған сайын қоғамға қол ұшын беру, көпке жәрдем қылу деген тек бірге туған ағайын арасында ғана сақталғандай. Бірақ, бүгінгінің ұғымы бөлек, бағыты басқа. Ол - еріктілер қызметі.

Абзал МЫРЗАЛЫ,

қала тұрғыны:

- Қамбаш көлі республикаға танымал демалыс орнына айналып келеді. Жақында ғана бәрі мақтаған көлде мен де дем алып қайттым. Көл суы көңілімнен шықты. Жүзу білетінімнің арқасында су айды­нының ортасына дейін барып, әріптестерімізбен жарыс та ұйым­даст­­ырдық. Су бетінде доп ойнап, қайықпен қыдырып жүрген жұрттың қарасы қалың. Бәрі де көңілді. Менің де көңіл-күйім көтеріңкі болып, уақытты жақсы өткіздім.

Бірақ, жағалау жайына оң баға бере алмаймын. Өйткені шашыл­ған шыны ыдыстар, қоқыс заттары аяқ сүріндіреді. Судан шығып көлеңкелейтін шатыр да жоқ. "Табиғатты ластамайық" деп сусыннан босаған қоқысты тастайтын орын таппай да дал болғаным бар. Айтатыны жоқ, қызметтік сервис нашар. Шет елдердің жағажай­ла­рына қарап қызығасың. Талғамға сай жасалған бар, би кештері, ойын алаңдары бәрі ретімен ұйымдастырылған. Сондай дүниені Қамбашқа әкелсе керемет болар еді. Тек осының барлығын қолға алып, жүйелі жұмыс жасайтын ақшамен емес, ақылмен іс істейтін кәсіпкерлер керек секілді.

Жергілікті тұрғындардың көбі осында келіп, жақсы табыс тауып жатқанын көрдік. Тек белгіленген бағаға сай жақсы қызмет болса дейміз. Себебі көл жағасында да, жалдамалы үйлерде де душ атаулы атымен жоқ. Ал, таза судың өзін құдықтан тасып пайдаланады. Мұның бәрі талғампаз тұтынушылардың көңілінен шыға қой­майтыны белгілі. Туризмді тек көлге келіп, шомылумен шатас­тыратын болсақ, мына түрімізбен алысқа бара алмаймыз.

 

Мейрамбек Төреханов

жеке кәсіпкер

- Менің өзім осы жерде, Қамбаш жағалауында қызмет жасап жүргеніме бес жылға таяп қалыпты. Әуелгіде ағаш үйлерді құратынбыз. Тіпті түйе өркешіндей төбе-төбе үйлерден жағалау көрінбей­тін. Ол кезде Арал ауданының халқы, әрісі Қазалы азаматтары келіп дем алатын. Отыз екі тістен шық­қан сөз отыз рулы елге жайылатыны белгілі ғой. Ауыздан-ауызға тараған Қамбаш көлінің шипалы суы бүгінде республикаға белгілі болды десем артық айтпағаным болар. Себебі осы көлдің атын естіп, алыстан келіп демалушылар және туристер жетерлік.

Ұсақ-түйек кемшіліктер баршылық. Дегенмен де менің қонағым болып, қызметімізді пайда­лан­ғандар риза болып кетіп жатады. Базынасын ай­тып, ренішін білдіргендер болған жоқ. Біз шүкір дей­міз. Көл жағасы күн сайын көрік алып, бұ­рынғыға қарағанда қарыштап келеді. Жаға­лау­да­ғылардың көбі өз қаржыларына жұмыс бас­та­ған. Қолдарынан келген үйді тұр­ғызып, алыстан ат терлетіп келгендерге қызмет көрсетіп жүр. Мұн­да туризм саласын оқып келіп, кәсіби қызмет жасап жүрген ешкім жоқ. Бәрі ауыл тұрғындары.

Менің өзім Қамыстыбастың тұрғынымын. Біздің ауылдың атын шығарып, елдегі азаматтарға жұмыс тауып берген осындай көл барына мар­қайып қоямын. Бұрын сенделіп қала кезіп кететін жастар жаз мезгілінде ауыл жанынан-ақ қаржы тауып жүр.

Түйін. Сыр еліндегі туристік орындар саусақпен санарлық. Турист тарту біздің өңірде кенжелеп қалған сала екені белгілі. Ал, соңғы жылдары Байқоңыр, Қамбаш, Қаратау, Бәйгеқұм сынды орындар көпшілікке таныс. Өзге өңірдегі демалуды жаны сүйетін жандар ағылып келуде. Тек бір келген адам келесі жолы қайта келуі үшін сапалы қызмет көрсетілуі тиіс. Туризмнен түсетін түсім ел экономикасына пайда әкелер еді. Сондықтан қолда барда алтынның қадірін білу осы кезде маңызды болып тұр.

Айдар САЙЛАУОВ

 

  С.МОЛДАҚАРАЕВ,

  Қызылорда облысы ТЖД бастығының орынбасары:

- Ыстық ауа-райында суға шо­мы­лушылардың да саны арта тү­седі. Бірақ, оның қауіптілігі де жо­ға­ры. Облыс бойынша 2018 жыл­дың басынан бастап 8 адам суға кеткен, оның 2-еуі бала. Күн­делікті кү­­шейтілген режим­нің нәтиже­сінде 13 тұрғын су бе­тінен құтқа­рыл­ды. Аймақтағы тө­тенше жағ­дай­лар департа­мен­ті суға шомылу маусымы қарса­ңында демалыссыз әрі үздіксіз жұмыс жасауда. Тіпті өрт сөн­діру­шілер мен жергілікті поли­ция және еріктілер де осы жұ­мысқа тартылды.

Департамент пен жедел құт­қару жасағының қызметкерлері жазғы суға түсу маусымында қай­ғылы оқиғалардың орын алмауы үшін тынымсыз тер төгуде. Қа­зіргі кезде облыстың барлық ау­ма­ғында ке­зекшілік таңғы сағат сегізден түнгі он бірге дейін ұйым­дастырылуда. Тұрақты түр­де жүргізіліп жатқан рейд, про­фи­лактикалық шараларға қара­мас­тан суда қаза болғандардың саны азаяр емес.

Судағы қауіпсіздік ережесі та­лап­та­рының сақталмауынан тө­тенше жағдайлар жиі орын алады. Тіпті кейбір тұрғындар ескертуге қара­мас­тан қауіпті аймақта шо­мылуды тияр емес.

 

  Ақылжан АБАБҮКІРОВ,

  қала тұрғыны:

- Соңғы күндері еліміздегі ыс­тық көп адамды әбігерге салды. Оның ішінде мен де бармын. Апта бойғы аптаптан, ми қайна­тар­лық шілденің ші­ліңгір күні­нен қашып көлеңке іздеумен бол­дым. Соның өзінде басыма күн өтіп, ауруханадан бір-ақ шықтым. Ауа райын болжау­шы­лар күн ыс­тық боларын ескертті. Де­ген­мен мұншалықты 50 градустан асып кететінін айтпап еді. Кейбір жер­лерде температура 60-ты көр­сетіп тұрды. Оған дәлелім де бар. Сон­дықтан денсаулыққа кері әсе­рін тигізетін аптап ыстықтан абай­ла­ған жөн. Тиісті орындар ауа-ра­йы­ның қанша температура бол­ғанын жасырмай, нақты айтса, біз секілді қала тұрғындары алаң­дамай жүрер еді.

Әрине, күн ысығаннан кейін адам суға бармағанда қайтеді? Қалада суға түсуге рұқсат берілген жер санаулы ғана. Қауіпті жерлер көп. Тиісті орындар адамдар үшін суға түсетін орындарды көбейтіп, ондағы қауіпсіздік шараларын жақ­сартса жөн болар еді. Суға көп адамның кетуі қалай жұмыс жасалып жатқа­нын дәлелдейді. Қауіпсіздік шарала­ры дұрыстап жолға қойылса, суға кету дерек­тері де болмас еді.

  ТҮЙІН. Ауа-райы адам қолымен реттелетін дүние емес. Әйтсе де, Қызылорданың экологиялық жағдайы осындай аптап пен қапырық ыстықты туындатып отырғаны жасырын емес. Бергісі Байқоңыр, әрісі Аралдан келетін қауіптің зардабын халық әлі күнге тартып келеді. Қысы қытымыр, ал жаздың жайы мынау.

Бұдан бөлек, тұрғындардың басым бөлігі ауа-райы жөнінде тез әрі нақты ақпараттың болғанын қалайды. БАҚ арқылы жарияланған болжамдар мен өмірдегі ауа-райы көрсеткіштері сәйкес келе бермейді. Осы мәселе реттелсе, денсаулығына алаңдаған елдің көңілі бір орынға түсер ме еді?

Айдар САЙЛАУОВ

Сейсенбі, 17 Шілде 2018 13:46

ОҢАЙ ОЛЖА ОРҒА ЖЫҚПАСЫН

| Автор: 

 

   

    "Үйде отырып ақша тапқыңыз келе ме? Мен саған барлы­ғын үйретемін. Тек менің командама тіркелсең болды. Небәрі 21 күнде 200 мың теңгеге дейін табыс аласың, одан бөлек бонус пен сыйлықтар беріледі...". Желілік маркетингті биз­нес­ке айналдырған жетекшінің алғашқы сөзі әдетте осылай басталады. Мүмкін, бұл сөздерді сіз де естіген шығарсыз.

   Бүгінде желілік маркетинг ұғымы елімізде кеңінен қанат жайды. Алғашқы жылдарда желілік маркетинг арқылы пайда тапқан адамдарға күмәнмен қарап, бұл істің олжа бермейтініне сенімді едік. Десе де, бергі 5-6 жылдың көле­мінде қазақстандықтар да желі арқылы жетістікке жетіп, өз-өзін жұмыспен қамтамасыз етіп отырған жандардың бар екендігіне көзіміз жетті. Сонымен желілік маркетингтің тари­хына үңілсек. Ең алғаш 1945 жылы АҚШ-та пайда болған. Ол тікелей тауар жеткізу арқылы өнімді арзан бағада сау­далауға мүмкіндік береді. АҚШ, Ұлыбритания, Франция, Италия, Ресей елдерінде қарыштап дамыған бұл жүйе адам­дардың ой еңбегімен қаржы табуына қызмет еткен. Белгілі бір компанияға тіркеліп, тікелей сауда жасау арқылы табыс­қа кенеліп, қалтаңызды ақшамен қампайтуға болады.

   Қазіргі таңда шетелдік "Oriflame", "Mary kay", "Avon", "Faberlic" жә­не соңғы уақытта "NL Interna­tio­nal" ком­панияларының тұтынушылары мен менеджерлері көбеюде. Олар өз­деріне берілген мүмкіндікті қолда­нып, интернет саудамен айналысады. Бір жағынан өз-өзін жұ­мыс­пен қамтушылар қатарынан табылады. Жұмыссыздар саны аза­йып жатса, әрине қуанасың. Дегенмен желінің жетегіне кетіп, оңай жолмен олжа табуды мақсат еткендер алаяқ­тықтың құрбаны болып жатады.

 

   Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агентті­гінің Қызылорда облысы бойынша департаментінің баспасөз хатшысы Бағдат Әбдіқадыровтің таратқан мәліметіне сенсек, Қызылорда облысында биылғы жылдың І жарты жылдығында мемлекеттік көрсетілетін қызметтер саласында әкімшілік құқық бұзушылыққа ең көп жол берген ауылшаруашылығы саласы болып отыр екен. Мемлекеттік көрсетілетін қызметтер саласында жүргі­зілген сыртқы бақылау және мониторингтеу жұмыстары қорытындысымен облыстың ауылшаруашылығы саласында әкімшілік құқық бұзушылықтың жоғары екендігі анықталған.

   Дәлел бар. Маусым айының өзінде мемлекеттік көрсетілетін қызметтер туралы заңнама талаптарын бұзғаны үшін департамент 4 лауазымды тұлғаға қатысты 6 әкім­шілік хаттама толтырыпты. Солардың ішінде Қармақшы ауданындағы аумақтық инспекциямен жасалған әкім­шілік құқық бұзушылық бойынша инспекция басшысының міндетін атқарушыға 33670 теңгеге хаттама толтырылған. Өткен жолы Қармақшы ауданында бала­бақ­шаның дауы көпшілікті ойландырып тастап еді. Енді тағы ауданның аты заң бұзушылыққа қатысты шығып отыр.

А.Сырлыбай

Сейсенбі, 17 Шілде 2018 13:14

ҚОСШЫҢЫРАУ ӨРКЕНДЕУ ЖОЛЫНДА

| Автор: 

 

  Ерке Есілдің қос қа­натында қарыштап дамыған Астана қаласы биыл жиырма жасқа тол­ды. Жігіт жасына кел­­ген ел жүрегі, ха­лық­тың тілегі мен тіре­гі болған Елорда бү­гінде әлем назарында. Сондықтан да бас қа­ланың мерейтойы республика бойынша үл­кен деңгейде тойланды. Әйтсе де, ауылдық жерлер мен шағын елді мекендердегі отандастарымыз да қарап қалған жоқ. Олар да өз елдеріндегі сахна төрінде Астана қаласының құр­­метіне әннен шашу ша­шып, жырдан күм­без тұрғызды.

   Соның ішінде Қосшыңырау ауылының тұрғындары да биыл белсенділік танытты. Ауылдың қақ ортасында, ашық аспан астында сахна құрып, елдің үлкен-кішісі түгелдей жи­налды. Әуелеген ән, тілектер мен лебіздер Ас­танаға арналып, кон­­церттік қойылым қойылды. А.Тоқмағамбетов атындағы мәде­ниет Үйінің өнерпаздары ауыл тұрғындарына әннен шашу шашып, жан­­ды дауыста өнер көр­сетті. Жиналған халықтың көбі жастар. Ауыл үл­кендері де Астана кү­нін ерекше сезіммен атап өтіп, ел басқарып отырған азаматтарға ал­ғысын білдірді. Себебі жа­қында ғана ауыл кіреберісіндегі жолға тас тө­сеніш төгіліп, жолға күр­делі жөндеу жұмыстары жа­салған. Бұрынғы тесік-шұқырлы жолдан мезі бол­ған халық "қазіргі     ах­уа­­лымыз шүкір" деп жатты.

 

       Сыр жағалауында қанат жайған Қызылорда жыл өткен сайын көркейіп, қарыштап дамуда. Экономикалық даму көрсеткішінің өсуі - халықтың тұрмыс-тіршілігінің күннен-күнге жақсарып келе жатқанының кепілі. Қаладағы әсем де биік ғимараттар өңірдің оң имиджін қалыптас­тыруына серпін беріп отыр. Мұның барлығы - аймақ басшысының жүйелі әрі нәтижелі жұмыс жүргізуінің жемісі.

  "Мемлекет басшысы Қазақстан хал­қына Жолдауында цифрландыруға ерекше назар аудара отырып, 10 негізгі міндетті алға қойды. Сонымен қатар, цифрландырудағы басымдық беретін негізгі көрсеткіштердің бірі қоғамның барлық салаларында, соның ішінде бизнесті дамытуда қызмет көр­сетудің және дұрыс шешімдер қабылдау тәсілдерінің барлық аспектіле­рін­де сандық қызметті кеңінен енгізу болып табылады. Сондықтан жұмысымыздың негізгі бағыттарының бірі ретінде - жаппай кәсіпкерлікті дамытуды, әсіресе ауылдық жерлерде осы саланы өркендетуді көздейді. Биыл біз өңірде жаппай кәсіпкерлікті дамыту жылын жариялауды жоспарлап отырмыз, себебі біз үшін бұл өте маңызды мәселе", - деген болатын облыс әкімі Қ.Көшербаев. Осындай шешімге келуінің шарапаты кәсіпкерлік нысандардың көбейіп, өңірдің өркендеуіне жол ашып отыр. Осы бағытта Қы­­зылорда облысында жыл басынан бері кәсіпкерлікті дамытудың Жол картасы әзірленді. Жергілікті кәсіпкер­лер­ді қолдау үшін облыстың тауар өн­дірушілерінің каталогы құрылды, да­йын бизнес-жобалар бар және өңірдегі бұ­қаралық ақпарат құралдарында бизнесті бастау туралы практикалық ұсыныстар жарияланып, шалғай елді мекендердегі кәсіпкерлер үшін қашықтан кеңес беруді іске қосты. Айта кету керек, жол картасы он екі бөлімнен тұрады. Белгіленген бағыт бойынша кәсіп ашуды мақсат еткен халықты оқытады. Кәсіпкерлерге қаржылай қолдау көрсетуге, экономиканың түрлі салаларында жобаларды жүзеге асыруға, шыға­рыл­ған өнімді сатуды қамтамасыз етуге, аймақ аралық әріптестікті дамыту, ақ­параттық қолдауға, сондай-ақ сауданы дамыту, шағын және орта бизнес субъектілері үшін әкімшілік кедергілерді қысқартуға жәрдем беретіні сөз­сіз. Жыл басынан бері атқарылып келе жатқан жұмыстар қысқа мерзімде өз нәтижесін беріп те үлгерді. Статистикалық мәліметтерге сүйенсек, 2018 жыл­­дың алғашқы екі айында тіркелген шағын және орта кәсіпкерлік субъекті­лерінің саны 50530 бірлікті құрап, өт­кен жылдың тиісті кезеңімен салыс­тыр­ғанда 5,6%-ға артқан. Оның ішінде шағын және орта бизнесте жұмыс істеп тұрған субъектілерінің саны былтырғы жылмен салыстырғанда 8%-ға артқан. Ал, сәуір айында облыста 1717 жеке кәсіпкер, 60 шаруа қожалығы және 176 жа­уапкершілігі шектеулі серіктестіктері құрылды. Бұл облысымызда кә­сіп­керлікке кең жол ашылғанын және кә­сіпкерлікті дамыту арқылы аймақтың әлеуметтік әл-ауқатының артатындығына әрі өңір экономикасының дамуы­на тың серпін беретінін көрсетеді.

   

Сайт бойынша іздеу

Сауалнама

Күнтізбе

« Қараша 2018 »
Дс Сс Ср Бс Жм Сб Жк
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C