Газеттің ПДФ нұсқасы

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны

Қазпочта арқылы 6 айға - 1680 теңге(қала үшін)

6 айға - 1800 теңге (аудандар үшін)

Редакция арқылы 6 айға - 1560 теңге

Редакцияға хат

Email:
Тақырып:
Текст:
Әлеумет

Әлеумет (75)

   Бүгінде журналистика өтпелі кезеңде не әрі, не бері өте алмай тұр. Ақпараттық нарық күн санап БАҚ-тың қай бағытын (газет, телевидение, интернет) болмасын, ескішілдіктен арылып, бәсекелес­тікке баруға шақырып тұр. Сол себепті болар, қазір "сөзде сый, қаламда қадыр қалмай барады" дегенді жиі еститін болдық. Бұл "бүгінгі БАҚ-қа берілген баға шығар" деп болжауға болады. Себебі кеңестік кезеңдегі журналистикаға мұндай анықтама бере алмаспыз. Оқырманды отты материалдармен оқыта білген кеңестік БАҚ-ты әлі де аңсау бүгінгі осалдығымызды байқатып қойғандай әсер береді. Өткен мен бүгіннің арасы бөлек әңгіме.

    Біз бүгін журналистердің кәсіби мереке қарсаңында көптің мұнын мұндап, жоғын жоқтайтын журналистердің ортақ проблемасын сөз еткенді құп көрдік.

   Рас, төртінші билік деп төрге шыққанмен тілшілердің әлеуметтік статусын әлі де айқындай алмай келеміз. Елге белгілі журналистердің өзі тісін батырып та, сыпайылап та жеткізгенімен жағдайдың оңалатын түрі жоқ. Нақты мына күні "журналистердің мәртебесі айқындалады" деп кесіп айта алмаймыз. Эфирде әдемі киім киіп, жайлы редакцияға жайғасқанмен, журналистердің басым бөлігінде баспана жоқ. Бұл барлық БАҚ-тың басты проблемасы. Жылт еткен жаңалықты жұмыр басты пендеге бірінші болып сүйіншілейтін журналистердің баспаналы боламыз деген бақытты күні қашан келер екен? Өткен жылы ҚР Экономика министрі Қуандық Бишімбаев "журналистерге баспана беру бойынша арнайы шарттарды даярлауға да­йынбыз" деп журналистерді жігерлендіріп қойып еді. Әттең, соны айтқан министрдің өзі істі болып тыңды.

    Хош! Журналистер жалғыз емес. ҚР Ақпарат және коммуникациялар министрлігі құрылғалы БАҚ-тың беті бермен қарағандай болды. Алдымен, министрлік БАҚ туралы заңға өзгерістер енгізуді бастады, ұлттық журналистер сыйлығын тағайындады. Бұл бір жыл ішінде атқарылған жұмыстар. Әйткенмен, БАҚ-қа баспана беру бағдарлама ретін­де беки қойған жоқ. Жақында ҚР Ақпарат және коммуникация министрі Дәурен Абаев астаналықтармен кездесу кезінде журналистерге үй беру мәселесінің шетін шығарды. Министр мәселені бір кісідей біледі. Саясатты да жақсы түсінеді. Дегенмен басқосу барысында министр журналистердің мәртебесін айқындау оң шешім табады деп сендірді.

     Табыс табудың көзін адамдар түрлі са­ладан, әр алуан өндіріс пен саудадан тауып нәпақаларын айырып жүр. Нан табамын деп қам жасағандар қа­тарында қарадомалақ бала мен қартаң тар­тқан қарияларға дейін бар. Нарықтың назары кімге ауса, сол өзіне керек өнім өндіріп, діттеген дүниесін дөң­гелетіп әкетіп жатса, айы оңынан ту­мағандар да кездеседі. Бұлар не болса да, адал еңбектің, маңдай тердің қа­дірін білетіндер. Себебі тынымсыз тір­лік етіп, алдына келгенге алақан жаймай қажырлы қайратымен қаржы тауып жүргендер.

   Қызылорда қаласында жолаушыларды және багаж­ды тұрақты автомобильмен тасымалдау тарифін белгілеу туралы баспасөз-конференциясы өтті. Талқыланған мәселе қоғамдық көліктердегі тарифті ересектерге 100 теңге, оқушыларға 50 теңге көлеміне дейін көтеру. Бұл - әзірше ұсыныс.

   Тарифтің көтерілуі себебін "Қызылорда автобус паркі" ЖШС директоры Әнуар Нақып егжей-тегжейлі түсіндіріп берді. Оның үстіне Қызылорда қаласы әкімінің орынбасары Асылбек Шәменов тариф­ті көтеру тығырықтан шығатын тиімді жол екенін айтты.

   "ЭКСПО-2017" халықаралық мамандандырылған көрмесіне орай республиканың барлық өңірінде белсенді ша­ралар атқарылуда. ТМД мемлекеттерінің арасында алғаш өткізіл­гелі отырған көрме үшін қазақстан­дық­тар аянбай еңбектенуде. Күті­ле­тін нәтиже орасан зор. Төгілген тер мен ақталар еңбектің еш кетпеуі мақ­­сатында әрбір ел азаматтары өз үлестерін қосып бағуда. Бұл қатарда қызылордалықтар да әлемдік шар­аға бел шеше кірісіп кеткен. Сыр елі бойынша да ауқымды шаралар жүзеге асып жат­қанын көзіміз көріп жүр.

   Оның үстіне көптен күткен көр­ме хақында кеңінен насихаттау және тұрғындардың қызығушылығын арттыру мақсатында, үгіт-насихат шаралары тұрақты түрде ұйымдастырылып келеді.

   Жүргізіліп жатқан жұмыстар шаш етектен. Атап айтар болсақ, көрменің ресми логотипін пайдалана отырып қала бойынша 12 жерге ақпараттық үгіт-насихат құралдарын (билборд) және қалаішілік 112 қоғамдық көлікке тақырыптық жарнамалар жабыстырылып қойылған. Осы көрме аясында Жібек жолы көшесінің бойында "Астана ЭКСПО-2017" және "ЭКСПО-2017" тақырыбымен 3 кіші архитектуралық формалар, 2 лэд қондырғы оған қоса Махамбетов ауылының кіреберісіне 30 жалауша орналастырылған. Бұ­ның бәрі дерлік аталмыш көрменің жарнамасы жақсы болуы мақсатында жасалған.

    Білім беру ұйымдарында мектеп ара­лық шығармашылық байқаулар, көр­мелер, ақпараттық сайыстар өткізілуде.

  Тіпті 8 маусым күні "ЭКСПО-2017" халықаралық мамандандырылған көрмесіне алғашқы қызылордалық көрермендер пойызға отырып, Астанаға жолға шығып та кетті. Алғашқы болу бақыты тазалық және су жүйесі мамандарының қызметкерлеріне бұйырған. Жалпы саны 37 адам. Көрменің көрермендерін шығарып салу Қызылорда темір жолында салтанатты рә­сіммен өтті. Әншілер әннен ша­шу шашып, шығарып салушылар  ақ тілек­терін білдір­ді. Тарихи сәттің куәгері болу кім-кім­ге болса да ерекше қуаныш сыйлары хақ.

    Жолаушыларға өзінің арнайы тілегімен сәт сапар білдіруге  қала әкімінің орынбасары Нұрлан Мақсұтов сөз сөйледі.

    - "ЭКСПО-2017" халықаралық ма­мандандырылған көрмесі барша қа­зақстандықтар асыға күтіп жүрген шараның бірі екенін білеміз. Бұл тәуелсіз Қазақстанның ең көлемді шарасы. Аталмыш көрме инновациялық прогресті алға жылжыту және ынтымақтастықты дамытуға бағытталған әлемдік көлемдегі іс шара. Дүниежүзілік шара жаңашылдығы және келушілер саны бойынша бірегей оқиға. Көрмеге 100-ден аса ел, 10 халықаралық ұйым, үз­дік технологиялар саласындағы алдыңғы қатардағы компаниялар қа­тысады. Осы шараға республика бо­йынша көрмеге алғашқылардың бірі болып қатысқалы отырған қызыл­ордалық көрермендерге ақ жол ті­лей­­міз. Сапарларыңыз сәтті болсын!

Сейсенбі, 06 Маусым 2017 11:34

Бала бақыты бәрінен биік

| Автор: 

     1950 жылдан бастап төрткүл дүние тойлайтын балаларды қорғау халық­аралық мерекесі жайма шуақ жаздың ең алғашқы күніне тұспа тұс келеді. Сәби көңілдер көтеріңкі болу үшін ересектер ая­нып қалмайды бұл күн­де. Бала - болашақтың алтын тұтқасы. Ертеңгі ел ағалары мен аза­мат­ша­лары. 1989 жылдың 20 қа­раша­сында БҰҰ Бала құқық­тары туралы Кон­вен­ция­ны қабылдады, оған 61 ел қол қойған болатын. Осы кезден бері әр елде жалға­сын тапқан игі іс қы­зыл­ордалық бүл­діршіндерге де мерекелік қуаныш сыйлай білді.

   Судың да сұрауы бар. Әсіресе, қа­зіргідей базарлы нарықтың тұ­сында жерді әркім өз бетінше пай­да­лануға, құрылыс салуға мүлдем тыйым салынғанын еңкейген қарт­тан бастап еңбектеген балаға дейін біледі. Алайда біле тұра осынау ма­ңызды іске мән бермей келе жатқан қала тұрғындары аз емес.

   Жақында осы мәселеге бай­ла­ныс­ты өңірлік коммуникация орта­лы­ғында Қызылорда қаласы әкі­мінің орынбасары Асылбек Шәме­нов, қала прокуроры Мұрат Досма­ған­бетов және облыстық жерді пай­далану және бақылау басқар­ма­сының басшысы Қайрат Әбе­нов­тің қатысуымен баспасөз кон­ференциясы болып өтті.

    Журналистер алдында жер учаскелерін өз бетінше иеленіп, заң­сыз құрылыс жұмыстарын жүр­гізгендерді түгендеу мақсатында қазір қала әкімдігінің, қалалық прокуратураның және басқа құзыр­лы органдардың қызметкерлері біріккен арнайы жұмысшы тобы жасақталып, іске кіріскенін бри­финг қонақтары тілге тиек етті. Осы жұмысшы топ өткен жылы Титов, әл-Фараби, Қорқыт ата, Ақмаржан, Сәулет, СПМК-70, Саяхат мөлтек аудандарында орналасқан мем­лекет меншігіндегі заңсыз жер ие­ленген 818 жер учаскесі мен олар­дағы құрылыс жұмыстарын анық­тады. Аталған тұлғаларға жерді пайдалану және бақылау басқар­масы тарапынан әкімшілік шара көрі­ліп, заңсыз орналасқан 13 ірге­тас бұзылыпты.

Бейсенбі, 11 Мамыр 2017 11:49

Бірімізге біріміз дем берейік...

| Автор: 

 

  «Асыл мұра – Орда» қоғамдық қоры "Қызылорда облысының жастар саясаты мәселелері басқармасының» мемлекеттік әлеуметтік тапсырысы бойынша «Мүмкіндігі шектеулі жастармен жұмыс жасау бойынша әлеуметтік қызмет жұмысын ұйымдастыру» әлеуметтік жобасы аясында 2017 жылдың 17 мамырда «Бірімізге біріміз дем берейік...» тақырыбында семинар және Қармақшы ауданында 24 мамырда «Рухани және моральдық даму» тақырыбындағы семинарлар өткізуді жоспарлап отыр.

   Семинарды білікті психолог-маман, тренер Н.К.Аймаханова жүргізеді. Қосымша мәліметтер үшін +777671716006 байланыс нөмеріне хабарласуға болады.

Жұма, 28 Сәуір 2017 10:32

Көлік ішіндегі кітапхана

| Автор: 

    23 сәуір - дүние­жү­зілік кітаптар және ав­торлық құқық қорғау күні. Айтулы күнде қа­лалық №6, 18, 4 кі­тап­ханалары №1 бағыттағы жолаушылар тасы­мал­дау қоғамдық көлігінде ерекше форматта "Әде­би автобус" шарасын өткізді. Негізгі мақсат - адамзат даналығының алтын кілті кітап екенін ұғындырып, жұрт­шы­лықты кітап оқуға ша­қыру, кітаптың құді­рет­тілігін түсіндіру.

  Қазірде интернет же­лісінің өте кең ау­қымды таралуы, элект­рондық ақпараттардың көптігі, қажетті білімді электронды парақ­ша­дан ақ қағазға көшіру жастарымызды кі­тап­тан алшақтатып бара жа­тыр. Сол себепті де рухани байлықты на­сихаттаудың жолын кітапханашылар түрлі бағыттағы шаралармен жалғап келеді.

  Шара барысында белсенді оқырмандар өздерінің оқыған кі­тап­тары туралы ой-пікір­ле­рімен бөлісіп, білім­де­рін ортаға салды. Сон­дай-ақ, №235 мектеп оқушылары Г.Қалдар, А.Мырзабекова, А.Дильназ, А.Әділбек, Ә.Алмас, А.Жәнібек, Л.Дастанбек Д.Дәулет, А.Айбас, зейнеткер С.Жұмабаева, №253 мектеп 9 "а" оқушылары Н.Бақыт, А.Бауыржан, А.Сейтова, И.Мей­рамбек сынды оқу­шы­лар қазақ ақында­ры­ның өлеңдерін мәнер­леп нақышына келтіре оқып, жолаушылардың ыстық ықыласына бө­ленді. Жолаушыларға викториналық сұрақтар қойылып, жұмбақ, жа­ңылтпаш сайыстары өткізілді.

      Елбасымыз, Ұлт Көш­бас­шысы Н.Ә.Назарбаевтың рес­публикалық "Егемен Қазақ­стан" газетінің үстіміздегі жыл­ғы 12 сәуірдегі кезекті санында жарық көрген "Болашаққа бағдар: рухани жаңғыру" атты мақаласына орай Қызылорда қалалық мәслихатының мәжі­ліс залында қала активінің жи­налысы болып өтті. Жина­лыс­қа ауыл, кент әкімдері, меке­ме­лер, қоғамдық ұйымдар, құ­қық қорғау, ардагерлер, БАҚ өкілдері қатысты. Жиынды қала әкімі Н.Нәлібаев сөз сөйлеп ашты:

  - Ұлттық идеологияны одан әрі дамыту, ұлтты сана жағынан ояту екені Қазақстан Респуб­ли­касы Президентінің мақала­сын­да жан-жақты, терең маз­мұн­да айтылғанын көруге бо­ла­ды. Екі бөлімнен тұратын ма­қала ұлт зиялыларының қол­дауына кеңінен ие болды,- деді ол өз сөзінде.

   Мұнан соң алғашқы болып мінберге көтерілген қала әкі­мі­нің орынбасары Ш.Байманов жоғарыдағы мәселеге байла­ныс­ты өзінің "Рухани жаңғыру - ұлттың жаңғыруы" атты хабар­ла­масында ХХІ ғасырда ұлттық санамыз жаңғырып, білімнің сал­танат құруы қажеттігін, со­нау 1927 жылы Қазақстанның сол тұстағы астанасы Қызыл­орда қаласында Алаш қайрат­кері А.Байтұрсыновтың алғаш рет латын әрпіне көшу мәсе­ле­сін көтергенін төмендегіше тілге тиек етті:

   - Рухани жаңғыру - кезең-ке­зеңімен атқарылып жатқан ел­дегі реформалардың жалға­сы.

   Елбасы ұлттық сана мен ұш­қыр ой, білім мен бәсеке, прагматизм мен ұлттық біре­гей­лікті сақтау қағидаттарын айта отырып: "Болашақта ұлт­тың табысты болуы оның та­биғи байлығымен емес, адам­дарының бәсекелік қабіле­тімен айқындалады. Сондықтан әр­бір қазақстандық, сол арқылы тұтас ұлт ХХІ ғасырға лайықты қасиеттерге ие болуы керек,- деді.

   Расында, дүниетанымың не­ғұрлым кең болса, соғұрлым заман талабына сай дамуға мүмкіндігің зор болмақ. Жаңа технология мен инновация­лар­ды бүгінгі қолданысқа еркін еңгізудің негізгі алғышарты да осыдан бастау алады.

   Әлемдік тәжірибеде бұрын барлығын техника, экономика шешеді деген сана қалыптас­қан еді. Ал, бүгінгідей күн санап даму үдерістері қарқын алған за­манда, қатып қалған ережеге сүйеніп емес, әр ұлттың өз ерек­шелігі, өз зияткерлік ұста­ны­мына сай, ұлттық сана ше­ше­тіндігін көрсетіп отыр. Шы­нында, кез келген халық білімді болса, не нәрсеге болсын бе­йім­деліп кетеді. Бірінші же­тістікке тез жететін экономика емес, ұлттық сана болады.

   Елбасы мақаласының түп­қазығы, басты мұраты - барша қазақстандықтарды сан ға­сырлар бойы ата-баба арман­даған кемел келешекке жеткізу. Бұл жолда жылдар бойы ай­ны­мас серігімізге айналған қа­сиет­тер - достық, ынтымақ аса қажет.

  Осы баға жетпес құндылық­тар­ды басшылыққа алып, қызыл­ордалықтар да Елбасы бас­таған баянды болашаққа ұланғайыр тірлігімен, тату тірлігімен, белсенді де еселі еңбегімен үлес қосуы тиіс, - деді Ш.Байманов.

       Ақпараттық дәуірдің тасқыны қар­қын алған уақытта қоғамдағы кейбір кө­ріністерге көз үйреніп, қалыпты құ­былыс ретінде қарайтын кезеңге келдік. Мүмкін содан болар, адам өліміне қа­тысты ақ­па­рат­тарға құлағымызды жар­ты­лай тосып, ке­те беретін жағдайларға жет­тік. Алайда, ел­дің әр қиырында көрі­ніс табатын келеңсіз жағдайлар жұмыр басты пенденің өмірінде орын алса, ой­лан­дырмай қоймайды. Әң­гіме, жастар ара­сында белең алған - суи­цид мәселесі. Рас, өз-өзіне қол жұмсаған адамның әрекеті құптарлық қадам емес. Де­­­се де, бұл әлеуметтік кеселден құты­лу­дың қарекетін қамдайтын уақыттың жет­кенін білдіреді.

  Мына бір мәліметке мән берейік. 5-тен 14 жасқа дейінгі жасөспірімдер ара­сындағы суицид, яғни өз-өзіне қол салу көрсеткіші бойынша Қазақстан әлемдегі ең нашар он елдің қатарын жалғап тұр. Ал, 15-тен 29 жасқа дейінгі жастар ара­сын­дағы суицид жиілігі бойынша 4-орында. Бұл жай ғана көрсеткіш емес. Біріккен Ұлттар Ұйымының балалар қо­ры - ЮНИСЕФ қазақстандық оқушы­лар­дың жартысы ғана денсаулығы жақ­сы деген топқа жатады, қалған балалар түрлі аурулар бойынша тәуекел топта­ры­на тіркелген деген ақпаратты растап отыр. Демек, проблема бар.

  Суицид аз айтылып жүрген тақырып емес. Мамандар өзін-өзі өлтірудің се­бебін әртүрлі жағдайлармен түсіндіреді. Қо­ғамда жалғыз қалу, әлеуметтік шие­леністер, психологиялық ауытқушы­лық, қарызға белшеден бату. Тізім осы­лай жалғаса береді. Алайда, зерттеуші ма­мандардың өзі суицидтің қайдан бастау алатынын нақты айта алмайды. Бұл тек Қазақстанды ғана емес, Жапо­ния, Швеция, Норвегия елдерін алаң­да­тып отыр. Мәселенің нақты шешімін та­буда Қазақстан түрлі зерттеу жұмыс­та­рын қолға алды. ҚР Дүниежүзілік Ден­саулық сақтау ұйымы бұл күндері әлем елдерінің практикасын зерттеп, әлеу­мет­тік кеселге тоқтау салатын жаңа әдіс-тәсілдерді іздестіру бағытында.

Сайт бойынша іздеу

Сауалнама

Күнтізбе

« Желтоқсан 2017 »
Дс Сс Ср Бс Жм Сб Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Серіктестер