Айтарым бар

Исатай Минуаров, әлеуметтанушы:

    Бала өз болашағына өзі жауапты. Тиісінше, мамандығын өзі таңдауы керек (бала өзіне не керегін біледі. Егер барлығы жоспар бойынша болмаса, бала ата-анасын кінәлайды). Қазір нарық соны сезген болуы керек, көптеген оқу орталығы “дұрыс мамандық таңдауға көмектесеміз” деген сервис көрсетуді бастады.

   Нарықта қандай мамандықтарға сұраныстың мол екенін анықтап алыңыз. Мамандықты таңдағанда өте ұқыпты болыңыз.

  “ЖОО-ға мектептен соң бірден түсу міндетті” деген психологиядан арылу керек. Шетелде Gap year деген ұғым бар. Gap year бір жыл болуы мүмкін, екі-үш жылға созылуы мүмкін. Бұл уақытты мектепті енді бітірген түлек өзінің не қалайтынын, жасырын потенциалын барынша анықтауға, приоритеттерді дұрыс қою жағын ойлануға пайдаланады. Есесіне, мектеп бітірген бала сол уақыт аралығында есейіп, аз да болса студенттік шақта туындайтын қиындықтарға, стреске дайын болады. Ал біздегідей балаға мектеп бітірген жылы бірден университетке түсуді міндеттеу дұрыс емес.

 

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны                      2019жылдың І  жартыжылдығына 

Қазпочта арқылы 6 айға - 1950 теңге (қала үшін)

6 айға - 2150 теңге (аудандар үшін)

Редакция арқылы 6 айға - 1880 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Айдар Сайлауов 

Жүлдызай Қалиева

Абзал Жолтерек

Нұрболат Қоймағанбетов


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Әлеумет

Әлеумет (151)

    Ойлы халықтың арасында кең талқыланып, күн сайын өз маңыздылығын көрсетіп келе жат­қан - адами капитал мәселесі. Ел экономикасының бәсекеге қабілеттілігін арттыру жолында осы капиталдың сапасын ұлғайтпаса болмайтыны туралы жиі сөз қозғалып жүр. Дей тұр­ған­мен бұл көпқырлы ұғым жө­ніндегі түсінігіміз қаншалықты дұрыс? Бәсекеге қабілеттілігі ең жоғары мемлекеттердегі адами капитал несімен артық?

    Экономиканың дамуына үлес қосатын үш түрлі капиталдың бары белгілі. Біріншісі - табиғи капитал, яғни өндірісте қол­данатын табиғат ресурстары. Екіншісі - физикалық капитал, оған тауар өндіру мен қызмет көр­сетуге қажетті машиналар, құрал-жабдықтар, үй-құрылыс пен әртүрлі қорлар жатады. Үшін­ші капитал түрі - адам ка­пи­талы, ол бейматериалдық, зият­керлік активтермен өлшенеді, атап айтқанда, IT өнімдерімен, зияткерлік меншікпен және экономикалық құзырет­тілік объектілері. Бұған мысал келтіретін болсақ, алуан түрлі компьютерлік бағдарламалар, ғылыми-зерттеу және тәжірибелік-конструкторлық жұмыс нәтижелері, авторлық құ­қық­тар, ноу-хау, жарнама, маркетинг технологиялары және тағысын тағылар. Мұндай активтер басқару қызметінің тиімділігін едәуір арттырады әрі өнімнің қосымша құнын еселей түседі.

    XIX-XX ғасырларда дамыған мемлекеттер адами капиталға ин­вестицияларының тек 20-30%-ын ғана салса, қалғанын физикалық капиталға арнайтын-ды. XXI ғасырдың басында керісінше инвестициялардың 80%-ы адами активтерге, қал­ған 20%-ы физикалық активтерге жіберілетін болды. Дүни­е­жүзілік банктің есептеуіне қарағанда, бүгінде Экономикалық ын­тымақтастық және даму ұйы­мына (ЭЫДҰ) кіретін мемлекеттердің әл-ауқатын 81%-ға адами капитал, 17%-ға физикалық және 2%-ға табиғи капитал қамтамасыз етіп отыр. Қазақстан Республикасы білім және ғылым министрлігінде жарияланған ақ­парат осыны меңзейді.

   

   

    Елде еңбек нарығының жандануына көп көңіл бөлінуде. Адамдарды нәтижелі жұмысқа тарту үшін мүмкіндік беріп, олардың жеке кәсіп бастауына және жаңа мамандық алып шығуына жағдай жасауда. Нәтижелі жұмыспен қамту және жаппай кәсіпкерлікті дамыту бағдарламасының тиімді жақтарын тұрғындарға түсіндіріп, жұмыссыздық деңгейінің төмендеуіне біршама жұмыстар атқарылып жатыр. Екі қолға бір күрек табу мақсатында жүрген жандар бағдарлама аясында еңбек етіп, түрлі мамандықты игеруде. Ал, өзінің экономикалық әлеуетін іске асыруға ниеттенген азаматтарға несиелер берілуде. Бағдарлама аз уақыттың ішінде айтарлықтай нәтиже беріп келеді.

    Қызылорда облыстық жұмыспен қамтуды үйлестіру және әлеуметтік бағдарламалар басқармасының мәліметіне сүйенсек, техникалық және кәсіптік бі­лімі бар кадрларды даярлау мақсатында 1515 адамды оқыту қыркүйек айына жоспарланып отыр. Сонымен қатар, қысқа мерзімді кәсіптік оқыту аясында 1605 адам білім алып, жаңа істің жандануына ықпал етеді. Бірінші бағытта атап көрсеткен техникалық маман иелері қазіргі таңда сұранысқа ие. Демек, бағдарламаны тиімді қолданған, білім алып мамандық алған кісі өз-өзін жұмыспен қамтуға үлкен мүмкіндігі бар.

   

   

    Қазан-қазан қайнаған сүт, күбі­де күрпілдеп шайқалған айран, сүзбе мен күнге кептірілген құрт-ірімшік­тер ауыл өмірінің бұлжымас көрінісі се­кіл­ді. Ауыл шаруашылығы өнімдері дегенде де көз алдымызға оралатын кө­­рініс осы. Табиғи өнім арқылы дә­ру­­мен жинап, дұрыс тамақтанудың не екенін ұғынасыз. Сергек жү­ріп, бой­ға қуат жинау үшін де осы ауыл шаруашылық өнімдерін талғам­паз тұр­ғын­дар іздеп жүріп тұтынады. Ба­­ғасы ар­зан, өзі сапалы өнім­ді елге ұсынуда би­лік басындағылар да қол қусырып отырған жоқ. Елбасының ті­келей тапсырмасы бойынша ауыл шаруашылығына ден қойып, табиғи өнімдердің өнімділігін арттыру үстінде.

    Қызылорда облысының агроөнімдері сұраныстарын анықтау, облыстың ауыл шаруашылығы өнді­рі­сінің бәсекеге қабілеттілігін бағалау және 2017-2020 жылдарға ар­нал­ған Агробизнесті дамыту бағытында кешенді жұмыстарды нақтылау мақсатында облыстың Агрокартасы әзірленген болатын.

    Берілген техникалық талаптар­ға сәйкес әзірленген Қызылорда об­лысының 2016-2020 жылдарға ар­нал­ған Агрокартасы төмендегі бө­лімдер бойынша жұмыс жүргізіп келеді.

  - Қызылорда облысының негіз­гі өніміне Қазақстандағы және шетелдегі ауылшаруашылық өнімде­рі­нің нарықтарындағы сұранысы, ауыл шаруашылығы өнімдеріне қойылатын негізгі талаптар;

  - Ауыл шаруашылық өнімін өн­дірушілердің және мақсатты нарықтардағы олардың ауыл шаруашылығы өнімдерінің бәсекеге қабілеттілігіне шолу жасау, сыртқы нарықтарда тұрақты және жоғары сұра­ныс­қа ие өнім бойынша экспортқа даярлығын бағалау;

  - АӨК субьектілерін біріктіру арқылы өндірісті ірілендіру, негізгі агроөндірістік қуатты орналастыруға қойылатын негізгі талаптарды талдай отырып, мал шаруашылығы, өсімдік шаруашылығы және балық шаруашылығындағы оңтайлы технологияларды таңдау;

  - Қызылорда облысында АӨК ма­­­ңызды секторларына қажетті    ко­о­перациялық шикізат белдеулерімен ауылшаруашылық қайта өң­деу өндірісін және сервистік-да­йын­­дау орталықтарын құру жоспары;

  - Қызылорда облысындағы АӨК субьектілерін нарықтық бі­ріктіру және агрологистиканы ұйым­дас­тыру жоспары;

  - Қызылорда облысында АӨК мем­лекеттік қолдаудың қажетті шараларының болжамды бюджеті, механизмі және жоспары;

  - Қызылорда облысының АӨК субьектілерінің қаржыландыру мүм­кіндігін алу механизмі, жоспары және Агрокартаны жүзеге асыруға қажетті инвестициялық қа­жет­тіліктердің болжамы.

 

Сәрсенбі, 27 Маусым 2018 11:58

Зейнетақы қаншаға артады?

| Автор: 

   

    "Шілдеден бастап зейнетақы өседі" дегенді ел-жұрт бірнеше ай бұрын біліп алғанымен, нақты нендей өзгерістер бар екенін толық түсіне алмауда. Еңбегінің же­місін жеп, зейнетке шыққандар зей­нет­ақы төлемі артқанымен, базардағы азық-түліктің бағасы да шарықтап кететінін айтып, алаң болуда. "Қазір қалтаңа 5 мың теңге салып алып барсаң, сөмкең толмайды" дегенді жиі құлақ естиді. Ал, сатушылар болса "бағаның көтерілуі тасымалдау құнының біршама өскеніне әкеліп тірейді" дейді. Зейнетақы төлемдерінің қосылуы қаншалықты халыққа пайда әкеледі? Үстеме ақшаға не алуға болады? Бұл сұрақтардың жауа­бын келесі нөмірде халықтың өзінен сұрап білеміз. Бұл жолы ресми ақпарат­тарды сөйлетсек.

   Келер аптадан бастап базалық зейнет­ақының төлеу тәртібі өзгереді. Елордада еңбек және әлеуметтік қорғау вице-министрі Светлана Жақыпова Үкіметтегі жиында: "Базалық зейнетақы мөлшері еңбек өтілі мен зейнетақы жүйесіне қаты­су ұзақтығына байланысты төленеді",- деді. Демек, еңбек өтілі жоғары адамдар­дың зейнетақысы да жоғары болмақ. Есептеу барысында азаматтың 1998 жыл­ғы 1 шілдеге дейінгі ынтымақты зейнет­ақы өтілі мен содан кейінгі жинақталған өтілі ескеріледі.

   Мәселен, кем дегенде 10 жыл немесе одан аз азаматтарға ең төменгі күнкөріс деңгейінің 54 пайызында төлем төленеді. Бұл 15274 теңге шамасында. Ал, 10 жыл­дан кейін әр жыл үшін базалық зейнет­ақы 2 пайызға ұлғаяды. Тиісінше, еңбек өтілі 33 жыл немесе одан да көп азамат­тарға ең төменгі күнкөрістің жоғары мөл­шері, яғни 100 пайыз немесе 28284 теңге төленеді. Вице-министрдің сөзінше, бүгін­де барлық зейнеткерлердің базалық зейнетақысы автоматты түрде есептеліп қойған, шілдеден бастап үстеме қосылады.

   Орташа базалық зейнетақы 24456 теңгені құрайды. Барлық зейнеткерге қо­сылатын қосымша үс­те­меақыны есептегенде республикалық бюджеттен қосымша 128 млрд. теңге қаржы қарал­ған.

Сәрсенбі, 27 Маусым 2018 06:34

328 мың адам тұрақты жұмыс тапқан

| Автор: 

          Елдегі басты мәселелердің бірі - жұмыссыздық деңгейін тө­мен­дету және халыққа жұмыс көзін ұсыну. Бұл тұрғыда көптеген ке­ле­лі іс, мардымды мемлекеттік бағ­дарламалар жүзеге асуда. Бе­рері мол бағдарлама арқылы аза­маттар тұрақты жұмыс тауып, бағ­дарламаның игілігін сезінді. Бұл бір ғана адамның емес, бір әу­летке кірген кіріс отбасының да әлеуметтік ахуалын өзгертеді. Біле білсек, мемлекеттік бағдар­ла­маның берері мол. Десе де, бағ­дар­лама "алма піс, ауызыма түс" деп, бей-жай қарап отыратындар үшін арналмаған. Ізденіп, тетігін тапқандарға қолайлы. Өйткені, білім алып, қос дипломын қо­лына ұстап, талай есікті қаққан жандарды әлі де көз көріп, құлақ естіп жүр. Демек, жұмыссыздық деңгейінің тұрақсыз болуы да заңдылық сияқты. Бірақ, қарап отыруға тағы болмайды. Елімізде осы жұмыссыздық мәселесін ше­шудің түрлі жолы бар. Соның бірі - Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған бағдарламасы.

   Өткен аптада ҚР Еңбек және халықты әлеуметтік қорғау минист­рі Мәдина Әбілқасымова қо­ғамдық кеңес алдында берген есе­бінде биылғы жылдың жұ­мыс­­сыз­дар үшін жемісті бола­тынын айтып, жұмыссыз жүр­ген­дерді бір қуантып тастады. Министр­дің айтуынша, өткен 2017 жылы Нәтижелі жұмыспен қамтуды және жаппай кәсіп­кер­лікті да­мыту бағдарламасына қатысуға 595,7 мың адам өтініш білдірген екен, ал оның ішінде 572,9 мың адам бағдарламаға қатысу­шы­лардың құрамына ен­ген. Осы мә­ліметті тарқатсақ, қатысу­шы­лар құрамына қосыл­ған­дардың ішінен 493,8 мың адам жұ­мыс­сыздар, 1491 мың адам өзін-өзі жұ­мыспен қамты­ған­дар және 20,5 мың адам тех­ни­калық, кә­сіптік білім беру ұйым­дарында білім алушылар. Жалпы, бағ­дар­лама аясында 70%-ы тұрақты жұ­мыс орында­ры­на орналасқан. Ескеру керек, бұл бір жылдық ал­ғашқы көрсет­кіш. Айта кетейік, министрліктің маңызды міндет­те­рінің бірі - халықты жұмыспен қамту және олардың табысын арт­тыру. Не­гізгі міндеттің нәти­желі орын­далуы үшін әр аймақ­та­ғы жұ­мыс­пен қамтуды үйлес­тіру және әлеуметтік бағдар­ла­ма­лар бас­қармалары міндеттелген межені орындауда еңбек етеді. Алысқа бармай-ақ, Қызылорда облысын алайық.

Сәрсенбі, 27 Маусым 2018 06:27

Қызылорда дамудың даңғыл жолында

| Автор: 

    Елдің экономикасын өрге сүйреп, жетістіктерге жетелей түсетін билік басындағылардың оң шешімдері мен тынбай жасаған жұмыстары халықтың әлеуметтік әлеуетінің артуына ықпал етеді. Бұл тұрғыда қала әкімі Н.Нәлібаев бөлім басшыларының жұмыстарына бақылау жасап, қызметтік істеріне апта сайын шолу жасайды. Кемшін тұсын бүкпесіз айтып, жақсы ісін марапатқа да ұсынады. Дегенмен де осы кезге дейін көптеген бөлім басшылары атқарған жұмыстарына сәйкес бағаларын алған-ды. Елге қызмет етуге келгенде кежегесі кері тартып тұратындар билік басында ұзақ тұрақтамайтыны да ескертілді. "Бізді нәтижелі істеріңмен қуантыңдар",- деген қала әкімінің сөзі көптеген іске қан жүгірткендей. Сондықтан болар, қаладағы көптеген жұмыстардың сапасы жақсарып, мәдени шаралар да үлкен көлемде өткізіліп келеді. Аппарат мәжілісінде мәдени шаралар мен саяси шешімдер талқыланып, ортаға салынады.

 

Қала бюджеті 80 миллион теңгені үнемдейді

  Елбасы ведомствалық бағынысты мекемелерді оңтайландыру бағытында кәсіп­орындар мен мекемелерді бі­рік­­тіріп, бюджетті үнемдеу жә­не олардың жұмысын жүйелендіру жөнінде тапсырма берген болатын. Мемлекеттік қыметкерлер де бұл ойды бір­ден құп көрді. Себебі қаржыға үнем болып, бюджетке түсетін салмақ едәуір жеңілдемек.

  Осыған сәйкес, қала әкім­дігінің ағымдағы жылдың 6 маусымда шыққан №11226 қаулысы негізінде "Қызылорда тазалығы" жауапкершілігі шектеулі серіктестігіне "Қа­зақстан Республикасының бірінші Президенті атындағы паркі" және "Тұрғын үй Қы­зыл­орда" жауапкершілігі шек­теу­лі серіктестіктері бірікті­ріліп, бір мекеме болып қайта құрылды.

   Бұл мекемелердің негізгі атқаратын қызметтері бір бол­ғандықтан біріктіру арқылы қала бюджеті 80 млн. теңгеге дейін үнемделеді және серіктестіктің жұмысы одан әрі жандандырылып, қуаттылығын арттыруға мүмкіндік туады екен. Осы ретте, аталған мекеменің басшылық лауазымына аталмыш салада тәжірибесі мол Талғат Бекмырзаұлы Құлмағанбетов тағайындалды. "Тазартылған жер таза емес, бүлдірілмеген жер таза" деп есептейтін мекеменің кү­ші артты. Алдағы уақытта Қы­зылорда көшелерінің тап-тұйнақтай болып тұратынына сенім білдірейік.

  Қоғамдық көліктердің сапасы сынға қалды

   Жолаушылар тасымалдау қызметі мен қоғамдық көлік қатынасын реттеу бағытында атқарылып жатқан шаралар туралы қала әкімінің орынбасары Б.Сәрменбаев аппараттық отырыста баяндама жасады. Бағасы бір жарым жылда екі рет көтерілген бұл қызмет төңірегінде түрлі дау-дамайлар бар. Жасырып жабатыны жоқ, қала тұрғындарының басым көпшілігіне қоғамдық кө­ліктегі көрсетілетін қызмет мүлдем ұнамайды. Мұны қала әкімінің өзі де астын сызып тұрып атап өтті. Жиілікті сақ­та­мау, көлік ішінің тазалығы, көшелердегі жарыс, тағы да басқа жағымсыз ақпараттар әкім құлағына жеткен. Бұл мә­селелердің шешілу жолын Б.Сәрменбаев іздеп көрді. Со­нымен қатар тілшілерді қоғамдық көлікке қатысты барлық де­­ректермен ақпараттандырды.

   Қала әкімінің орынбасары бірнеше тақырыптарды қаузады. Әуелі сөз еткені, көліктің саны мен сапасы. 2013 жылдың 23 желтоқсанында жарияланған конкурс жеңімпазы "Қы­зыл­орда" автобус паркі" жауапкершілігі шектеулі серіктестігі қалаішілік 25 бағытқа және 6 қала маңына қатынайтын, барлығы 828 автокөліктің күнделікті қала халқына қалай қызмет көрсетіп жатқанын бақылайтынын тілге тиек етті. Оның ішінде үлкен сыйымдылықтағы - 120, орта сыйымдылықтағы - 343 және кіші сы­й­ым­дылықтағы - 365 қоғамдық көлік күнделікті қара үзбей қатынап отырулары тиіс.

   "Қызылорда" автобус пар­кі" серіктестігіне қарасты жаңа үлгідегі 112 автобус осы уа­қыт­қа дейін 6 бағытты қамтыса, ПАЗ маркалы 10 автобус қо­сыл­ғаннан кейін қалаішілік 7 бағытта жүріп келеді. Жеке кә­сіп­керлердің 706 автобусы қа­лаішілік бағыттарда жұмыс жа­сайды. Билетті таратпау, сенбі мен жексенбі күндері шықпай қалу деректері осы жеке кәсіп­керлер арасында жиі ұшырасады. Қалаішілік жолаушылар тасымалының 73 пайызын же­ке кәсіпкерлердің үлесінде бол­ғандықтан да солай болып тұрғандай. Әкім тапсырмасынан соң бұл жайтқа да тоқтау салынбақ. Енді барлық қоғамдық көлік дерлік тексеріліп, жүр­ген-тұрғаны бақылауда болады.

   "Қызылорда" автобус пар­кі" серіктестігінің және мәслихат депутаттарының ұсынысымен қоғамдық көліктерде Ұлы Отан соғысы ардагерлеріне және 1-топ көз мүгедектеріне те­гін жүру, 6-17 жас аралығындағы мектеп оқушыларына 60 пайыздық және жас шамасы 70-тен асқан зейнеткерлерге 50 пайыздық жеңілдікпен жү­ру қолданысқа енгізілген. Мұ­ның игілігін көріп жүрген жандарда отбасылық қаржыға үнем екенін айтуда. Ел арасындағы және әлеуметтік желі­лерде студенттерге берілетін көмектің қажет екенін көтеруде. Негізінен бұл да жеңілдіктер арасында бар. Бірақ, қа­жет­ті құ­жаттарды жинап, тиісті орындарға тапсыру керек. Облыстық бюджеттен 2017-2018 оқу жылына тұрмысы төмен отбасылардан шығып, (оның ішін­­де ата-анасының қамқор­лы­ғынан айырылған, көп балалы отбасылардан шыққан жас­тар) күндізгі оқу бөлімінде бі­лім алып жатқан 3214 студент­ке қалаішілік қоғамдық көлік­тер­де жеңілдікпен жүру мақсатында 105 млн. 507 мың теңге қаражат бөлінген. Мұның өзі і­­лім іздеп, сан жерде табан тоздыратын студенттер қауымы үшін үлкен қолдау. Жеңілдік жөнінде тағы бір жағымды жаңалық бар. "Қызылорда" автобус паркі" ЖШС-нің ұсыны­сы­мен 1-топтағы мүгедектерге қалаішілік қоғамдық көліктерде толықтай тегін жүру мүм­кін­дігі берілген. Олардың саны қа­­ла бойынша 2710 азаматты құрайды.

   Жолда жүріп "жолдан таятын" жүргізушілер де жоқ емес. Рейдтік шара кезінде 52-ден астам қоғамдық көліктердің келісімшартта көрсетілген талаптарды орындамағандары анықталып, кемшіліктерді толықтай қалпына келтіргенше жолға шығарылмайды. ҚІІБ-мен бірлескен іс-шара кезінде 2018 жылдың 5 айында қоғамдық көлік жүргізушілеріне қа­тысты ҚР Әкімшілік құқық бұзушылық туралы кодексінің 593-бабымен (артық адамды мінгізу) 231 және терезелерін рұқ­сатсыз қараңғылаған 4 автобус жүргізушіcіне қатысты әкімшілік хаттамалар толтырылған. Оған қоса, ақпараттық парақшаларды салон ішіне іл­меген кондукторларға шара кө­ру үшін серіктестіктің бас­шы­сына хаттар жолданбақ. 2018 жылдың 5 айымен қоғамдық көліктерде жолаушыларды билетсіз тасымалдағаны үшін 32 кондуктор анықталып, оның ішінде облыстық көлік­тік бақылау инспекциясы қызметкерлері 5 айлық есептік көр­сеткіш көлемінде айыппұл салған. Жыл бойында жолаушыларға бірнеше рет жолақы билеттерін бермеген 25 кондуктор жұмыстан шығарылыпты. Елбасының цифрландыру бағдарламасын іске асыру мақсатында қалаішілік бағыттарда "Удобный маршрут", "Транс­­портный холдинг", "IBA Kazakhstan", "SMART ЖКХ" ЖШС тарапынан жолақыны электронды билет жүйесіне енгізуге бірлескен түрде жұ­­мыстар жүргізілген.

   Қазіргі таңда Астана қаласынан келген "I PAY" (Ай пэй) компаниясының қолдауымен "Қызылорда" автобус паркі" жауапкершілігі шектеулі се­рік­­тестігінің 112 автобусына смартфон телефоны арқылы төлейтін электрондық төлем жүйесі орнатылғанын бұған дейін де жазған болатынбыз. Сә­уір айынан бастап қоғамдық көліктерде 215 жолаушы смартфон телефоны арқылы барлығы 20000 теңгеге элек­трондық төлем жүргізген. Бұл әлі де болса аз. Сондықтан атал­ған қызмет дамыса, көлеңкелі биз­нестің аяғына тұсау болар еді.

     Қалалық құрылыс бөлімі­нің басшысы Т.Байменов "Нұр­лы жер" тұрғын үй құрылысы бағдарламасын іске асыру барысы туралы мәжіліс отырысында толық таныстырып өтті. Аппараттық жиынның екінші өзекті мәселесі де осы. Үйсіз-күйсіз жүрген қызылордалықтардың тілектерін орындау үшін бұл бағдарламаның елге берген пайдасы орасан. Өт­кен жылға көз жүгіртер болсақ, мемлекеттік коммуналдық тұрғын үй қорының тұр­ғын үйлерін жобалауға жергі­лік­ті бюджет есебінен 83,628 млн. теңге қаржы бөлініпті. Ол бү­­гінде ел игілігіне қызмет жа­сау­да.

   Ал, осы жылы атқарылатын жұмыстар да көп көңілге қуа­ныш сыйлайды. Қызылорда қа­­ласының сол жағалау бас жос­­парына сәйкес бірінші кезектегі игерілетін 500 гектар жер телімінде бүгінгі күні қарқынды жұмыстар жасалуда. Бұл аумақта 50 көпқабатты тұр­ғын үй құрылысын жүргізу жоспарланып отыр. Атап айтқанда, жеке инвесторлардың қаражаты есебінен жобамен құны 10 млрд. 800 млн. теңге бо­латын 770 пәтерлі 18 және 16 тұрғын үйдің құрылысы жүр­­гізілуде. Құрылысы жүріп жатқан 16 тұрғын үйдің пайдалану мерзімі ағымдағы жылдың қыркүйек айы болып жоспарланып отыр.

   Кезектегі отбасыларға арналған тұрғын үй комбинатының материалдарын қолдана отырып (ДСК) екі 45 пәтер­лік, бір 60 пәтерлік және бір 70 пә­терлік арендалық тұрғын үй­лер құрылысына республикалық бюджеттен 1545,864 млн. теңге қаржы бөлініп, құ­ры­лыс жұ­мыстарына элек­тронды ашық конкурс жарияланып, жеңімпаз мердігер мекемелер анықталып құрылыс мон­таж жұмыстары жүргізілуде.

Сәрсенбі, 20 Маусым 2018 11:03

84 МЫҢ ЖАС ЖҰМЫССЫЗ ЖҮР

| Автор: 

           Келесі жылға дейін әлем­де 280 миллион жаңа жұмыс орны ашылуы керек. Олай болмаған жағдайда жұмыссыздар қатары тым кө­бейіп кетеді. Әсіресе, ең­бексіз қалатындардың дені - жастар. Бұл халықаралық еңбек ұйымы маманда­ры­ның дабылы. Ресми мәлім­де­ме жасаған ұйым жалпы әлем бойынша еңбекпен қор­ғалмағандар арасында 24 жасқа дейінгі жастар еке­нін ашық айтып отыр. Ал, екі қолға бір күрек тап­қандары тек 13 пайызды құ­райды. Яғни бұл 18-24 жас аралығындағы жастардың көрсеткіші. Мамандар мұн­дай болжамды былай деп тү­сіндіруге тырысыпты. Өт­кен жылы әлем бойынша жұ­мыссыздардың қарасы 190 мил­лионнан асып кеткен. Қай­талап айтайық, бұл жер әлемді мекен еткен барлық ел­дердің қоса есептегендегі жағ­дай. Демек, мұның ішін­де біздің елде бар деген сөз.

   Ұйым 2016 жылға қара­ған­да 2017 жылы жұмыссыз­дар қатары 2,6 миллион адам­ға артқан деген дерек кел­тіреді. Әсіресе, ішерге ас, киерге киім таппай, еңбексіз қал­ғандар, яғни қауіпті ай­мақта Африка құрлығында жағдай ушығып тұр. Бұлай қайталана берсе, әлемде жұ­мыссыздық дендеп енуі мүм­кін деген қорқыныштың ба­рын жасырмайды салаға бас қатырып жүрген мамандар.

   

     Жәрдемақыға қолы жеткен от­ба­сылардың көпшілігі мемлекет та­рапынан берілетін жәрдемақының төлеу тәртібіне қатысты жиі сұрақ жол­дайды. Әсіресе, мүгедектігіне бай­ланысты берілетін жәрдемақы кө­лемінің қалай арттырылатыны ту­расында түсінбеушіліктер көп. Оның үстіне осы жылдың 1 қаңтарынан бас­тап жәрдемақылар біріктіріліп, атау­лы әлеуметтік көмек болып өз­герген-ді. Осы мәселелерді негізге ала отырып Еңбек, әлеуметтік қор­ғау және көші-қон Комитетінің Қы­зылорда облысы бойынша депар­та­мен­тінің зейнетақы және әлеуметтік қамсыздандыру бөлімінің басшысы Фарида Едигеевадан мемлекеттік әлеуметтік жәрдемақыларды есеп­теудің жолдарын сұрастырдық.

  Әр жылдың басында күнкөріс мөл­шері өзгеріп отырады. Тиісінше, барлық әлеуметтік төлемдер мен жәрдемақылардың төлемі артады. Осы коэффициенттердің ұлғаюына орай мүгедектігіне байланысты мем­лекеттік әлеуметтік жәрдемақы мен арнаулы мемлекеттік жәрдемақы бі­рік­тіріліп, мемлекеттік әлеуметтік жәр­демақы болып өзгерді. Мәсе­лен­, осы уақытқа дейін 1,2,3 топтағы мү­гедектер, 16 жасқа дейінгі мүге­дек балалар, 16 жастан 18 жасқа та­ға­йындалатын жәрдемақылар бірік­ті­ріліп, бір жәрдемақы ретінде қалды. Фарида Едигеева мұны мысалмен былайша түсіндірді.

     "Өз үйім өлең төсегім" деп, еркін көсілгісі келетін тұрғындар көп. Жалпы адам баласы өзінің тұрғылықты қара шаңырағын ақша жинап, сәті келсе сыйлыққа да алып жатады. "Нұрлы жер" мемлекеттік бағдарламасы - осындай мүмкіндіктердің бірі. Бұл бағдарламаны жүзеге асырып отырған ұйымдардың арасында "Тұрғын үй құрылыс жинақ банкі" елге етене жақын. Белгілі банктің үй беру жолдарына толығырақ тоқталмас бұрын бағдарламаның тиімділігін тілге тиек етелік.
   ҚР Үкіметінің 31 желтоқсан 2016 жылғы №922 қаулысы бойынша, тұрғын үй құрылысын қолдаудың жаңа механизмдерін біріктірген және бұрын қабылданған салалық және мемлекеттік 2015-2019 жылдарға арналған "Нұрлы жол" инфрақұрылымдарды дамытудың мемлекеттік бағдарламасы және 2020 жылға дейінгі аймақтарды дамыту бағдарламасы бойынша әрекет еткен "Нұрлы жер" тұрғын үй құрылыс бағдарламасы бекітілген болатын. Содан бері қаншама қазақстандық үйдің кілтіне қол жеткізіп келеді.
     Бағдарламаның басты мақсаты да анық. Халық үшін баспананың қолжетімділігін арттырып, тез арада қоныс тойын тойлауға мүмкіндік сыйлау. Аталған мақсатқа жету үшін "Бәйтерек" ҰБХ АҚ Холдингтің еншілес ұйымдары арқылы бірнеше тапсырмаларды орындауға қатысады. Соның бірі ипотекалық несиелендірудің қолжетімділігін арттыру. 2017 жылдан бастап республикалық бюджеттен жыл сайын ипотекалық несиелер бойынша сыйақы мөлшерлемесі 7% жылдық көрсеткіш көлемінде субсидиялар бөлінген. Олар "Қазақстандық ипотекалық Компания" ИҰ АҚ қаржы агенті арқылы бағытталмақ.

Сәрсенбі, 20 Маусым 2018 10:11

ҰЛТТЫҚ КИІМ – БАСТЫ БРЕНД

| Автор: 

   

    Қазақ бұйымдары қашанда талай жанды тамсандыратын, елімізді ерекшелендіріп, сұлулығын арттыратын ұлттық құндылық екендігі белгілі. Бүгінгі күні ұлттық киімдеріміз бен қолөнер бұйымдарымыз трендке айналуда. Уақыт өткен сайын батыс елінен келген дәстүрлер бірте-бірте шетке ысырылып, қазақтың салт-дәстүрлері мен мәдениеті қайта жандануда. Қарап отырсаңыз, күнделікті тұр­мыс­та пайдаланып жүрген заттарымыз, киім-кешектеріміздің өзі қазақы нақышта кестеленіп, көздің жауын алатындай әсемдігімен ел назарына қайта ұсынылып жүр. Бұл көңіл қуантады. Қыздарымыз қос етек көйлек кимесе де, заман талабына сай ою-өрнекпен өрнектелген сәнді киім киюді әдетке айналдырған. Өзгеден ерекше болуды қалайтын қыз-келіншектер жаңаша көзқараспен заманауи үлгідегі ұлттық киімдерді тігіп, жұрт назарын өзіне аудартады. Еліміздің батыс өңірінде бұл үрдіс бұрыннан бар. Ал, Сыр елі халқының ұлттық нақыштағы әшекейлер мен қазақы стильдегі сәнді киімге деген қызығушылығы енді артып келе жатыр. Бұл жөнінде "Қолөнер" ұлттық нақыш орталығының құрылтайшысы Аида Керімқұлова: "Қазіргі таңда қазақы бұйымдар мен ұлттық киімдерге халықтың сұранысы артуда. Осы уақытқа дейін дәл мұндай қызығушылық болған жоқ, тек бергі уақыттарда ғана еліміздің кереметін көріп, сезіне бастады. Әрине, мұндай көзқарасты, ұлттық құндылықтың көркем екендігін көрсету бізге байланысты. Кез келген көнерген дүниені заманауи үлгіде жаңартып ел игілігіне ұсынсақ болғаны" - деп өз ойын айтты. Аталған "Қолөнер" ұлттық нақыш орталығы 2015 жылдан бастап өз жұмысын атқарып келе жатыр. Өңіріміздегі рухани құндылықтың қасиетін айшықтап, еліміздің бағалы мұрасын бір орталыққа сыйдырған ұжым әрі қарай қолөнершілерді қолдап, ел байлығын насихаттауды одан әрі жалғастыруды мақсат етіп отыр.

   Сонымен қатар, аймақтағы "Samal" сән үйі де ұлттық киімнің сұлулығын дәріптеп, қызылордалық қыздардың ажарын ашатындай көйлектер мен сәукелені, кәжекей мен бешпенттерді ұсынып отыр. Бұл сән үйінің ерекшелігі ең таңдаулы қазақстандық дизайнер Дина Оразовамен тығыз байланыс орната отырып, төл топтамаларын Сыр еліне таныстыруында. Сән үйін ашқан кәсіпкер Самал Сәнімханның айтуынша, нағыз еңбек пен әсерлі талғамды талап еткен қазақ-европа стиліндегі көйлектер сұлу да сымбатты қалыңдықтар мен аяулы ханымдардың ажарын аша түседі. Қазіргі таңда қазақтың қуанышты күндерінде, яғни салт-дәстүріміздің бірі ұзату тойға киетін ұлттық киімдерді осы сән үйінен іздеп келеді. Мұның өзі талғамның биіктігін аңғартады. Біздегі топтамалардың барлығы өзінше әдемі, нәзіктіктің символы іспеттес көйлектеріміз әрбір аруды көрікті етеді,-дейді. Себебі, ұлттық нақыштағы киімдер біздің басты брендіміз. Ұлттық колорит сақталған киімдер мен бұйымдар қашанда сәннен қалмайтыны анық.

Жұлдызай ҚАЛИЕВА

 

Сайт бойынша іздеу

Сауалнама

Күнтізбе

« Қараша 2018 »
Дс Сс Ср Бс Жм Сб Жк
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C