Газеттің ПДФ нұсқасы

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны

Қазпочта арқылы 6 айға - 1680 теңге(қала үшін)

6 айға - 1800 теңге (аудандар үшін)

Редакция арқылы 6 айға - 1560 теңге

Редакцияға хат

Email:
Тақырып:
Текст:
Әлеумет

Әлеумет (75)

     "Тәуелсіз Қазақстан" по­йызы келеді дегенді есті­ген халықтың қарасы қа­лың бол­ды. Себебі бұл күні республикадан келген мамандар әлеуметтік мәселелерге байланысты кеңестер берді. Нақтырақ айтқанда, облыстық жұмыспен қамтуды үй­лестіру және әлеуметтік бағдарламалар басқармасының мәжіліс залында делегация мү­шелері зейнетақы және әлеуметтік қамтамасыз ету мәселелері бойынша қоғамдық қабылдау өткізді. Делегация құрамында ҚР Денсаулық сақтау  және  әлеумет­тік  даму  министрлігі Ең­бек, әлеу­меттік қорғау  және кө­ші-қон комитетінің  зей­нет­а­қы және әлеуметтік қам­­сыз­дандыру басқармасының сарапшысы Амина Аю­пова, Еңбек, әлеуметтік қор­ғау және көші-қон комитетінің этникалық көші-қон­ды реттеу басқармасының бас сарапшысы Алия Ту­ранова және  жинақтаушы зейнетақы жүйесін әкім­шілендіру басқармасының бас маманы Камажай Нур­ма­нова Сыр еліне ат басын тіреді.

   Сондай-ақ, облыстық жұ­­­мыспен қамтуды үйлестіру және әлеуметтік бағдарламалар басқарма басшысының орынбасары Алтын  Есқараева және Еңбек, әлеуметтік қорғау және кө­ші-қон комитетінің аймақтағы департаментттің бөлім басшысы Фарида Еді­геева халық сауалын тың­дап, мәселеге мән берді.

    Жасыратыны жоқ, тә­уелсіздік жылдарынан ке­йінгі зейнетақы саласындағы жаңалықтар мен өзге­ріс­терді көпшілік толық тү­сіне қоймады. Әсіресе, тө­лемдер турасында. Жеке қа­былдауға келген алғашқы тұрғынның сауалы да осы зейнетқасы саласына қа­тыс­ты болды.

    Орынкүл Ыдырысова ба­ла санымен зейнетке шық­қан. Ол сала мамандарына еңбек өтіліне байланысты әрі зейнетақы тө­лем­деріне қа­тысты өз сауалын жолдады. Зейнеткер елдегі зейнетақы төлемдерінің көлеміне көңілі тол­майтынын айтады. Делегация мүшелері қа­ла тұрғынының сауалына жауап беріп, мәселеге мән беретінін жеткізді.

     

Жұма, 30 Желтоқсан 2016 10:51

Қайырым көрген қарттар

| Автор: 

    "Дүние - жақсылармен жарық". Расында, өмір көрген кө­некөз қарттармен дидарласып, емен-жарқын әңгіме құ­ру арқылы екінші бір тынысың ашылады. Көңілін сұрай кел­геннің өзі қарттардың көңілін бірлейді. Әсіресе, жал­ғыз басты, Ұлы Отан соғысына қатысқан, жүріп-тұруы қиын жандардың жанынан табылып, керек кезінде көмек қо­лын созу - азаматтық іс. Бұл тұрғыда мемлекет тарапы­нан игі жұмыстар жасалып-ақ жатыр. Алдымен аймақ­та­ғы көмекке мұқтаж жандардың тізімі жасалып, оларға ар­на­йы әлеуметтік қызметкер ұсыну, мемлекеттен бөліне­тін қаржыға сәйкес тиісті қызметтер көрсету бағытында билік біршама жұмыстарды жасап келеді. Соның жарқын дә­лелі ретінде ел тәуелсіздігінің 25 жылдығына орай қа­ла­лық жұмыспен қамту бөліміне қарасты "Мүгедектер мен қарттарға үйде қызмет көрсету" бөлімшесінің ма­ман­да­рымен бірге біз де Қызылорда қаласында тұратын бір­не­ше қарт кісілерге бардық. Жағдайын біліп, айтар уәж­дерін тыңдап қайттық.

     Ұлы Отан соғысының ар­да­­гері Демченко Василий Әбіл­хайыр хан көшесінде ұзақ жылдардан бері тұрады. 97 жастағы ақсақал 2006 жыл­дан бастап қалалық жұ­мыс­пен қамту және әлеумет­тік бағдарламалар бөліміне қарасты "Мүгедектер мен қарт­тарға үйде қызмет көрсету" бөлімшесіне есепке алыныпты. Содан бері қарияға әлеу­меттік қызметкер бөлін­ген. Көңілін сұрауға барған бізді көріп қария қатты қуа­нып қалды. Көсіліп  сөйлеуге шамасы келмесе де елдегі сая­сатқа көңілі толатынын айтып, ризашылығын жеткізді.

      ІІ топ мүгедегі Василий Максимовичтің жанынан табылып, қажетті көмегін беріп жүрген, тіпті отбасының бір мү­шесіне айналып кеткен Баян Ізтілеуова 19 жылдан бері осы қарияға қарайласып жүр. Әлеуметтік қызметкер есе­бінде қызмет көрсететін ол қарияның ашық-жарқын мі­незі барын, тіпті әлі күнге де­йін елдегі жаңалықтарды жі­бермейтінін тілге тиек етті.

    Бөлімше мамандары мен Жастар ресурстық орталығының ерікті жастары қарияның ауласын тазалап, қажет­ті қол көмектерін берді.

    Төсек тартып жатса да, бір сәт көңілін бірлеген Василий Максимович жергілікті газеттерді жиі шолып қарайды, елдегі атқарылған жұмыстарды жадына түйеді. Сөз соңында ақ жарқын ниетпен барша қы­зылордалықтарды ел тә­уел­сіздігінің 25 жылдығы мерекесімен құттықтады, шынайы тілегін жеткізді.

    Сексеннен асқан тыл ардагері Салима Нұрымбетова бізді есік алдынан қарсы ал­ды.  Омырауы орденге толы қарт ана 2003 жылдан бастап қалалық жұмыспен қамту жә­не әлеуметтік бағдарламалар бөліміне қарасты "Мүгедек қарттарға үйде қызмет көрсету" бөлімшесіне есепке алынған. Қазірде жалғызбасты қария әлеуметтік қызметкердің көмегіне жүгінеді. Кей­уананың қызындай болып кеткен Сәу­ле Сражадинова да Салима әжейдің қасынан табылып, қызмет көр­­сеткеніне риза. 5 жылдан аса жұ­мыс жа­­сап ке­ле жат­­қан әлеу­­меттік қызметкер қарт кісілерге қолдан келер көмекті көрсету қа­жет деп есептейді. Қарияның бабын тауып, батасын алып отырған ол қарияға көп дүние қажет емес дейді. Бастысы, уақытында келіп, қажеттісін алып беріп, жанынан табылады.  Сексеннің сенгіріне шыққан кейуана қалалық жұмыспен қамту орталығының мамандарына көңілі толатынын, өзіне бекітілген әлеумет­тік қызметкерді қызындай кө­ре­тінін ашып айтты.

   - Еліміз аман, жұртымыз ты­ныш болсын. Келіп, көмек беріп жатқандарына алғыс біл­діремін. Бірнеше жылдан бері маған қарайласып жүрген мамандарға мың да бір рахмет. Өркеңдерін өссін, қарақтарым,-деп батасын берді.

    Біз сөз еткен екі кейіпкер де жалғызбасты қариялар. Қалалық жұмыспен қамту және әлеуметтік бағдарламалар бө­ліміне қарасты "Мүгедектер мен қарттарға үйде қызмет көр­сету" бөлімшесінің бас­шы­сы Бибігүл Маханбетқызының айтуынша, қалада 180-ге жуық жалғызбасты қарттар мен мүгедектер бар.

Қазірде бұл жандарға екі рет кесте бойынша арнаулы әлеу­меттік қызмет көрсету мақсатында азық-түлік, дә­рі-дәрмек, пәтерлеріне тазалық жұмыстары жүргізіліп, коммуналдық төлемдерін тө­леп, емханаларға апаруға жәрдем беріледі. Сондай-ақ, бөлім­ше басшысының сөзіне сенсек, аталған ардагерлерге жеңіл жөңдеу, қысқы жылуға дайындық жұмыстарына және тұрғын үй көмегіне тиісті құжаттамаларын тапсыруға көмектер де беріледі.

    - 15 қараша - 15 желтоқсан аралығында қайырымдылық айы деп жарияланды. Осы себепті біз мамандар мен жас­тармен бірігіп өзідігінен жүріп-тұруы қиын қария­лар­ға көмек беріп, үйлерін баруды мақсат тұтып отырмыз. Әрине, әрбір ардагерге жеке күтуші, әлеуметтік қызметкерлер тағайындалды. Мұ­ның бәрі көмекке зәру қа­рия­лар үшін жасалып отыр,-дейді Б.Маханбетқызы.

   Қарапайымдылық қанда бар қасиет шығар. Бар бол­ғаны бір сағат ішінде көп болып көмек еткен мамандар өмір көрген жандардың ал­ғысын алды. Қайырымдылық бар жерде қайырым бар. Әлеуметтің әлеуетіне бір сәт кө­ңіл бөлгеннің көңілінде көп дүние қалмақ.

Абай ТАҒЫБЕРГЕН

 

 

 

 


     Қыстың құбылмалы ауа-райында күн суытса көктайғақ, жылынса жауынның суы көп­шілікті әбігерге түсіретіні сыр- бойылықтар үшін таңсық дү­ние емес. Тосын мінезге толы бұл мезгілде жауған жауын-шашын жаяу жүр­гіншілер­мен қатар жол бойындағы кө­лік­тердің қозғалысына кедергісін келтіретіні рас.

    Қыз мезгілінде төтенше жағдайлардың алдын алып, кез келген жағдайға дайын болу үшін Қызылорда қаласының әкімі Нұрлыбек Нәлібаев арнайы техникалардың жұ­мысқа жарамдылығын және техникалық жағдайын бақылау мақсатында арнайы комиссия жасақтаған болатын. Тапсырмаға сәйкес Қызылорда әкімі­нің орынбасары Марсбек Молдабаев бастаған топ бірқатар мекемелерді аралап, техникалардың қысқа дайындық барысын пысықтап қайтты.

    - Қыс мезгілінде біз табиғи құбылыстың кез келген тосын жағдайына дайын болуымыз қажет. Яғни, қаланы жауған қардан, жауын суынан тазалап, көк­тайғақтың алдын ала бі­л­уіміз керек. Қала тұрғындарының қауіпсіздігі үшін "Қы­зылорда су жүйесі" МКК, "Қы­зыл­орда тазалығы" ЖШС, "Тұр­ғын үй Қызылорда" ЖШС, ЖЭС-нің және де осы қала аумағындағы арнайы техникалардың барлығын жинап, түсіндірме жұмыстарын жүр­гіздік. Табиғи құбылыстарға бай­ланысты алдағы болуы мүмкін көктайғақтың алдын алу үшін бүгінгі күні "Қызыл­орда тазалығы" мекемесінде 500 тоннаға жуық тұз аралас­қан құм дайын тұр. Мұнан бө­лек 70 тоннаға жуық тұз алынды,-дейді қала әкімінің орынбасары Марсбек Молдабаев.

    Қысқа әзірлік барысын пысықтаған топ арнайы техникалардың ауа-райының кез келген тосын мінезіне дайын екендігін жет­кізді. Жергілікті билік қала халқының қыс мезгіліндегі қауіпсіздігі үшін осылайша қамданып жатыр.

    Әлі күнге дейін халықты баспанамен қамту мәселесі би­ліктің тұғырынан түскен емес. Себебі халықтың биліктен сұрар басты сұрағы осы баспанадан басталады. Үй жалдап, өзгенің есігін сығалап күн еткен жұрт­ты баспанамен қамтуда билік бос қарап отырған жоқ. Әсіресе, соңғы жылдары Сыр еліндегі қар­қынды құрылыс пен жаңа тұрғын үйлер көптің қуанышын еселеп жатқаны жасырын емес. Бір жыл­­да бірнеше тұр­ғын үйлерді аяқтап, халық игілігіне өт­кізіп жатқан билік бү­гінде мемлекеттік бағдарламаларды өз уақытынан бұрын орындап жатқаны баспасөзде жарыса жа­зылып жатыр. Со­ның бір дәлелі ретін­де жақында ел тә­уелсіздігінің 25 жылдығы мен 1 желтоқсан Тұңғыш Президент күніне орай Жаппасбай батыр көшесінің бойынан салынған апатты жағдайдағы үйлердің тұрғындарына көп­қабатты 60 пәтер­лі тұрғын үй ел игілігіне берілді.

    Салтанатты шараға аймақ басшысы Қырымбек Көшербаев келіп, тұрғындарды қоныс тойымен құттықтады. Сыр еліндегі құрылыстың қарқынын сөз етті.

    - Соңғы 3 жылда 7 мыңға жуық отбасы, яғни 30 мыңнан аса тұрғын қоныс тойын тойлады. Кейінгі екі жыл ішінде пәтер кезегінде тұрғандардың 28 пайызы баспаналы болды. Биыл бір мезетте 80 көпқабатты үйдің құрылысы жү­ріп жатыр. 2013-2016 жылдар аралығында Қызылордада 11 шағын аудан бой кө­терді. Соңғы үш жылда апаттық жағдайдағы үйлердің тұр­ғын­дары  144 жаңа пәтерге қол жеткізді. Ал, біз тағы 60 пә­тердің кілттерін  табыстағалы отырмыз,- деді Қырымбек Көшербаев.

    Негізінде, бас мердігер "Асар-Құрылыс" ЖШС-нің қолға алған 60 пәтерлі бұл үйдің құрылысы ағым­­­дағы жылдың шілде айында басталып, қараша айында аяқталған.

   

      Қараша айының соңғы сен­бісі Сыр өңірі халқы үшін сүйін­ші жаңалықпен қорытын­ды­ланды. Енді сапалы медици­на­лық көмек алу үшін Қазақстан­ның өзге қалаларында ем қабыл­дауға мәжбүр болған сырбойы­лық балғындар бұдан кейін ат тер­летіп алысқа ұзамайтын бо­лады. Себебі, Қазақстан Респуб­ли­касының Тұңғыш Президенті күні қарсаңында Қызылордада жо­ғары деңгейдегі заманауи технологиялармен жабдық­тал­ған облыстық балалар ауруха­на­сы ашылды. 200 орынға лайық­тал­ған көпсалалы балалар ауру­ха­насының салтанатты ашылу рә­сіміне облыс әкімі Қырымбек Көшербаев және академик, Қа­зақстандағы балалар хирургия­сы­ның негізін салған Камал Ор­ман­таев қатысты. Аймақ бас­шы­сы соңғы үш жылда Қызылорда об­лысында медицина саласы­ның көш ілгерілеп келе жатқан­дығын айтты.

     - Тәуелсіз еліміздің Тұңғыш Пре­зиденті Нұрсұлтан Әбіш­ұлы­­ның алдымызға қойған не­гізгі мақсаттарының бірі, ол ана мен баланың денсаулығына бай­ла­ныс­ты. Тәуелсіз еліміздің тұ­рақ­ты және баянды болуы үшін ана мен баланың, өскелең ұр­пақ­тың жағдайын ойлауымыз қа­жет. Себебі оның ар жағында бү­кіл халқымыздың болашағы тұр. Статистикаға сүйенсек, Қы­зыл­ор­дада денсаулық сақтау са­ла­сына бөлінетін қаржы көлемі 9 млрд. теңгеге өскен екен. 2016 жылы аймақтағы денсаулық сақ­тау саласының бюджеті 32 млрд. теңгені құрап, респуб­лика бо­йын­ша халқының ден­саулы­ғына ерекше мән беретін аймақ ретінде алда келеміз,- деді Қырымбек Елеуұлы.

    Көптен күткен ба­ла­лар ауру­ха­насының ашы­луы­на қатыс­қан академик, ме­дицина ғы­лым­дарының док­торы Камал Ормантаев Сыр халқын қуа­нышты жаңалық­та­рымен құт­тықтап, тілектестігін білдірді. Ақ халатты сала мамандарының антына берік болып, арына шаң жұқтырмай адал қызмет етуге шақырды.

 

      Жыл көлемінде жұмыс іздеуші ретінде 30 мың адам хабар­ласты. Соның 14 мың адамы жұмысқа орналасты. Облыс­тық жұмыспен қамтуды үйлестіру және әлеуметтік бағдарламалар басқармасы басшысының міндетін ат­қарушы Алтын Есқараева журналистерге берген брифингінде осылай деді. Әлеуметті алаңдататын сұрақтың бірі осы.

    Айтуынша, аймақта 99 рет бос жұмыс орындары жәр­меңкелері өткізіліп, 8 мыңнан астам жұмыс іздеушілер қатысқан, тиісінше 5 мыңнан астам адамға жолдама берілген.

     Әлеуметтік салаға қатысты халық сауалы көп. Бірі жәрдемақының жайын, ендігі бірі әлеуметтік төлем турасында сауалдарын қояды. Халыққа қызмет ететін басқарма 2016 жылдың 11 айы бойы атқарған жұмыс­тарын  журналистерге жеткізді.

   Басқарма мамандарының мәліметіне сүйенсек, «Жұмыспен қамту 2020. Жол картасы» бағдарламасына 6,7 млрд.теңге, оның ішінде бағдарлама бағыттары 6,5 млрд.теңге қаралған.

    Бірінші бағыт бойынша инфрақұрылымдар мен тұр­ғын үй-коммуналдық шаруашылықты дамыту есебінен 629 жұмыс орындары құрылған. Ал, екінші бағыт кәсіпкерлік бастаманы ынталандыру және тірек ауылдарды кешенді дамыту бойынша 435 адамға 1,7 млрд.теңге несие беріліп, 367 адам өз кәсібін ашқан.

А.Ұланақ

     

      Қыркүйек айының басында мемлекет басшысының төрағалығымен Үкіметтің кеңейтілген отырысы өткен болатын. Елдің әлеуметтік-экономикалық даму мәселелері мен экономикалық өсімді қамтамасыз ету жөніндегі алда атқарылатын шаралар нақ­тыланған жиында Елбасы Н.Назарбаев тұрғын үй мәселесіне арнайы тоқталған еді.

     - Тұрғын үй құрылысын дамытуға біз зор көңіл бөліп отырмыз. Былтырдың өзінде республика да 9 миллион шаршы метр тұрғын үй пайдалануға берілді. Бұл - еліміз үшін рекордтық көрсеткіш. Тұрғын үй құрылысының көлемі 2016 жыл қорытындысында 10 миллион шаршы метрден асады деп болжануда. Халықты қолжетімді тұрғын үймен қамтамасыз ету міндетін орындау үшін 2005 жылдан бері тиісті мемлекеттік бағдарламалар жүзеге асырылып келеді. Дегенмен, көпші­лік­тің тұрғын үйге мұқтаждығы әлі де айтарлықтай жоғары. Жұрт­­ты тұрғын үймен қамтамасыз ету міндетін орындай ісі кешенді жаңа шараларды талап етеді,- дейді мемлекет басшысы.

     Қазақстан Республикасының Президенті Н.Назарбаев осыған байланысты Үкіметке бірыңғай қазіргі қолданыстағы бағдарламалардың барлық мәселесін кірістіре отырып, "Нұрлы Жер" тұрғын үй құрылысы бағдарламасын әзірлеуді тапсырған болатын. Жаңа бағдарламаның ерекшелігін алда көретін боламыз, ал әзірге бүгінге дейінгі қабылдан­ған бағдарламалар аясындағы атқарылған жұмыстардың нәтижесіне көз жүгіртсек.

     Бұрын баспана үшін бас қатыратын халықтың басты мәселесі соңғы жылдар ішінде Сыр өңі­рінде оң шешімін тауып келеді. Соның нәтижесінде тұрғын үй алу кезектілігінде тұрған азаматтардың саны қысқарып, жыл басынан бері жанға жайлы жаңа баспанаға қоныс тепкен қызыл­ордалықтардың қатары артуда. Осы орайда Қызылорда қаласындағы тұрғын үйге мұқтаж жандардың тұрғын үймен қамтылу деңгейін және оның заңдылығын білу үшін біз тұрғын үй инспекциясы бөлімшесінің бас маманы Гүлмира Пазыловадан мәліметтер алдық.

 

    Қараша айының алғашқы онкүндігінде рес­публика көлемінде "Жасөспірім" жедел-про­филактикалық шарасы өткізілді. Жас­өс­пірімдер қылмысының алдын алу, кә­ме­летке толмағандардың құқықтық сауатты­лы­ғын арттыру, теріс қылықтармен айна­лы­сатын жасөспірімдерді анықтап, дер ке­зінде шара қолдану және жасөспірімдер ал­дын­дағы ата-аналардың, заңды тұлға­лар­дың жауапкершілігін арттыру бағытындағы жұмыстарды жандандыруға бағытталған онкүндік барысында қызылордалық поли­цейлер білек сыбана кірісті.

     Айтар болсақ, алкоголь ішімдігін ішетін, түнгі мезгілде немесе сабақ уақытында ты­йым салынған орындарды жағалайтын кә­ме­летке толмаған жасөспірімдерді анық­тау­ға жұмыстар жасалды. Мұнан бөлек, мек­теп­тер мен лицей оқушыларына теріс кри­ми­ногендік ықпалы бар және бопсалаумен ай­налысатын жасөспірімдерді, кәмелетке толмағандардың есірткі және психотроптық зат­тарды тұтыну фактілерін, оларды пай­да­лануға тартатын адамдарды анықтау бо­йынша рейдтік іс-шаралар жүргізілді.

     Қызылорда ОІІД баспасөз қызметі та­ратқан мәліметіне сүйенсек, алғашқы 8 күн ішінде ішкі істер органдарына барлығы 532 жасөспірім жеткізіліпті. Олардың 54-і үл­кен­дердің қадағалауынсыз, панасыз қалған, 477-і түрлі деңгейдегі әкімшілік құқық бұ­зушылықтар жасаған. Осыған сәйкес, ата-ананың немесе басқа да заңды өкілдердің балаларды тәрбиелеу жөніндегі міндеттерді орындамағаны үшін 14 ата-анаға ҚР Әкім­шілік құқық бұзушылық туралы кодексінің 127-бабы бойынша және аталған кодекстің 442-бабы бойынша, сағат 22.00-ден 06.00-ге дейінгі түнгі уақытта заңды өкілдерінің еріп жүруінсіз ойын-сауық мекемелерінде бо­луына жол берген 14 мекеменің басшы­лары мен жауапты қызметкерлеріне қатыс­ты әкімшілік шара көрілген. Сонымен қа­тар, сағат 23.00-ден 06.00-ге дейінгі уақытта заңды өкілдерінің еріп жүруінсіз тұрғын жайдан тыс жерде болғаны үшін 358 кә­мелет жасына толмағандардың ата-анала­ры­на да тиіс шаралар қолданылды.

      Ол ол ма, 18 жасқа толмағандарға темекі өні­мін сатқаны үшін 7 әкімшілік хаттама және ұсақ бұзақылық бойынша ҚР ӘҚБтК-нің 434-бабы негізінде 61 кәмелетке толмағанға мен олардың заңды өкілдеріне де әкімшілік хаттамалар толтырылған. Алдын алу іс-шарасы барысында ішкі істер орган­дарының тізімдік және профилак­тикалық есебіне 50 кәмелетке толмаған жасөспірім мен 37 қолайсыз отбасы есепке алынған.

       Аз ба, көп пе, өзіңіз бағамдай беріңіз.

 

Ұстаз-ақпарат

 

Жұма, 09 Желтоқсан 2016 06:40

Халық сауалы - маман жауабы

| Автор: 

    Редакцияға шағымын айтып, қоңырау соғатын халықты көбіне-көп әлеуметтік мәселе алаңдатады. Ден­саулық жайы, дәрі-дәрмек бағаларының шарық­тап кетуі, әлеуметтік жәрдемақының жай-күйі, тұр­ғын үйге қатысты төлемдер, азық-түлік бағасының өсімі мен зейнетақы саласындағы өзгерістер әр­да­йым халықты толғандырады. Әлеуметтік салаға мән беріп, сала ма­мандарынан ресми жауап алу - мін­де­тіміз. Басылымның бұрынғы сандарында мүмкіндігі шектеулі жандарға қызмет көрсететін әлеуметтік қыз­меткерлердің жағ­да­йына үңілдік. Бұл жолы тағ­дырға қарсы жүзген мүге­дек жандарды тәрбиелеп отырған ата-аналарға бері­летін жәрдамақы жайын сөз етпекпіз.

   Алдымен жәрдемақы жайын білу үшін Еңбек, әлеу­меттік қорғау және көші-қон комитетінің Қызыл­орда облысы бойынша департаментіне жол тарттық. Мемлекет тарапынан берілетін мүмкіндік­термен таныстық.

   Мүгедектігі мен асыраушысынан айырылу жағда­йына байланысты мемлекеттік әлеуметтік жәрдем­ақы алушылардың төлемдері осы кезеңге дейін жыл са­йынғы ең төменгі күнкөріс деңгейінің өзгеруіне бай­ланысты көбейтіліп келді. Биылдан бастап атал­ған мемлекеттік әлеуметтік жәрдемақы­лардың мөл­шер­лері күнкөріс деңгейі мен арнайы бекітілген коэффиценттердің ұлғаюына байланысты артқан. Депар­таменттің бас маманы Салтанат Жолдыбайқы­зы­ның сөзіне сенсек, мүгедек баланы тәрбиелеп  отыр­ған ата-анасына, қамқоршысына берілетін жәр­дем­ақының мөлшері  өткен жылы 22433 теңгені құра­ған болса, 2016 жылдың 1 қаңтарынан бастап төлем 24002 теңгеге көбейген.

    Сонымен қатар, департамент мамандары арнау­лы жәрдемақы жайын да қаперге салды.

   - "Қазақстан Республикасындағы арнаулы мем­ле­кеттік жәрдемақы туралы" Қазақстан Респуб­ли­касының 1999 жылғы 5 сәуірдегі N365-I заңына сәй­кес бірге тұратын төрт және одан көп кәмелетке тол­ма­ған балалары, оның ішінде орта, техникалық және кә­сіптік, орта білімнен кейінгі білім беретін ұйым­дарда, жоғарғы оқу орындарында күндізгі оқу ныса­нын­да оқитын балалары бар көпбалалы отбасылар мен балалары кәмелеттік жасқа толған, оқу орнын біті­ретін уақытқа дейін төленетін арнау­лы мем­ле­кеттік жәрдемақының мөлшері 2015 жылы - 8246 тең­ге болса, 2016 жылдан бастап - 8824 теңгеге арт­ты,-дейді еңбек, әлеуметтік қорғау және көші-қон ко­митетінің Қызылорда облысы бойынша де­пар­та­ментінің бас маманы Салтанат Дүйсенбай.

   Әрине, әлеуметтік төлемнің артқаны көңіл қуан­та­ды, дегенмен нарықтың құбылмалы бағаларынан, ха­лық тұтынатын өнімдердің бағасы шарықтап кететіні тағы бар...

Абай Тағыберген

 

 

Жұма, 09 Желтоқсан 2016 06:28

Мал ұрлығынан абай болыңыз

| Автор: 

      Үстіміздегі жылдың 9 айы қорытындысымен Шиелі аудандық проку­ра­турасымен мал ұрлы­ғына қатысты қылмыс­тар­ға талдау жасалды. Статистикалық мәлі­мет­терге сүйенер болсақ, 2016 жылдың 9 айында аудан көлемінде жалпы 206 ұрлық қылмысы тір­келсе, оның 54-і (2015 жы­лы 9 айы -71) мал ұр­лығына байланысты қыл­­­мыстарды құрап, өткен жылдың осы мер­зімімен салыстырғанда 17 қылмысқа кеміген. Дегенмен, бұл санаттағы қыл­мыстар жылдан жыл­­­­­ға тыйылмай, бір дең­гейде қалып келеді. Ұр­ланған малдардың ба­сым бөлігі түн мезгі­лін­де және оның 7-і қора­дан, қалған 47-і жайы­лым­дық жерлерден ұрланған.

    Азаматтық құ­қық­тық қатынастардың ішін­де меншік құқығының орны ерекше. Ол азамат­тар­дың әл-ауқатының көр­сеткіші және эко­но­микалық қатынастар­дың реттегіші болып та­былады. Бүгінгі таңда ұр­лық, оның ішінде мал ұрлығы өзекті мәселенің біріне айналды. Облыс­тың елді мекендеріндегі тұр­ғындар негізінен мал шаруашылығымен ай­налысып, халықтың қо­салқы, кей жанұялардың негізгі күнкөріс көздерін құрайды. Сондықтан, тұр­ғындар жеке малда­рына сақтық шара­ла­рын күшейтіп, жайы­лым­дық жерлерде оларды міндетті түрде тек бақ­та­шының қарауымен жа­йы­луын қамтамасыз ету қажет.

    Талдау барысы көр­сет­кендей, ұрланып қол­ды болған төрт түліктің басым бөлігі - бақташы­сыз және қараусыз өзді­гі­нен жайылып жүрген мал­дар. Бұл жағдай ұры­лар­дың назарына негі­зінен бақылаусыз жүрген төрт түлік малдардың ілі­не­тінін дәлелдейді. Сол се­­кілді, әрбір төрт түліктің міндетті түрде салынған енімен төл құжаттарының болуын және олардың ауыл, үй-жай маңында қараусыз бей-берекет жа­йылуын алдын алу керек. Мал ұрлығының алдын алу бағытында ауылда және жайылымдық жер­лерде күмән туғызатын автокөліктермен белгісіз азаматтар анықталған жағдайда дереу аудандық ішкі істер бөліміне хабар­ласу қажет.

   

Сайт бойынша іздеу

Сауалнама

Күнтізбе

« Желтоқсан 2017 »
Дс Сс Ср Бс Жм Сб Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Серіктестер