Айтарым бар

Исатай Минуаров, әлеуметтанушы:

    Бала өз болашағына өзі жауапты. Тиісінше, мамандығын өзі таңдауы керек (бала өзіне не керегін біледі. Егер барлығы жоспар бойынша болмаса, бала ата-анасын кінәлайды). Қазір нарық соны сезген болуы керек, көптеген оқу орталығы “дұрыс мамандық таңдауға көмектесеміз” деген сервис көрсетуді бастады.

   Нарықта қандай мамандықтарға сұраныстың мол екенін анықтап алыңыз. Мамандықты таңдағанда өте ұқыпты болыңыз.

  “ЖОО-ға мектептен соң бірден түсу міндетті” деген психологиядан арылу керек. Шетелде Gap year деген ұғым бар. Gap year бір жыл болуы мүмкін, екі-үш жылға созылуы мүмкін. Бұл уақытты мектепті енді бітірген түлек өзінің не қалайтынын, жасырын потенциалын барынша анықтауға, приоритеттерді дұрыс қою жағын ойлануға пайдаланады. Есесіне, мектеп бітірген бала сол уақыт аралығында есейіп, аз да болса студенттік шақта туындайтын қиындықтарға, стреске дайын болады. Ал біздегідей балаға мектеп бітірген жылы бірден университетке түсуді міндеттеу дұрыс емес.

 

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны                      2019жылдың І  жартыжылдығына 

Қазпочта арқылы 6 айға - 1950 теңге (қала үшін)

6 айға - 2150 теңге (аудандар үшін)

Редакция арқылы 6 айға - 1880 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Айдар Сайлауов 

Жүлдызай Қалиева

Абзал Жолтерек

Нұрболат Қоймағанбетов


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Ұстаз мәртебесі

Ұстаз мәртебесі

   

   Кез келген кәсіпкер өз жұмысына білікті де тәжірибелі маманды тартқысы келеді. Ал, дипломды енді ғана қолына ұстаған жас маман талаптың бастауында тұрған тәжірибенің жоқтығынан жұмыссыз қалады. Себебі жас маман тәжірибе алаңында шыңдалған жоқ, нақтысы оған оқу орны жағдай жасаған жоқ. Бұл - гуманитарлық саладағы басты түйткілдің бірі. Алайда, жұмысшы мамандары үшін кәсіпорынға қызмет қылу, тәжірибе жинақтау әлдеқайда жеңілірек. Себебі кәсіптік салада білім алатын жастардың басым бөлігі оқуын бітірмей-ақ, маман болуға машықтанады. Білім орнында алған білімін практикамен ұштайды. Құрылысшы мамандығында оқитындар қолына қалақ ұстап, кірпіш қалайды. Ағаш ұсталары ағаштарды жаңқалап, әртүрлі жиһаз жасайды. Құбырларды бір-біріне дәнекерлеуді де осы колледж қабырғасынан үйренеді. Демек, техникалық колледждерде білім алатын бала кәсіпорындарға істің көзін танып барады.

   Қыз балалар да бизнес бастау­дың әліппесін үйреніп кетеді. Аспазшы мамандығында оқи жү­ріп, түрлі тамақ өнімдеріне маман­данады. Ірі сервистік нысандарға шақырту алуға мүмкіндік алады. Шаштараз өнеріне мойын бұрған­дар халыққа қызмет көрсетудің жолына қадам басады. Яғни, жұ­мысшы мамандығын меңгеруге асыққан жастарда бос қиял емес, айқын бағыт бар. Бірақ, мұның бәрі білім алуға ниеттенген жастың ізде­нісі мен талпынысына тіреледі. Де­генмен жұмысшы ма­ман­дығында оқитын студент­тердің бәріне бірдей жұмыс табыла бермей­ді. Ол үшін практикалық алаңның қажеттілігі айқын сезіледі. Осы үшін де жыл сайын аймақтарда кәсіптік сала қызметкерлері мен бизнес ие­леріне арнап еңбек форумы ұйымдас­ты­рылады.

  

   "Кәсіптік сала қыз балаға қол емес" деген біржақты пікір осы салада маман даярлап, жұмысшы мамандығының машақатына берілген жандарға қарата айтылмаған сынды. 30 жылын кәсіптік салаға, оның ішінде дәнекерлеуші мамандығына арнаған, маман даярлау ісінде өзіндік қолтаңбасы қалыптасқан Ниякүл Нәбиқызының жұмысшы мамандығына қатысты өз айтары бар. Ұстаз бүгіннің престиж мамандығынан бас тартып, сұраныстан түспейтін кәсіптік сала иелеріне бағыт-бағдар беруде жүйенің дұрыстығы қажет деген қағиданы ұстайды.

   - Ниякүл Нәбиқызы, дәнекерлеуші мамандығы кез келген қыз­дың жүрегі дауаламайтын сала. Сіз бұл мамандыққа кімнің ықпалымен түстіңіз?

    - Мені ешкім жетелеп осы салаға апарған жоқ. Бала кезден қа­лыптасқан ер мінезділігімнен шы­ғар, осы дәнекерлеуші (сварщик) маманы болуды жаныма жақын деп таныдым. Бастапқыда әкем қарсылық танытқанын жасырмаймын. Менің бағытымның дұ­рыс екеніне көзі жеткесін келі­сі­мін берді. Мен кәсіптік салаға 1979 жылы келгенмін. Мектеп оқып жүргенде Бақытбек Садықұлы деген ағамыз мамандыққа кәсіби бағдар жасап, мені қызықтыра кетті. Сөйтіп оны 3 жыл оқы­ғаннан кейін жолдамамен Қарағанды индустриалды педагогикалық техникумын "Пісіру өндірі­сінің технологиясы" мамандығында білім алдым. Өндірістік оқыту шебері, техник-технолог біліктілігін алып, 1986 жылы Қызылордаға келіп, осы коллежде қызметке кірістім. Еңбек жолымды арнаулы пән оқытушысы ретінде бастап, бүгінде тәрбие бағытында тер төгіп, директордың орынбасары қызметін атқарып жүрмін. Әрине, мен тәртіпке жете мән беремін. Себебі нақты жұ­мысшы маманын даярлау тек құр теорияны айтып, кешке дейін уақыт өткізіп қайтуды көтермейді. Өзім білім алған кезде ұстаздарымыз теориядан гөрі практикаға жақын болуды талап етті. Көзбен көріп, қолмен ұстап, құрал-жабдықтарды көргеннен кейін баладан осыны талап етемін. Соның арқасында болар дәнекерлеуші-пісіруші мамандары "Ниякүл апайдың" шәкірттеріміз деп үнемі айтып жүретін көрінеді. Тіпті маған еліктеп, колледжге сварщик боламын деген қыздар да келген.

Бейсенбі, 08 Қараша 2018 05:08

ӘННЕН ӘР, МӘТІННЕН МӘН КЕТТІ

   

     Құлақтан кіріп бойды алатын, тыңдаған жан ойланатын ойлы әуендер сиреп барады. Даңғыр-дүңгір, даңғаза музыкалар қаза­қылық қанына сіңген, қоңыр дауысты аңсаған елді мезі еткені рас.  Әлемжеліні жарқыратып тұрған заманауи әндер, жеңіл-желпі өлең ұйқастарына құралған рептер белең алып, етек жаюда. Ой­лы, салмақты, сезімге толы өнер туындыларының сұранысы азай­ғандықтан ба, әншілер мен сазгерлер де осы ағынның, дүлейдей дауылдың ығына жығылып бара жатқандай. Құлаққа түрпідей тие­тін жағымсыз әндер, өлеңін оқығанда төбе шашың тік тұратын сұрықсыз сөздер, бейәдеп ұйқастар, варваризмге толы теңеулер. Бұл көрермен мен тыңдарманды сыйламаушылық па әлде елдің өзі­нің қалап отырғаны осындай туындылар ма? Белгісіз... Бел­гі­лісі бағытынан жаңылысқан өнер-өзен ағынының әзір тоқтар түрі жоқ.

    Бұл тақырыпты тал­қылағанда адамдардың пікірі екіге бөлінеді. Бірі "дәстүрді дәріптеп, ес­кіні ұлықтау керек" десе, енді бір топ "таптаурындардан арылып, жаңа дүниенің де дәмін татып көрген жөн" дейді. Негізінен айтпағымыз бұл емес. Расымен де әр іс өз кезегімен, өз дәуірімен жалғасып отыратыны заңды құбылыс. Бірақ, кез келген өнер туындысы ақылға бағындырылып, тұшымды болып шыққанына не жетсін?! Халық шедевр дүние күтеді. Рухани жаңғыр­ғысы келетін жұрт төрт тұяғын тең басқан өлең мен есті әуен тыңдаса, парасатты болып тәр­бие­ленетіні айқын. Неге солай жасамасқа.

Бейсенбі, 08 Қараша 2018 04:37

ІСКЕРЛІК ТАБЫСҚА ЖЕТЕЛЕЙДІ

      Кәсіптің көзін тапқанға береке кіреді. Әйтсе де, бизнес жолында оңынан туған мүмкіндіктерді пайдаланып қалу, кім көрінгенге бұйыра қой­майды. Бастысы, идея мен аймақтағы нарықты зерттеу. Аймақта алғаш болып кәсібін ашып, бүгінде кәсіпорын деңгейіне жеткен кәсіпкерлер аймақтың еңбек нарығына жаңа кадрларды тартуда. Оның үстіне биылғы "Кәсіпкерлікті қолдау" жылын өз игілігіне пайдаланған жеке кәсіп­керлер де шағын кәсіптің шарапатын әлден сезініп келеді. Оған қалам ұстаған біздер де өткен аптада куә болдық.

   Қызылорда - жыл артына жыл қосып кәсіпорындар қатары артып келе жат­қан аймақ. Істің тетігін тапқан кәсіп иелері "Бизнестің жол картасы - 2020" бағдарла­масының мүмкіндігін мүлт жібермей, кә­сіптің аясын кеңейтуге күш салды. 7 жыл бұрын аймақта бұрын-сонды болмаған кәсіп ашқан "Жан-Арай Жем" ЖШС - соның дәлелі.

Бейсенбі, 08 Қараша 2018 04:24

АРАЛДЫҚТАР АСЫҒА КҮТКЕН НЫСАНДАР

   

    Медициналық нысандардың ашылуы саладағы проблемалардың оңтайлы шешілуіне себеп болады. Ұзын-сонар кезек, дәрігерлердің жетіспеушілігі аудан тұрғындарының қолын байлайтын. Бұл Арал ауданына да қатысты. Жергілікті билік мәселені реттеу үшін жаңа 150 орындық аурухана ашып берді. Облыс әкімі Қырымбек Көшербаев аралдықтармен болған кездесуде жаңа нысанның ел игілігіне жарайтынын және тағы бір нысанның ашылуына қатысты.

   - Қазірде Елбасы тапсырмасына сәйкес білім, денсаулық, спорт, әлеу­меттік салалар бойынша 52 нысанның жобасы әзірленіп жатыр. Өт­кен жылы Қазалы теміржол ауруханасының базасында Арал, Қазалы, Қармақшы аудандарының тұр­ғындары үшін ауданаралық инсульттық орталық, Байқоңыр қаласынан көпсалалы аурухана ашылды. Қажетті мамандарды резидентураға дайындау мақсатында облыс әкімі­нің грантын бөлдік, қазір 22 маман оқып жатыр,- деді аймақ басшысы.

   

    Білім берудің қай түрі болмасын - тәрбие. Өскелең ұрпаққа тәрбие мен білімді қатар беріп, білікті маман даярлауды мақсат етіп келе жат­қан оқу орындарының бірі ретінде "Ақмешіт" гуманитарлық-техникалық институты мен Қызылорда көп­­салалы гуманитарлық-техникалық колледжін айтуға болады. Білім бәсінде биік болып алға шыққан оқу орындары биыл мерейлі мерейтойларын атап өтті. Құрылғанына 20 жыл толған "Ақмешіт" гуманитарлық-техникалық институты және Қызылорда көпсалалы гуманитарлық-техникалық колледжі 15 жылдығына орай салтанатты жиын ұйымдастырды. "Келешегі кемел - білім ордасы" атты қысқаметражды бейнефильмнен басталған шарада оқу ордасының тарихы мен осы уақытқа дейінгі бағындырған белес­тері баяндалды. Жоғары деңгейлі ғылыми-педагогикалық әлеуеті, бә­секеге қабілетті білім беру қызметі, мәртебесі мен қалыптасқан ізгі дәс­түрі бар оқу орнының мерекелік сал­танатты жиынын ашу үшін инс­титут ректоры, колледж директоры, техника ғылымдарының кандидаты, доцент Айтмағанбет Үргенішбеков сөз сөйлеп, білім ордаларының оң бастамаларын тілге тиек етті. Сонымен қатар облыс әкімінің орын­басары мен облыстық мәслихатының хатшысының құттықтау лебізін жеткізу үшін облыстық мәс­лихат аппарат басшысының орынбасары Бахыткүл Қалиқызы, Нұр Отан партиясы Қызылорда облыстық филиалы төрағасының бірінші орынбасары Ибайдулла Құттықожаев, Қорқыт ата атындағы Қызылорда мемлекеттік университетінің ректоры, техника ғылымдарының докторы, профессор Қылышбай Бисенов, облыстық білім басқармасы басшысының орынбасары    Жасұлан Шынтасов білім шаңырағының төрінде сөз сөйлеп, ақ тілегін білдірді. Саналы тәрбие, сапалы білім беруде нәтижелі жұмыс атқарып келген бірқатар ұстаздарға Алғыс хаттар табысталды.

Бейсенбі, 08 Қараша 2018 04:13

ҚАТЕЛІК ЖАСАУДАН ҚОРЫҚПАҢЫЗ

   

   Ол кезінде миллионер жастың көшін бастады. 10 жасынан бастап ақша табудың жолын тапқан Марат Әбиев түрлі кәсіпті 18 жасқа дейін меңгереді. Сүрінеді. Құ­лайды. Қайта тұрады. Тә­жірибиесі қалыптасады. Бү­гінде ірі компаниялардың ие­сі атанып, өз өмірі мен кә­сіптегі қиындықтары жайлы "Қазақстандық арман" атты кітабын жазып шығады. Нақты қиялға емес, мақсатқа негізделген оның кәсібі туралы ойларын "Жетістік пирамидасы" айдарына қосуды жөн санадық.

    "Адамға балық берме, балық аулайтын қармақ бер" дегендей, ақша адамды бүлдіреді. Сондықтан кез келген адамға ақша табуға мүмкіндік берген дұрыс деп ойладым. Мүмкіндік олардың да баюына жол ашады. Өз тәжірибемнен түйгенім, ақша табу - қажырлы еңбек. Мен 10 жасымнан 23 жасыма дейін еңбек еттім.

 

   

   Жақында Қызылорда об­лысы бойынша ҚМДБ "Халал" серти­фикатына ие болған ме­кемелер тізімін жариялады. Соның ішінде "Смағұл" мал сою алаңы да бар. Қиын қыз­меттің қызығы мен шыжығын қатар алып келе жатқан қасап­хана осы кезде ел нарығына етене еніп, өздерінің кәсіптерін бастап та кеткен.

    Рас, қасапшы десе үрке­соқтап қарайтынымыз жасы­рын емес қой. Соған қарамас­тан, жо­ғарыда аталған мекемеге барып, мекен-жайын әлеумет­тік желі­ден іздеп тауып алып, қасап­шылық қызметтің қыр-сырымен жіті таныспақ бол­дым. Жаппас­бай батыр көше­сінің жиегіне жапсарлай орна­ласқан мал сою алаңы ығы-жығы адамға толы деуге кел­мей­ді. Өйткені ашыл­ған­дарына небәрі алты ай ғана болған. Соның өзінде бұл жерден төрт түлікті түгел көре аласыз. Бар­лығы дерлік соғымға дайын­далып жатыр. Шудаларын шаң басқан түйе, жалды жылқы, семіз сиырлар мен қонды қой­ларға дейін кезек-кезек бауыз­далып, жіліктелу үстінде. Қа­сап­ханаға бас сұғып кірген сәттен-ақ қан­ның иісі мүңкіп тұр. Десе де, мұн­да тазалыққа айрықша мән бе­ретін көрінеді. Олай етпеске бол­майды. Мал сойылғаннан қалған қалдық қо­қысқа айналып, таби­ғатты лас­тамауы тиіс. Қасапшы­лар бұл жа­ғын естен әсте шығар­ған емес.

Бейсенбі, 08 Қараша 2018 03:57

БРЕНД – БІРІНШІ ОРЫНДА

   Екі айға созылған "Халық таңдауы" айдары арқылы осы күнге дейін біршама өнімдерді сарапқа салып, халықпен бөліскенді құп көрдік. Қысқасы, күнде­лікті қолданып жүрген өнімдердің үздігін әр апта сайын анықтап отырдық. Айдарымыздың келесі саны ұялы байланыс құрал­дарына жол тартты. Себебі, қазіргі кезде еңбектеген баладан, еңкейген қарияға дейін ұялы телефон пай­даланып жүр.

    Сараптау барысында халықтың пікірін біліп, жұрт­шылықтың қолынан түспей жүрген телефон маркаларының бағасына да толыққанды көз жүгірттік. Халықтың көңілі ауған байланыс құралдарына таңдау жасау оңайға соқ­пады. Сонысымен де пікір­лер екіге жарылды. Алайда, қалың халық тізім басына бренд "IPhone"-ды шығар­ды. Таңдау барысында тізімнің екінші орынға тұрақтаған "Samsung" қазір­дің өзінде көптің сұраны­сына ие екенін дәлелдеді. Сауда сөрелерінен түспей жүрген "LG" телефоны да бастапқы үштіктен көрінді. Басқа да байланыс құрал­дарымен салыстырғанда бағасы жағынан әлдеқайда ыңғайлы "Huawei" смарт­фоны біздің елде көп қол­даныста емес екенін дәлел­деді. Осылайша тізімнің төртінші орнына жайғасты. Сауалнама барысында соң­ғы орын Нокиаға тиесілі болды. Бұрындары ел-жұрт­тың байланыс құралына айналған бұл өнімді қазір көптің қолынан байқай алмайсың. Сондықтан болар, "Nokia" телефонына ешкім дауыс бере қоймады.

 

   Оқырмандардың әлеу­мет­тік желідегі пікірлерінен байқағанымыз, халық "Xiaomi" компаниясы са­палы өнімдер шығара­тынын қозғап кетті.

   Халық байланыс құрал­дарының сапасы сыр бер­мейтін түрін қолданғанды дұрыс көреді. Десе де, баға­сына келгенде қалтаға қа­раймыз. Әйтсе де бұл ха­лықтың пікірі мен таңдауы.

Абзал Жолтерек

 

онлайн флеш игрынародная медицинадиеты

Сайт бойынша іздеу

Сауалнама

Күнтізбе

« Қараша 2018 »
Дс Сс Ср Бс Жм Сб Жк
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C