Айтарым бар

Исатай Минуаров, әлеуметтанушы:

    Бала өз болашағына өзі жауапты. Тиісінше, мамандығын өзі таңдауы керек (бала өзіне не керегін біледі. Егер барлығы жоспар бойынша болмаса, бала ата-анасын кінәлайды). Қазір нарық соны сезген болуы керек, көптеген оқу орталығы “дұрыс мамандық таңдауға көмектесеміз” деген сервис көрсетуді бастады.

   Нарықта қандай мамандықтарға сұраныстың мол екенін анықтап алыңыз. Мамандықты таңдағанда өте ұқыпты болыңыз.

  “ЖОО-ға мектептен соң бірден түсу міндетті” деген психологиядан арылу керек. Шетелде Gap year деген ұғым бар. Gap year бір жыл болуы мүмкін, екі-үш жылға созылуы мүмкін. Бұл уақытты мектепті енді бітірген түлек өзінің не қалайтынын, жасырын потенциалын барынша анықтауға, приоритеттерді дұрыс қою жағын ойлануға пайдаланады. Есесіне, мектеп бітірген бала сол уақыт аралығында есейіп, аз да болса студенттік шақта туындайтын қиындықтарға, стреске дайын болады. Ал біздегідей балаға мектеп бітірген жылы бірден университетке түсуді міндеттеу дұрыс емес.

 

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны                      2019жылдың І  жартыжылдығына 

Қазпочта арқылы 6 айға - 1950 теңге (қала үшін)

6 айға - 2150 теңге (аудандар үшін)

Редакция арқылы 6 айға - 1880 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Айдар Сайлауов 

Жүлдызай Қалиева

Абзал Жолтерек

Нұрболат Қоймағанбетов


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Ұстаз мәртебесі

Ұстаз мәртебесі

Сәрсенбі, 24 Қазан 2018 06:14

АҚША ТАПҚАН САЙЫН ЖЕТПЕЙДІ. НЕГЕ?

   

     Осы сұрақ көпті ойландыратынын білдік. Білген соң зерттеуге ұмтылдық. Себебі "қолдың кірі" саналатын ақша төңірегіндегі ойлар бір-бірінен асып түседі. Дөңгеленген жер бетінде кез келген жұмыр басты пендені өзіне тәуелді етіп қоя­тын құнды қағаздың құдіреті кейде адамды еркінен тыс ойлануға апарып тастайды. Еңбектің өлшеміне айналған ақшаның адам өміріндегі орны кейде халықтың пі­кірін сан түрлі арнаға жетелейді. Алайда, ақша табу мен оны жаратудың арасында ортақ сауал бар. Со­нымен ақша тапқан сайын неге жетпейді?   

   Бір қарағанда, ойнақы тақырыптай көрінеді, астарына үнілсең, жауа­бын табу қиын. Десе де, қоғам пі­кірін екіге жарған осы тақырыпты негіз етіп алуға бекіндік. Басын ашып алайық. Бұл әлеуметтік зерт­теу емес. Халық жадына жақын сұ­раққа жауап іздеу.

   Қазақта "мың ділдә бардың қалтасында, жоқтың аузында" деген тәмсіл бар. Бірақ, тапқан табыс пен шығыстың арасын есептеп отыру көп жағдайда ақшаны реттеу үшін қажет. Бірі мұны дұрыс көрсе, ендігі бірі табыстың бәрі жаратыл­уы керек деген ойды меншіктейді. Есеп жүргізетіндері ай соңында қолға тиетін айлықтың бір бөлігін несие жабуға, бір бөлігін азық-тү­лікке, өзге де шығыстарға бөліп қояды. Артылғаны көңіл көтеруге жұмсайды. Бұл - әлеуметтік желіде пікір қалдырған халықтың ойы.

Сәрсенбі, 24 Қазан 2018 06:01

«СҰЛТАН» СҰРАНЫСТА

    

    Қазір макарон өнім­дерінің түрі көп. Алай­да, кез келген мака­ронды тұрақты қолдан­байтынымыз анық. Бұл жолы макарон өнім­дерін халықтың таң­дауына салдық. Қалып­ты түрде әлеуметтік желі арқылы талқыға түскен макарондар ішінен жұрттың таң­дауы "Сұлтан" өнімі болды. "Алтын Дән" де қалыс қалмады, көпші­ліктің таңдауына ие болып, тізімнің екінші орнына жайғасты. Ірі сауда орындарымен қатар, ас үйдегі ас мәзірінен түспей жүрген "Корона" макароны өзі­нің тұтынушылары мол екеніне көзімізді жеткізе отырып, үшінші орынға табан тіреді. "Цесна" өніміне таңдау аз бол­ғанымен дауыс беру ба­рысында "Madina" мака­ронынан озық болып шықты. Осылайша төр­тінші мен бесінші орын­дарды еншіледі.

    Желідегі жұрттың көпшілігі таңдауға түсіп жатқан макарондар са­пасының көңілге қо­ным­ды екенін тілге тиек етіп отыр. Бұл дегеніміз барлығы бірдей дәмді макарондар дегенге саяды. Бұл жарнама үшін емес, халықтың өз таңдауы.

 Абзал Бақытұлы

 

 

Сәрсенбі, 24 Қазан 2018 05:56

ҚАРА ЖҰМЫСТЫҢ ҚАРАГЕРІ

 

  Өмір - ащысы мен тұщысы, қуанышы мен қайғысы, қадірі мен қасиеті қатар тоғысқан жол. Осы жолда қиындыққа тап бола қалса, шыдамдылық таныта алмай қа­латын жандар өте көп. Ал, ке­рісінше то­сыннан таңқалдыратын тағ­дыр­дың тезгісіне қарсы тұрып, алға қа­рай аяғын анық басып жүр­ген адам­дар аз емес. Осындай қы­зығы мен шыжығы қатар жүретін күн­­делікті күйбең тіршілікте өзінің нәпақасын тауып, адал нанын жеп, ел ішінде еленбей жүрген ма­ман иелерін насихаттауды бастап кет­кенбіз. Біз көрген етікші, жол түйіс­тірген арбакеш, тоқтаусыз тір­ліктегі жүргізуші, мехнаты мол мақ­та тірлігіндегі ақ адал еңбек көп­ке ой салды. Әр аптаның ке­йіп­керін анықтау, еленбейтін еңбек иелерін іздей келе қоғамнан өз бағасын толық алмаған көше сыпырушы ма­мандарын елен­бейтін еңбек ие­лері қатарына қосуды жөн санадық.

   Біз іздеп тапқан кейіпкер осы салаға табаны күректей 15 жылын арнаған. Сөз суыртпақтап едік, алғашында әңгімеге араласа қой­мады. Айтуынша, тұрақты табыс үшін осы жолға келген. Таңмен таласа тұрып, үйреншікті қызме­тіне бас сұғатын Сұлушаш Қады­ро­ва бала-шағасының қамы үшін осы кәсіпті жөн көрген. Бұрын­дары "Тұрғын үй" тазалық орталы­ғында аула сыпырушы болып қыз­метке орналасып, қала тазалы­ғына тер төкті. Кейіннен, "Қызылорда та­залығы" ЖШС-ына ауысып, маң­дай тер еңбегімен отбасын асырауға көшеді.

   

    Примечательно, что Президент Н.Назарбаев выступил с Посланием народу Казахстана сегодня, 5 октября, в День празднования международного Дня Учителя. Среди учителей школы-лицея №5 имени И.В. Панфилова города Кызылорды прошло обсуждение основных положений этого документа. Благополучие народа и вхождение Казахстана в число 30 развитых стран мира - долгосрочная цель нашего независимого государства. В связи с этим,новое Послание Президента дает новый рывок на пути дальнейшего развития независимого Казахстана.

   Согласно Посланию, для вхождения в число лидеров нового мира, в области образования нам необходимо решить следующие задачи:

   Первое. В течение 5 лет необходимо довести расходы на образование, науку и здравоохранение из всех источников до 10% от ВВП.

  Санасында сәулесі бар жастар әрбір ұлтқа керек-ақ. Сондықтан да болар, жаһанның жуан елдері интеллектуалдық элитаның жолын жалғайтын, келешектің экономикасына қызмет ететін жастарға қолдауын аямайды. Білім нарығында ақылдыларымен ала шыққан елдерді зерттеу, озық жүйесінің тәжірибесін көру бүгінде белең алды.

   Әсіресе, бұл сұрақтар қытай­лықтарды қатты ойландырса керек. Себебі алты құрлыққа аты жеткен білімділердің тәжірибесін көріп, жанына топтасу қытайлықтардың білім саясатына еніп кетті.   

   Бүгінде маңдайалды алып компанияларда Қытай жастарының тәжірибе толыстырып жүргені ақпарат құралдарында ішінара айтылып қалады. Бұл нені білдіреді?

    Қазақстан да білім бәсекесіне төтеп берудің жолдарын іздестіруде халықаралық "Болашақ" бағдар­ламасын тиімділігін түсінді. 25 жыл бұрын қабылданған шешімді саяси сарапшылардың білімдегі дұрыс саясаттың біріне бағалауы біз айтқан сол озық дүниені көріп келіп, оны қолдану идеясымен үндеседі. Міне, ширек ғасыр ішінде "Болашақ" ар­қылы талай қазақ баласы бұрын табаны тимеген Еуропаға, аузын айға білеген Америкаға, біркелкі жүйесі сақталған Батыс елдеріне білім жинап келуге аттанды.

         Маман даярлау ісінен неліктен мән кетті? Жоғары оқу орындарының білім сапасына қатысты неге сын көп? Мамандық оқытудың жүйесін өзгертетін уақыт келді ме?

    Бұл төте сауалдар қоғамда сан мәрте айтылып келді. Тіпті биылғы Елбасы Жолдауында да жоғары білім сапасы ашық айтылды. Бәсекеге қабілетсіз оқу орындарын қысқарту, қайталама маман иелерін оқытуды доғару сынды тапсырмалар бүгінгі білім беру ісін аяқтан тартып тұр. Мұны осы саланың басы-қасында жүрген кәнігі мамандар да мойындайды.

   Демек, проблема бар. Кеңестік кезеңнің жүйесі мен жаңа заманғы талаптар білім жүйесіне түбегейлі өзгеріс керек екенін дәлелдеп тұр. Себебі цифрландыру ісінің қарқынды жүруі мамандықтар категориясын қайта қарап шығуды талап етеді. Осы мәселе төңірегінде ой қозғаған бұрынғы білім министрі Қырымбек Көшербаев: «Білім саласы болашақтың экономикасына бейімделгені дұрыс. Біз кадрларымызды қазіргі күнгі экономикаға емес, болашақта құратын экономикамызға бейімдеп, дайын­дауға тиіспіз. Алға озу үшін біз тұрақты негізде және ұзақ мерзімді перспективаға жұмыс жүргізуіміз қажет» деген ойды ортаға салды Tengrinews.kz сайтына берген сұхбатында.

Сәрсенбі, 17 Қазан 2018 12:30

Киелі мекеннің мерейтойы

   

    Ала жаздай төккен тер, еселі еңбек пен моншақтап төгілген маңдай тердің арқасында молшылыққа кенелудеміз. Тынымсыз еңбектің жемісі күздің осы бір кезінде көзге көрініп, ел мерейін асқақ ететіні ақи­қат. Даланы сары кілеммен көмкерген күз мезгілі диқаншылар мен егіншілер үшін үлкен мереке. Себебі қоңыр күз алқабын баптап, жылдық азығын еселеп еңсеріп алатын уақыт. Егінін жинап, төл басын көбейтіп, атадан қалған кәсіпті ел игілігі үшін нәсіп етіп отырған ең­бек ерлерінің осы бір қызметі құр­метке лайықты. Осы орайда Шиелі ауданының 90 жылдық мерейтойымен орайластырып, "Алтын күз - 2018" мерекесі тойланды. Киелі мекеннің төрінде өткен думан екі күн­ге созылды. Шиелінің шырайлы хал­қына мереке сыйлаған алтын күз жәрмеңкеден бастау алып, мәдени-танымдық іс-шаралармен жалғасын тапты.

   Молшылықтың символы болған "Алтын күз" мерекесі облысымыздың әр қиырында өзінше тойланды. Табиғаттың сарқылмас сыйынан сапалы өнім шығарып, кетпенін күнге сүйдіріп еңбектенетін шаруалар үшін күз мезгілінің берері мол. Маңдай терді қажет ететін еңбектің жемісін жәрмеңке арқылы көруге болады. Жыл сайын дәстүрге айнал­ған Алтын күз мерекесі Шиеліде ерекше аталып өтті. Қос мереке қарсаңында аудан орталығында ауылшаруашылық өнімдерінің жәрмеңкесі ұйымдастырылды. Жәрмеңкеге жиылған халық, өзіне керек өнім­ді алып, сауда сәнін келтірді. "Сапаржай" орталық автобекетте бір саппен тізіліп, жағалай орналасқан жиырма екі ауылдық округінің еңбеккерлері өздері шығарған өнімді аудан жұртшылығына ұсынды. Жергілікті ауыл шаруашылығының тауарлары 20 пайызға арзандатылған бағамен саудаға қойылғанын айта кетейік. Сондықтан да ауа-райы­ның салқындығына қарамастан аудан тойына келген халықтың қарасы қалың. Сапалы әрі табиғи өнімге қашанда сұраныс көп. Базар бағамынан бір­шама арзан сатылған азық-түлік тауарларына әрбір тұрғын таңдау жасап, қолға алған ақ қалтасын молшылыққа толтыруда. Әрине, бұл ауыл халқының еңбекті бағалап, сапасын саралап тіршілік ететіндігінің белгісі. "Алтын күз - 2018" мерекесі аясында ұйымдастырылған ауыл шаруашылық өнімде­рінің жәрмеңкесіне аудан әкімі Әшім Оразбекұлы арнайы келіп, табан ақы тер төгіп, аянбай еңбек етіп келе жат­қан ауыл тұрғындарын мерекемен құт­тықтап, мол табыс тіледі. Келген қо­нақтар мен кент тұрғындары ел несібесін молайтқан ауылшаруашылық саласының азаматтарына өз алғыстарын білдірді. "Қыстың қамын жазда ойла" дегенді әдетке айнал­дыр­ған қазақ халқы жәрмеңкенің жәрдемімен өз үлесіне қол жеткізді. Отыздан астам өнім түрлері қойылып, 331,1 тонна өнімді саудаға шығарды. Осы ретте аудандық ауыл шаруашылығы бөлімінің мәліметіне сүйенсек, жәрмеңкеде 2,4 тонна ет, 266 тонна көкөніс, 40 тонна бақша өнімдері, 7 тонна сүт өнімдері және 5 тонна балық сатыл­ған. Жалпы, биылғы жылы жәрмеңкеде 30 млн. 675 мың теңгенің өнімі саудаға шығарылған. Мерекелі күздің берекелі жәрмеңкесі қызу қарқынмен өткеніне куә болдық. Алтын күздің қуа­ныш сыйлай біл­генін әрбір тұрғынның жылы жүзі­нен  аңғаруға болады.

   

    Қаншама тарихи жолдан сүрінбей өтіп, еліміздің еңбек шамшырақтарын дая­рлауда биіктерден көрініп жүрген Шиелі индустриалды-аграрлық коллед­жіне биыл - 60 жыл.

    Өткенге көз жіберсек, қаншама өшпес іздер, үлкен ағалардың жарқын істері, тарихи жолдары сайрап жатыр. Замана тол­қынымен өткен, ғасырлар қойнауына еніп кеткен ғажап тарихымызды білу, одан кейінгі кешегі жүріп өткен сан тарау­лы жолымызды зерделеу, бүгінгі жарқын өмірімізді сараптай отырып, алдымыздағы кемел келешегімізді бағамдау ғибраттылық болмақ. Бұл қазіргі және өскелең ұрпағымыз үшін де парыз.

    Бүгінде қанаты қатайып, орнын қа­лыптастырған білім ордасының өткеніне көз жүгіртсек, колледж 1958 жылы қараша айында Бәйгеқұм қыстағында №97 ауыл­шаруашылығын механизацияландыру училищесі (УМСХ) болып құрылған. Бүгінгі таңға дейін қаншама рет атауы да өзгертілді.

Сәрсенбі, 17 Қазан 2018 12:12

"Coca-cola" топ басына шықты

   

     Халық өз таңдауына сүйенеді. Соған сәйкес тауар өндірушілер де сұранысқа сай өнім са­пасын арттырады. "Ха­лық таңдауы" айдарын­да ең көп пікір қал­дыр­ған сусындар сапасы бұл аптаның қорыты­н­дысын шығарды.

     Тәтті сусындар сұра­ныстан еш түспейді. Се­бебі де түсінікті шығар. Шөл қандыратын, ха­лық жиі тұтынатын газ­далған сусындардың таң­даулы 5 түрін тара­зы­ладық. "Coca-cola", "Fanta", "Sprite", "Pepsi", "Holiday" сусындарына халық бір сәтте дауыс берді. Пікірлер де сан қырлы. Сөзсіз, "Coca-cola" сусынын ішетін­дер­дің қатары қалың бол­ды. Бір уақытқа дейін тізім басынан кө­рінген "Coca-cola" сусы­нымен бір қатарда тұр­ған "Fanta" сусын іше­тін­дер де аз болмай шық­ты. Газдалған су­сын­ның зиянын сөз ет­кенімен, таңдау өнім­дер­дің қаншалықты сұ­раныста екенін байқат­ты. 5 өнімнің ішінде "Sprite" пен "Pepsi" қатар түсті. Неге екені белгісіз, газдалған сусынның бес­тігін аяқтаған "Holiday" сусынына пікір қал­дырып, дауыс бергендер жоқ болды. Жалпы, осы аптадағы сауалға 100-ге жуық респондент  дауыс бе­ріп, тең жартысына жуы­ғы өз ойларымен бө­лісті. Демек, ең таң­даулы де­ген сусындар бір-біріне есе жібермеді.

 

   Сусындардың сапасын тексеру мақсат емес. Халық көңіліне ұнаған, сұраныста үнемі болатын "Coca-cola", "Fanta" өнімін аз ғана ұпаймен алға шығып кетті. Демек, халық таңдауы "Coca-cola" деуге толықтай болады. Бір байқағанымыз, "Халық таңдауына" белсенділік танытатындардың қатары қалыңдап барады. Бұл арқылы біз ел ішіндегі тауарлардың сұранысын бағамдау арқылы халық пікірін білуге мүмкіндік аламыз. Ен­деше, келесі аптада ұсынылатын өнімдерге пікір қалдырып, дауыс беріңіз.   

Абай ТАҒЫБЕРГЕН

    EgovKzBot телеграмм-боты арқылы ұсынылатын мемлекеттік қызметтердің тізімі тағы екі қызметке толықты. "Ұлттық ақпараттық технологиялар" АҚ іске қосқан бот арқылы бұған дейін 13 мемлекеттік қызмет пен сервис, соның ішінде 7 кең таралған анықтама, әлеуметтік мәртебені тексеру мен базалық зейнетақы төлемінің көлемі туралы ақпарат алу, емханаға тіркелу, дәрігерге жазылу және дәрігерді үйге шақырту, сондай-ақ халыққа қызмет көрсету орталығында (ХҚО) кезекті брондау қызметтері қолжетімді болған.

   Енді бот арқылы өзіңізге жақын жерде орналас­қан ХҚО туралы біліп, сондай-ақ бала тууға байланысты проактивті қызметтерді алу мүмкіндігі туды. Басқаша айтқанда,  туу туралы куәлікке тапсырыс беру, бала туу бойынша жәрдемақыларды рәсімдеу және сәбиді балабақшаға кезекке қою тіпті жеңілдей түсті.

онлайн флеш игрынародная медицинадиеты

Сайт бойынша іздеу

Сауалнама

Күнтізбе

« Қараша 2018 »
Дс Сс Ср Бс Жм Сб Жк
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C