Газеттің ПДФ нұсқасы

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны

Қазпочта арқылы 6 айға - 1680 теңге(қала үшін)

6 айға - 1800 теңге (аудандар үшін)

Редакция арқылы 6 айға - 1560 теңге

Редакцияға хат

Email:
Тақырып:
Текст:
Ұстаз мәртебесі

Ұстаз мәртебесі

   

   Қазіргі ақпараттардың 80-90 па­йызы - ағылшын тілінде. Демек, ақ­параттың қайнар көзі шет тіліне байлаулы. Ал, әлемдік ақпарларды өз тілімізге аударып отырып уақыт жоғалтатынымыз белгілі. Ақпараттық тасқын уақытында ғаламдық ашы­лулар мен өзгерістерді жете түсініп, қажеттісін ала алмай отырғанымыздың бір себебі тілдік білім­нің әлі де ақсап жатқанын білдіреді. Бұл әсіресе, ақпарат саласында қыз­мет ететін журналистер үшін екі есе маңызды. Қазір, жасыратыны жоқ, тіл білген маманға сұраныс бар. Сұраныс болғасын, өзгелерден артықшылық болады. Ақпараттық алмасу дәуірінде тұрған кезде тілді білудің талабы журналистерге де жетті. Себебі алдағы 2-3 жылда жур­налистерге шет тілінде ақпарат тарататын кезең келеді. Сондықтан болар, қазірде бірқатар тілшілер тіл білудің қамына кірісіп жатса, ендігі бірі тіл білудің талабын әлі де сезіне алмай жүр. Осы себепті "Руханиятты жаңғырту" қоғамдық қо­ры Қызылорда облысында бірінші болып журналистерге арналған арнайы жоба дайындап, алғашқы қа­дам жасады. Нақтырақ айтсақ, қо­ғамдық қор "Қазақ тілді журналистердің кәсіби тілдік сауатын арттыру" жобасы аясында аймақтағы жур­налистердің басын қосып, "Жур­налистердің шетел тілінде ақ­парат алу мүмкіндігі" тақырыбында оқыту курсын ұйымдастыруды қолға алды. Журналистерді оқыту курсына Қызылорда облыстық Ішкі саясат басқармасы мен "Қазақылықтың Атамекені" қоғамдық қоры қолдау білдірді.

   Бұқаралық ақпарат құралдары өкілдеріне бағытталған оқыту курсын тіл маманы, журналист Сағира Уәлиева жүргізді. Баса айта кетерлігі, оқыту курсы ағылшын тілін тек қана үйретіп қоюды мақсат етпейді, бұл курс журналистика саласында шет тілінде ақпарат алмасудың жолын үйреніп, еркін диалогтық алаңдар құ­ру­ды жоспарлауды, қысқасы, аталған оқыту журналистерді кәсіби бағытта дамытуға арналды. Білім алуға бұ­қаралық ақпарат құралдары өкіл­дері мен аудан журналистері, мен­шікті тілшілер мен журналистика ма­ман­дығында білім алатын студенттер қатысты.  

Сәрсенбі, 20 Қыркүйек 2017 05:33

Жаңа әліпбидің жайы талқыланды

   Мемлекеттік тілдің латын графикасындағы әліпбиінің бірыңғай стандартын енгізу мәселелерін талдау мақсатында "Латын әліпбиіне көшу - заман талабы" тақырыбында идеологиялық актив отырысы болды. Жиын Қорқыт ата атындағы ҚМУ-дың "Студенттер сарайында" өткізілді.

   Бүгінгі күннің өзекті мәселесін тал­қы­лауға облыстық ішкі саясат, мәде­ниет басқармаларының басшылары, қа­ла, аудан әкімдерінің орынбасарлары, ау­­дан­дық білім, ішкі саясат, мәдениет жә­­не тілдерді дамыту бөлімдерінің басшылары, облыстық тілдерді оқыту орталығының қызметкерлері, филолог-ға­лымдар, білім саласының қызметкерлері, зия­лы қауым өкілдері, ардагерлер, үкі­­меттік емес ұйымдар, БАҚ өкілдері қа­тыс­ты. Жиынды облыс әкімінің орын­басары Р.Рүстемов жүргізіп отырды.

   Латын әліпбиіне көшу күн тәртібіндегі басты мәселе болып отыр. Соған сәйкес облыстағы тіл мамандары аталмыш отырыста сөз сөйлеп, ой бөлісті. Ұсыныстар талқыланды. Атап айтар болсақ, Қор­қыт ата атындағы ҚМУ-дың профессоры, филология ғылымдарының докторы Ж.Сәдуақасұлы, "Нұр Отан" партиясы Қызылорда облыстық филиалы төрағасының бірінші орынбасары И.Құттықожаев, Қызылорда облысы білім басқармасының басшысы Б.Сайлыбаев, Қорқыт ата атындағы ҚМУ-дың қазақ тілі мен әдебиеті кафедрасының қауымдастырылған профессоры, филология ғылымдарының кандидаты А.Абасилов, "Сыр Медиа" ЖШС-ның директоры А.Оңғарбаев, Қызылорда облысының тілдерді оқыту орталығының директоры Н.Мусаева, облыстық "Славяне" қоғамдық-мәдени орталығының жетекшісі Г.Шербакова, №5 И.Панфилов атындағы мектеп-лицейдің мұғалімі А.Шайхутдинова көтеріліп отырған мәселе аясында сөз сөйледі.

Сәрсенбі, 20 Қыркүйек 2017 05:23

ӨТПЕЛІ КЕЗЕҢДЕГІ ЕРЕКШЕЛІКТЕР

     

   Баласының мейірбан және сабырлы қалпынан аз ғана уақыттың ішінде күйгелектеніп шыға келуі, айналасында ешнәрсеге қанағаттанбауы секілді кезеңдері әрбір ата-ананың басынан өтеді. Жоғарыда аталған мінез-құлық баланың өтпелі кезеңге аяқ басып, жасөспірімге айналып келе жатқанын білдіреді.

Есею кезеңі

   Бала өмірінде оның есею кезеңі балалық шағының бір­ша­ма ұзақ уақыт аралығын қам­тиды. Ол 11-12 жаста бас­талады және әр балада әр­түрлі уақытта аяқталып жатады. Мысалы, кейбір балалар бұл кезеңнен 15, 16 жасында өтіп кетсе, кейбірі 17 немесе тіпті 18 жаста өтеді.

  Яғни, өтпелі кезеңнің жас аралығын белгілі бір нақты осы уақыт аралығында деп еш­кім де кесіп айта алмайды. Өйткені ол әрбір жасөс­пі­рімнің бойында өзіндік ерек­шелігімен әрқалай өтіп жа­тады.

   Өтпелі кезеңде баланың тек қа­на мінез-құлқында емес, со­ны­мен қатар оның бо­йында, ағ­засында да өзгеріс­тер орын ала­ды. Мұның көп­шілігі өтпелі ке­зеңнің алғаш­қы сатысында бас­та­­­лады. Ал, жасөспірімдік шақ­тың соңғы кезеңінде оның фи­зи­ка­лық қалыптасуы толы­ғы­мен аяқ­талып, балада ере­сек­тер­ге тән қасиеттер пайда бо­лады.

   Бұл жаста жасөспірім­дер­дің ағ­залары жылдам өзге­ріске ұшы­­рап, тез дамиды. Ең ма­ңызды өзгерістер орталық жүйке және эндокриндік жүйелерде орын алады. Гор­мондары да өз­гереді. Мұнан соң ұл бала мен қыз баланың өздеріне тән бет әл­петінде де, жүріс-тұрысында да өз­гешелік пайда болады. Өтпелі кезең бұл балаларға, ата-аналар мен ұстаздарға бірнеше жылдық уақытша сынақ.

Сәрсенбі, 20 Қыркүйек 2017 05:09

ИМАН ИІЛГЕН ИРАН

Астанасы - Тегеран

Жерінің көлемі -1648 000 км2

Халқының саны - 81 332 140

Тұрғындары - ирандықтар,  әзербайжандар, арабтар мен еврейлер, түрікмендер

Басқару түрі - исламдық республика

Ақша бірлігі - Иран риалы 

        Иран. Әдетте, бұл ел туралы айтқанда көнеден керуен тартқан ескі парсы шығармаларының жауһарлары еске түседі. Шығыстың жұлдыздары саналатын Фирдоуси мен Рудаки, Хафиз бен һаям, Сағдидың табаны тиген, тарихы тұнық, кілем тоқу мен мата шығарудан көш бастайтын, кино саласында өзіндік қолтаңбасы бар Иран Республикасы көпке осындай байлығымен етене таныс. "Алуан түрлі әлем" айдары Оңтүстік-батыс Азиядағы құшағына бірнеше ұлттың жүрегін сыйғызған Иран Республикасына аялдайды.

   Иран географиялық орналасу жағынан қос ел Қытай мен Үндістан елін қолтықтай жат­қан, солтүстігінде Каспий теңізі немесе Мазендеран аймағы, оңтүстігінде Парсы және Оман шығанағы, батысында Иракпен, Түркиямен, солтүстігінде Әзірбайжанмен, Түркіменстанмен, шығысында Ауғанстанмен, Пәкстанмен шектесіп жатыр.

    Иран тарихына көз жіберсеңіз, көптеген деректерге, сол кез­дегі елдердің ахуалын біле аласыз. Тарихтан белгілісі, Иран жеріне адамзат тым ерте аяқ са­ла бастаған. Біздің заманы­мыз­дан бұрын 3-мыңжылдықтарда Иранның оңтүстік-батысында алғашқы мемлекеттер ірге қадай бастайды. Кейіннен Орталық Азияның арий тайпалары қара жерді мекен етіп келеді. Сон­дық­тан кейбір зерттеушілер Иранды арийлердің жері деп санайды. Арғы-бергі тарихтан сыр шерту үшін бөлек тақырып қоз­ғау керек. Біз тек Иранның не­гізгі тарихына тоқталсақ. Талай елдің қатулы қабағын көр­­ген Иран халқы өз ұстанымынан таймай, ішкі дербестігін сақ­тап қала алады. ХІХ ғасырдың аяғында Иран Еуропа мемлекеттерінің жартылай қол астына өтеді. Иран жерінің солтүс­тігіне Ресей, оңтүстігіне Ұлы­б­ри­тания ықпалын жүргізді. Әйт­се де, отар елге айналдыруды мақсат тұтқан ағылшындар Иранды толықтай жаулап алады. Алайда, ел ішінде ағылшын үстемдігіне қарсы толқулар көпке дейін жүрді. Екінші дүниежүзілік соғыс кезінде Иран КСРО және Ұлы­британия мемлкеттерімен одақ­тас­тық келісімге келеді. Кейіннен ел ішінде соғыстар жүреді, Иран экономикасы тұралап қалады. Әйткенмен 1979 жылға дейін Иран халқы еркіндікті сезіне алмады. Тек 1979 жылы Имам Хомейнидің табандылығы арқылы тәуелсіздікке қол жеткізеді. Алайда Иранның республика болып қалануы көптеген елдерге ұнай қой­мады. Мұнан кейін де елде иран-ирак соғысы өрбіп, халықтың жағдайы нашарлайды. Жалпы Иран тарихы бізге осылай жетті.

Сейсенбі, 12 Қыркүйек 2017 12:02

Мұғалімдер мен оқушылар үшін

      Биылғы жаңа оқу жылы 2017 жылдың 2 қыркүйегінде басталды. Өзгерістер орын алды. Біз орта мектеп мұғалімдері мен оқушылар үшін қанша мерзімде оқып, қай мезгілде демалатыны жөнінде керек мәліметті жария еткенді жөн көрдік.

   Оқу жылының ұзақтығы: мектепалды дайындық сыныптарында - 32 оқу аптасы, 1 - сыныптарда - 33 оқу аптасы, 2-11 (12) - сыныптарда - 34 оқу аптасы. Мейрам күндері­не түс­кен сабақтар оқу бағдарламасы мазмұнының кі­рік­тірілуі ескеріле отырып, қайталауға ар­нал­ған сағаттар есебінен келесі жұмыс күндеріне ауыстырылады.

   Оқу жылы барысындағы каникул кезеңдері:

   1) 1-11 (12) - сыныптарда: күзгі каникул - 7 күн (2017 жылғы 30 қазан - 5 қарашаны қоса алғанда), қысқы каникул - 10 күн (2017 жылғы 29 желтоқсан - 2018 жылғы 7 қаңтарды қоса алғанда), көктемгі каникул - 13 күн (2018 жыл­ғы 21 наурыз - 2 сәуірді қоса алғанда).

  Мектепалды даярлық сыныптарында: күзгі каникул - 7 күн (2017 жылғы 30 қазан - 5 қарашаны қоса алғанда), қысқы - 14 күн (2017 жылғы 25 желтоқсан - 2018 жылғы 7 қаң­тарды қоса алғанда), көк­темгі - 15 күн (2018 жылғы 21 нау­рыз - 4 сәуірді қоса алғанда).

  Мектепалды даярлық сыныптары мен 1-сыныптарда: 7 күн мерзімде (2018 жылғы 1-7 ақпанды қоса алғанда) қосымша каникул белгіленді.

 Дереккөз:

Қызылорда қалалық білім бөлімі

   Баласын мектепке біл деп беретін әрбір ата-ана білім саласында­ғы соны өзгерістерді үнемі қадағалап отырады. Себебі соңғы жылдары бі­лім саласындағы реформалар оқу­шылар түгілі, ата-аналар арасында әлі де ашылмаған сұрақтардың барын көрсетіп отыр. Соның бірі - оқу­шылардың білімін бағалайтын жаңа критериалды жүйе. Дәстүрлі баға­лау­дың көзін көрген ата-аналар әлі де жаңа жүйені толыққанды түсінбей жатқанын мойындайды. Осыған орай ҚР Білім және ғылым министрлігі ата-аналарды алаңдатқан сұраққа жауап қайырып, тақырыптың мәнін ашуда барын салып жатыр. Білім талқысына түскен критериалды бағалау жүйесін біз де тал­қыламақ ниетте арнайы сұхбат құру­дың қажет екенін түсіндік. Облыс мек­тептерінің жаңартылған мазмұн­ға көшу тәжірибесін қадағалайтын жауапты маман, Назарбаев Зияткерлік мектебі директорының бейін­ді сынама жөніндегі орынбасары Қайырбек Сәбитұлы Буксукбаевты сұхбат алаңына шақырдық.

   - Қайырбек Сәбитұлы, жаңар­тыл­ған білім беру мазмұны туралы ел ішінде әлі де түсінбестік бар. Әсіресе, 2,5,7-сыныптарда білім алатын оқу­шылардың бағалау жүйесіне қатыс­ты сұрақ көп. Критериалды бағалау жүйесіне көшуге қандай себеп түрткі болды?

    - Қай кезде де жаңа дүниеге көптің ықыласы ауады. Түрлі көзқарастар мен пікірлер қалыптасады. Алайда, әрбір жаңа дүниенің астарында алға қарай ұмтылу деген түсінік болатынын ескеруіміз керек. Қазақстанда техникалық инновация­лар қарқынды даму үстінде. Осы тұста еліміз жоғары деңгейдегі мамандарға аса мұқтаж болды. Талап үдесінен шығатын кадрдың қажеттілігі айқын се­зілді. Осыған байланысты 2008 жылы Елбасы Нұрсұлтан Назарбаевтың бастамасы бойынша Зияткерлік мектептер құру жөніндегі жоба іске қосылды. Сол уақытта білім беру саласы инновациялық білім беру бағдарламалары мен ғылыми жобаларды іске асыруға мүмкіндік бермеді. Себебі әлі бұл жүйеге дайын емес едік. Сіз айтып отырған жаңа білім беру бағдарламасы мен бағалау жүйесі атал­ған проблеманы жоюға бағыттал­ған. Жаңа бағдарлама Назарбаев Зият­керлік мектебі мен Кембридж Университетінің мамандарымен бірлесе отырып әзірленген. Әлбетте, сынамадан өтпей еш нәрсе де білім саласына енбейді. Бұл бағалау жүйесіне көшетін уақыт келді. Бәрі де уақыт өлшемімен, алдымен 2,5,7-сыныптарға еніп отыр. Келесі жылы басқа сыныптар, осылайша кезең-кезеңімен ене береді.

   - Білуімізше, дәстүрлі бағалау жүйесі 70 жылдан бері қолданыста болды. Уақыт талабы де­геңізбен келісеміз. Алайда, жаңа бағалау жүйесін бір-екі жылда қабылдай салу асығыстық шешім емес пе?

   - Асығыстық деп айтуға кел­мес. Тәжірибе сыналып ба­рып еніп отыр. Қазіргі бі­лімге енген жаңа мазмұнның артықшылықтары көп. Бұл ең алдымен оқушылардың функционалдық сауаттылығын арттырады, оқушылар алған білімін өмірлік жағдайда қолдануға бейімделеді, нақты мақсатқа бағытталып отыр. Сонымен бірге кірік­ті­рілген бағдарлама бойынша бар­лық пәндер бір-бірімен ты­ғыз байланыста. Мұ­ны былайша түсіндіріп өтейін. Біз­ге автокөліктің физикалық тұрғыдағы қозғалысы бұрыннан мәлім. Алайда, жастарымыз ондағы болып жатқан хи­миялық үрдістермен қан­ша­­лықты таныс? Автокөлік­терге экологиялық мәселеден туындайтын проблема бойынша қойылатын талаптарды білеміз бе? Одан туындайтын проблеманың тірі организмдерге тигізетін әсерін оқушыларға тү­сіндірдік пе? Қазақстанда автокөліктерді өнді­рудің экономикалық пайдасын оқушылар есептеді ме? Мі­не, жаңа жүйе барынша өмір­лік практикаға бағыт береді.

    Қазақстан Республикасы Үкіме­ті­нің 2012 жылғы 17 ақпандағы №232 қау­лысына сәйкес елімізде ТМД елдері арасында ешқандай баламасы жоқ, біліктілік арттырудың жаңа жү­йесі - "Өрлеу" біліктілікті арттыру ұлт­­тық орталығы" Акционерлік Қо­ға­мы құ­рылды. Оның құрамына Білім бе­ру жүйесінің басшы және ғылыми-пе­дагогикалық кадрлар біліктілігін арттыратын республикалық институты, Алматы, Астана қалалары және 14 об­лыстық педагог қызметкерлердің бі­ліктілігін арттыру және қайта даярлау институттары енді. Бұрын әрқайсысы өз бетінше жұмыс жүргізіп жатқан инс­титуттар бір жүйеге бірік­тірілді.

    Қазір бұрынғы 36 сағаттық білік­тілік арттыру курстары орнына 72, 80, 120, 160 сағаттық курстар өткізілуде. 2012 жылдан бастап деңгейлік бағдарлама бойынша 3 айлық курстар, 2015 жылдан бастап "Өзін-өзі тану" пәні­нен 3 айлық деңгейлік курстарды өт­кізу қолға алынды. Деңгейлік курстардың бағдарламасы "Сындарлы оқыту теориясына" негізделген. Бұл теория­ның мақсаты - оқушының пәнді терең түсіну қабілетін дамыту, алған білімін сыныптан тыс жерде, кез келген жағдайда тиімді пайдалана білуін қамтамасыз ету.

     Біліктілік арттыру курсынан өткен мұғалімнің өз бо­йын­да төмендегідей дағдылар қалыптасуы қажет:

   * бағдарламаның негізгі идея­ларына сәйкес рефлексивті ойлау;

   * оқыту үдерісін жоспарлау;

  * жеті модуль тақырыптары бойынша ықпалдастырыл­ған сабақтар топтамасын жоспарлау және іс жүзінде жүзеге асыру;

   * оқушыларды оқу үдерісіне тарту;

   * оқушыларды тиімді түр­де жүйелі бағалау;

   * өзінің оқыту үдерісі бо­йын­ша рефлексия жасай алуы.

  Деңгейлік бағдарламалардың соңында тыңдаушылар Педагогикалық өлшемдер орталығы мамандары өткізген біліктілік емтихандарында инс­титутта 5 жыл көлемінде оқыған 2155 тыңдаушының 2152-і оң нәтиже көрсетті. Сапалық көрсеткіш 99,9%. Бұл республикадағы жоғары көрсеткіштердің бірі.

Сейсенбі, 12 Қыркүйек 2017 10:35

ҚАНАТ ҚАЗАҚТЫҢ РУХЫН КӨТЕРДІ

     "EXPO-2017 ASTANA" көрмесі аясында Астана қаласында Қанат Ислам мен Брэн­дон Кук арасын­да­ғы жекпе-жек қа­зақстандықтар үшін қуанышпен аяқталды. 25-ші жеңісімен қуантқан Qazaq - Қанат Ислам Қазақстанды бір серпілтіп тастады. Бокс сүйер қауым жеңіс күткен еді, сол межеге Қанат жете білді. Отандасымыз бірінші орта салмақтағы WBO, NABO және WBA Inter-Continental белдіктерін қорғап шықты.

   Ойын басталғаннан екі боксшы бір-бірін аңдысып жүрді. Үшінші раундтың соңғы секундында Қанаттың сәтті бір соққысынан Брэндон есеңгіреп қалды. Ал, жанкүйер жұрттың қызу қолдауы, "Қазақ" деп ұрандатуы жер­ле­сі­мізге күш бергендей. Төртінші раундта да Қанат жиі ша­б­уыл­дады. Дегенмен де Брэндон есін жиып алды. Ал, бе­сінші раунд бастала сала Қанаттың сол жақ қолымен соқ­қан соққысы қарсыласының иек астынан тиіп, керме ар­қанға шалқалай құлатты. Екі нокдаун алса да Брэндон төзімділігін дәлелдеді. Шыдап бақты.

   Сегізінші раундта Брэндон үшінші рет нокдаун алды. Қанат соққысын жиілеткенімен қарсыласы құ­шақ­тап алып, раунд аяқталды. Тоғызыншы раунд бастала са­ла соқ­қысын үдеткен Қанатқа төреші жеңіс туын ұс­татты.

   "Qazaq" лақап атымен шығып жүрген отандасымыз Қанат Ислам бірінші орта салмақтағы WBO, NABO және WBA Inter-Continental чемпиондық белбеулерінің иегері Бүкіләлемдік бокс қауымдастығының (WBA) 8 қыркүйекте жаңартылған рейтингінде екінші орыннан көрініп тұр. Бұл да бір өз алдына үлкен жетістік. Қанат Исламның кез­десудегі қарсыласы жанкүйерлеріне Bad Boy, яғни "жаман бала" лақап атымен танымал Брэндон Кук болса WBA рей­тингінде - 5 орында орналасқан.

  Оның соңғы жекпе-жегі Норберто Гонсалеспен мамыр айында АҚШ-тың Флорида штатындағы Бока Ратон қаласында орналасқан "Boca raton resort & club"-та кездесуі. Майталмандар WBO NABO және WBA Inter-Continental вакантты титулы үшін таласты. Қанаттың 24-ші кездесуі өт­кен кеште Жанқош Тұраров 21-ші жеңісіне жетті.

  Жерлесізміз Қазақ жерінде осымен екінші рет жекпе-жек өткізіп отыр. Ол 22-інші кездесуін Алматыда өткізген болатын. 2016 жылдың айтулы оқиғаларының бірі ретінде ес­те қалған, 29 қазан "Алматы аренада" өткен бәсекеде Қанат Ислам қарсыласы Патрик Аллотейді ұпай са­нымен жеңді. Өткен жылдың ең маңызды спорттық оқи­ғасында Қанаттан бөлек, Жанқош Тұраров та бә­секелесі Айсак Ариені (Гана) 4 раундта жайратып салған еді.

   Әрбір жекпе-жегін жастар асыға күтетін Қанат Исламның биылғы алғашқы жекпе-жегі әрі 23-кездесуі ақпан айында Американың Делавэр штаты Уилмингтон қаласында бразилиялық боксшы Робсон Ассиспен жекпе-жек жасаған. Ойын бастала сала жер­лесіміз қарсыласын бір минутқа жетпес уақытта но­каутқа жіберген болатын.

   Өзінің ашық жаттығуы аясында Қанат Ислам тілшілерге берген сұхбатында "Біздің жаттығу лагеріміз керемет болды. Өз-өзіме сенімдімін және жеңіске жету­ге дайынмын. Алда болатын жекпе-жекті тағатсыздана күтіп жүрмін. Бұл - менің үйім және мен жеңемін", - деген еді. Айтқаны айдай келді.

    Қанат Исламмен бірге бір ай дайындалған Нұрсұлтан Жаңабаев шыға сала Алекс Сандро Дуартені ұрып құлатты. Нұрсұлтан Жаңабаев ал­ғашқы кездесуінде-ақ WBA чемпиондық белдік­терінің бірін иеленіп, жеңіс тұғырынан көрінді.

Айдар САЙЛАУОВ

 

 

       Қазіргі заман талабына сай техникалық және кәсіптік білімнің мазмұнын жаңарту - алға қойыл­ған мақсаттардың бірі. Ол үшін принципиалды жаңа білім беру бағдарламалары мен прогрессивті оқыту тех­нологияларын енгізу қа­жеттігі туындауда. Алға қо­йылған мақсат негізінде КЕАҚ "Кәсіпқор" холдингі" біліктілігі жоғары ма­мандарды даярлау үшін шетелдік колледждердің үздік практикасын есепке ала отырып жаңа білім беру бағдарламасын құрас­тыруда және білікті мамандарды даяр­лаудың жаңа мазмұндағы қызметінің практикасын таратуда ауқымды жұмыстар жүргізуде. Қызылорда облысы бойынша 2016 жылы кәсіптік білім саласының 138 ин­женер педагогы арнайы курстарда білімдерін көтерсе, 2017 жылы 240 осы саланың қызметкері және 11 колледж басшысы оқытудың жаңа бағдарламасы бойынша білімдерін көтеріп арнайы курстардан өтті.

  КЕАҚ "Кәсіпқор" холдингі басшылығымен әзірленген барлық жаңа бі­лім беру бағдарламаларында оқу үде­рісін ұйымдастыруға модульдік - құ­зіреттілік тәсілдемеге негізделген әдісті енгізу қарастырылған.

   Аталған білім беру бағдарламасы жұмыс берушілер талаптары мен аймақтық ерекшеліктерін есепке ала отырып қосымша модульдерді енгізу мен жаңғырту мүмкіндігін қарастырады. Бұл ретте "модульдік - құзіреттілік тәсілдемеге" негізделген бағдарламасы бір мамандықтың шеңберінде кә­сіптік қызметтің белгілі бір түрлерін орындау үшін құзыреттерді меңгертуге бағытталған білім беру бағдарламасының бір бөлігі ретінде түсіндіріледі.

   Осы орайда, облыстық оқу орталығының (әдістемелік кабинет) ұйымдастыруымен үстіміздегі жылдың 29-30 тамыз күндері М.Ықсанов атындағы политехникалық колледж базасында жаңа бағдарламалар бойынша колледждерге оқу жоспарын дайындау үшін әдістемелік көмек көрсе-тілді. Атал­мыш колледжде "Техникалық жә­не кәсіптік білім беру ұйымдары үшін модулді - құзреттілік негізінде әзірленген жаңа бағдарламалар бойынша оқу жоспарын дайындау жолдары" тақырыбында семинар-тренинг өткі-зілді. Семинарға облыс көлеміндегі техникалық және кәсіптік білім беру ұйымдарындағы директордың орынбасарлары, әдіскерлері және жұмыс оқу жоспарын жасауға жауапты қызметкерлері қатысып өздерінің сұрақтарына жауап алды. Семинардың аяғында әрбір колледж қызметкерлері өз оқу орындарындағы түрлі мамандық бойынша жұмыс оқу жоспарларын дайындады.

   Аталған семинарда КЕАҚ «Кәсіп­қор холдингінің» өзектендірілген "модульдік-құзіреттілік тәсілдемеге" негізделген үлгілік оқу жоспарларын пайдалана отырып, техникалық және кә­сіптік білім беру ұйымдарында оқу жұ­мыс жоспарларын жасау, оқу үдері­сінің жүйесін жоспарлау көрсетілді.

    Семинар соңында Оқу орталығының ТжКБ бөлімінің меңгерушісі Б.Дүрманов техникалық және кәсіптік білім беру ұйымдарының директорларының орынбасарларына және әдіс­кер­леріне семинар барысында белсен­ділік көрсеткендері үшін алғыс білдіріп тренерлер Лаззат Умаровна мен Ботакөз Таңқыбаеваға сертификаттар тапсырды.

Облыстық оқу орталығы

(әдістемелік кабинет)

ТжКБ бөлімі

Қызылорда қаласы

Сейсенбі, 12 Қыркүйек 2017 09:40

АЗАМАТ. ҰСТАЗ. ҒАЛЫМ

  Ел игілігі үшін ең­бекпен етене араласып, жарқын болашаққа қа­рымды қадам жасаған ұлағатты ұстаздың өмірі қиындық пен қуанышқа толы болатыны шын­дық. Осындай ұстаздық қасиетке барынша адал­дық танытып, бар са­налы ғұмырын осы салаға арнаған ұстаз­дарға қандай мақтау, мадақ айтсақ та артық емес. Сондай азамат­тардың бірі қашанда сыпайы да сырбаз қал­пынан айнымайтын, жүзінен нұр, жүрегінен шуақ төгіліп тұратын Қорқыт ата атындағы Қызылорда мемлекеттік университетінің ғалымы Бақыт Қалиұлы.

    Бақыт Қалиұлы 1957 жылы 18 қыркүйекте Қызылорда облысы Жаңақорған ауданында дүниеге келген. Қызыл­орда қаласын­дағы №10 орта мектепті 1974 жылы бітіріп, комсомолдық жолдама­мен еңбек етуді Отан алдындағы пары­зым деп түсінеді. Сөйтіп Бақыт­тың алғашқы өмір жолы қайнаған еңбек­пен бас­талады. Үлгілі еңбегі үшін басшылық тара­пынан бірнеше рет алғыс хатқа ие болғаны да ақиқат. Еңбекпен ерте есейген Бәкең бала күнінде армандаған Н.В.Гоголь атындағы Қызылорда педа­гоги­калық институ­тының физика-математика факультетінің дайын­дық курсына оқуға түсті. Институт қабырғасында жүріп, математика ғылы­мының қыр-сырларын меңгеру мақсатында ұстаздары С.Бекбаев, Ә.Тәжмағамбетов, Б.Қашқынбаев, Қ.Жаңабергенов, Б.Сейсеновтерден ғы­лыми-зерттеу та­қы­рыбын алып, жүйелі жұмыстар жүргізді. Сту­денттік шағында ғы­лыми мақалалары бас­паға шығып, білімпаз жастар арасында қызу тал­қыланып жатты. Инс­титут бойынша үл­гілі топ жетекшісі бо­лып, кейінгі толқын сту­денттерді қам­қор­лығына алып отыр­ды. Институтты бітіргеннен кейін ректорат жалынды жасты оқытушылыққа қалдыруға шешім қа­былдады. 1980-1982 жылдары Н.В.Гоголь атындағы Қызылорда педагогика инсти­ту­тының физиканы оқыту әдістемесі және жалпы техникалық пәндер кафедрасында оқу ше­бері және оқы­тушы­лықтан бастаған Бәкең институттағы барлық қызметті абы­рой­мен атқарып келеді. Атап айтқанда, кафедра мең­герушісі, факультет де­ка­ны, проректор, Мәскеу статистика, инфор­матика және бизнес институтының ректоры.

онлайн флеш игрынародная медицинадиеты

Сайт бойынша іздеу

Сауалнама

Күнтізбе

« Қазан 2017 »
Дс Сс Ср Бс Жм Сб Жк
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Серіктестер