Газеттің ПДФ нұсқасы

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны

Қазпочта арқылы 6 айға - 1680 теңге(қала үшін)

6 айға - 1800 теңге (аудандар үшін)

Редакция арқылы 6 айға - 1560 теңге

Редакцияға хат

Email:
Тақырып:
Текст:
Ұстаз мәртебесі

Ұстаз мәртебесі

  Қазіргі заман талабына сай оқу-тәрбие үрдісін жаңаша дамыту, оның нәтижесінің көңіл толарлықтай болуын қадағалау жаңашыл педагогтардың қо­лында. Олардың негізгі мақсаты - оқушылардың алатын білімін сапалы ету, оның толыққанды жеке тұлға болып қалыптасуына негіз қалау.

  Мұғалім еңбегінің жемісті болуы оның біліктілігіне, әдісте­мелік шеберлігіне байланысты. Шеберлік ізденістен басталады. Іздену шығармашылықпен іске асырылады.

   "Шығармашылық" деген сөздің мәніне үңілсек, ол адам­ның мақсатты іске жету жолын­дағы талаптануы мен талпыны­сынан, жігері мен сабырынан, сұ­ранысы мен ізденісінен түзеліп, ақыл ойы мен сезімінің, қиялы­ның ерекше бітімінен көрінеді.

    Қоғамда "орындаушы" адам­нан гөрі "шығармашыл" адамға деген сұраныстың көп екендігі дәлелденіп отыр.

  Шығармашылық психоло­гия­лық еңбектерде еркін әрекет ретінде сипатталды, өйткені адам өз таңдауында еркін болуға тиісті. Шығармашылық әрекет, соны­мен қатар интиуцияның орын алып, қиялдың қанат қағуы, сезім­нің жоғарылауымен, үздік­сіз ізденіспен сипатталды.

     Келешегі - кемел, болашағы - баянды қазақ жастары са­ла­уатты өмірді жандарына серік еткен. "Шынықсаң шымыр боларсың" деп, жалқаулыққа жан семіртпей, жеңіс шыңынан көрініп жүрген қазақ жастары жетерлік. Олардың спорттағы алғашқы жетістігінің іргетасы мектеп қабырғасынан қаланары сөзсіз. Осы тұрғыдан алғанда дене шынықтыру пәні мұғалімдері мақтауға лайық. Оған қоса жақында ғана дене тәрбиесі сабағының апталық жүктемесінің 3 сағат­қа артқаны көпке мәлім.  

    Осы аталған үрдістің легін үзбей, салауатты ұрпақ тәрбиесіне аса мән беріп жүрген №235 орта мектебі. Мектептегі "Спорт денсаулық кепілі" атты апталық ая­сында 25 қазан күні "Спорт - бейбітшілік елшісі" атты кез­десу болып өтті. Кездесуге мектеп түлектерінің спорт саласында ауыз толтырып айтарлық жетістікке жеткен ең үздік спортшы мамандар шақырылып, қонақ болды. Олар­ға тарихтан тамыр тартатын ақпараттарды мектеп ішін­дегі музейден көрсетіп берді. Музейде мектептің спорт саласындағы жеткен жетістіктері түгелдей дерлік жинастырылып, топтастырылған. 

   Кеш қонақтары ретінде Халықаралық дәрежедегі спорт шебері Гүлмира Меңдібаева, Қызылорда қаласының дене шынықтыру және спорт бөлімінің маманы Серік Сансызбайұлы, жеңіл атлетикадан Азия чемпионы Азамат Құлдас, спортшыларға демеушілік көрсетіп, қолдап жүрген ел мақтанышы, "Олжас" ЖШС директоры Талғат Тасболатұлы, "Асық ату" федерациясының президенті Жандос Базартай шақырылған. Аталған тұл­ға­лар осы мектептен түлеп ұшып, бүгінде мектеп төрінде кештің қадірлі қонағы атанып отыр. Спорт саңлақтары дене шынықтыру әлеміне қадам басып келе жатқан мек­теп оқушыларына ізгі ниеттерін, тілектерін білдірді. Спорт шарасының ұйымдастырылуына ұйытқы болып, оқушылардың жетістікке жетуіне басты себепкер атанып жүрген Райхан Наукеев те жас шәкірттерге тілектестігін білдірді. 

   - Салауатты өмір сүру - әлеуметтік тұрмысты жақсарту, бос уақытты тиімді пайдалану, денсаулықты сақтау және нығайту деп білемін, мектептегі спорт саласындағы жетістіктерге дән ризамын,- деді №235 орта мектеп директоры Гүлзира Мәжит­қызы. 

   Спорт - елдің мерейін асырып, абыройын тасытатын сала. Егеменді елдің айбынды спортшылары әлемдік бә­секелерде топ жарып, биік белестерден көрінуі тынымсыз жасалған жұмыстардың нәтижесі. Мектеп ұжымы сол үшін де спортшы оқушыларға қолдау көрсетуін жалғастыра беретіндігін айтты.

Айдар САЙЛАУОВ 

Бейсенбі, 26 Қазан 2017 06:41

ФРАНЦИЯ

 

 

Астанасы - Париж

 

Халқының саны - 65 447 374

 

Жерінің көлемі - 674 685 км2

 

Билік түрі - унитарлы республика

 

Тілі - француз

 

Ақша бірлігі – еуро

     "Франция" дегенде көз алдыңа бірнеше атрибуттар оралады. Париж, "Эйфель" мұнарасы, "Лувр" мұражайы, тіл үйірер тәтті круассандары... Тізім кете береді. Бұл ел жұмыр жерге осындай көптің аузынан түспейтін орындарымен ерекше, сонысымен құнды. Парижге бір аяғым жетсе екен деп армандайтын жастарды бұл ел өз мәдениетімен, романтикалық қалаларымен баурап алады. Ішкі аурасы, бір-біріне ұқсамайтын мәдени орындары, өзіндік ұстанымдары Францияны Еуропа елдерінен бөле-жарады. Балет пен киноматографтардың, шансонның отаны саналатын әлемдегі бірден-бір ел Франция туралы айтылар әңгіме де, жазылар дерек те көп. "Алуан түрлі әлем" айдарында біз мұнай мен газ өндірмесе де, туризм арқылы төрге шығып отырған француздардың тіршілігін сөз етпекпіз.

    Алдымен, геогра­фия­­лық орналасуына мән берсек. Франция - Батыс Еуропадағы ең ірі мемлекет. Ұсақ аралдары бар ел солтүстікте Бельгия, Люксембург, шығыста Германия мен Швейцария, ал оң­түс­тік-шығыс­та Италия жә­не Монакомен, оңтүс­тік-батыста Испания және Андоррамен шектеседі. Ел тарихы өз алдына жеке тақырып болғандықтан, аса бір тереңірек үңілмеуді жөн көрдік. Француздар мақ­тан ететін көрікті жерлері мен тұмар етер байлықтарына аса көп тоқталмаймыз. Себебі жұмыр жерде мекен еткен әрбір санасында сәу­ле бар адам Фран­ция туралы азды-көпті деректер біледі.

   Франция - туристерге құшағын айқара ашатын бірден-бір ел. Тіп­ті туристер­дің келу көр­сеткіші елдегі ха­лық санынан да асып жығылады. Па­риж­дің өзіне жылына 9 мил­лионға жуық турист табан тірейді екен. Ал, елге 70 млн. турист келеді деген дерек бар. Әл­бетте, табыстың қайдан ке­ліп тұрғанын жақсы түй­сінетін француздар сая­хатшылар­ға барын тосады, жай­лы орын мен түрлі қызметтер ұсынады. Қал­­таны қағып түсер қымбатшылық болса да, жиһанкездер фран­­цуз мәдениетімен жақынырақ танысу үшін барын береді, қалтасындағы соң­ғы тиынын да жұм­сап қалады. Тағы бір ерекше­лікті айтпай кетпесе болмас. Жұмыс көзі болмай, пана іздеп келген мигранттар француздарды қолайлайды. Африка мен Азиядан ағылып келген олар мәдениетті түрде қайыр сұрайды. Тиынға зар болған олардың тіршілігі бө­лек, әркімнен қа­рыз сұрап, қоғамдық орындарда алақан жайып жүреді. Әлбетте, мұн­дай миг­рант­­тардың қо­лына қаржы қыс­ты­ратындар шетелдік туристер ғана, жер­­гілікті француздар көбіне "мәдениетті қа­йыр­­шылар­ға" мей­ірім танытып, иіле қой­майды.

Бейсенбі, 19 Қазан 2017 12:59

22543 адам жұмыс іздеп хабарласқан

   Қазір арқаны кеңге салып, қарын сипап жататын кез емес. Күн­делікті қарбалас тірші­лікте жұмысқа асыққан жандарды көресің. Бәрі де жан бағумен жанталасып жүр. Алайда, ертеңімен ертелетіп жұ­мысқа асықпайтын, анығын айтқанда, барар жұмысы жоқ қаншама адам бар. Мұндайда "екі қолға бір күрек табылады, неліктен жастар жұмыссыз жүр?" деп ақылға салып кететі­німіз рас. Көше кезіп, жұмыс іздейтіндердің де арасында артық қи­мыл жасауға ерініп, көзі табылып тұрған қызметке барғысы келмейтіндердің барын жасыра алмаймыз. Жарнамаға ілінген хабарландыруды күтіп, бос орындарға жарияланған жұ­мыс орындарына түйін­деме жіберіп, "мені қашан жұмысқа шақырады?" деп қарап отыратын азаматтарды көз көріп, құлақ естиді.

    Жұмыс берушілерден бір жауап күтіп, алақанын ысқылап отырған ағайынның бұл әрекеті кейде сәтті, кейде сәтсіз аяқталады. "Түйіндемеден түк пайда жоқ" деп қызметке ақша қыстырып, бас сұғатын жағдайды ел ішінде де аз кездестірмейміз. Себебі, қазір тұрақты жұмыс табу оңай емес.

    Әсілі, түйенің табанындай дипломы болса да, әр мекемеге түйіндеме тасып, жұмыс таппай сабылып жүретін жұртқа "кәсіп ашып, тірлік қыл" деп тағы да ақыл айтамыз. Кәсіп ашудың да өз алдына қиындықтары бар екенін біле тұра, тартынып қаламыз. Бұл бө­лек тақырып. Қалай десек те, мұның бәрі елдегі еңбек нарығының бүгінгі жағдайын байқатады.

   Мұны неге айтып отыр­мыз? Қызылорда облысында жыл басынан бері бір қызметке қолы жетпей жүрген 22543 адам жұмыспен қамту ме­кемесіне жұмыс сұрап хабарласқан. Оның 10767-і тұрақты қызметке қа­был­данып, еңбекке араласып кетті. Ал, қалған 11776 адам әлі де жұмыс таппай қиналып жүр. Мұндай мәліметті Қызылорда облыстық жұмыспен қамтуды үйлестіру және әлеуметтік бағдарламалар басқармасының басшысы Мұрат Ергешбаев журналистермен бол­ған брифингте мә­лім­деді.

   

   Өткен жұмада Қ.Мұхамеджанов атындағы №1 мектеп-гимназиясының мәжіліс залында қазақ алфавитінен латын әліпбиіне көшуді қолдау мақсатында "Мәңгілік Ел" тәуелсіздігінің рухани көрінісі - жаңа әліпби" атты кездесу кеші болып өтті. Кешке филология ғылымдарының кандидаты, доцент Аман Абасилов пен "Ұстаз мәртебесі" га­зетінің бас редакторы Нұрлан Көбегенұлы қатысты. Кешті мектеп директоры Данабек Абдраймов жүргізіп отырды.

   Елбасымыз Н.Ә.Назарбаев өз Жолдауларының бірінде қазақ алфавитін 2025 жылға қарай латын графикасына көшіруге дайындық жұмысын осы бастан қолға алу қажеттігін қадап айтқан болатын: "Біріншіден, бұл қазақтың тіліне ең жақын әліпби. Екіншіден, біз шетелдегі отандастарымызды ұмыт­пауымыз керек. Олардың елден хабар алуы да біраз жеңілдей түседі, өйткені, көп елдерде осы латын әрпі пайдаланады. Үшіншіден, латын әліпбиін меңгерген жастарымыз келешекте ағылшын тілін үйренуге бейім болады, сол арқылы әлемдік ақпа­ратпен сусындай алады" деген Елбасы сөзінен кейін жүйелі жұмыстар қолға алына бастады.  

        Қиналғанға қол ұшын со­зып жүру қазақтың қанында бар қасиет. Билік басында­ғы­лар бұл жолы игі іс жасады. Өткен жұмада облыс әкімдігі және облыстық прокуратура­ бірлесіп бекіткен "Мүм­кіндігі шектеулі азаматтарға қамқорлық" жобасы аясында об­лыстық жұмыспен қамтуды үй­лестіру және әлеуметтік бағ­дар­ламалар басқармасына қа­расты "Мүгедектерге ар­нал­ған оңалту орталығы" мем­лекеттік мекеме­сі­нің ғи­маратында облыс проку­роры Х.Дәуешов және салалар бойынша басқарма бас­шыла­ры­ның қатысуымен мүм­кін­дігі шек­теулі азаматтармен кездесу өткізді.

    Кездесудің басты мақсаты об­лыста мүмкіндігі шектеулі аза­мат­тардың өмір сүру сапа­сын жақ­сарту бағытында ат­қа­рылып жатқан жұмыстар жайында бү­кіл елге мәлім ету болды және мүм­кіндігі шек­теулі азаматтардың шешімін таппай жүрген мәсе­лелерін өз ауыздарынан тыңдау және шешімін табуға жәрдем­десуге бағытталды.

         Екі айдан кейін 2018 жылға аяқ басамыз. Әдетте, жыл басында билік басында отырған атқамінерлер ауысып, елдегі салалардың әрқайсысында жаңалықтар болатыны белгілі. Халық өмірі­мен қабысып жатқан әлеуметтік жәрдемақы төлемдеріне қатысты да өз­геріс­тер болады. Қазірден бел­гілісі, келесі жылдың 1 қаңтарынан бастап әлеуметтік көмек көрсету жүйесінің құрылымы өзгереді, яғни жаңа форматта атаулы әлеуметтік көмек енгі­зілмек. Бұл қалай болмақ?

   Мамандардың сөзіне сенсек, атаулы әлеуметтік көмек шартты және шартсыз ақшалай көмек түрінде тағайындалады. Шартсыз қаржылай көмекті отбасында еңбек етуге жарамсыз және еңбекке жарамды бола тұра ең­бек­пен қамтуға белгілі бір себептерімен қатыса алмаған отбасылар ала алады. Бұл тізімге мектеп жасына дейінгі балалары бар жалғызбасты аналар да кіреді.

   Ал, шартты ақшалай көмек үй ішінде еңбекке жарамды кемінде бір мүшесі бар отбасыға әлеуметтік келісім ар­қы­лы реттеледі. Айта кету керек, бұл кезеңде отбасындағы барлық мүшелері ең­бекпен қамту шараларына толық қатысқан жағдайда берілмек. Атал­ған көмек ең төменгі күнкөріс деңгейінің жартысына жетпейтін табысы бар азаматтарға беріледі. Ескеретіні, көмек алты айға беріледі. Негізінде, аталған көмек осы уақытқа дейін "Өрлеу" жобасы аясында да беріліп келді. Ендігі уақытта атау­лы көмек жүйеленіп, әрі жаңа бағытта өзгеріп отыр. "Өрлеу" жобасы 2015 жылдан бері бірнеше облыстарда, 2016 жылдан бастап барлық аймақтарда ен­гізілді.

   Атаулы көмек бұрыннан бері берілетін жәрдемақылардың же­тіл­ген түрі. Қазіргі уақытта көпбалалы аз қамтылған отбасыларға берілетін жәрдемақының 3 түрі, атап айтқанда, арнайы мемлекет­тік жәрдемақы, балалар жәрдемақысы және атау­лы әлеуметтік көмек бірыңғай жәрдемақы тү­рінде берілмек. Тиісінше, төленетін қаржысы да ұлғаймақ.

    Атаулы әлеуметтік көмек жұ­мыссыз отырған отбасылардың өмір сүру деңгейін жақсартуға бағытталмақ. Әлеуметтік кө­мектің бұл түрі туралы толыққанды мәлі­меттерге жергілікті жұмыспен қамтуды үйлестіру және әлеуметтік бағдарламалар басқармасы жауапты.

А.ҚАРАКЕСЕК

  Бензин бағасы бір жүйеленбейінше, елдің көңілі алаң күйінде қала бермек. Жанармайсыз жарты жолда қалып қойғандар да, көліктері от алмай, көшеге шыға алмай жүргендер де бензин бағасы мен тапшылығын алға тартуда. Халықтың қалтасын қағатын қымбаттаулар эстафетасы мұнай өнімдеріне де келді. Әуелгіде "бензин қымбаттады" деген сөз құлаққа жеткенде елдің бәрі дүрлігіп, кәсіпкерлерге айыппұл да салынып үлгерген еді. "Тиісті шаралар жасалынып енді тұрақталады ғой" дегенде жығылғанға жұдырық болып бензин бағасы тағы қарыштап кетті. Ай басындағы жағдайлар қазірмен салыстырғанда жер мен көктей. Соңғы бір аптаның өзінде АИ 92 маркалы бензин бағасы едәуір өсті. Нақтырақ айтқанда, 10 қазан күні 150,6 теңге болса, 13 қазанда 151,5 теңге болды. Содан соң 17 қазанда мониторинг мәліметтері бойынша бензиннің орташа бағасы 154 теңгеге дейін көтерілген.

    Осылайша күн сайын көтеріліп жатқан бағаның өсу себебіне де үңіліп көрдік. Облыстық кәсіпкерлік және туризм басқармасы басшысының орынбасары Азамат Досжановтың мәлімдемесі бойынша, Қазақстандағы бензин өндіретін екі бірдей зауыт күрделі жөн­деу­ден өтуде екен. Ал, жанар-жағар май болса, Ресей елінен тасымалданып жатқанын тілге тиек етті. Бағаның бой бермей кетуі де шеттен келетін өнімнің құнына байланысты болып отырған көрінеді. Одан бөлек бас пайдасын ойлап бензин бағасын негізсіз шарықтатып жібергендер жазадан құтылмайтынын айтып өтті. Себебі жақында ғана Қызыл­орда қаласының мамандандырылған әкімшілік сотының қаулысымен "ТS Оңтүстік жанар май" ЖШС-не ірі көлемде айыппұл салынған еді. Бұл іс бойынша әлі де тексеру жұмыстары жүргізіліп жатыр. Аталған мекеменің 18 жанармай құю бекеті бар. Мұнан бөлек тексеру жұмыстары "ҚазМұнайГаз Өнімдері" ЖШС, "Гелиос" ЖШС, "Sinooil" ЖШС-терімен бірге "TS Оңтүстік жанармай" ЖШС-теріне қатысты Қазақстан Республикасының бәсекелестікті қорғау саласындағы заңнамасының бұзылуына байланысты жүргізілген еді. Бәрібір баға өсуін тоқтатар емес.

        Өмір болған соң адам­ның басына небір қиын сәттер, жағдайлар туып тұратыны мәлім. Бірінің аяқ астынан қан қысымы кө­теріліп жатса, бірінің басы ауырып жа­тады, енді бірінің сәбиі­нің жағдайы бол­май шы­рылдайды. Тіпті өмірі­міз­де, өкінішке орай, көп белең алатын жол апат­та­рын көргенде жанымыз жан алқымға келіп, жедел жәрдем телефон нөмірін қолымыз қалтырап әрең теретіндігіміз бар.

   Міне, осындай сәт­тер­де әрине ең бірінші жанұшы­рып жанымыздан табыла­тын «Жедел жәрдем» дәрігер­лерінің көмегіне жүгі­ніп, келетін сәттерін тағатсыздана күтеміз. Әрбір минут, секунд дәрі­герлер үшін де санаулы әрі аса маңызды.

Бейсенбі, 19 Қазан 2017 11:45

66 адамнан қатерлі ісік анықталған

    Қазіргі таңда медицинаның қарыштап дамып жатқанына қарамастан әлі күнге кең етек алып келе жатқан аурулардың бірі ол - обыр. "Жаман ауруға" шалдығыпты дегенді естісек, бойымызға қор­қыныш ұялап "о дүниеге" үмітсіздікпен аттандырып жібергендей сезімде болатынымыз жасырын емес. Алайда, "Обыр - үкім емес" дейді Қызылорда облыстық онкологиялық аурулар орталығының мамандары. 2017 жылдың 11-қазан мен 11-қараша аралығында осы ұранмен ашық есік күндерін ұйымдастырып жатқан сала мамандары жыл басынан бері Қызылорда облысы бойынша 2017-2020 жылдар аралығына арналған "Жол картасының" онкологиялық ауруларды басқаруда интегралды әдістерді енгізу арқылы жұмыс жасап келеді.

    - 2017 жылдың тоғыз айында үлкен жұмыстар атқарылды деуге болады. Яғни, онкологиялық науқастардың өлім-жітім көрсеткіштер саны 10%-ға төмендеп отыр. Тағы да бір басты көр­сет­кіштердің бірі - бес жылдық өмір сүру ұзақтығы бойынша көрсеткішіміз 46%-дан 48%-ға дейін көтеріліп отыр. Бұл дегеніміз, науқастарға уақытылы диагноз қойылып, сапалы ем алуының нәтижесі. Сондай-ақ, науқастарды І және ІІ сатысында анықтау арқылы да 58,4%-ға  жеткізіп отырмыз. Бұл да қуантарлық, жақсы көрсеткіш.

   Орталықта 2015-2016 жылдары 16 адамдық паллиативтік бөлім ашылған болса, биыл ол бөлімше 30 орындық болып кеңейтіліп жатыр. Облыстық бюджет есебінен медициналық құрал-жабдықтар алынды және тағы да басқа біздің орталық үшін аса маңызды, заманауи аппарат­тарды күтіп отырмыз. Қазіргі таңда біздің барлық бастапқы санитарлық-медициналық көмек көрсету, емдеу мекемелерінде онколог, маммолог мамандары жұмыс жасайды. Ал, бүгінгі жасап отырған ашық есік акциясының басты мақсаты - халқымызға онкологиялық науқастардың алдын алу шараларын түсіндіріп, профилактикалық тексеруден өтуіне жағдай жасау. Ауру түрі барынша ерте анықталған жағдайда, емнің 90-95% өте жақсы аяқталады деген сенім бар,- дейді орталықтың бас дәрігері Сәкен Серғазиев.

онлайн флеш игрынародная медицинадиеты

Сайт бойынша іздеу

Сауалнама

Күнтізбе

« Желтоқсан 2017 »
Дс Сс Ср Бс Жм Сб Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Серіктестер