Айтарым бар

Исатай Минуаров, әлеуметтанушы:

    Бала өз болашағына өзі жауапты. Тиісінше, мамандығын өзі таңдауы керек (бала өзіне не керегін біледі. Егер барлығы жоспар бойынша болмаса, бала ата-анасын кінәлайды). Қазір нарық соны сезген болуы керек, көптеген оқу орталығы “дұрыс мамандық таңдауға көмектесеміз” деген сервис көрсетуді бастады.

   Нарықта қандай мамандықтарға сұраныстың мол екенін анықтап алыңыз. Мамандықты таңдағанда өте ұқыпты болыңыз.

  “ЖОО-ға мектептен соң бірден түсу міндетті” деген психологиядан арылу керек. Шетелде Gap year деген ұғым бар. Gap year бір жыл болуы мүмкін, екі-үш жылға созылуы мүмкін. Бұл уақытты мектепті енді бітірген түлек өзінің не қалайтынын, жасырын потенциалын барынша анықтауға, приоритеттерді дұрыс қою жағын ойлануға пайдаланады. Есесіне, мектеп бітірген бала сол уақыт аралығында есейіп, аз да болса студенттік шақта туындайтын қиындықтарға, стреске дайын болады. Ал біздегідей балаға мектеп бітірген жылы бірден университетке түсуді міндеттеу дұрыс емес.

 

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны                      2019жылдың І  жартыжылдығына 

Қазпочта арқылы 6 айға - 1950 теңге (қала үшін)

6 айға - 2150 теңге (аудандар үшін)

Редакция арқылы 6 айға - 1880 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Айдар Сайлауов 

Жүлдызай Қалиева

Абзал Жолтерек

Нұрболат Қоймағанбетов


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Ұстаз мәртебесі

Ұстаз мәртебесі

   Егемендік алғаннан бергі жылдар ішінде мемлекет басшысының саясатының арқасында қоғам дамуының барлық саласында түбегейлі өзгерістер болды. Атап айтсақ, мемлекеттік органдардың тиім­ді жүйесі мен құрылымы жасалып, мемлекетті басқарудың ұтымды үлгісі іске қосылды.

   Ел Президентінің жыл сайынғы Қазақстан халқына арнаған Жолдауларында тұрғындарға мемлекеттік қызмет көрсетудің сапасын арттыру арқылы азаматтардың мемлекеттік органдардың қызметіне деген сенімін көтеру маңыздылығын ерекше атап көрсетіп келеді. Мемлекеттік қызмет көр­сету сапасы - мемлекеттік қызметшілер жұмысы тиім­ділігінің басты көрсеткіші болатынын және ол мемлекеттік тұтынушы ретінде халыққа тікелей бағдарлануы тиістілігін айқындап берді. Елбасының айқындап берген тапсырма, міндеттеріне сәйкес, 2013 жылдың 15 сәуір күні "Мемлекеттік көрсетілетін қызметтер туралы" заңы қабылданды.

   Мемлекеттік қызметтерді көрсету кезінде халықтың құқықтарын, бостандықтары мен заңды мүдделерін сақтауды қамтамасыз ету белгілерінің бірі - әкімшілік кедергілерді азайту, халыққа мемлекеттік қызметтерді көрсету тиімділігін арттыру және мемлекеттік қызметтерді сапалы көрсету.

   Қазіргі қоғамда мемлекеттік қызмет қоғам өмі­рінде үлкен орын алады. Көрсетілетін мемлекеттік қызмет сапасының деңгейі - еліміздің экономикалық және әлеуметтік көрсеткіші. Осыған байланысты көптеген шет мемлекеттер мемлекеттік қызмет көрсету сапасының жоғары болуына және осы саланың дамуына үлкен мән беріліп отыр.

 

   Қоғамда қимыл-қозғалысы қиын, бойында кінәраты бар балалардың лайықты білім алуына кедергі болмауы керек. Бұл білім саласындағы ең өзекті мәселенің бірі. Себебі өмірдің ағысына қарсы жүзген балалардың білім стан­дарт­тарынан қалып қоймауын қадаға­лау білім ордасына тікелей байланыс­ты. Мұны педагогика тілінде инклю­зивті білім беру деп атайды.

   Инклюзивті білім алатын балалар арнайы жағдайда оқиды. Яғни дәрі­гердің диагнозы арқылы балаға қолай­лы орта жасау үшін мектептерде инк­лю­зивті сыныптар ашылуда. Ал, кейбір сыныптарда мұғалімдер баланың үйіне барып оқытады. Бұл жеке сабақ түсін­діру, баланың қабылдау деңгейіне ауыр болмайтын тақырыптарды түсін­діруде педагогтар әрбір балаға арнайы бағдар­лама жасайды.

   Инклюзивті жағдайда білім алатын жастарға тәлім беретін ұстаздар әрбір ба­­лаға кемінде 2-3 сағат ғана уақыт бөлу керектігін айтады. Себебі бала бел­гі­ленген уақытқа жетпей шаршап, не ден­саулығына кері әсерін тигізуі мүм­кін. Мұндайда педагог ата-анамен ты­ғыз қарым-қатынас жасайтынын жасыр­майды.

  Расында, қоғамның бел ортасында жүріп, денсаулығында кінәраты бар мүм­кіндігі шектеулі балалардың өз дә­режесінде білім алуына жағдай жасау мә­селесі білім саласының мінберінен аз айтылып жүрген жоқ. Тіпті бюд­жет­тен қаржы бөлініп, оқулықтар са­тып алынуда. Қазіргі таңда барлық әлем жұрт­шылығының назарын ауда­рып отыр­ған мәселе балалардың жеке сұ­раныстары мен ерекшеліктеріне ор­та­ның, отбасының қатысуымен білім бе­ру үрдісіне толық қосуды қарас­тырады.

Сәрсенбі, 19 Қыркүйек 2018 13:27

ТҮЛЕКТЕР ТАБАН ТІРЕДІ

       Білімге ден қойып жүр­ген жастар Ресей гран­тымен білім алып қайтқан студенттердің өміріне қызығады. Екі ел арасындағы келісімнің нәтижесінде Ресейдің маңдайалды оқу орында­рында білім жинауға мүмкіндік алған студент­тер­дің алғашқы қарлы­ғаш­тары елге оралуда. Бүгінгі күні алғашқы 74 түлек диплом алып, олар­дың 43-і магистратураға түсті. Бұл жайында  аймақ басшысы Қырымбек Көшербаев Ресейдің жоғары оқу орындарында білім алған алғашқы қызылордалық түлектер­мен кездесуі барысында айтты.

   2014 жылдан бастап Мәскеу мен Санкт-Петербургтің озық оқу орындарында 452 қызыл­ор­далық студент Ресей Федерациясы үкіметінің гранты есебінен білім алуға көшкен. 74 түлектің 43-і білімін қайта жалғас­тыруды құп көрсе, 14-і ай­мақтың ірі кәсіпорын­дары - "СКЗ-У" ЖШС, "Қы­зылорда жарығы" ЖШС, "Ансар Сервис" ЖШС, "Теплотехник" ЖШС, мамандан­дырыл­ған мемлекеттік мекеме­ле­ріне қызметке орналас­ты. Сондай-ақ, индус­триал­ды-иннова­ция­лық даму, энергетика және тұрғын үй-коммуналдық шаруашылық басқар­ма­лары мен жастар ресурс­тық орталығына және өзге де мекемелерде ең­бек жолын бастамақ. Себебі осы уақытқа дейін жауаптылар "Ресей гран­тымен білім алып келген жастардың жұмыс орны дайын" деген ақпаратты алға тартқан. Себебі әрбір кадр аймақ үшін қажетті мамандықтарды оқып кел­ген. Мұны жиында облыс әкімі де салмақтай кетті.

Сәрсенбі, 19 Қыркүйек 2018 13:26

Өндіріс орындарының қарқыны

  Экономиканы әртараптандыру үшін ел ішінде көптеген өндіріс нысандары болуы керек. Сыртқы, ішкі нарықты жергілікті өніммен қамтуды көздейтін зауыттар мен фаб­рикалар экономиканың тұрақ­ты­лығын сақтап қала алады. Әрі жа­ңа жұмыс көздерін ашып, халықты еңбекпен қамтуға жол ашады. Сыр еліндегі соңғы жылдары салынған өндіріс орындары да эко­но­миканы әртараптандырып, тұ­рақты өсімді қалыптастыруға күш салып келеді. Оның үстіне Қызыл­орда облысы сырттан инвестиция тарту ісінде аймақтар арасында көш басында келеді. Ең ірі жоба­лардың бірі ретінде өңір экономикасына қозғаушы күш болатын шыны зауытының құрылысы да биыл толықтай аяқталмақ.

Сәрсенбі, 19 Қыркүйек 2018 13:24

Жастайынан жарқыраған жүйріктер

    Сіз жиырма жасыңызда не істей алдыңыз? Бұл сұраққа ойланып көрдіңіз бе? Жауапты бірден табу қиын. Алайда дүние дидарында дүйім елді жастайынан дүркіреткен жастардың қатары жетерлік. Әдетте шығармашылық не спортқа қызығатын балалардың балалық шағы болашағына бейімделумен өтеді. Сөйтіп тез ержетіп, есейеді. Соның арқасында көп ішінен топ жарып, ізіне қара ілестірмей қатарластарынан озып шығады. Бұл күн-түні тынбай жасалған жаттығулар мен дайындықтардың нәтижесі. Мұндай дарынды жастар Қазақстанда да жоқ емес. Біз солардың үлгі боларлықтай қасиеттерін, жастайынан жарқ етіп, өзгеден озып шыққан сәттерін тілге тиек етпекпіз.

   Балалардың балдыр­ған кезінде әртүрлі спорт түріне қызығушылықтары болатыны анық. Алайда, әрі қарай жетік меңгеріп, дөңгелете әкету көптің қолынан келе бермейді. Ал бұл жастар балалық көңілден алыстап, осы үдеден шығып, биіктерді бағындыра білген.

   Аталған тақырыпты көтергенде ойға сөзсіз Илья Ильин түседі. Жас­­-тайынан жарқыраған жерлесіміз жақында 102 кг-да өнер көрсетіп, жұл­қа көтеруден 172 кг, серпе көтеруде 208 кг зіл темірді бағындырып, Қазақстан чемпионы атағына ие болды. Екі жылдан кейін спортқа қайта оралған Ильин­нің жігерімен, қазақ хал­қына алғыс білдіріп жатқанын көріп, кеудемізді мақтаныш сезі­мі кернеді. Ильяның осы спорт түрінен Қа­зақстанды әлемге танытып, көк туымызды көк­ке желбіретіп жүргені кімді болмасын қуа­ныш­қа бөлейді. Ауыр атлетшімен кездесудің орайы келмесе де, ең әуелі әлеуметтік желіні шолып, Ильиннің осы уақытқа дейін жеткен жетістіктерін қарап шық­тық. Зіл темір көтеруді сегіз жасынан бастаған баланың 20 жасында Бейжіңде өткен олим­пиа­да да алғаш рет әлем чемпионы атанғанын ес­ке түсірейік. Қандай қуа­нышты сәт десеңізші. Одан бөлек ауыз толтырып айтатын жетістіктері де жетерлік. Илья алдағы уақыттарда да өмір бойы жиған тәжірибесін елі үшін жұмсайтынын, жеңіс тұғырынан көріне беретінін айтты.

   

   Шетелде оқу өз елінде жоқты көру, өзгенің таңсық дүниесімен танысу. Әсіресе, білімін шыңдауға аттанған қазақ жастарының дені елге оралып, түрлі көзқарастағы бастамаларды игеруге көшті. Солардың арасында журналистика мамандығын меңгерген өз әріптестеріміз де бар. "Хабар" агенттігінде қызмет атқарып келген, саяси тақырыптарға маманданған Нұрбек Әмиша "Болашақ" халықаралық бағдарламасының стипендиянты атанып, Англияның Лидс қаласында білім алуға аттанған еді. Саяси қатынастар мамандығын таңдаған Нұрбек Шынтемірұлын туған жерге жасаған сапары аясында редакцияның сұхбат алаңына шақырып, әріптеспен әңгіме өрбіттік.

    - Нұрбек мырза, сізге дүркіреген империяның мұрагері болған Британияда білім алу бақыты бұйырыпты. Жалпы қарапайым ауыл баласының "Болашақ" ар­қылы Британияда білім алуына не себеп болды?

    - Шетелге барып білім алуды кім армандамайды? Бәріміз де жақсылықты көруге ұмтылып, ізденіске ден қойғанды қа­лаймыз. Бұл мақсатта "Болашақ" халықаралық бағдарламасының жастар үшін берері мол. Өзіңіз білесіз, бұрындары "Болашақпен" журналистердің оқып ке­­луіне мүмкіндік болмайтын. Тек 2014 жылдан бастап мамандық категориясына БАҚ саласы енді. Шындығында, алғашында барлық журналистер ілін­сін-ілінбесін құжат тапсырып, ниеттенді. Біз де сол дүрмекке і­лесуге ұмтылдық. Әрине, басты мәселе - тілді білу. Ағылшын тілін нөлден бастап үйрендім десем өтірік болмас. Себебі біздер Кеңес үкіметінің ең соңғы буыны ретінде мектепте ағылшын ті­лін оқымадық. Соның әсерінен тілді меңгеруге деген алғаш­қы қиындықтармен бетпе-бет келдік. Бірақ, алға нақты мақсат қойып, тіл сындыруға бел шеш­тім. "Болашаққа" түсе алмасам да, ағылшын тілін меңгеріп шығуым керек деген талап қойдым. Ең болмаса, pre interme­diate деңгейіне дейін көтеріп ала­йын деген мақсат болды. Бірақ, Алланың қалауымен еткен еңбек еш кетпеді, Болашақ сти­пендиясын жеңіп алдық.

Сәрсенбі, 19 Қыркүйек 2018 12:33

ИМАМДАР АЙЛЫҚ АЛА МА?

   

    Көкке де, көпке де топырақ шашпаймыз. Десек те, қазақ біреу­дің ақшасын санағанды жаны сүйетін халық. Қай мамандықта көп айлық болса, баласын сол салаға оқуға түсіргісі кеп жанталасып бағады. Ол енді жасырын емес. ҰБТ тапсырып, мамандық таңдауға келген талапкерлер ақшасы көп, жайлы орынды ойлайды. Соған сай мамандық таңдап, армандаған дүниесіне қол жеткізе алмай, опық жеп қалып жатқандары да бүгінде таңсық болмай қалды. Ол ол ма, біздің қоғам бәрін болып, имамдардың қалтасының қалыңдығына таңырқайтын болған. "Халықтан садақа жинап, байып жатыр" деп ойлайтындар да бар екен. Жалпы, дін жолында жүріп, ақиқаттан айнымайтын имамдар қауымына айлық беріле ме? "Олар бала-шағасын қалай асырап, қалай күн көреді?" деген сауал көптің көкейінде жүр. Иә, бүгінгі нарықтық заманда тәңірден тілеп отыра берсек, аштан қататынымыз аян. Сол үшін қарекет керек. Көпті ойландырып, қызықтыратын да осы сұрақ. Имамдар айлық ала ма?

   Иә, бұл негізінен шешімі табылмаған, оң жолға қойылмаған мәселе. Алайда, жақында ғана Астана қаласында бас мүфти Серікбай қажы Ораздың төрағалығымен өткен кезекті жиналыста дін қызметкерлерін әлеуметтік қолдау, оларды жалақымен қамтамасыз ету мәселесі талқыланды. ҚМДБ төрағасы Серікбай Сатыбалдыұлының шешімімен мүф­тият жанындағы "Қазақстан қажылық қоры" есебінен 100 имамға 50 мың теңге көлемінде жалақы берілетін болды. "Еліміз бойынша 2058 ауылдық мешіт бар. Оның басым бөлігі өзін-өзі қаражатпен қамтамасыз ете алмайтын мешіттер. Ауылда айлықсыз қызмет ететін дін қызметкерлерін толықтай жалақымен қамтамасыз ету жоспарымызда бар. Алғашқы кезең бойынша 100 ауыл имамына "Қазақстан қажылық қоры" есебінен 50 мың теңге айлық беріледі. Осылайша, имамдардың әлеуметтік мәселесін кезең-кезеңімен шешуді көздеп отырмыз",- деп атап өтті бас мүфти.

Сәрсенбі, 19 Қыркүйек 2018 12:33

ИМАМДАР АЙЛЫҚ АЛА МА?

   

    Көкке де, көпке де топырақ шашпаймыз. Десек те, қазақ біреу­дің ақшасын санағанды жаны сүйетін халық. Қай мамандықта көп айлық болса, баласын сол салаға оқуға түсіргісі кеп жанталасып бағады. Ол енді жасырын емес. ҰБТ тапсырып, мамандық таңдауға келген талапкерлер ақшасы көп, жайлы орынды ойлайды. Соған сай мамандық таңдап, армандаған дүниесіне қол жеткізе алмай, опық жеп қалып жатқандары да бүгінде таңсық болмай қалды. Ол ол ма, біздің қоғам бәрін болып, имамдардың қалтасының қалыңдығына таңырқайтын болған. "Халықтан садақа жинап, байып жатыр" деп ойлайтындар да бар екен. Жалпы, дін жолында жүріп, ақиқаттан айнымайтын имамдар қауымына айлық беріле ме? "Олар бала-шағасын қалай асырап, қалай күн көреді?" деген сауал көптің көкейінде жүр. Иә, бүгінгі нарықтық заманда тәңірден тілеп отыра берсек, аштан қататынымыз аян. Сол үшін қарекет керек. Көпті ойландырып, қызықтыратын да осы сұрақ. Имамдар айлық ала ма?

   Иә, бұл негізінен шешімі табылмаған, оң жолға қойылмаған мәселе. Алайда, жақында ғана Астана қаласында бас мүфти Серікбай қажы Ораздың төрағалығымен өткен кезекті жиналыста дін қызметкерлерін әлеуметтік қолдау, оларды жалақымен қамтамасыз ету мәселесі талқыланды. ҚМДБ төрағасы Серікбай Сатыбалдыұлының шешімімен мүф­тият жанындағы "Қазақстан қажылық қоры" есебінен 100 имамға 50 мың теңге көлемінде жалақы берілетін болды. "Еліміз бойынша 2058 ауылдық мешіт бар. Оның басым бөлігі өзін-өзі қаражатпен қамтамасыз ете алмайтын мешіттер. Ауылда айлықсыз қызмет ететін дін қызметкерлерін толықтай жалақымен қамтамасыз ету жоспарымызда бар. Алғашқы кезең бойынша 100 ауыл имамына "Қазақстан қажылық қоры" есебінен 50 мың теңге айлық беріледі. Осылайша, имамдардың әлеуметтік мәселесін кезең-кезеңімен шешуді көздеп отырмыз",- деп атап өтті бас мүфти.

   

   Жыл басынан бергі жергілікті басшылардың жасаған жұмыстарының есебін халық ақпарат құралдары арқылы естіп, біліп жүр. Облыс әкімдігінің баспасөз орталығына келіп, журналистер алдында есеп берген аудан әкімдерінің атқарған істеріне біз де шолу жасадық.

   Географиялық ерекшеліктеріне орай бір аудан ауыл шаруашылығы арқылы алға шықса, бір аудан кәсіпкерлік, ендігі бір аудан құрылыс саласы бойынша экономикаға өсім әкелуде. Осы орайда біз жергілікті жердің негізгі тірек салаларының даму қарқыны турасында аудан әкімдерінің өз сөздеріне екпін бердік.

 

Сәрсенбі, 19 Қыркүйек 2018 06:17

БАЛА БОЙЫНДАҒЫ КҮЙЗЕЛІСТІҢ САЛДАРЫ

    Отбасы ішін­дегі қарым-қатынастардың балаға айрықша әсер ете­тіні белгілі. Сүйіспеншілік пен татулыққа негізделген өзара байланысты байқаған бала қай жерде болмасын, өзін жайлы, бақытты сезінетіні анық. Ата-ананың қандай да бір еркелетуін қуана қабылдаған балдырғанның өмірге деген құлшынысы артады. Ал, керісінше отбасы мүшелерінің негатив пікірі мен ата-анасының қырғи қабақ болып, жанжалдасуын күнде көріп өскен бала ынжық, өз ойын ашық айта алмай сескеніп өседі. Тіпті, үлкендердің жөнсіз әрекетінен бүлдіршін іштей азап шегеді. Алайда, бала ешнәрсені ұқпайды, кішкентай ғой деп мұндай нәрселерге бас ауыртып, мән бермейтіндігіміз де бар. Бұл - үлкен қателік. Содан бала бойында күйзеліс орын ала бастайды. Енді ғана өмірдің жақсы жақтарын көріп, айналамен танысуды әдетке айналдырып, біл­сем екен деп алға ұмтылуға асыққан баланың кенеттен көңіл-күйі, бағыты мен мінез-құлқы өзгерсе, әуелі ата-ана кі­нәні өзінен іздеуі керек. Бала не­ліктен күйзеліске түседі? Себе­бін анықтауға бір сәт болса да тырысып көрдік пе? Бәлкім, сіз, ойлап отырған боларсыз. "Кіш­кен­тай бала да күйзеліске ұшырайды ма?" деген сауалға психология саласын тереңі­нен зерттеп жүрген педагог Ұлбо­сын Құрманбаева жауап берді.

   Күйзеліс - кез келген сыртқы әсерге тәннің жауап қайтаруы болып есептеледі. Балалардағы күйзеліс әр түрлі жағдайларға байланысты болуы мүмкін. Кө­бінесе, ата-ананың бала жүйкесіне салмақ түсіретін қарым-қатынасы, іс-әрекеті, мінезі. Екіншіден, жақынынан айырыл­уы. Үшіншіден, мұғалімдер тарапынан сынаудың артық болуы да кері әсерін тигізетінін ескерген жөн. Ерте уайымның пайда болуы да бала психология­сына зақым келтіреді. Баланың мінез-құлқындағы, іс-әрекетіндегі өзгерістерді байқаған сәттен бастап, дер кезінде психологиялық қолдау көрсетілмесе, күйзе­лістің ауыр түріне жол ашады. Көп жағдайда күйзелістің салдарынан балаларда: жүйке жүйесі аурулары, өзіне деген сенім­сіздік, ортасымен тіл табыса алмау, тұйықталу, әлсіздік және сабақ үлгерімінің нашарлауы орын алады.

онлайн флеш игрынародная медицинадиеты

Сайт бойынша іздеу

Сауалнама

Күнтізбе

« Қараша 2018 »
Дс Сс Ср Бс Жм Сб Жк
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C