Айтарым бар

   

Жанболат Ошақбаев, жас кәсіпкер: 

    Кәсіп бастайтын адам үшін қаржылық сауаттылықтың маңызы зор. Қазіргі таңда екінің бірі кәсіпкер болып кетті ғой. Алайда, барлығының еңбегі жемісті болып жатқан жоқ. Кәсіпкерде әрқашан «Б» жоспары болуы керек. Есеп білмеген адам қарапайым сауданың да жөнін біле бермейді. Сондықтан, бизнес бастамас бұрын қаржылық сауаттылықты меңгеріп алу керек. Себебі, алғаш кәсіп бастаған адамның бухгалтерге, сатушыға, кассирге жеке-жеке жалақы төлеуге шамасы жетпейді. Осы қызметтің бәрін өзі атқарып, кәсіптің басы-қасында жүрген адам ғана жоғары жетістікке қол жеткізе алады.

baribar.kz


Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны

Қазпочта арқылы 6 айға - 1740 теңге (қала үшін)

6 айға - 1920 теңге (аудандар үшін)

Редакция арқылы 6 айға - 1680 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Толыбай Абылаев 

Айдар Сайлауов 

Жүлдызай Қалиева


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Ұстаз мәртебесі

Ұстаз мәртебесі

             Кітап - ақылына ақы сұрамайтын рухани мұра. Қазіргі кезде заманның жаңа өң алуына байланысты түрлі форматтағы жинақтар жиі басылып шығарылуда. Ғылым мен білім, адам өмірінен ойып тұрып орын алған барлық ілімдер кітаптан табылады. Жоқ ізде­гендер, ғылым қуғандар, өнер жолын­да­ғылар асыл мұраны жандарына серік етіп, қасиет тұтқан. Тіпті дін өкілдерінің өз киелі кітаптары, жақұт жинақтары бар. Құдайдан келген құдірет деп бағам­дайтын олар, өз дінінің басты кітапта­рына салғырт қарамайды. Оны өз басы­нан биік ұстап, қастерлеп қарайды. Де­ген­мен де, бүгінгі қоғамның басты дерті кітап оқымау емес, кітапқа құрметпен қарамау болып отыр. Шынында мағ­лұ­маты мол ақпарат алу қазіргі қоғамға қиын емес. Ал, білім дейтін алтын қазы­наны осы күнге дейін тоздырмай сақтап келген кітаптардың қадірсізденуіне кімді кінәлау керек екенін де білмейміз.

    Шымбайға батып, намысты шым­шылайтын да осы "кітаптың ке­рексіз құралдай қоғам өмірінен ысы­рылып қала ма?" деген қауіп. Осы тұста, өткенге шегініс жасап, том-том кітаптардың қалай пайда бол­ға­ны жөнінде тарих жинақтарына көз жүгіртіп өтейік. 105 жылы, яғни біз­дің заманымыздың ІІ ғасырында қа­рапайым Қытай шебері Цой Лунь қағазды ойлап тапқан. Одан соң, ескі шүберектен жасалған Самар­қан­ның сарғыш қағазы әлемге әйгілі болады. Кейін, ХІІІ ғасырда қағаз жа­сау өнері Шығыстан Батысқа қа­рай ығысып, баспа кітап өнерінің ту­уы кітаптың дамуына кең жол аша түскен. Алғашқы ағаш баспа қалы­бы ХІ ғасырда пайда болады. Осын­дай даму сатыларынан соң 1045 жы­лы Чин өнерпазы Би-Шен құймалы әріптерді жасап шығарды. Адамзат баласының жаңашылдыққа құмар­лы­ғының нәтижесінде жазу өнері, кітап шығару мен газет басу үрдісі дү­ниеге келген. Бұл бүкіл адам баласы үшін өте жоғары жетістік еді.

          Білім тағына отырған 14-ші министр Ерлан Сағадиевтің білім және ғылым министрі атан­ғанына да екі жыл уақыт өте шығыпты. Жаңар­тылған білім беру мазмұны мен жоғары оқу орында­рына академиялық ер­кіндік беруді көздеп кел­ген министр екі жылда түрлі реформаларды енгіз­ді. Жаңа мазмұндағы білім жүйесіне қоғам көңілі алаң болғанын жасырып жаба алмаймыз, сонысы­мен де сыналды. Бірақ, ширек ғасыр ішінде бас педагог атанған білімнің экс-министрлері секілді емес, Ерлан Кенжеғал­и­ұлы Елбасы қабылда­уында жоғары бағаға ие болды. Атқарған жұмысы мен тәжірибесі оң бағалан­ды. Ақордадан шабытта­нып шыққан министр бірнеше күннен кейін ел алдында есеп беріп, екі жылда атқарған жұмысы­мен бөлісті. Екі сағатқа созылған екі жылдың есе­бінде нендей мәселе көте­рілді, нендей өзгерістер орын алды? Рет-ретімен тізбектегенді жөн көрдік.

   Ең әуелі ҚР Білім және ғылым министрі Ерлан Сағадиев соңғы жылдар­дағы білім қарқынының арт­қанын еске салып, екі сүйінші хабарды жеткізуге асықты. Әуелгісі, Қазақ­с­тан Экономи­калық ын­ты­мақтастық және даму ұйымының білім және ғылым саласы бойынша мүшелігіне өтті. Ал, екін­шісі, еліміз бәсекеге қабі­леттіліктің жаһандық ин­дек­сінде бастауыш білім­мен қамту көрсеткіші бо­йынша әлемде 4-орынға шыққан.

   Мектепке дейінгі тәр­бие мен білім. Цифрлан­дыру талабына жұмыс жасап жатқан министрлік әрбір ата-анаға қолайлы жағдай жасап отырмыз дейді. Бала­­бақшалардың кезегін көру, бір мектептен екінші мектепке көшіруге қажетті құжаттарды сандық фор­матқа ауыстыру жұмысын толық іске асырған. ҚР Білім және ғылым министрі Ерлан Сағадиев 2020 жыл­дан бастап 0-сынып оқу­шы­лары жаңа латын әліп­биіндегі оқулықтармен білім алатынын ескертті. Сағадиев бұл қайта-қайта оқулық басып шығар­маудың жолы, сондықтан да қаржылық тұрғыда тиім­ді дейді. Алайда, қоғам бел­сенділері мен филологтар латын әліпбиінің емле-ережесі жазылмай жатып, оқулық әзірлеуге қарсы. Дегенмен, министр арнайы комиссия құрамы жасақ­талғанын әрі оқулықтарға қаралған қаржының дайын екенін қаперге салды. Қа­лай десек те, мектеп парта­сына енді отыратын бала­лар латын әліпбиімен сауат ашпақ.

    Осы уақытқа дейін Қызылорда қаласы әкімі Нұрлыбек Нәлібаев қалаға қарасты ауыл, кент әкім­дерінің жыл бойы атқарған жұмысы, мемлекеттік бағдарламаларды орындау дең­гейі мен ауылдағы басты проблемалардың басын ашып алуда ауыл әкім­дерінің есебін тыңдап, кемшілігін әкім аппараты жиынында қозғап келген еді. Міне, сол ауыл халқының өмірін жақсартамын деп сайланған әкімдердің сынға ілігіп, қызмет барысындағы кемшіліктері аз айтылып жүрген жоқ. Бейсенбіде бас қосқан қаладағы атқарушы билік өкіл­дері қала әкімі Нұрлыбек Нәлібаевтың қатысуымен жүргізілетін кезекті жиында Қызылөзек ауылдық округінің әкімі Жасұлан Шынтасовтың есебін тыңдауға жиылды. Мәжілісте қаралған тек бұл тақырып ғана емес. Алдымен оты­рыс­та Нұрлыбек Нәлібаев мамыр айының мерекелік күндерін атап өтуге дайындық барысын пысықтау үшін қалалық мәдениет жә­не тілдерді дамыту бөлімінің басшысы Мира Қазбекованың баяндамасын тыңдады.

    Отан қорғаушылар күні мен Ұлы жеңіс күніне арналған мерекелік іс-шаралар жоспарының мазмұнын жіпке тізген Мира Жомартқызы қос мерекеде 20-ға жуық мерекелік шаралардың ұйымдастырылатынын тілге тиек етті. Қы­зылордалықтар Отан қор­ғаушылар күнінде Астанадан берілетін әскери парад көрсетілімін тікелей онлайн режимде көре алады. Сонымен бірге бұл күні патриоттық бағыттағы мәдени-көп­шілік шаралар мерекенің лебін сезіндірмек. Бөлім басшысы Ұлы Отан соғысының 73 жылдығына орай аталып өтілетін әртүрлі сипаттағы шаралардың ерекшеліктеріне де тоқтала кетті. Жыл сайын өтетін "Жасампаз жасақ" жобасының биыл да жалғасын табатынын назарға салды. Баса айта кетерлігі, мерекеде жақында ашылған өнер арбатында караоке сайысы қала тұрғындарының көңілін көтеруге бағытталмақ.

Бейсенбі, 10 Мамыр 2018 04:29

БІЛІМ ҚЫРАНДАРЫ ОЛЖАЛЫ ОРАЛДЫ

          Қазір білім алуда шекара жоқ. Қиырдан келіп, құрлық ас­қан қазақ жастары әлемнің маңдайалды мемлекеттеріне барып, ой жарыстырып, білімін сынап жүр. Халықаралық масштабтағы білім додадаларында мойнына алтын тағып, елдің мерейін тасытып жүрген қазақ жастары жетерлік. Оның ішінде Сыр дарындарының  білім жарысындағы үлесі салмақты. Қалалық, облыстық, республикалық, халықаралық білім жарыстарында топ жарып, аймақ атын шығарған Қызылорда тү­лектері жеңіс тұғырынан көрініп келеді. Жақында осы білім байқауында жүлдегер атанған бір­ топ оқушыларды Қызылорда қала­сының әкімі Нұрлыбек Нәлібаев жеке қабылдап, құрмет көрсетті.

   Биылғы жылы қаламыздың дарынды оқушылары Ресей мемлекетінде және Оңтүстік Кореяда өткен халықаралық олимпиадаларға, ғылыми байқауларға, республикалық пәндік олимпиа­даға қатысып қайтқан-ды. Нәти­жесі көз қуантады. 21 оқушы жүлделі орындарды иеле­ніп қайтты. Соның ішінде республикалық пәндік олимпиадаға қаладан 16 дарынды оқушы қатысып, жүздеген қатысушының ішінен 2 алтын, 1 күміс, 5 қола медаль иеленіп, барлығы 8 жүлде Қызылорда қаласының еншісіне тиді. Оның ішінде, №3 мектеп-лицейдің оқушылары 2 алтын, 3 қола медаль, №2 "Мұрагер" мектебінен 1 күміс медаль, №4, 5 мектеп оқушылары 2 қола медаль иеленген. Енді міне, марапат мінберіне шыққан мектеп оқушылары қала әкімінің ыстық ықыласына бөленіп, құрметін сезінді.

   Салтанатты жиынға олим-пиа­да жеңімпаздары ғана емес, білім жарысына баптаған ұстаздары да шақыртылды. Кездесу кешінде қала әкімі Нұрлыбек Машбекұлы аймақ атын шығарып, білім дәрежесін биіктеткен жеңімпаздарға білімнің таусылмайтын кең екендігін, уақыт ағысындағы талап-тілектерге дайын болу қажеттігін қаперге салды.

    - Қазір жаңалығы желмен жарысып, ой өрісі ғарышпен таласқан заңғар заманның бірегей талабы білім жолындағы тынымсыз талпыныс пен үздіксіз ізде­ніс екені анық. Санаулы күн­дерден кейін мектеп қабырғасында соңғы қоңырау соғылып, үлкен білім сынағына жолдама аласыздар. Сапалы білім, саналы тәрбие берген ұстаздарымыздың, аялап өсірген ата-аналарымыздың үмітін ақтап, тал бесіктен алған тәрбие мен терең білімнің арқасында тәуелсіз еліміздің тұғырын биіктету жолында аянбай еңбек етеді деп сенеміз,-деді Нұрлыбек Нәлібаев.

    Байқаудан олжалы оралған №3 мектеп-лицей оқушысы Алмас Аппазов білім саласына қолдау білдірген барша жанға, білім сынына баптаған ұстаздарына алғыс білдірді.

Бейсенбі, 10 Мамыр 2018 04:00

Жанданған парк – жайдары халық

   

    Өндірісі өркендеп, экономикасы дамып, сәулеті мен архитектурасы алыстан менмұндалап тұрған Қызылорда шаһары соңғы кездері көптің көз тартар мекеніне айналды. Ал, кешкілік се­р­уен құратын жастарға жанына жайлылық сыйлайтын мәдени демалыс орындары да қайта түр­леніп, халыққа қызмет етуде. Мамырдың мамыражай күнінде қала халқы қайта жанданған демалыс паркінде бірлік тойын кеңінен атап өтті. Ынтымақ күнінде күн көзінің ашық болуы, халықтың жайдары жүзі мерекеге жылулық берді. Мерекеде облыс әкімі Қырымбек Көшербаев пен қала әкімі Нұрлыбек Нәлібаев тұтас ұлттардың мекеніне ай­нал­ған Қазақстан халқының бірлігі мерекесі кү­німен құттықтап, түрлі ұлт өкілдерінің басын қосатын айтулы күннің маңыздылығын сөз етті. Ал, мейрамға ат тіреген тұрғын­дар­ға мерекелік тарту сыйлаған жергілікті өнерпаздар қайта жасалған жаңа сахнада Астана қаласының 20 жылдығы мен Қызылорда қаласының 200 жылдығына арнап ән-шашу сыйлады.

     Жыл сайын мамырда есігін айқара ашатын қалалық демалыс паркі жаз бойы қала тұрғындары мен сырттан келген қонақтардың көңілін көтеріп, еркін тынығуына мүмкіндік береді. Соңғы жылдары демалыс бұ­рыштары мен түрлі ат­тракциондардың көптігі қызық қуып келген балақайлар мен серуен құруға жиылған жастарды бір алаңға жинайды. Мұнан басқа салқын сусын, балдай балмұздақ, түрлі тәттілер мен кешкі кафе қызметі демалысты кө­ңілді өткізуге айрықша жағдай жасайды.

Бейсенбі, 10 Мамыр 2018 03:57

ЗЕРДЕСІН БОЛАШАҚТЫҢ ЖАРЫҚ ЕТКЕН

    "Қоғамның берген сыйы ол - оқушы, сондықтан оқушыға берген бір 45 минутта математика сияқты қиын пәннің мүмкіндігін ашу үлкен шеберлікті, тиянақтылықты қажет етеді",-дейді біз сөз еткелі отырған мектеп мақтанышы Зейнакүл Төребекқызы Серікбаева.

     Зейнакүл Төребекқызы 1980 жылы Қызылорда педагогикалық институтын бітіріп алғаш еңбек жолын қаламыздағы №10 Ы.Алтынсарин атындағы орта мектепте математика пәнінен сабақ беруден бастады. Жас ұстаз болып, мектепте математика пәнінен сабақ бергенінде "Тригонометрия" тарауына қатты қиналып, әрбір есептің шешімін тауып, оны оңтайлы оқушы­лар­ға жеткізе білді. 2009 жылы өзі сияқты жас маман­дарға қиындық келтіретін тауарларды қиналмасын деген оймен, 10-11 сынып оқулықтарындағы триго­но­метриялық теңсіздіктерге берілген есептердің шешу жолдарын жазып, шешімін шеңберге салып, методи­ка­лық нұсқаулық жазады. Әл-Фараби атындағы ҚазМҰУ және Абай атындағы педагогикалық университеті кітабына "жақсы" деген пікір береді. Осы нұс­қау­лықты жазу барысында Назарбаев зияткерлік мек­те­бінің түлегі болған  қызы Әбдіраман Айзаттың "осы шеңберді сағат ішіне орналастырсақ, ол сағат әрбір үй­де тұратын болса көзбен жаттауға болады" деген ойын іске асырып, жұмысына пайдаланады. Сонымен "Тригонометриялық бірлік сағат" пайда болады. Оны үш тілде аудармасын жазып, түсініктеме береді. Бұл сағаттың тиімділігі тригонометрияның есептерін 18 секундта шешуге болатынына көз жеткізеді. Оған дә­лел, Жаңақорғандағы "Талды су" лагерінде қаламыз­дың болашақ мақтаныштары "Алтын белгі" мен "Үздік аттестат" үміткерлері ҰБТ-ге дайындау мақсатында жүр­гізілген жұмыста №101 орта мектептің оқушысы осы сағатты пайдалану арқылы 11 секундта есептің шеші­мін тапты (есепті кім жылдам шешеді деп жарыс­тыру арқылы). Бұл жұмыстардан кейін "Қарапайым тригонометриялық теңсіздіктерді шешу" тақырыбына анықтамалық жазады. Бұл еңбектеріне Қорқыт ата атындағы университеттің профессоры Қоныс Арыс­танбек жоғары баға береді. Көрші Байқоңыр қаласы­нан 10-11 сынып А.Н.Колмогоровтың оқулығын алып, "Решение тригонометрических неравенств на основе единичной окружности" деген тақырыпта есептердің ше­шімін суретімен салған тағы бір методикалық нұсқаулық жазады. Ол жұмысын ресейлік pedsovet.org интернет сайтына жібереді. Еңбегіне авторлық құқық беріліп, сертификатқа қол жеткізеді.

   Осы еңбектерінің барлығын презентация Power Point программасымен әрбір есепке анимация беру барысында электронды методикалық нұсқаулық шы­ғарады. Бұл аталған методикалық нұсқаулықтағы есеп­терді қазіргі уақытта ғаламтор желісінде пайдала­ну­да. Оқушыларға формулаларды қалай жаттатуға бо­лады? Тақырыпты қызықты өткізу мақсатында "са­бақ ойын арқылы жүргізілсе" деген оймен формулалар жазылған математикалық домина жасайды. Алғаш "Келтіру формуласына", "Туындыға", "Тригономет­рия­лық функциялардың мәндерін табуға" артынша гео­мет­рияның "Планиметрия", "Стереометрия" тарау­ла­ры­на домино жасап, ойын арқылы жақсы нәтиже алу­ға болатынын, оқушы математикалық доминоны ой­нау арқылы формулаларды есте сақтайды. Еңбегі нәтижесін берді.  "Үздік математика пәні мұғалімі-2014" атты шығар­ма­шыл ұстаздар байқа­уында жүлделі ІІ орынға ие болады.

   

    Алда - ұлттық білім сынағы. Білімді таразыға салатын сынақ жыл сайын түлектердің бірін қуантады, ендігі бірін мұнайтады. Білімдегі басты емтихан саналған ұлттық тест биыл өзгеріссіз қал­ды. Екі форматы сақталды. Қо­ры­тынды аттестаттау мен ұлттық бірыңғай тестілеу сынағына тү­лек­тердің қызу дайындығы жүріп жатыр. Еске сала кетейік, мектеп бітірушілер үшін қорытынды аттестаттау 29 мамыр мен 30 маусым аралы­ғында жүргі­зіледі. Ал, ЖОО түсетіндер үшін 20 маусым мен 1 шілде аралығында Ұлттық бірыңғай тес­тілеу жүреді. Баса айта кетер­лігі, шығар­ма­шылық емтиханға тапсыратын түлектер 20 маусым мен 7 шілде аралығында құжат­тар қабылданады. 8-10 шілде ара­лығында емтихан жүргізу басталып кетеді.

   Бүгінде Қызылорда облысында мектепті 7102 оқушы бітіріп, оның 5196-сы (73,1%) ҰБТ-ға қатысуға ниет етіп отыр. Аталған мәліметтер ішінде сынаққа қатысу көрсеткіші бойынша Арал - 62,8%, Қазалы - 75,6%, Қармақшы - 76,1%, Жалағаш - 77,0%, Сырдария - 73,5%, Шиелі - 66,2%, Жаңақорған - 60,1%, Қызылорда қаласы - 82,3% қатысуға мүм­кіндік алды. Мұндай мәліметті Қызылорда облыстық білім басқармасы басшысының міндетін атқарушы Ақзира Қасымова айтып берді.

    Аймақтар арасынан үздік үштіктен көрінуді мақсат етіп отырған жергілікті билік ұлттық тестіде бақ сынайтын талап­ керлердің білімін мониторингке салып, мектептердің білім көрсеткіштерін жалпы жиналыста талқылап келеді. Дегенмен, ұлттық тест кейде биліктің ойлағанындай нәтиже бермейді.

    Хош! Нәтижені көретін күн де алыс емес. Бастысы, рейтинг қуалау емес, түлектердің жоғары оқу орнында грантқа ілініп кетуі. Оған биыл ерекше мүмкіндік бар. Бұрынғыдай емес, грант саны да едәуір артқан. 20 мың гранттың басым бөлігі техникалық бағыттағы мамандық­тар мен сұранысқа ие мамандықтарға бағытталады екен. Нақты айтқанда, 16 мыңы бакалавриатқа, оның ішінде 11 мыңы техникалық мамандықтарға, 3 мыңы магистратураға, 1 мыңы PhD доктарантураға бөлінбек. Тегін гранттың көп болуы біріншіден, ата-ана қалтасына салмақ салмайды, екіншіден, білім бә­сінде тек аты ғана бар жеке оқу орындары ығысып қалады. Қаптаған білім ордала­рының саны қысқарады. Бұл сапасыз оқу орындарымен күресудің жолы болмақ.

    Тағы бір жаңалық, енді ұлттық тестіде 50-дан төмен жинаған оқушылар да қайта сынақ тапсыра алады. Әрине, сынақты қайта тапсырған түлектер тек ақылы оқуға ғана бара алады. Мұны Ұлттық тестілеу орталығы Қызылорда облысы бойынша филиалының басшысы Асқар Еңсепов мәлімдеді. Бірінші академиялық кезеңнен кейін екінші рет тестілеуден де межелі ұпай жинай алмаған түлектер жоғары оқу орнына түсе алмайды.

    Түлектер ұлттық тестілеуде 3 міндетті, екі бейінді пән тапсырады. Бейінді пәндер арқылы мектеп оқушылары таңдаған мамандығына қарай бағыттас мамандық­тарға бара алады. Жалпы 5 пәннен жоғары балл - 140 ұпай, шекті балл - 50 ұпай. Дегенмен, бейінді пәндер бойынша 30 сұрақ болады. 1-20 сұраққа дейін 5 жауаптың біреу ғана дұрыс, ал 20-30 сұрақтың бірнеше жауап­тары қаралады.

    Тестілеуден кейінгі даудың басын ашатын "Алтын белгі" иелерінің мәселе­леріне нүкте қойылды. Себебі биылдан бастап "Алтын белгі" иегерлеріне айрықша басымдық берілмейді. Тек ұпай саны бірдей болған түлектердің арасынан "Алтын белгі" иегері басым құқыққа ие болып кетеді. Аймақтағы мектептерден қаңтар айында "Алтын белгілі" 472 үміткер, "Үздік аттес­тация" 289 үміткер тіркелсе, сәуір айындағы ақпарат бойынша "Алтын белгіге" үміткер саны - 343, "Үздік аттестатқа" - 227 үміткер лайық деп танылып отыр.

     Айтпақшы, осы жылдан бастап ата-аналар ұлттық тестіні онлайн көре алады. Жауапты мамандар «Қызылорда облысын­дағы бірнеше аудандарда тікелей трансля­ция көруге бағытталған қаржы мәселесі шешіліп қойған» дейді. Әр кабинеттегі бейнебақылау түлектердің тест барысын­дағы қимыл-әрекетін бақылауға мүмкіндік бермек.

 Абай ТАҒЫБЕРГЕН

 

 


Құрметті қызылордалықтар!

     Сіздерді 1 мамыр – Қазақстан халқының бірлігі мерекесімен шын жүректен құттықтаймын.

   Бұл күн халқымыздың бауырмашылдығын, достық сезімге ынтық, ыстық ықыласын дәлелдейтін, ынтымағы ырысқа, бірлігі берекеге ұласқан еліміздің ұлы мерекелерінің бірі.

    Ел Тәуелсіздігінің ширек ғасырдан астам уақыт ішінде біздің мемлекетіміз - достық пен ынтымақтың шаңырағын биік көтеріп, сан түрлі ұлттар мен ұлыстардың бауырмашылдығына арқау болып, бейбітшіліктің мекені атанды.

   Биылғы жылы, Елордамыздың 20 жылдық, Сыр өңірінің бас шаһары - Қызылорда қаласының 200 жылдық мерейтойын атап өтеміз.

     Еліміз үшін, біздің өңіріміз үшін тарихи тағылымы мен мағынасы терең қос мерейтойды атап өтудің маңызы зор.

    Себебі бұл мерейтойлар халқымыздың асқақ рухының, ұлтымыздың ұлылығының және еліміздегі бейбітшілік пен татулығы жарасқан ел бірлігінің арқасында қол жеткен жетістігіміз.

   Расында, біздің бүгінгі жеткен жетістігіміздің барлығы еліміздегі тыныштық пен татулықтың, бірлік пен берекенің арқасында екені айқын.

    Байтақ елде жалпақ жұрттың бірлігі бұзылмай, татулығы тарқамай өмір сүріп жатқандығы үлкен мақтаныш.

   Мұның барлығы, бір шаңырақ астындағы барша ұлттың ұйытқысына себеп болып отырған Елбасының сарабдал саясаты мен Ата заңымыздың аясында атқарылып жатқан шаралардың нәтижесі екендігі белгілі.

  Біз - әлемде ұлтаралық бірлігімен және татулығымен ерекшеленетін ұлт екенімізді ескерсек, тұрақтылық пен бейбітшілік ерекше үйлесім тапқан елміз.

    Қазақ даласын мекен еткен барша ұлт өкілдері үшін, татулық пен тыныштық бәрінен де қымбат.

    Осынау шуақты мерекеде, әрбіріңіздің шаңырақтарыңызға шаттық, дендеріңізге саулық, отбастарыңызға бақ-береке тілеймін!

   Қазақстан халқының берекелі бірлігі жарасып, әрқашан бейбітшілік пен келісім, достық пен сенім орнасын.

   Ынтымақ мерекесі құтты болсын!

   Елдігіміз еңселі, достығымыз мәңгі болсын!

Ізгі тілекпен,

қала әкімі Н.Нәлібаев

        Білім сынағы да жақындап қалды. Мек­­теп оқушыларының 11 жылдық білі­мін сарапқа салатын ұлттық бірыңғай тес­тілеуге қызу дайындық екі тоқсан бұ­рын бас­талып кеткен. Бүгінде 11-сынып оқу­шы­­лары ұлттық тест алдында психо­ло­гия­лық әрі бейінді пәндеріне қатысты да­йын­дықты күшейтті. Әрбір мектеп мұ­ғалімі бі­тірушілердің сынама қорытын­ды­сына сәй­кес әр оқушы білімінің осал тұс­тарына жұ­мыс жүргізуде. 14 жылдан аса білімнің өл­шем құралы саналған ұлттық тест жақын­даған сайын жаңашылдықтар мен өзгерістер орын алатын. Биыл құзыр­лы ресми тарап айтарлықтай айырмашы­лық жоқ деп отыр. Сонымен, ұлттық тест қалай, қайда өткі­зілмек?

   Ұлттық тест - білімнің нақты көрсет­кіші. Қанша пікірлер мен көзқарастар орын алғанымен ұлттық тестілеудің фор­ма­ты сақталады. Өткен жылдан бері та­лап­керлер екі сынақтан өтіп келді. Биыл да солай болмақ. Біріншісі - қорытынды мемлекет­тік аттестаттау. Мектеп база­сында ұйым­дас­тырылатын сынақтан сәт­ті өткен оқу­шы­лар ұлттық тестілеуге жолдама алады. 29 мамыр мен 9 маусым ара­лығындағы ат­тес­таттауда түлектер ана тілінен (эссе), Қазақстан тарихынан, ал­ге­бра және анализ бастамаларынан, орыс тілінен (қазақ тілі), таңдау пәнінен ем­тихан тапсырады. Ал, 15 маусымға дейін бітірушілерге орта білім туралы аттестат беріліп, ЖОО-ына түсуге та­лапкерлер 20 мау­сым мен 1 шілде аралы­ғын­да Қорқыт ата атындағы Қызылорда мем­­лекеттік уни­верситетінің №5 оқу ғи­мараты мен "Мұ­рагер" мектебінің базасында орналас­қан тестілеу пункттерінде Ұлттық бірыңғай тестілеуге қатысады.

   Ұлттық тестілеу 5 пән, оның 3-уі мін­детті пәндер, қалған екеуі оқушының бе­йінді пә­ніне байланысты. Бейінді пәндер ком­би­на­циясы математика-физика, мате­ма­тика-гео­графия, биология-химия, био­ло­гия-геог­рафия, шет тілі-дүние жүзі тари­хы, геогра­фия-шет тілі, химия-физика, дү­ние жүзі тари­хы-география, дүниежүзі та­ри­хы-Адам. Қоғам. Құқық, қазақ тілі-қазақ әдебиеті пән­дерінен тапсыра алады. Бұл қос пән талап­кер­дің мамандықтар тізбесі­нің мол болуына септігін тигізеді. Айталық, география пәнін таңдаған түлек 18 маман­дыққа құжат тап­сыра алады. Басқа пәндер ту­ралы оқушылар ұлт­тық бірыңғай тестілеу орталығының ресми сайтынан біле алады.

Сәрсенбі, 25 Сәуір 2018 11:35

КЕЛЕШЕККЕ КӘСІБИ КӨЗҚАРАС

     Дәл қазір мектеп түлектерінің жү­ректері алып-ұшып тұрған кезең. Алдағы сынақ пен мамандық таңдау машақаты бар себебі. Бұл әрбір тү­лекті, ата-ананы, ұстазды алаңдатып отыр. Мұндайда жастарға бағыт-бағ­дардың қажеттілігі айқын. Ма­мандықтардың маңыздылығы мен қоғамдағы орнын түсіндіру, сол ар­қылы жас түлектің таңдауына түрткі болу келешек маман иесін оң бағыт­қа бұрады. Өткен жылдан бері Қы­зылорда қаласының әкімдігі 11-сы­нып оқушыларына арнап кәсіби ма­шықтандыру, әрі мамандықтың ма­ңыздылығын сөз етуде ашық есік кү­нін ұйымдастырып келеді. Мақсат бір. Түлектердің таңдауына жәрдем­десу, кәсіби машықтандыру. Биыл қа­ла билігі Қорқыт ата атындағы Қы­зылорда мемлекеттік универ­си­те­тінің мамандарымен бірлесіпті. Қаладағы барлық мектептің жоғары сынып оқушыларының басын қос­қан жиында Қызылорда қаласы әкі­мі­нің орынбасары Шахмардан Байма­нов, Қорқыт ата атындағы Қызылорда мемлекеттік универ­си­те­тінің ректоры, профессор Қылыш­бай Бисенов, профессор-оқытушы­лар, ғылым қызметкерлері және қала мектептерінің бітіруші түлектері қатысты.

   Мамандық иесінің әрбірі елдің экономикалық әлеуеті мен кадрлық саясатының дұрыс қалыптасуына әсер етеді. Ширек ғасыр ішінде уа­қыт қажеттілігіне қарай түрлі ма­ман­дық қалыптасты, бірі маңызды­лы­ғын жойса, ендігі бірі қайта жан­данды. Бірақ, соңғы кездері қайта­ла­ма мамандықтан жастар бас тарта бастады. Техникалық бағыттағы ма­ман иелерінің сұранысы артты. Со­ның нәтижесінде маман болудың жо­лына түскен түлектердің көз­қа­расы өзгерді. Білім басқосуында Шахмардан Асқарұлы еңбек нары­ғына сауатты мамандардың қажет екенін алға тартып, ақпараттық технология заманында жоғары білім беру жүйесінің маңыздылығы жө­нін­де баяндама оқыды.

онлайн флеш игрынародная медицинадиеты

Сайт бойынша іздеу

Сауалнама

ҰБТ кезіндегі сынақ кітапшалары қаншалықты білімді таразылай алады?

Алдын ала межені байқау үшін - 27.9%
Ұлттық тестілеуге дайындықты пысықтау жолы - 37.2%
Ақша табудың амалы - 11.6%
Оқушының пәндік сабақтардағы бейінін байқатады - 23.3%

Total votes: 43
The voting for this poll has ended on: 07 Мам 2018 - 00:00

Күнтізбе

« Шілде 2018 »
Дс Сс Ср Бс Жм Сб Жк
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C