Айтарым бар

Исатай Минуаров, әлеуметтанушы:

    Бала өз болашағына өзі жауапты. Тиісінше, мамандығын өзі таңдауы керек (бала өзіне не керегін біледі. Егер барлығы жоспар бойынша болмаса, бала ата-анасын кінәлайды). Қазір нарық соны сезген болуы керек, көптеген оқу орталығы “дұрыс мамандық таңдауға көмектесеміз” деген сервис көрсетуді бастады.

   Нарықта қандай мамандықтарға сұраныстың мол екенін анықтап алыңыз. Мамандықты таңдағанда өте ұқыпты болыңыз.

  “ЖОО-ға мектептен соң бірден түсу міндетті” деген психологиядан арылу керек. Шетелде Gap year деген ұғым бар. Gap year бір жыл болуы мүмкін, екі-үш жылға созылуы мүмкін. Бұл уақытты мектепті енді бітірген түлек өзінің не қалайтынын, жасырын потенциалын барынша анықтауға, приоритеттерді дұрыс қою жағын ойлануға пайдаланады. Есесіне, мектеп бітірген бала сол уақыт аралығында есейіп, аз да болса студенттік шақта туындайтын қиындықтарға, стреске дайын болады. Ал біздегідей балаға мектеп бітірген жылы бірден университетке түсуді міндеттеу дұрыс емес.

 

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны                      2019жылдың І  жартыжылдығына 

Қазпочта арқылы 6 айға - 1950 теңге (қала үшін)

6 айға - 2150 теңге (аудандар үшін)

Редакция арқылы 6 айға - 1880 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Айдар Сайлауов 

Жүлдызай Қалиева

Абзал Жолтерек

Нұрболат Қоймағанбетов


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Ұстаз мәртебесі

Ұстаз мәртебесі

Сәрсенбі, 19 Қыркүйек 2018 06:10

ЖАСЫН МІНЕЗ, ЖАСТЫҚ ЛЕП

 Ақын жүрегі нәзік. Кейде алай-дүлей. Ал, бірде тас­танда қатты, мұздан да суық. Жылап отырып күлдіруі, күліп отырып жылатуы мүмкін. Бұл сөздің, өлеңнің өміршең құдіреті. Мұны өлеңсүйер қауым да жақсы түйсінеді.

    Осындай ауыр жолды таңдап алып, "ақын" деген арда есімді арқалаған жастар да жетерлік. Жырлары жусан иісіндей жұпар, өлеңдері жұп-жұмыр, жып-жинақы өнер иелерінің тамылжыған туындыларын оқырманға таныстыруды жөн көрдік. Газет бетінде алдағы уақытта "өзіндік айтары бар" жас ақындардың жасампаз өлеңдері "Жусан жыр" айдарымен жарияланатын болмақ. Көңілдері өлеңге сусап қалған оқырман жаңа буынның беталысын бағамдай жатар. Дегенмен де жас­тардың жаңашыл жырлары талай жүректерді жібітіп жібереріне сенімдіміз.

   Бүгін жырсүйер қауымға Қорқыт ата атындағы Қызылорда мемлекеттік университетінің Екі шетел тілі мамандығы бойынша АЯ-15-3 оқу тобының студенті Айнаш Бөлекбайдың қос өлеңін ұсынып отырмыз.

Сәрсенбі, 19 Қыркүйек 2018 06:05

ЖОЛ ҮСТІНДЕГІ ЖИЫРМА ЖЫЛ

        Қанша ерте тұрсам да кешігіп жүру әдетке айналды. Апыл-ғұпыл жүгірсем де, бағытыма баратын көлікке үлгере алмадым. Содан аялдамаға келген әр түрлі бағыттағы қоғамдық көліктерге қарап-ақ қызу тіршіліктің ерте басталып кеткендігін ұқтым. Ал мен әлі отырмын. Уақыттың құнды екенін білсем де, бағалай алмай жүргенімді сол кезде сезгендей болдым. Айналамда ығы-жығы адам көп. Гүрілдеген көліктің дауысы жүйкемді жұқартты. Қоғамдық көліктер де бірінен соң бірі жарыса келіп жатыр. Қарап отырсам, автобустың "бипылдаған дауысы" арқылы біраз нәрсені түсінуге болады екен. Әсіресе, қоғамдық көлік жүргізушілерінің ортақ тіліне айналған сияқты бұл әдіс. Сол арқылы ұрысады, кейде сыйласып біріне бірі жол береді. Жалпы қызық дүние...

    Көз алдымда орын алып жатқан жайттарға мән беріп отырғанымда мен күткен автобус та аялдамадан көрінді. Содан не керек, бағытыма беттеген кө­лікке міндім. Орын жоқ, бірақ, адам көп. Өзіме ыңғайлы жерге орналасып, айна­лама көз сүздім. Бірі телефонға телміріп, терезеге қарауға мұршасы болмаса, енді бірінің қабағынан қар жауып тұрғанын байқайсын. Бәрі ашулы, бәрінің жүйкесі жұқарған секілді. Тек кондуктордың да­уысы жарқын-жарқын шығады. Әуезді музыканың үні де құлаққа жағымды естіл­гендей. Әдетте, қоғамдық көлікке мінген сайын кондукторды жерден алып, жерге салып жатқан халықты көреміз. Ашулы болса, алқымынан алады. Ренішті болса ұрысып алуға да сылтау табады. Әйтеуір көпшілік мінетін көліктегі ке­леңсіздікке кім кінәлі десек, кондукторды қолмен нұсқап тағы шыға келеміз.

   Нөміріміздің алдыңғы санында «Халық таңдауы» айдарының алғашқы шығарылымын ұсынған болатынбыз. Сүт өнімдеріне қатысты халықтың пікірін біліп, жұртшылықтың ең көп қолданатын сүтінің сапасы мен бағасы жағынан толыққанды мәліметтер анықтап бердік. Келесі кезекте барлығымыз күнделікті көріп, дәмін татып жүрген шоколодтар жөнінде оқырманның ойын білгіміз келді. Халық таңдауына Швейцария ұсынған «Нестле», украиналық «Рошен», Ресейде өндірілетін «Алпен Голд» пен «Милка Баблз» және өз елімізде шығатын «Қазақстан» шоколадтарын ұсындық. Тәттіні жақсы көрмейтін жан баласы жоқ шығар. Сондықтан әлеуметтік желі арқылы таңдау жасау оңайға соқпады. Алайда, қалың халық бірінші нөмірлі тіл үйіретін тәтті ретінде отандық «Қазақстан» шоколадын таңдады. Таңдау барысында тізімнің екінші орнына жайғасқан «Алпен Голд» қазірдің өзінде көптің сұранысына ие екенін дәлелдеді. Украинада өндірілетін «Рошен» шоколады да бастапқы үштіктен түспей тұр. Басқа тәттілерге қарағанда бағасы жағынан әлдеқайда қымбат «Милка Баблз» қанша тәтті болғанымен біздің өңірде көп сұраныста емес екенін көрсетті. Сауалнама барысында соңғы орынға жайғасқан «Нестле» шокошәрбаты сатылымда көп болғанымен тұтынушылары аз екен.

 

 Оқырмандардың әлеуметтік желідегі пікірлеріне көз жүгіртетін болсақ, халық арасында «тәттінің төресі отандық өнімге ештеңе жетпейді» дегенге сайды.

    Дәмі тіл үйірер тәтті өнімдердің тәуірін тұтынғанда тұрған ештеңе жоқ. Тек шектен тыс үйір болмасаңыз болды. Алдағы сауалнамаға тағы қандай өнім түрін ұсынғанды дұрыс деп табасыз. Оқырманнан ой күтеміз.

 

Абзал Жолтерек



 

 

 

Сәрсенбі, 12 Қыркүйек 2018 12:49

АРБАКЕШ АРҚАЛАҒАН АУЫР ЖҮК

   

   Өмір жолының қалтарыс-бұлтарыстары көп. Тағдыр таңдаудан, өмір өткелдерден тұрады. Осы бір ағыны қатты нілдей ғұмырды нұрлы сүру көп пенденің пешенесіне жазылмаған. Адамдардың бәрі бақытты емес. Астатөк ас ішіп, үлде мен бүлдеге оранып, өмір сүру бүгінде өте қымбат тұрады. Ал, азын-аулақ тиын-тебенді талғажау қылып, бір үзім нанды қанағат еткендер Ақтан жастай көш шаңында қалмас үшін тырмысып бағады. Ерінбей еңбек етеді.

    Бүгінгі кейіпкеріміз - арбакеш Кеңес деген кісі. Негізгі шын аты-жөні басқаша. Оны базардағылардың бәрі осылай атап кетіпті. Өзі де осы есімді жазғанымды қалады. Кеңестің қолдары жарылған, жара-жара. Киімінің бүтін жерінен жыртығы көп. Белі бүкір. Бір аяғын сылтып басады. Сөздерді де кекештене айтып, үрейлене сөйлейді. Сыртқы бейнесі жұпыны болғанмен, жұмыс­ты жып-жинақы жасайды екен. Әріптестерінің айтысы бойынша солай. Қызылорда қаласындағы "Ескі базар" аумағында он-он бес шақты арбакеш бар. Жас жағынан Кеңес солардың ең үлкені. Ол суретке түсуден бірден бас тартты. Оған намыстанатынын да жасырмады. Кім бұл қызметпен мақтансын, бәрі қу жанның, отбасының қамы үшін қарекет қылғандар. Бар жұмысын ысырып қойып, бізге сұхбат берген арбакеш сөзін бірден наз айтып бастады.

     Астананың жиырма жыл­дығын ел болып атап, санада өнеге қалатындай, рухани күш беретіндей деңгейде өткізудеміз. Ас­тана асқақтап өсіп, ажар­ланып келеді. Жігіт жасына келген қаланың алған асу­лары мен бағындырған бе­лестері толассыз.

     Дүбірлі мереке алты алаш­­тың алғашқы астана­сында да айрықша аталып өтті. Сыр жұртшылығы Елор­даның еңсесі биік, ай­быны дара бола бергенін тілейді. Айтулы мереке қар­­саңында 7 қыркүйек күні Нартай Бекежанов атындағы қазақ музыкалық драма театрында "Астана­дан ақ тілек" атты концерт өтті.

    Астанадан жыр сандық, өнер кесте алып келген дарындылар әннен шашу шашып, жырдан өрмек өрді. Мың бұрала биледі. Мәдениет қайраткері Шол­пан Қорғанбектің "Қорқыт" дәстүрлі саз тобы "Шалқыма", "Аманат", "Көр­­оғлы", "Қорқыт", "Ға­сырлар үні" күйлерін күм­бірлете орындағанда жи­налған халықтың делебесі қозып, қошеметін аямады. Тіпті кейбір күйлерге "Шалқыма" халық би ан­самблі ілесе отырып, жара­сымды өнер көрсете білді. Халық дән риза. Ал, Да­нияр Мұхан, Зинат Қа­сымова, Жақсыгелді Мая­саров, Айнұр Қонысбаева сынды дәстүрлі өнердің дәріптеушілері де бұлбұлша сайрап, жұрт жүрегін баурап алды.

 

   

    Ауыл шаруашылығы өміршең саланың бірі. Сондықтан да сала мамандары аграрлық саланы экономиканың басты драйверіне балайды. Жерден өнім алып, мал ба­сын көбейту арқылы елдің ішкі нарығы мен сырт елдің экспортына қажетті өнімдерді жеткізуде берекелі істер бар. Бұл бағытта Сыр елінің ауыл шаруашылығы алымды істердің бастауында тұр. Десе де ауыл шаруашылығы саласындағы ісін ілгерілетуде байыпты бағдарламалар мен нақты механизмдер керек. Себебі соң­ғы 3 жылдан бері мамандар аймақтың агроөнеркәсіптік кешенін дамыту мәселесінде бір алаңға топтасып жүр. Саладағы өзекті мәселелердің басын ашып алу, шешімді қажет ететін жағ­дай­ларға көңіл бөлуде жыл сайын Қызылордада "Дала күні" семинары ұйымдастырылады. Басқосу мамандар үшін маңызды. Өйткені су ресурстарын тиімді пайдалану, ылғалды сақтайтын технологияларды енгізу, құр­ғақшылыққа төзімді дақылдарды өсіру мәселелерінің барысын талқылайды. Күздің басты шарасына аймақ басшысы Қырымбек Көшербаев, қала әкімі мен аудан әкімдері, аграрлық ұйымдар мен қаржы институттарының басшылары, сондай-ақ аймақтағы агроөнеркәсіптік кәсіпорындары түгел қатысты.

   Биылғы ауа-райы егінші қауымды алаңдатпай қоймады. Мамыр, маусым айларында ауа температурасының сал­қын болуы және шілде айында Сырдария өзеніндегі судың айтарлықтай азаюынан су тапшылығы сала мамандарын әдепкіде уайымдатқаны рас. Дегенмен өз ісіне жауапты шаруалар сынақтан сәтті өтіп, егін жинау нау­қанына кірісіп кетті. Облыс әкімі мұн­дай жағдайды алдағы уақытта да назар­дан тыс қалдырмау керектігін ашып айтты.

Сәрсенбі, 12 Қыркүйек 2018 12:37

«МИЛОКО» СҮТІ СҰРАНЫСҚА ИЕ БОЛДЫ

   

    Редакциямызға көп­теген сауалдар келеді. Әсі­ресе, отандық өнім­дердің сапасы мен сұранысына қатысты пікірлер көп. Осы орайда оқырман үшін "Халық таңда­уы" атты жаңа айдар тұ­рақты жол тартпақ. Алғашқы зерттеуді сүт өнім­дерінен бастадық.

   Қазіргі таңда ең көп қолданыста жүрген бес сүт өнімін өзара талқыға салып, жұртшылықтың пікірін білуді жөн көр­дік. Халық таңдауына алматылық "Милоко" мен "Моё", "Айналайын", "Пет­­ропавловское" өнімі және жергілікті "Дәмді" сүтін ұсындық. Вконтакте, Instagram, Facebook әлеуметтік желілерде атал­ған өнімдерді топтастырып, елден пікір күттік. Халықтың басым бөлігі "Милоко" өніміне таңдау жасады. Бағасы мен сапасы сай келген өнімнің рейтингте көш бастауы оқырмандардың пікірі­нен-ақ білінді. Қазалы ау­данынан шығатын "Дәмді" сүтіне де ел көз­қарасы оң болып шықты. Отандық өнімді қолдаған тұрғындар "Дәм­ді" сүтінің артық қоспасының жоқтығын алға тартып, рейтингтің екінші тұғырынан көрінді. Са­уал­нама барысында "Петропавловское" сүті де "Дәм­ді­­-мен" қатар жүрді. Петропавл өңірінен шығатын сүт өнімі ірі сауда желілерінен түскен емес. Сондықтан рейтингтің үшін­ші сатысына жайғасты. Ал, осыдан 5 жыл бұ­рын сауда нүктелерінде көп саудаланған "Айналайын" сүті қазірдің өзін­де әлі күн­ге дейін сатылымда. Бұл өнімнің де өз тұтынушылары бар. Тізім­нің соңын қорытындылаған "Моё" сүтінің өз деңгейінде сұранысы бар.

   Әлеуметтік желідегі оқырмандардың пікір­лерін зерделейтін болсақ, жастардың көпшілігі сүт өнімдерінің атауына мән бермесе де, жиі тұ­ты­натынын жасырмады. Зерттеу жүргізе отырып байқағанымыз, ел ішін­де "қол­дың сүтін" пайдаланатындар да, табиғилығы жағынан "Дәмді" сүтін атады.

   Оқырманға ұғынықты түрде жеткізу үшін сауалнаманы инфографика тү­рінде беруді дұрыс деп таптық.

   

    Адам баласы тамақ жеу үшін өмір сүрмейді, өмір сүру үшін тамақтанады. Ал, біз салауатты өмір сүру үшін қандай тағамдарды тұтынып жүрміз? Дұрыс тамақтану режимін сақтап жүрміз бе? Бұл бүгінгі күннің басты сауалы, сондай-ақ өзекті проблемасы. Расында да күнделікті қарбалас уақытта дұрыс тамақтану режимін сақтау былай тұрсын, уақытылы ас ішудің өзіне сағат жетпей қалатыны жасырын емес. Іле-шала қолға түскенін асап, "асқазанға ел қондырсақ болды" деген ой көп жанның жадында сақтаулы тұрған болар. Соның салдарынан түрлі дерт дендеп, аурудың асқынуы белең алуда.

   Дүниежүзілік денсаулық ұйы­мы бастамасы бойынша отбасын жоспарлау жөніндегі ұлттық орталық әлеуметтік зерттеу жүргізген еді. Нәтижесінде мектеп оқушылары, яғни 5-6 сынып оқушыларының 50 пайызы таңғы асқа бір стакан сүт немесе шырын ішетін болса, 7-8 сынып оқушыларында бұл көрсеткіш 36,2% -ға айтарлықтай төмендеген. Ал, 9-сынып оқушыларының 33,3%-ы ғана таңғы асты өз уақытында ішетінін анықтаған. Бұл нені аңғартады?

Сәрсенбі, 12 Қыркүйек 2018 12:31

БІЗГЕ БЕЙМӘЛІМ БЕТБҰРЫСТАР

   

    Кезінде тек қиял ғана болып келген инновация­лық идеялар уақыт өте ке­ле ақиқатқа айналуда. Бұрынғы кеңес үкіметінің балалары өздігінен есептеп, өздігінен пайызын шығаратын жаңа құрылғының ойлап табылатынына күдікпен қараған-ды. Бірақ уақыт машинасы адамзат игілігіне калькуляторды ойлап шығарды. Кейіннен ғаламтордың ғаламатымен талай дүниелер жұмыр басты пенденің тіршілігіне енді. Тіпті аузын айға білеген Америка мен жаһанданудың жойқын жаңалығы енген Еуропа елдерінде ғылым мен технологияның дамуынан ақылды қалалар, ақылды үйлер мен жылжымалы орындар пайда болды. Әуелгіде бізге бей­мәлім болып көрінген смарт қалалар идеясы да біздің елге ене бастады. Цифрландырудың іске асуы­мен қазақ баласы іске асырып көрмеген жаңа жобалар, тың технологиялар өмірге енуде. Әйткенмен, бұл жаһандық жаңалықтың тек басы ғана. Алдағы 10-20 жылда әлем жаңа мегратрендтердің дәуреніне аяқ басады. Ол қандай мегатрендтер?

    Болашақтың қалай болатынын нақты болжау қиын. Бірақ ғылыми прогресстің қарыштаған уа­қытында келешектің қалай болатынын ғалымдар алдын ала болжап отыр. Болжап қана қоймай, адамзат өміріне пайда әкелетін жаңа мегатрендтерге осы кезден бой үйретіп, болашаққа бейімделуге шақырып тұр.

   Белді оқу орнының түлегі болу - әр­бір оқушы үшін арман. Өмірінің бір бөлігін өткізетін ортаның жар­қын, көркем әрі беделді болғаны нұр үс­тіне нұр. Шалғайдан білім қуып кел­ген жастар, қаланың алғыр оқушылары мықты білім ошақтарында оқы­ғысы келеді. Осы тұста біз Қызылорда қаласындағы қос университетті ны­санаға алдық. "Университеттердің бү­гінгі ахуалы қандай, биылғы оқу жылында қай мамандыққа сұраныс жоғары, нендей жеңілдіктер мен жаңалықтар бар?" деген сауалдарға жауап іздеп көрдік.

   Жаңа оқу жылында Қорқыт ата атын­дағы Қызылорда мемлекеттік уни­верситетіне 1105 білім алушы - күн­дізгі, 661 студент сырттай оқуға қабылданған. Сондай-ақ, докторантураға - 22, магистратураға - 247 білім алушы қабылданыпты. Бұл білім шаңырағы үшін жақсы көрсеткіш. Жыл сайын аймақтың білім, мұнай-газ ісі, құрылыс, электр энергетикасы, ауыл шаруашылығы секілді түрлі салаларын қажетті мамандармен қамтамасыз ету мақсатында университет студенттері үшін Қызылорда облысы әкімінің білім гранттары да бөлініп келеді. Биылғы оқу жылында 13 мамандық бойынша Қызылорда облысы әкімі гранты негізінде 95 білім алушы І курсқа оқуға түскен.

  Қорқыт ата атындағы Қызылорда мемлекеттік университетінің ректоры, т.ғ.д., профессор Қылышбай Бисенов: "2012-2013 оқу жылынан бастап бакалавриаттың 4 мамандығы бойынша 1 курс студенттері көптілді білім беру бағдарламасына сәйкес білім ала бастаған болатын. 2015-2016 оқу жылынан бастап 16 мамандықтың студенттері үш тілде білім алуда. Университетте жасалған "Е-универ" ақпараттық жүйесі барлық құрылымдық бө­лім­дерінің жұмыстарын цифрландырумен қатар қашықтықтан оқыту технологиясы және ашық білім беру ресурстары арқылы оқу үдерісін ұйымдастыруда. 2017-2018 оқу жылы ашыл­ған халықаралық CISCO академиясы, "Майкрософт" компаниясының филиалы және отандық "КазРоботикс" федерациясымен әріптестік бай­ланыс университеттің білім беру қызметінің сапасын арттыруда. Сонымен бірге университет Еуразиялық экономикалық одақтың "Признание" халықаралық премиясына ие болды", -деді. Бұл жастардың сапалы білім мен саналы тәрбие алуына жасал­ған шаралар.

онлайн флеш игрынародная медицинадиеты

Сайт бойынша іздеу

Сауалнама

Күнтізбе

« Қараша 2018 »
Дс Сс Ср Бс Жм Сб Жк
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C