Айтарым бар

   

Жанболат Ошақбаев, жас кәсіпкер: 

    Кәсіп бастайтын адам үшін қаржылық сауаттылықтың маңызы зор. Қазіргі таңда екінің бірі кәсіпкер болып кетті ғой. Алайда, барлығының еңбегі жемісті болып жатқан жоқ. Кәсіпкерде әрқашан «Б» жоспары болуы керек. Есеп білмеген адам қарапайым сауданың да жөнін біле бермейді. Сондықтан, бизнес бастамас бұрын қаржылық сауаттылықты меңгеріп алу керек. Себебі, алғаш кәсіп бастаған адамның бухгалтерге, сатушыға, кассирге жеке-жеке жалақы төлеуге шамасы жетпейді. Осы қызметтің бәрін өзі атқарып, кәсіптің басы-қасында жүрген адам ғана жоғары жетістікке қол жеткізе алады.

baribar.kz


Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны

Қазпочта арқылы 6 айға - 1740 теңге (қала үшін)

6 айға - 1920 теңге (аудандар үшін)

Редакция арқылы 6 айға - 1680 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Толыбай Абылаев 

Айдар Сайлауов 

Жүлдызай Қалиева


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Ұстаз мәртебесі

Ұстаз мәртебесі

     Көптің талқылауын қа­жет етіп, сан сауалдардың туындауына себепші бол­ған латын әліпбиіне көшу туралы түрлі пікір айтылып келеді. Бірі бұл бастаманы қолдап жатса, екінші бірі жаңашылдықтан жатыр­қауда. Ал, "Мұрагер" мекте­бі­нің мұғалімдері латын әліпбиін қолдайды. Алдың­ғы аптада үш тілде оқыта­тын дарынды балаларға арналған мамандан­дырыл­ған сыныптары бар "Мұра­гер" мектебінде "Әлемдік өр­кениетке жол ашатын әліпби" атты аймақтық семи­нар өткізілді. Аталған семинарға 54 мектептің директорлары мен орынба­сар­лары, сондай-ақ мұға­лім­дер қатысты. Негізгі мақсаты - латын әліпбиінің қабылдануына байла­ныс­ты пікір білдіру, маңыз­ды­лығы туралы ақпарат алма­су. Жалпы адамзаттық жә­не ұлттық құндылық­тар­мен тәрбиеленген, көшбас­шылық қасиеттері бар, қа­білетті тұлғаны қалып­тас­тыру бағытындағы жұмыс­та­рымен таныстыру. Ша­ра­ны қалалық білім бөлі­мінің кәсіподақ ұйымының төрайымы Орынша Әлім­бе­това ашып, барша ұла­ғат­ты ұстаздардың бастама­сына сәттілік тілеп, еліміз­дегі білім саласындағы ат­қарылып жатқан игі істерге тоқталып өтті. Келешек ұр­пақты тәрбиелеуші, бағыт-бағдар беруші тұлға ұстаз болғандықтан, маңызы бар мемлекет бастамасына бел­сенділік танытуды сұрады.

        Жалын желмен ұшса, жер-жаһанды өртке орап, соңында қара күйе қал­дырары белгілі. Жастық шақ та сол сияқты, шек­тен тыс еркеліктің ертеңі өкі­­нішке алып келуі де ға­жап емес. Мұны сіз де бі­ле­сіз. Әдетте жасөспірім деп 14-19 жастағы жалын­да­ған жастарды атаймыз. Оларға үміт артамыз, бола­шағын бағамдап, жақсы­лық­қа шақырар тәрбиені жиі береміз. Дегенмен, жет­кіншектердің көбісі ту­ра жолда тасқа сүрініп, тұ­ра алмай қиналатын жа­йы бар. Жол сілтеуіш жа­на­шыр болғанымен, бай­қау­сызда біраз нәрсенің ба­сын шалып, "аһ" ұратын кез­дер қаншама. Нені мең­­зеп отырғанымды ша­ма­мен біліп отырған бо­ларсыз.

    2011 жылы ЮНФПА жас­тардың арасында зерт­­теу жүргізген екен. Қазақстандағы БҰҰ Ха­лық­ты қоныстандыру қо­ры бағдарламасының ат­қарушы өкілі Райымбек Сисемалиевтың айтуын­ша, жыныстық қатынас­қа мектеп жасында, яғни кә­мелет жасына толмай тұ­рып түсетінін анықта­ған. Сондай-ақ, жастар­дың 33,10 пайызы алғаш­қы сексуалдық тәжірибе­ден 15 жасқа дейін өтсе, 49,20 пайызы 19 жасында өтеді. Жасөспірімдердің негізгі бөлігі тәуекелге ба­ра отырып, жыныстық қа­ты­насқа сақтанбай түседі екен. Сонымен қатар, 2010 жы­лы 15-19 жас ара­лы­ғын­да­ғы 1000 қыздың ішінде жүк­ті болғандардың саны 28,3 болса, 2014 жылы бұл көр­сеткіш 34,7-ге жеткен. Ал, 2017 жылы 36,4-ны құ­рап отыр. Бұл Экономи­ка­лық және әлеуметтік даму ұйы­мы елдерінің көрсеткі­ші­нен 6 есеге жоғары. Иә, таң­қалып отырған болар­сыз. Алайда, көрсеткіш ас­пан­нан алынған жоқ. Салт-дәстүрді сақтаған қазақ хал­­қы осындай әдепсіз әре­кеттің әлегінен әлі де арыла алмай келеді. Бірден бір се­беп, жастардың репро­дук­тив­­ті денсаулығын сақта­ма­­уы, екіншіден сауатсыз­дық­тың салдары. Ұят пен ұяң­дықты бойына сіңірген халқымыз жыныстық қа­ты­нас жайлы сөз қозға­май­ды, отбасында талқылап, ба­­лаға ақ-қараны тануға мүм­­кіндік бермейді. Ата-ана­ның жұмысбастылығы тағы бар.

Сәрсенбі, 25 Сәуір 2018 11:24

ҚАЙРАТКЕРЛЕРГЕ ҚҰРМЕТ

       Қабырғалы қазақ үшін жанын беріп, саналы ғұмырында келер ұрпақтың келешегі үшін барын тосқан ұлт зиялылары барда қазақтың өткені өшпейді. Небір қиын-қыстау кезде ұлт алдындағы абырой мен намысты сақтап қалып, саналы ұрпақтың зердесін ашатын, ер руханиятының жандануына үлес қосқан тұлғалар тағылымын ұлықтау - бүгінгі ұрпақтың міндеті. Келешекке тура қарай алатын жаңа ұрпақ қабырғалы қайраткерлердің қадамдары арқылы тұрмысын түзеп, ұлт ретінде ұйысып отыр. Демек, өткенді білу - бүгіннен басталады. Дәл осы тарих қойнауына есімдері сақталған ұрпақтың ұлтқа еткен еңбегін ескеруде 18 сәуір - тарихи ескерткіш­тер мен тарихи орындарды қорғау күні болып бекітілген.

    1983 жылдан бастау алған бұл айтулы күн жыл артына жыл қосып, жалпыұлттық мәдени шаралармен кеңінен аталып өтілуде.

    Ескерткіштерді қорғау күнінде қала билігі әдеттегідей рухани шаралар мен мәдени кештерді көп­теп ұйымдастырды. Қала әкімдігі мен қалалық мәдениет және тіл­дерді дамыту бөлімі қала тұрғындарын, оның ішінде жастардың басын біріктіріп, шаһардағы 20-дан аса ескерткіш маңында ұлтқа ең­бегі сіңген қайраткерлерге құр­мет көрсетті. Барлық мәдени шара­лар­ға қала әкімінің орынбасары Шахмардан Байманов, қалалық мәдениет және тілдерді дамыту бөлі­мінің басшысы Мира Қазбекова, "Қалалық мәдениет үйі, клуб­тар және халықтық ұжымдар" МКҚК директоры Эльмира Қанатбаева қатысып, жастарға рухани шаралардың маңыздылығын айта кетті.

    Рухани шаралар тізбегі Асқар Тоқмағамбетов ескерткішінен бас­тау алды. Көпшіліктің орта толтырып, бір уақытта мәдени кеште бас­қосуы жергілікті өнерпаздардың ән тартуымен ашылды.

       Балалы үй базар. Ал, балалар ауы­лы ше? Иә, дұрыс түсіндіңіз Қы­­зылорда қаласындағы "Ата­мекен" отбасылық үлгідегі бала­лар ауылы тағдыр тауқыметіне тап келген бүлдіршіндерге өмір жа­рығын сыйлап келеді. Бірін ата-анасы қаламай тастап кетсе, ен­ді бірі тұл жетімдер. Бірақ, бұл ауылда өмір сүріп жатқан бала­лар­дың жүздері жарқын, бола­шақ­қа деген қадамдары нық. Се­­бебі жастық жігерлері мұқал­маған әрі атымтай жомарттар мен ел ішіндегі қайырымды азамат­тар "Атамекен" ауылына жиі қо­наққа келіп тұрады.

    Бұл жолы сырбо­йылық жама­ғаттар, жас­тар және еріктілер бі­рігіп, көгалдандыру жұ­мысын жүр­гізу үшін балалар ауылына табан ті­реді. ҚМДБ-ның Қы­зыл­­орда облысы бойынша өкілдігі жә­не "Жастар ісі" секторы "Ислам жә­не отбасы" жылына орай "Әр отбасыдан бір тал" көгалдандыру ша­расын қолға алған. Еріктілер ара­сында оқушылар мен сту­дент­терге дейін, тіпті "Жасыл ел" жас­тары да өз үлестерін тигізіп,  жеміс ағашта­рын отырғызды.  

    - Біз былтыр да осы ауылға ке­ліп 60 түп ағаш еккенбіз. Осы игі іс биыл да міне, өз жалғасын та­уып отыр. Балалар ауылына шөп оратын машина, он күрек, он кет­пен, он тырма әкеліп табыстап отыр­мыз. Бұл шаруа құралдары  ауыл балаларының қажетіне жа­ратуға Алла разылығы үшін жа­мағаттардың атынан осы ауылға сыйлап отырмыз. Жұмыла көтер­ген жүк жеңіл. Өйткені жамағат­тар бірі талға жауапты болса, енді бас­қасы өзге керек дүниелерді әке­­ліп жатыр. От­басы құнды­лығын көтеріп, ажы­расу болма­сын деген ниетпен ба­ла­лар ауы­лы­на келіп тұрмыз. Бос­қа келіп, көзге көрініп кету емес, қандай да бір ауыл қажеттілігін өтеп, кем-кетіктеріне көмектесу - осы ша­ра­ның басты міндеті,- де­ді дін­танушы, "Айтбай" мешітінің найб имамы Қ.Отызбаев.

Сәрсенбі, 25 Сәуір 2018 11:06

ТЕРЕҢНЕН ІНЖУ ТЕРГЕН ЖҮРЕГІМЕН

   

   Ұлағатын ұрпағына мирас қыл­ған ұстаз, тарих тамыршы бол­ған абыз ақсақал, осыдан он алты жыл бұрын ғана арамыздан өткен Сәден Нұртайұлының есімі Сыр елінің рухани өмірінде бе­дер­лі із қалдырды.

   1948 жылы туған аулы "Көк­тебедегі" орта мектептен түлеп ұшқан арманшыл бозбала Қы­зыл­орда педагогикалық инсти­ту­тының тарих факультетіне түсіп, оны 1955 жылы бітірген. Сөйтіп, қазіргі Алдашбай ахун, бұрынғы Майлыөзек деген жердегі ауыл мектебінен ұстаздық жолын бас­таған С.Нұртайұлы алғашқы күн­нен-ақ балаға кітаптағыны ғана емес, өмір сабақтарын үйрете келген тәсілі өзгеше мұғалім болды.

   Тақырыбымыздың тіні Сәден Нұртайұлының ұстаздық тұлға­сы туралы болғандықтан санасы заманынан озық туған бұл адамның басқа қырына соқпай, сөзді бірден білім саласындағы өмірбаянына бұрайық.

    Осы тұста белгілі жырау, про­фес­сор Алмас Алматовтың есте­лі­гіне көз салсақ, біздің айтпағы­мызды айшықтай түседі.

Сәрсенбі, 25 Сәуір 2018 10:47

ФУТБОЛ МАУСЫМЫ БАСТАЛДЫ

        Қаладағы аяқдопшылардың футбол десе ішер асын жерге қоятыны рас. Үй алдындағы аулаларда доп қуалап жүрген жастардың нағыз мықтыларын іріктей­тін дода басталды. Доп додасының ал­ғаш­қы маусымы күн жылып, жергі­лікті тұрғындарға спортпен айналысуына қо­лайлы болуы үшін көктем мен жаз айлары таңдалынып алынған. Бұл жарыс күз мезгіліне дейін созылып, бұқаралық спортты дамыту үшін өз септігін тигізетін болады. Себебі аталмыш маусымға қаладағы барлық аула ойыншылары мен топтары қатыстырылмақ.

  Ал, сенбі мен жексенбі күндері өткі­зілген шағын футболдан жарысқа 20 ко­манда қатысып, нағыз мықтыны анықтауға күш салды. "Тарлан" бокс орталығының футбол алаңқайында жастар өзара ең үздікті анықтап, келесі ойындарға жолдама алу үшін сынға түсті.

Сәрсенбі, 18 Сәуір 2018 13:27

ТЕҢІЗ ТЕКТЕС ТАЛАНТ

      Аралдың ауыр ахуалы әлемді алаңдатқан тұста теңіздің табаны көрініп, суы құрғағалы бері аймақ­тың ақын-жазушылары көркем әдебиет арқылы базынасын жеткізуде. Сон­­дай қаламгерлердің бірі, Арал тағдырын, эко­логиялық мәселесін алғаш көтерген Сайлаубай Жұба­тыров болатын.

   Сол себепті де Арал­дың арда азаматы елдің жүрегінен орын алған. Жақында А.Тоқма­ғам­бетов атындағы мәдениет үйінде Қызылорда қала­лық мәдениет және тілдер­ді дамыту бөлімінің бас­тамасымен, қалалық мә­де­ниет үйлері, клубтар және халықтық ұжымдар мемлекеттік кәсіпорны және қалалық кітапхана­лар жүйесі қызметкер­лерінің ұйымдастыруымен эколог-жазушы, публи­цист, "Парасат" орденінің иегері С.Жұбатырұлының 70 жылдық мерейтойына арналған "Теңіз тебіренткен қаламгер" атты шығарма­шылық кеші өткізіліп, "Арал тағдырының ақбе­рені" атанған Сыр елінің қарымды қаламгеріне құрмет көрсетілді.

 
    Қызылорда - тарих қойнауында қатпарлы ізі қалған талай оқиғаның құрбанына айналған жан­дар­ға пана болған, сан ұлт пен ұлысты жатсынбай ба­уырына басқан алты Алаштың анасы, Сыр өңі­рінің бас қаласы. Қаймағы бұзылмаған қазақ халқы­ның қасиетті мекеніне айналған, тамыры түркілер­ден бастау алған, ұлтымыздың ұлылығы мен азамат­тығына куә болған Сырдария жағалауындағы шы­рай­лы шаһардың өткені мен бүгіні тарихта алтын әріптермен жазылмақ.

   Биыл Алаштың Ақмешіті атанып, қазақ елінің астанасы болған Қызылорда қаласының 200 жылдық мерейтойын атап өту жоспарланып отыр. Соған орай бұған дейін шаралар легі бірінен соң бірі өтіп жатыр. Ал, өткен аптада А.Тоқмағамбетов атындағы мәдениет Үйінде болған Қызылорда қаласының 200 жылдығына арналған "Қызылорда: кеше, бүгін, ертең" атты тарихи-танымдық кештің орны бөлек.

   Тарихи-танымдық кеште Сыр елінің тарихы түгенделіп, бүгіні мен болашағы зерделенді. Тарихта толарсақ­тан саз, өмірден баз кешкен көшпелі қазақ жұртына Сыр елі бүкіл Алашқа пана болғаны белгілі. Сол себепті де Алаштың анасы атанса керек. Қаймағы бұзылмаған қаймана қазақ халқының қасиетті мекеніне айналған, тамыры түркілерден бастау алған, ұлтымыздың ұлылығы мен азаматтығына куә болған Сырдария жағалауындағы шырайлы шаһар­дың өткені мен бүгіні тарихта алтын әріптермен жазылып келеді.

   Қызылорда қаласының 200 жылдық мерейтойын жоғары деңгейде атап өту қала халқы үшін басты қуаныш. "Қызылорда: кеше, бүгін, ертең" атты тарихи-танымдық кеште саясаттанушылар, тарих­шылар мен әдебиетшілер, қоғам қайраткер­лері Қызылорда қаласының қалыптасу тарихының әр кезеңіне тоқталып, жеке-жеке баяндап зерделеу мақсатында жиналды. Сонымен қатар, азат елі­міздің байрағына, салтанат тұғырына айналған, өзгеріс ісімен өрнектелген толағай табысқа толы Тәуелсіздік жылдарындағы Сыр өңірінің қарқынды дамуына шолу жасалынды.

   

   Соңғы кездері "жастар есеппен жүреді" деген көз­қарас қалыптасты. Келе­шектің үмітін жалғайтын жастардың нарықтық заманда өз орнын, ла­йық­ты қызметін таңдауына ең әуелі алған білімі мен таң­даған мамандығы әсер ете­ді. Ал, біздің елде ма­ман­дық таңдау машақатымен бірталай түлек бас қаты­рып жүр. Себебі бұрынғы­дай емес, екпіні қатты ақ­параттық тасқында бүгін бар мамандықтың ертеңгі күні қажеті болмай қала­ты­ны жастарды ойландыр­май қоймайды. Сол себеп­тен де мектеп партасында отырған әрбір оқушы бола­шағын әріден ойлайды. Әрине, ата-ана бағыты­нан, орта әсерінен шыға ал­май жүрген оқушылар­дың да бар екені жасырын емес. Бірақ, бір байқаға­ны­мыз, қазіргі 11-сынып оқушылары осыдан 5-10 жыл бұрын мектеп бітір­ген түлектерге қарағанда қандай да бір мақсатқа талпынуы жоғары. Сен­бе­сеңіз, биыл мектепті тәмам­дайтын оқушылармен тіл­десіп, келешекке деген жос­парларын тыңдап көр­сеңіз, байқай аласыз. Бұл әрине, болашаққа нық қа­дам басқан сауатты әрі на­рық өміріне төтеп бере алатын ұрпақтың қалып­тасып келе жатқанының белгісі. Десе де, қоғамда мамандық таңдау мәселесі әлі де өзекті. Себебі бағы­ты­нан шатасып жүргендер аз емес. Бүгін біз маман­дық­тың жаңа әлеміне аяқ басатын, жүректері алып ұшып тұрған жастардың қандай маман иесі болуды көздейтіндерін саралап көрдік.

  Алдымен, мемлекет мек­теп оқушыларын кәсіби мамандандыру бағытында нендей жағдай жасай­ты­нына тоқталайық. Әрине, "мамандықтың бәрі жақсы, бейіміне қарай таңдауы" деген түсінік бар. Десе де, мектеп партасында отырған оқушыға, әсіресе 11-сы­нып оқушыларына қан­дай мамандықтың өзекті әрі сұранысы мол, табысы жақсы екенін анық­тай­тын статистикалық есеп­тер керек. Бұл тұрғыда ұстаздар мамандыққа мониторинг жүргізіп, ба­ғыт-бағдар береді. Қызыл­орда қалалық білім бөлімі­нің бас маманы Ғани Сардарбеков қаладағы 54 мектептегі түлектердің білім деңгейі мен қабіле­тіне қарай кәсіби бағдар беріліп, қай деңгейде, қан­дай оқу орнында кәсіби білім алуға мүмкіндігі бар екендігі жөнінде түсіндіру әрі талдау жұмыстары жүргізілетінін жеткізді.

Сәрсенбі, 18 Сәуір 2018 12:45

МАМАН ЖОҚ ПА, ЖҰМЫС ЖОҚ ПА?

       Жұмыссыз жүру жанға батады. Та­лай есіктің табалдырығын тоз­дырып, түйіндеме тасып жүрген аза­маттар аз емес елімізде. Тұрақты жұ­м­ысы, қолайлы қаржысы бар жұ­мыс­тың бірден табыла бермейтіні рас. Араға тамыр-таныс салып, не­месе аға-көкелеп айлап жаңа жұмыс орнын күтетін мамандардың да бар екенін жасыра алмаймыз. Әрине, бұл екіұшты тақырып. Десе де, бү­гінгі құбылмалы нарық саясатын­да жұ­мыссыздық мәселесі түбегейлі шешіле қойған жоқ. Алысқа бармай-ақ, Қызылорда облысын алайық. Бүгінде аймақта 16800 адам жұмыс­сыз жүр. Аз ба, көп пе? Оны кейін ба­ғамдай жатармыз. Мұндай мәлі­метті Қызылорда облыстық жұмыс­пен қамту және әлеуметтік бағдар­ла­малар басқар­масы­ның басшысы Талғат Дүйсебаев журналис­тер­мен кездесуде баян­дады.

  Басқарма басшысы "соңғы жылдары жұ­мыс­сыздық азайып ке­леді, себебі азаматтарды өзектендіру (мәртебесін анықтау) жұмыстары жүріп жа­тыр" деді баянда­ма­сында. Жыл басы­нан бері 15 мың адам өзек­тендірілген, яғни тізімге ілінген. Қа­зіргі таңда 88368 адам тір­келмеген, оның ішін­де 37405 адам тіркел­меген жұмыссыз ре­тін­де қа­лып отыр. Ал, өзін өзі жұмыспен қам­­тығандардың са­ны 50981-ге жеткен.

онлайн флеш игрынародная медицинадиеты

Сайт бойынша іздеу

Сауалнама

ҰБТ кезіндегі сынақ кітапшалары қаншалықты білімді таразылай алады?

Алдын ала межені байқау үшін - 27.9%
Ұлттық тестілеуге дайындықты пысықтау жолы - 37.2%
Ақша табудың амалы - 11.6%
Оқушының пәндік сабақтардағы бейінін байқатады - 23.3%

Total votes: 43
The voting for this poll has ended on: 07 Мам 2018 - 00:00

Күнтізбе

« Шілде 2018 »
Дс Сс Ср Бс Жм Сб Жк
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C