Айтарым бар

Исатай Минуаров, әлеуметтанушы:

    Бала өз болашағына өзі жауапты. Тиісінше, мамандығын өзі таңдауы керек (бала өзіне не керегін біледі. Егер барлығы жоспар бойынша болмаса, бала ата-анасын кінәлайды). Қазір нарық соны сезген болуы керек, көптеген оқу орталығы “дұрыс мамандық таңдауға көмектесеміз” деген сервис көрсетуді бастады.

   Нарықта қандай мамандықтарға сұраныстың мол екенін анықтап алыңыз. Мамандықты таңдағанда өте ұқыпты болыңыз.

  “ЖОО-ға мектептен соң бірден түсу міндетті” деген психологиядан арылу керек. Шетелде Gap year деген ұғым бар. Gap year бір жыл болуы мүмкін, екі-үш жылға созылуы мүмкін. Бұл уақытты мектепті енді бітірген түлек өзінің не қалайтынын, жасырын потенциалын барынша анықтауға, приоритеттерді дұрыс қою жағын ойлануға пайдаланады. Есесіне, мектеп бітірген бала сол уақыт аралығында есейіп, аз да болса студенттік шақта туындайтын қиындықтарға, стреске дайын болады. Ал біздегідей балаға мектеп бітірген жылы бірден университетке түсуді міндеттеу дұрыс емес.

 

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны                      2019жылдың І  жартыжылдығына 

Қазпочта арқылы 6 айға - 1950 теңге (қала үшін)

6 айға - 2150 теңге (аудандар үшін)

Редакция арқылы 6 айға - 1880 теңге

Редакцияға хат

Біз туралы

Редакция құрамы

 Бас редактор – Нұрлан Нұрмахан

Жауапты хатшы –

Абай Тағыберген 

Журналистер

Айдар Сайлауов 

Жүлдызай Қалиева

Абзал Жолтерек

Нұрболат Қоймағанбетов


 Байланыс телефоны:   8(7242) 20-16-19

Электронды пошта: This email address is being protected from spambots. You need JavaScript enabled to view it.

Фейсбуктегі парақша аккаунты: ustaz.martebesi.kz

Email:
Тақырып:
Текст:
Ұстаз мәртебесі

Ұстаз мәртебесі

Сәрсенбі, 12 Қыркүйек 2018 12:26

ҰСТАЗҒА АЛҒЫС БІЛДІРЕЙІК!

   Құрметті "Ұстаз мәртебесі" газетінің жас оқырманы! Егер сіз тәрбие мен білімді қатар берген, білімі мен білігін аямаған аяулы ұстазыңыз туралы естеліктермен бөліскіңіз келсе, шәкірт ретіндегі жылы лебізіңіз бен алғаусыз алғысыңызды біл­діруге асығып жүрсеңіз, сіз үшін жаңа мүмкіндік туып тұр.

   Қазан айынан бастап газетте жаңа айдардың тұсауы кесілмек. "Құрмет тақтасы" деп аталатын айдарға аймақтағы 7-11 сынып оқушылары өз ұстаздарының болмысы мен тәлімін ашатын мақала ұсына алады. Ұстаз туралы шығарманың көлемі 14 шрифтімен жазылған 250 сөзден аспауы шарт.

   Үздік деп танылған шығармаларды редакция алқасы таңдау жасап, ерекше тебіреніске толы 2 мақаланы газет бетінде нөмір сайын жариялап тұрады. Ал, ірік­телген өзге шығармалар газеттің сайтына ор­наластырылады. Жыл соңында үздік­тердің үздігі атанған оқушыларға редак­цияның арнайы сыйлығы табысталады.

   Айта кету керек, ұстаз мәртебесін көтеруге бағытталған бастамаға қаты­сатын оқушылар мен ұстаздар газет оқыр­маны болуы тиіс. Ендеше, қолға қалам алып, ұстазға деген айрықша құрметіңізді білдіріңіз, жас дос!

Сәрсенбі, 12 Қыркүйек 2018 12:16

ЖЕМҚОРЛЫҚ БАЛАБАҚШАДАН БАСТАЛЫП ТҰР...

   

   Қылмыстың қай түрі болмасын, саналы түрде жасалады. Бүгінде мемлекеттік қызметте жүріп ма­ңыз­ды құжаттарға қол қойып, қызмет бабын асыра пайдаланған, заңсыздықтарға көз жұма қараған қызметшілердің әрекеттері аз әшкере болып жатқан жоқ. Бұл әсіресе, сенімді деп тағайындалған кадр саясатына сызат түсіріп жатыр. Ал, сол қылмыстың бастауында жең ұшынан жалғасқан жем­қорлық тұр.

   Құр сөзден дерек артық уақытта, нақты мәліметтер келтірейік. ҚР Бас прокуратурасының құқықтық статис­тика және арнайы есепке алу жөнін­дегі комитетінің деректері бойынша 2017 жылы 2452 сыбайлас жемқорлық құқық бұзушылықтар тіркелген. Бұл өткен жылмен салыстырғанда 13 пайызға төмендеген. Алайда, ең көп сыбайлас жемқорлық фактілерін әкімдіктер, ішкі істер органдары және квазимемлекеттік сектор қыз­мет­керлері бұзатыны анықталған.

   Жемқорлық сипатындағы қыл­мыстың көбіне қай салада орын ала­тынын халық жақсы біледі. Себебі жемқорлық халық үшін маңызды са­лаларда, шешімді қажет ететін қыз­меттерде жиі орын алады. Статистика да солай дейді. Бармақ басты, көз қысты әрекеттердің дені білім беру, ауыл шаруашылығы, құрылыс және денсаулық сақтау салаларында. Ал, жүйелі сыбайлас жемқорлық қыл­мыс­тарына Астана және Алматы қалалары, Қызылорда, Атырау және Жамбыл аймақтары бейім болып шықты. Мәселен, өткен жылы республика бойынша 108 жүйелі түрде жасалатын сыбайлас жемқор­лық фактілері әшкереленген.

   Мамандар жемқорлықты алдын алудың тиімділігін растап отыр. Айталық, білім беру жүйесінде 201, денсаулық сақтау саласында 101, ауыл шаруашылығы саласында 183, ал құқық қорғау және сот орган­дарында 290 жемқорлық фактіле­рінің жолы кесілген.

Бейсенбі, 06 Қыркүйек 2018 11:59

«ТІЛ ҚОЛДАНЫСЫНДА ҚОЛБАЙЛАУ КӨП»

   

   Тіл – тұтас бір ұлттың төл тарихы. Өткені мен бүгіні һәм болашағы. Тәуелсіздіктің тұғырынан түспегенімізге, міне, ширек ғасырдан астам уақыт болды. Алайда ана тілімізді дамыту, өркендету, қолданыс аясын кеңейту мәселесі түбегейлі шешілер емес. Ол заңды да. Қоғам дамыған сайын оның тілінің де жаңа проблемалары шығып, еселей түседі. Қазақ тілінің бүгінгі таңдағы көкейкесті мәселелерінің біріне әліпби ауыстыру, оның емлесін жасау, оқыту мен меңгерту жатады. Қазақ тілінің осы проблемасы жалпыхалықтық талдауға түсіп, әр алуан пікір айтылып, бір шешімін таба алмай келеді. Осы мәселенің шешілуіне атсалысып жүрген сырбойылық тілші ғалымдар аз емес. Солардың бірі - филология ғылымдарының кандидаты, профессор Аман Абасилов. Тіл жанашырын қазіргі таңда жоғарыда айтылған қазақ тілінің ең өзекті деген мәселелерінің жай-күйін білмекке сұхбат алаңына шақырдық.

    Бүгінгідей алмағайып заманда небір өзгерістер болуда. Тіпті ол сәнге айналып бара жатқандай. Қоғамда бір деректі желеу етіп, жаңашылдықтар еніп жатыр. Осы тұста Қазақстан Республикасы халқының тілдері мерекесі күнінің ауыстырылғаны дұрыс па? Бұлай ету қаншалықты құптарлық» деп тіл маманына сұрақты төтесінен қойдық. Бұған филологтың өз айтары бар екен:

       Оқу жылы басталар алдында Қы­зылорда облыстық білім басқармасының басшысы Майра Мелдебекова жаңа оқу жылын­дағы дайындық жоспарларын журналистермен бөліскен-ді. Көш­пелі брифингті әкімдік ғима­ратында емес, №4 дарынды бала­ларға арналған мектеп-интерна­тында өткізуді жөн көрген бас ұстаз оқу жылындағы өзгерістерге тоқталып, өткен жылдың қоры­тын­ды­сымен бөлісті.

    Биыл Қызылорда облысында 1-сыныпқа баратын балалардың саны өткен жылдан қарағанда 7 мыңға көп. Аймақта 294 мектепке 154559 оқушы барды. Оның 1-сы­ныбына 18942 бала қабылданған.  Басқарма басшысы мектеп ты­ғыз­дығына қатысты көбіне №2,3 мектептерге балалардың көптеп баратынын ашып айтты, дегенмен оқушыларды орналастыруда ай­тарлықтай проблема жоқ дейді. Со­нымен бірге биыл жоғары сы­ныптар бірқатар пәндерді ағыл­шын тілінде оқитынын еске салды.

    - Оқу жылының ерекшелігі - жа­ратылыстану-математикалық бағыттағы пәндердің жоғары сы­ныптары ағылшын тілінде оқы­тылуы. Пәндерді ағылшын тілінде оқытуға 2021 жылға дейінгі кезең­мен көшудің жоспарына сәйкес облыстағы 46 инновациялық мек­теп жұмысты алғашқы болып бас­тайды,-дейді Майра Мелдебекова.

Сәрсенбі, 05 Қыркүйек 2018 09:55

Оқудағы өзгерістер. Нені білу керек?

   

   Жылда ата-аналар қауымы мектеп өміріне алаңдап, жаңашылдықтарға көз тіге қарайды. Себебі Қазақстанда жыл сайын оқу жылында өзгерістерге орын беріледі. Реформаларға ілесу үшін мұғалім қауым ала жаздай білімін шыңдау бағытында ізденеді, курстан өтеді. Мұның бәрі жаңартылған білім беру мазмұнына мектептерді кіріктіру үшін жасалады. Өткен жылы 2,5,7- сыныптардың оқушылары жаңа форматта білім алса, биыл 3,6,8 сыныптың оқушылары жаңа жүйенің жаңалығын сезінеді. Ал, қалған сыныптар 2020 жылға дейін спиралдік жүйе бойынша білім алуға көшеді. Билік басында отырғандар биыл да өзгешеліктің бар екенін мойындайды. Бірақ айтарлықтай түбегейлі өзгерісті енгізбегенін айтып қалуда. ҚР Білім және ғылым министрі Ерлан Сағадиев биыл барлық оқу ордасының жауапкершілігіне назар аударылады әрі ұстаздардың жағдайын реттеуге басымдық беріледі деп сендіріп қойды. Сонымен, жаңа оқу жылының алғашқы аптасына да аяқ бастық. Нендей өзгерістер байқалады? Тарқатып айтайық.

 

ОҚУҒА АСЫҚ БАЛА КӨП

   Демографиялық ахуалдың жыл санап жақсарғанын оқуға қадам басқан балалардың санынан аңға­ру қиын емес. Есіңізде болса, өт­кен жы­лы 1-сыныпқа қабылданатын ба­лалар үшін "е", "д" сыныптары көп­теп ашылған еді. Бір сыныпта 30-ға жуық баланың отыруы мәселе ретінде де аз айтылған жоқ. Дегенмен білім ұялары жаңа сыныптар ашып, мәселені шешуге тырысып бақты. Биыл да бас ұстаздың айтуына қарағанда мектепке асыққан оқушылардың қатары көп. Қуантарлық жағдай. Әлбетте, министрлік оқу басталарда бала тізімін жасалғаннан кейін қажетті сыныптарды ашып, оған мұғалімдерді бөлу мәселесін шешуді көздеді. Демек, бала санының артуы жаңа мектептердің салынуын қажет етеді. Осы ретте тамыз жиы­нында бас педагог үш ауысымды мек­теп мәселесі түбегейлі шешіле қоймағанын ашып айтқан еді.

   

   Қазір ғаламның ғаламаты саналған робототехника ісіне қазақ балалары да білек сыбанып кірісе бастады. Күншығыс елінде ғана дамуы бір арнаға түскен робототехника саласы біздің елге дендеп еніп жатыр. Дегенмен ІТ саланың тамырына қан жүгіртуде бірқатар проблемалар аяқтан тартады. Осы себепті де Қызылорда қаласындағы робототехника үйірмесінің жетекшісі, КазРоботикс федерациясының аймақтағы өкілі Раушанбек Сариевпен тақырып аясында ой қозғадық.

    - Раушанбек Әбілдәұлы, қазір жер әлем ІТ бағыттың игі­лігін сезінуге асығуда. Түрлі технологиялар арқылы бәй­мә­лім жаңа жобалар өмірге енуде. Робототехника бағыты ал­ға шықты. Бұл үрдіске біз қаншалықты дайынбыз?

   - Цифрландырудың қарқыны тым қатты екеніне келісемін. Алайда, біз ақпараттық технология, робото­тех­ника бағыты бойынша көрші Ресейден 5-6 жылға қалып қойып отырмыз. Бұл шындықты айтуға тиіспіз. Көрші Ресейде балаларды робот құрастыру, автомоти­за­ция бағытына бейімдеуде үлкен жүйе қалыптасқан. Мә­се­лен, робототехника сайысы бойынша олар ұлттық құра­маға бірігіп, өз командаларын қалыптастырып үлгерді. Жеке-жеке тренерлері, материалдық-техника­лық базалары қалыптасқандықтан көптеген додаларда жүлде орнын бермей келеді. Өткен жылы халықаралық жарыста Ресей балалары әлемде робототехникадан бірінші орынды олжалап кетті. Ал, бізде ше? Қазақстанда робототехника бағытында бірыңғай жасақ жоқ. Бұл енді ғана қолға алынып келеді. Оның үстіне дербес білім беру ұйымдары өз алдына, орта мектептер өз алдына бала дайындап, сынақтарға қатысады. Мұндайда Зияткерлік мектептің балаларының мүмкіндігі жай мектептерге қарағанда әлдеқайда жоғары. Себебі қаржыландыру көзі мақсатты шешілген. Егер де қарапайым мектептер Зият­керлік мектептер секілді қомақты қаржыландырудан өтсе, орта мектептің білімдегі бәсі жоғары болатын еді.

 

  Газет - идеологияның басты құ­ра­лы. Келмеске кеткен Кеңес заманында да бұл солай болған, қазірде де ақпарат құралдары жаңалықтың бастау бұлағына айналды. Бірақ, бү­гінгі нарықтың алапат күші баспасөз басылымдарын жаңа бағытқа икемдеп, бәсекелестікке жол ашып берді. Дүрмекке ілесуде әр басылым тақырыптық бағыттарына қарай өз оқырманын қалыптастырып, аудиториясын жинай бастады. Сыр елінде де ақ­парат құралдары жыл артына жыл қосып, мазмұны жағынан байып, жа­ңа деңгейге көтерілуді мақсат тұтты. Ал, осыдан бес жыл бұрын ақпарат айдынына қосылған "Ақмешіт жастары" газеті де жастардың қалауын дөп басып, оқырман ойын бір арнаға тоғыстыра білді. Жастардың төл басылымына айналды. Оған себеп те жоқ емес еді. Облыс әкімі Қырымбек Көшербаевтың қолдауымен жарық көр­ген жастар газеті бүгінде бес жыл бедеріне шықты. Газеттің шығарма­шы­лық әлеуетінің қалыптасып, оқыр­манмен байланыс орнату жолындағы осы 5 жылда іргелі ізденіс­тер мен байыпты бастамалар Сыр елінің медиакеңістігіне таралды.

   Оқырман ойымен санасып, қоғам талқысына түскен тақырыпты талдау, сырлы сұхбаттар әзірлеу, ойлы ма­қалалар жазу әр редакцияның өзін­дік стилі арқылы дамиды. Басылымның бас редакторы Айжан Абдуллаева "Ақмешіт жастары" газеті 32 салалық тақырыпты, 150-ге жуық айдарды қамтитынын алға тартты. Ел өміріндегі оқиғаларды екшейтін "Айна", "Тұғыр", "Қамшы", "Бағдар", "Дода", "Демалыс" беттері оқырманға ой тастайды. Мұнан өзге сараптамалық мақалалар топтамасын әзірлей­тін "Таразы", журналистік зерттеуге ек­пін берілген "Нысана", кәсіпкерлерге арналған "Бағдар", діндегі ділгір мәселелерді таразылайтын "Діңгек", көшбасшы жастардың бейнесін ашу­ға бағытталған "Темірқазық", жас отбасылардың мәселесін мінберге шығаратын "Шаңырақ" арнайы беттері газеттің тақырыптық бағытының айқын екенін аңғартады.

   

  Жеті қазынаның қатарында тұрса да төбеттердің титімдей де қадірі қалмай бара жатыр. Төрт аяқтыларға мүсіркеп қарап жат­қан жан баласы ілуде біреу ғана. Төрінде тазы, ауласынан алабайы кетпеген ел "ысырапшылдық болмасын" деп ит асырапты. Өйткені қалған-құтқан тағамды осы үй жануарының итая­ғына салып беріп тамақтандырған. Ал, тазы болса күн­де­лікті ас-ауқатын табуға, аңшылықта жәрдемдесуге үлкен сеп.

   Ит адамның досы ғой, талас бар ма,

   Ортамыздан хақың жоқ аластауға.

   Компасың боп үйіңе  алып келер,

   Борандарда, түндерде адасқанда, - деп Свет Оразаев та өлең­іне осы мақұлықты арқау етіпті. Дегенмен де ит адамның досы дегенге талас туындап отырғаны рас. Ол егесінің ғана досы, бөгде адамға шабуыл жасап, тістеп, қауып алуы мүмкін. Сондықтан таяқтың екінші ұшы да өз маңызын жоғалтпай тұр.

    Тақырыпқа дендеп енбес бұрын иттердің шығу тарихына көз жүгіртіп өтсек. Ғалымдардың айтуы бойынша ит - қас­қыр тұқымдасына жататын жырт­қыш. Олар шамамен б.з.б. 15-10 мың жыл бұрын қолға үйретілген деп есептеледі. Ит - нағыз етқоректі жануарлар. Иттердің есту, көру, иіс сезу мүшелері өте жақсы жетілген. Үйретуге өте бейім болады. Жыныстық жағынан төбеті 10 - 12 айда, қаншығы 7 - 8 айда жетіледі, жылына 1 - 2 рет ұйығады. Буаздық мерзімі 58 - 65 күн, қаншығы 1 - 2, кейде 12 - 18 соқыр, саңырау, тіссіз күшіктер табады. Құлағы 5 - 8, көзі 10 - 14 күннен кейін ашылып, сүт тістері 20 - 30 күннен кейін шыға бастайды. Күшік­терін 1 - 1,5 айдай емізіп, аяққа тұрғызады. Иттер 10 - 12 жыл ғана тіршілік етеді. Қазір дүние жүзінде иттердің 400-ге жуық тұқымы тараған.

Сәрсенбі, 05 Қыркүйек 2018 06:13

СӘН ИНДУСТРИЯСЫ: ШЕКАРАСЫЗ ШЕКСІЗДІК

   

    Әлемдік сән нарығында есімі әйгілі Коко Шанель, Кристиан Диоp, Gucci сондай-ақ, Дольче мен Габбананың қай туындысы болмасын, көп­ші­ліктің сұранысы мен қызығушылығын арттыратыны сөзсіз. Тіпті, түп­нұсқасы болмаса да, әлем­дік бренд белгісіне көз тоқтатып, сатып алуда қар­жысын аямайтын ха­лық көп. Мұның себебі белгілі, сән индустрияда қолтаңбасын қал­дыр­ған атақтылардың көбісі шетелдіктер. Подиумдарды бағындырған дизайнерлер, қа­лың жұрттың назарын аударатын дефилелер шетелден бастау алғаны белгілі. Сән үйіндегі бренд­тердің сапасы да жоғары, бағасы да соған сай салмақты. Әрине, шетел асып Шанельдің костюмін пә­ленбай долларға алатын қазақ кемде-кем. Диордың иіс суы мен сәнді сөмкесіне қаржы жұм­сай­тын адам некен-саяқ. Сондықтан да қалтаға салмақ түсірмейтін, бренд­тің баламасын базар бағамына айналдырып сатып алғанды құп көретіндердің қатарын есептеу қиын емес. Осы ретте ойымызға отандық дизайнерлердің өнімдері неліктен қымбат? Қазақстандағы сән индустриясының ахуалы қай деңгейде? Міне, осындай сананы жаулаған сан сұрақтың жауабын саралап, мамандардың пікіріне сүйене отырып тақырыпты таразыладық.

    Сән - үнемі қозғалысты, дамуды қажет ететін құбылыс. Бүгінгі күні сән индустриясы - бизнестің көзі, қаржы көп түсетін кә­сіптің бастауы. Сан ға­сырдан бері жалғасып ке­ле жатқан сән әлемі уақыт өткен сайын жаңарып, халықты өз көшіне ілестіре алмауы да заңдылық. Десе де трендтен қалмай, өз стилін қалыптастырып үлгергендер де бар арамызда. Әрине, қойға кие­тінді тойға, тойдың киімін қойға киетін ха­лық емес­піз. Алайда, ал­пауыт елмен тереземіз теңес­ті­руді мақсат етсек, сән индустрия­сы­ның да алға жылжуына ең­бек ету қажет. "Өкініш­ке орай, Қазақстанда сән саласы елеулі болып саналмайды. Біз­дің елде мерекелерге арналған киім­дер­ді ғана жасауға көп кө­ңіл бө­леді. Ал, бүкіл әлем­дік ди­зай­нерлер тек көптің көзіне бірден түсетін ерекше үлгідегі таңданарлық киімдерді ғана емес, оның жайлы болуы үшін қызмет етеді. Шетелдік әріптестеріміз халықаралық та­лап­қа сай коллекция үшін 13 тақырыптық топты ұсынады. Сондықтан да үнемі ізденіс үстінде жүреді",- дейді белгілі дизайнер Аяжан Жақсыбай осы кезге дейінгі сұхбатында.

   

   Тамыз тойдың айы деген рас екен. Әулетімізге келін түсіп, ойда-жоқта жеңгелі болдым. Жең­гелі болу оңай ма, тойда жарқырап жүруің керек. Оның үстіне киімге ұсынақты қарай­тыным тағы бар, әйтеуір елден ерекшелену үшін тойға арналған киімді ағамнан бұрын өзім із­дедім. Жағалай орналасқан дү­кендерге мойын бұрмай, тура ба­зарға тарттым. Іздегенім алдым­нан шығып, өзіме ұнаған кос­тюмді алған бетім сол еді, ке­ре­мет былғары туфли көзіме түсіп, саудаласа жөнелдім. Көңілге қонымды болған заттың бағасына да қарамайтынымыз бар емес пе? Сөз жоқ, маған арналып тігіл­гендей алыстан менмұндалап тұрған туфлиді меншіктеп алып кеттім.

   Жарқырап, шырттай болып киінген мен той думанның "гүлі" болмасам да, елден ерекше еке­німді растағандар көп болды. Құд­ды бір өзім үйленіп жат­қандай әсерде жүрдім. Сонымен, үш айға созылған дайындық үш күнде өте шықты. Өмір деген қызық қой. Тойдың ертесіне тәтті шайға қайырылмай, жолдас­тар­мен жеңгелі болғанымды атап өт­пек болып асығыс шыққан бетте туфлиім орта жолға жетпей опы­рылып, тігісі сөгіліп қалды. Кеше ғана алған аяқ киімнің бұлай тез жыртылғанына іштей қынжыл­дым. Амал жоқ, жаңасын алуға ақша қимай, тіктіруді дұрыс деп таптым.

    Базар маңына жағалай жай­ғасқан етікшілердің біріне табан тіредім. Жөн сұраса келе, аяқ-киімді ұстатып, жанына отыр­дым. Үнсіз отыра алмайтын әде­тім ұстап, етікшіні сөзге тарттым. Тойдағы қызықты тәтпіштеп түсіндіре бергенім сол еді, етікші әзілдеп "барлық жағдайыңды ай­тып, арзанға істетіп алайын деп тұрсың ба?" деп миығынан күлді. Қарап отырғанша, ағамның бұл кәсіпке қалай келіп, етік тігуге не түрткі болғанын білгім келді. Сөйтсем, ағам да әңгіменің ма­йын тамызады екен. Етікшінің есімі Сақыт­жан.

онлайн флеш игрынародная медицинадиеты

Сайт бойынша іздеу

Сауалнама

Күнтізбе

« Қараша 2018 »
Дс Сс Ср Бс Жм Сб Жк
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Серіктестер

 

Бұлтты

2°C

Қызылорда

Бұлтты

Құрғақ 93%

Жел 1.61 km/h

  • 5 Нбр 2015

    AM Fog/PM Clouds 6°C 0°C

  • 6 Нбр 2015

    AM Clouds/PM Sun 7°C 3°C