Министрліктің атын пайдаланған орталықт...

2017-01-20 09:25:49

    Бүгіндері білім саласын биз­нес көзіне теңейтіндер көп. Әсте олай болмауы керек. Себебі білім әу...

4603 жас жұмысшы мамандығын меңгереді...

2017-09-20 05:50:54

        Оқу оқуға қыруар қаражат керек екені белгілі. Бү­гінгідей нарықтық уақытта оқу орындарының б...

Trilingual education

2017-05-18 06:36:11

      Readings of Abai took place at school №172. It was held the competition among the students in ...

123
Қаз 19, 2017 190

Латын әліпбиінің жаңа нұсқасы талқыланды

Өткен жұмада Қ.Мұхамеджанов атындағы №1 мектеп-гимназиясының мәжіліс залында қазақ…
Қаз 19, 2017 244

МӘРТЕБЕЛІ МАМАНДЫҚТЫҢ МЕРЕЙІ Сауле Альденова – жылдың үздік педагогы

Білімнің түбіне жету мүмкін емес. Әсілінде, өмірін білімге арнап, ағарту жолында жүрген…
Қаз 12, 2017 202

ШЫҒАРМАШЫЛЫҒЫ ШЫҢҒА ШЫҒАРДЫ Индира Шамшатова – жылдың үздік педагогы

Сыр ұстаздарының биік белесі аймақтың білім саласының дамуын даралайды. Төл мерекеде…
Қаз 12, 2017 1149

ҮЗДІК ҰСТАЗДАР МИНИСТРДІҢ ҚОЛЫНАН МАРАПАТ АЛДЫ

Әрбір мехнатты еңбектің қашанда қайтымы болады. Әсі­ресе, білім көзіне сәуле беретін…

Газеттің ПДФ нұсқасы

Ұстаз мәртебесін бірге көтерейік!

Бізге жазылыңыз!


Республикалық "Ұстаз мәртебесі" газетіне жазылу құны

Қазпочта арқылы 6 айға - 1680 теңге(қала үшін)

6 айға - 1800 теңге (аудандар үшін)

Редакция арқылы 6 айға - 1560 теңге

Редакцияға хат

Email:
Тақырып:
Текст:
Бейсенбі, 05 Қазан 2017 06:46

Ғасырлық тарихи бар білім ұясы

| Автор: 

    Мектеп, ұстаз - қасиетті де қастерлі сөз. Барша адамның жүрегінен жылы орын алады. Сапалы білім, са­налы тәрбие арқылы жан-жақты да­мыған тұлғаны тәрбиелеп, еліміз­дің ертеңгі болашағын қалыптастырады. Ал ауыл мектебі бұл сол өңір­дің рухани, мәдени ордасы. Жүз жыл­дық тарихы бар №21 Қамыстыбас орта мектебінің алтын әріптермен жазылған шежіресі осы ауылдың жүз жылдық тарихы десек болады. Қамыстыбас ауылынан шыққан қаншама тұлғалы қайраткерлері еліміз танитын жандарға айналса, олардың бәрі осы мектептің әр жыл­дардағы түлектері.

   Іргетасы 1917 жылы қаланған мек­­теп алғашқыда орыс-қазақ мек­­теп-интернаты болып ашылып, онда Орынбор-Ташкент теміржол бойында жұмыс істейтін жұмысшы-қызметкерлердің балалары оқыған. 1938 жылы жетіжылдық мектепке айналған білім ұясы 1954 жылдан бастап орта мектеп болды. Алғашқы мұғалімдер Қ.Төртімбаев, Ж.Ақсатбаев, И.Зыков, Б.Проватровтар еді. Сонан бастау алған ұстаздардың бір­неше легі теміржол бойындағы ауыл балаларының сапалы білім алуы мақ­сатында тер төкті. Олардың арасында елімізге танымал тұлғалар, жа­зушылар мен қоғам қайраткерлері жетерлік. Олар - мемлекет қайраткері Шақпақ Артықбаев, қоғам қайраткері Қарасай Шоқанов, филология ғылымдарының кандидаты Батырхан Дәрімбетов, атақты ақын Шөмішбай Сариев.

   Ел тәуелсіздігін алып, өз алды­мыз­ға мемлекет болғалы мектебі­міз­дің материалдық-техникалық базасы жақсарды. Оқу кабинеттері заман талабына сай қайта жабдықталып, мұғалімдердің шығармашылықпен ай­налысуына, білім сапасын жақсартуға барлық мүмкіндік­тер туып отыр. Мәселен, оқу-тәрбие саласындағы заман талабына сай технология түр­лерін қолданып, өзде­рінің озық тәжірибесін жариялап жүрген мұғалімдеріміз көп-ақ. Олар үнемі ком­пью­терлік кабинеттерде мултиме­дия­лық жүйе арқылы интерактивті тақталармен жұмыс жасап, осы технологиялар арқылы жоспарға сай са­палы білім беріп отырады.

   Қыркүйек айының 11-13-і аралығында Шығыс Қазақстан облысы, Семей қаласы, Абай ауданында жалпы білім беру ұйымдарының оқушылары арасында Абай және Шәкәрім шығармаларын насихаттау, жас ұрпақтың шығарма­шылық қабілеттерін, эстетикалық талғамдарын, тұлғалық сезім мәдениетін да­мыту мақсатында XVIII республикалық Абай оқулары өткізілді. Байқауда елі­міздің әр өңірінен 90-ға жуық оқушы бақ сынады.

   Расында, бала санасында әдебиетке деген құш­тар­лық­ты бүгіннен бастап қалыптастыру керек. Оның үсті­не, өскелең ұрпақты Абай Құнанбайұлының мұраларына қызықтыру, поэзияға баулу кезек күттіретін мәселе емес. Мұны облыстың әр ауданынан келген үміткерлер де жете түсінсе керек, олар бойындағы барлық өнерлерін ортаға салып, қазыларға өздерінің осал еместігін дәлелдеуге ты­рысты. Байқауға қатысушыларға Семей қаласының Шәкәрім атындағы мемлекеттік университеті қазақ филологиясы факультетінің деканы, филология ғылым­да­рының докторы, профессор Айбар Қабекенұлы Қады­ров төрелік етті. Байқауды ашқан басқарма басшысы Талғат Шәкенұлы: "Абай әлемі бізді жеті түнде адас­тыр­мас темірқазық іспетті. Соған қарап тірлігіміздің дұрыс-бұ­рысын сараптай аламыз. Өз халқын өсіп, өркендесін дей­тін әр азамат әуелі Абайды оқысын, Абайға құлақ ас­­сын деген Елбасы Н.Ә.Назарбаевтың сөзін жан жүре­гі­мен түйсінген азаматтар қатары жыл сайын Абай оқу­ла­рына қатысқан саналы ұрпақпен толығып келеді" деген пікір білдірді.

   Абай оқулары төрт бөлім бойынша сарапқа салынды. Айтар болсақ, оқушылар "Өлең-сөздің патшасы, сөз сара­сы" атауымен Абай және Шәкәрім шығармаларын жатқа оқыса, "Көңілім әнді ұғады" аталыммен Абай әндері мен күй­лерін орындады. Ал, "Жүйріктен жүйрік озар жа­рысқанда" атты жас дарындар байқауы бойынша оқу­шы­лар өз шығармаларымен сынға түссе, "Ұлылар әлемі" бай­қауында оқушылар берілген тақырыпқа эссе жазды.

Бейсенбі, 05 Қазан 2017 06:20

ЕУРОПАҒА ЕЛІКТЕЙТІН ЕЛ

| Автор: 

       "Алуан түрлі" әлем айдары арқылы жер-жаһандағы елдердің тыныс-тіршілігін оқырманға таныстырып келеміз. Жиырмаға жуық мемлекетттің әлем алдындағы орнын, адамзат дамуындағы жолын айтуға ты­рыс­тық. Оңтүстік-батыс Азия елдерінің соңын Армениямен аяқтауды жөн санадық. Аста-төк байлығы жоқ, кішігірім мемлекеттің өркениетте ойып алар орны бар.

    Армения Кавказдың оңтүстігін­де орын тепкен, Грузия, Түркия, Иран, Әзербайжан елдері қоршап жатқан шағын ел. Айдай әлемге тамырлы тарихымен, мыңжылдық мәдени мұраларымен де таныс. Ел ішінде христиан дінінің ықпалы жүріп, христиандар елі деп аталған бір кездері. Елдің тарихы тым әріде. Белгілісі, орта ғасырларда Армения сауда мен өнер орталықтарының ор­дасы саналады. Дегенмен, мұн­дай қызу тірлікті көре алмаған көр­ші мемлекеттер Арменияға көз алар­тып, басып алуды мақсат етеді. Солай да болды. Елдің оңтүстік бө­лігі Византия иелігіне өтсе, кейін­нен мемлекетті Түркия мен Иран бө­ліп алады. Уақыт өте келе Арменияның шығысы Ресей империя­сының құрамына өтіп кетеді. Саяси өзгерістер мен ықпалды мемлекеттердің шешімімен Армения КСРО құрамына одақтық республика ретінде кіреді. Тек 1991 жылы ғана тәуелсіздігін алып, еркін қимылдай бастайды.

   Армения мұнай мен газдың игі­лі­гін көріп отырған жоқ. Тиі­сінше, қа­зынаға құйылатын қаржының көлемі де айтарлықтай емес. Бұл экономиканың тұрақсыздығына, халықтың жұмыссыздығына алып келді. Есесіне, радиотехника мен электротехника салалары жақсы дамыған. Армяндар ауыл шаруашылығы бағытында жеміс өсірудің жолын жақсы біледі. Табыстың бір бө­лігі де осы салалардан түседі.

   Ереван - Арменияның 12-ші астанасы. Елдің мәдени тынысын ашып тұрған қала. Сырттан келушілерді де өзіне баурап алатын тарихи шаһар. Мұнда жаз айларында шаруа қызады. Туристер үшін таптырмас мекен, ашық аспан астындағы кө­ңіл­ді кештер жиһанкездерді осында жи­найды. Таулы жер болғандықтан, жергілікті жұрт қысқы туризмнен тең­ге құрап отыр. Татев монастры, Норванк, Агарцин, Ахпат, Гегард, Грани храмы сынды басты байлық саналатын орындар алыстан келу­ші­лерді өзіне тартады. Туристер жиі табан тірейтін жердің бірі - Арарат тауы. Қазір бұл тау түріктердің қарамағында. Солай бола тұра армяндар бұл тау­ды өздерінікі сезінеді.

Бейсенбі, 28 Қыркүйек 2017 04:32

Жүзінен шуақ төгілген жан

| Автор: 

    Жанар Кибекбаева Қазалы ауданы, Әйтеке би кентінің тумасы. Кіш­кентайынан білімге құштар болған ол 1985 жылы Жаңақазалы поселкесіндегі В.М.Счастнов атындағы №16 орыс орта мектебінің (қазіргі №266 мектеп-лицей) табалдырығын аттап, мектепті орыс класы бойынша 1995 жылы бітірген. Орта білімді аяқтаған соң 1996 жылы Қорқыт ата атындағы Қызылорда мемлекеттік университетінің орыс филологиясы факультетіне түсіп, аталған оқу орнынан 2000 жылы қазақ мектептерінде орыс тілі мен әдебиеті пәнінің мұғалімі мамандығын игеріп шығады. Алғаш еңбек жолын 2000 жылы Қазалы ауданы, Майдакөл аулының №98 қазақ орта мектебінде орыс тілі мен әдебиеті пәнінің мұғалімі болып бастайды. Кейін 2006 жылы Қазалы қаласындағы №8 кәсіптік лицейіне (қазіргі Қазалы аграрлы- техникалық колледжі) орыс тілі және әдебиеті пәнінің оқытушысы қызметіне ауысты.

      Оқу процесінде оқытудың жаңа технологияларын әр кез пайдалана білген Жанар Өмірзаққызы түрлі байқаулардың жеңімпазы атанып, Құрмет грамоталары мен алғыс хаттардың иесі атанды. Облыстық "Үздік оқытушы-2008" байқауында жүлделі ІІ орынға ие болды. Жыл сайын ашық сабақтар өткізіп, студенттермен шығармашылық жұмыстарын өткізіп отырды.

    Жанардың тағы бір үлкен жетістігі - ТжКББ оқу орындарының "Тамақтандыруды ұйымдастыру", Пісіру ісі", "Автомобиль көлігіне қызмет көрсету, жөндеу және пайдалану", "Ғимараттар мен құрылымдарды салу және пайдалану", "Ветеринария" мамандықтарының студенттеріне арналған "Кәсіби орыс тілінен практикалық тапсырмалар жинағы" әдістемелік құралы "Өрлеу" БАҰО АҚ Қызылорда филиалы Ғылыми Кеңесінің 2016 жылғы 23 желтоқсандағы №5 шешімімен мақұлданып, облыстағы ТжКББ оқу орындарына таратуға ұсынылып, жарыққа шықты.

Сайт бойынша іздеу

Сауалнама

Күнтізбе

« Қазан 2017 »
Дс Сс Ср Бс Жм Сб Жк
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Серіктестер